與媽媽慶生台北吃喝之旅2018-03-30第一天Part 2(天晴)

星期五....終於黑色星期五無人一早提我！我望住日曆都無醒起...心理上無壓工作.…幾好~~~放左工又去食喜粵8號…唔算極度好食但價錢唔貴囉！飯後去左睇蟻俠2！勁好睇XDXD笑到我標眼水.…星期六…中午去左菩提園飲茶…菓子軒好可愛呀~~~不過有少少傷風呆呆的.....下午去某間公司諮詢d野~~不過我真係咩都唔識~~下次都係帶埋我媽去好d~~然後又番屋企排下相...排到膊頭都痛.............夜晚食左外賣~~星期日....中午終於試左巴黎人法式餐廳！set lunch都幾抵食..牛扒都好好味…跟住成個下午都係屋企執野.…好乖..…執番廿年前我珍而重之既麥叔叔食餐送既玩具.…依家睇番覺得靚過依家啲玩具多多聲XXD…之後去左食泰華欣.…星期一....早上無咩做...下午做突...想嘔.....個頭又開始有少少赤.....



2018/03/30
Day 1---Part 2(澳門 Macau->台灣,台北 Taiwan,Taipei)
抖左一陣再出去~先去台北車站~台北車站真係好大~~~好彩我唔係住係台北車站咋~~因為要去台北車站既微風廣場呢間泉發蜂蜜幫大比買少少野~呢間好多蜂蜜買....但我地黎係幫大比買..................濕粉~~(化妝品哥d呀~~)...係咪好搞笑~~~賣蜂蜜又有化妝品賣~




仲有間line store~不過好彩我對line係免疫的~




然後諗住行去搭捷運去中山站....點知行行下行到台北車站地下街時....見到佢有箭咀寫住直行去中山站!...而且行左一陣就到左中山地下街!!我唔知呀!!原來台北車街地下街可以行到去中山站架!?!?!?!?d捷運地下街真係唔係好岩我行~





行行下又真係行到誠品R79!!!!!咁真係由台北車站行到中山站喇~~~~~~咦~唔搭的士慳錢之餘..仲要慳埋捷運錢~




喂!有人好鐘意哥套Call Me By Your Name呀!本身係小說黎架~人地中文英文版都買齊呀~有人又叫我係度同大家推廣下呢套戲喎~




仲有間誠品音樂~有CD有黑膠~




有人係度買左隻台灣樂隊既黑膠~入住黑膠個環保袋好可愛~袋面有黑膠個圖案~




然後幫衰婆去新光三越買面膜~~~~個售貨員狂叫我試...我猛話唔使.....因為我皮膚好易敏感所以我知我自己一定唔會幫襯廢事浪費~但佢都照撕開一塊面膜俾我試.......佢一野攤上我隻手度.....咦.....娃依呢!!!!!!!!超可愛超細塊面膜!!!!!!咩玩法~~~~~~咁樣試面膜真係好得意~(呢個女仔隻手好靚~又滑~個個都想拖下~)




好喇~行去晚飯喇~途經某人的中學~等我感受一下你青蔥的歲月~




餐廳其實就係某人的中學對面~~~~呢間餐廳叫山肴鮨....地址：台北市大同區南京西路64巷16-3號.....中山站6號出口行過去好近~係食日式既Omakase~~~~~~最鐘意去台北食無菜單料理~因為真係好抵~又高質~





餐廳不大呀~所以麻煩一定要提早在Facebook訂位~~~~我地係第一批黎到既客人~





我係fb預約時餐廳已經一早問左我地係想食咩價位既無菜單料理同埋有咩唔食~價錢係NT$1,800/NT$2,800/NT$3,800(413.8hkd/643.7hkd/873.6hkd)....中午同晚餐同價....有d餐廳係中午平d夜晚貴d....所以既然中午同夜晚同價就梗係食夜晚啦~~~如果你想飲酒....佢會幫你係個餐入面配2-3種...但係如果係餐入面配酒既話食材哥方面就會相應價格下降~我唔想影響我食到既野~所以我訂位時已說酒會到時再單點~




酒餐牌~~~~勁靚~~~~~人手整架~~~~入面係手寫有介紹之餘仲要有埋d酒既招紙~整得好有心思~







有一杯我必試!!!就係用Chardonnay整既梅酒!!!!




