與媽媽慶生台北吃喝之旅2018-04-01第三天Part 1(天晴)

星期二....今朝臨出門口無啦啦落超大雨!!番到公司成條褲濕哂~呢日都幾多野做~放左工去攞一舊體積超大既淘寶....搬完我覺得呢個世界無野可以難到我了!搬完當自己做左運動…呢日無跑步XXD...星期三...今日番工還好…除了番工食左塊有點酸的豬扒做早餐…放工去左跑步…3.47km…星期四…我媽問我今日跑唔跑步…我話我唔跑…媽媽話唔使補番星期二無跑架?….我:無架喇XXD過左就無架喇無得補XXD….補左你地邊有blog睇呀XXD…我幾好呀可~~~~上個禮拜我心情低落…今個星期已回復晴天!點解呀...你睇落d咪知囉~~~~~~



2018/04/01
Day 3---Part 1(台灣,台北 Taiwan,Taipei)
一起身既中午飯~就到左我期待已久的~~