好~先上青瓜同薑~青瓜勁勁勁好食!!!!!而且發現我一食哂佢就會添之後.....我猛吃.....吃了很多~~





為大家介紹帥帥的料理長阿杰師傅~~~~佢整緊野時個樣超級嚴肅~但同我地解釋食材時又超有笑容同埋溫柔~




我的Mon.Mume梅酒~產自秋田縣的~NT$380=87.4hkd(杯).....一杯的價格來說並不便宜呀!但...就是好飲呀~用上chardonnay釀既梅酒....感覺比平時梅酒清爽多了!!簡直就是西日的完美結合!!!!!!!




媽媽叫左熱既Sake~黑龍 九頭龍純米酒~50ml/瓶...NT$580=133.3hkd.....不錯喝~




好喇~開始~(講明以我普通話聽力盡力吸收食材係咩~~聽唔岩我唔負責架~~哈哈~~~~).....我地3個都係叫左NT$3,800=873.6hk呢set既~首先第1.上左唔知咩魚湯~幾好喝~幾開胃~(因為講太快我聽唔切XD)




2.北海道海膽+台灣白花椰菜+紫蘇.....好味~有紫蘇很清新~海膽很新鮮~






3.白鮑魚+南高梅醬.....有烤到3分熟的~~~~我第一次有食到白鮑魚呢~~很特別!




生生地既鮑魚都爽爽的~而且鮮味十足~~~好好味~估唔到配上南高梅醬都很配~





連個殼都係白色~




仲有!!我想講!!佢d豉油碟都超美的~~~隻隻都唔同~






看看認真的阿杰師傅為我地準備緊d咩~~





4.黑鮪魚壽司...係腹部位置.......唔~~~yummy~~~~~~




5.富山魚+烤日本海苔......個人認為富山魚比較淡味的魚...加左烤日本海苔實在太搶魚既味~




之後我見佢上左壽司俾我媽媽~然後我同阿杰師傅講：你放壽司的時候可否慢慢的酷酷帥帥的?XXD....他回我：好的~




好的~給你合格~~帥帥的~




6.金目鯛壽司.....一級棒!!





7.花蓮花枝壽司.......刀功很好~把花枝口感推上更高層次~(我其實識個屁~~~)





食食下見到....3個男人圍埋一齊好認真咁搞緊唔知咩~~個畫面好搞笑~~~~




8.台東花蓮櫻花蝦...原來3個聚精匯神整緊呢個~~好靚~~~好味~~~





9.花蓮章魚(左)+富山烏賊(右)....富山烏賊很不錯~~~章魚個味我麻麻地~(意思係入左佢味哥個汁)






10.黑鮪魚壽司(背部).....一樣的出色~~





11.北海道北寄貝壽司.....鮮!





12.日本象拔蚌壽司.....都係鮮~正~




13.今次換成熟象拔蚌~但個汁太濃味~




食食下見到.....華!!!佢地唔係用火槍黎做灸燒架!!係用碳!!!!很有型~~~~~~~(不過呢份壽司唔係我地既~)





14.日本既最中餅包鮟鱇魚肝.....呢個我係金坂都有食過~我覺得金坂哥個比較出色~





15.紅喉壽司....有燒過~魚油更出~很好吃~




16.呢個我真係很驚喜!!!!宜蘭角蝦壽司.....上網睇角蝦即係Scampi!!!!!!!自從係澳洲食過scampi刺身之後就超鐘意!!!!!估唔到台灣海域都有scampi!!!!超新鮮超鮮甜超好味!!!我覺得都幾大隻~






17.烤唔知咩魚鮫~幾好味~




18.北海道松葉蟹腳....上面仲要鋪滿蟹膏~~很邪惡!!但我鐘意~啖~啖~肉~~~~~~~





呀~~~唔通~~有我最想食哥樣~~~~多d啦多d啦~~~~~




19.北海道海膽壽司......整好直接放上你手~~好~~~好~~~味呀~~~~~~~~~~




20.鯖魚壽司......好味~





21.唔記得同咩一齊整既蛋....我以為要完....因為咪通常d omakase最後咪有舊蛋你吃既?(雖然呢舊同平時哥d有d唔同)





21.然後又突然地出多個炸蠔~係好食~




23.見到呢舊蛋喎!應該真係完啦~~~~~~




24.麵豉湯......極熱極咸!!!!!!!!!!!!!!!!!!!!我寧願係哥d蛤蜊清湯~




25.仲有飲料部份~~~~有茶同咖啡揀~~~~咖啡仲要係現煮的!!!幾香~不錯~





咖啡是媽媽的~我同毛寶都係叫綠茶~




26.甜品......好味呀~~個檸檬沙冰酸酸的refresh~好喇~叫多一set食先(誤)




我請我娘親食呢餐飯做生日飯~計埋野飲NT$13,596=3,125.5hkd.....每人1,041.8hkd......個價錢其實幾抵架!!!係澳門呢個價一定食唔到咁正!!海鮮全部都好新鮮~~~但...如果真係要搵缺點...我就會話佢比較少熟食料理~太多生野~同埋海鮮食太多會有點漏~食完呢set....我係飽到唔識行~




附上卡片俾大家參考參考一下下~





我地就搭捷運番酒店啦~(好咪好少可我會搭捷運~~因為真係太飽~~~當行下~)....等緊沖涼時又做下運動~~~到底我有幾愛呢個人我先會幫佢買廿執面膜番澳門????睇下我買左幾多魷魚~~~十八銅人好彩係其他屈臣氏補到貨~




呢隻就衰婆鐘意食魷魚絲既~




我就勁欣賞呢個碳烤片裝的!




呢種係花枝片~~~幾特別~出面未見過~我買番公司都係呢種~








世界盃終於曲終人散.....

今屆我係無睇過完整既一場賽事......

好似無咩興趣咁....

回想起上兩屆....我仲同緊爸爸睇緊16強賽事..

到決賽佢已經睇唔到...

淨下我自己食薯片睇決賽....

當年決賽係荷蘭對西班牙.......最後西班牙嬴左

波果然係圓...呢兩隊今年決賽都無影@@
(上屆世界盃我愛上ozil bb...今屆都未到我已經唔再愛佢)

supper首橙海出左國語版..
er...唔...呀......
聽完只想講.....
d詞唔係好岩音囉..有d老土囉...同埋仕燊d普通話音有點怪怪的囉................
查實佢地唔使為左開拓內地市場同埋台灣市場而去夾硬整首普通話版出黎...
因為佢會鐘意你唔會因為你講咩言語....
咁港澳人大把人鐘意聽韓文歌同日文歌啦!
唔通個都識日韓文咩.....
反而有可能佢地因為鐘意聽其他語言既歌鐘意到學外語啦....
不如好好推廣廣東話文化.....
希望你地唔好為左迎合普通話市場....
而去作你地唔擅長既普通話歌......
否則效果只會得個怪字...
我咁鐘意你地...但我"不要死在崇拜裏"囉
我會講老實話...
橙海普通話版...真係不堪入耳..........................
老土到震.....



2018/07/16的開心事：
呢頭講完supper壞話~
哥頭又要講番......
我終於等到喇!!!!!supper演唱會加場呀!!!!!!!!!!!!!!!!
11月3日!!!!!過幾日公開發售喇!!!!!!!!!
你地要保佑我買到呀!!!!!!!
今次真係have you have me架!!!!!!
我一定要睇到呀!!!!!!!!!!!!!!!!!!!!!!!!!!!!!



報時：距離與毛寶慶生泰國食揼嘆之旅2018仲有---73日~
報時：距離天團蘇格蘭高地之旅2018仲有---89日~
報時：距離鳥取自駕遊之旅2018仲有---137日~~~~~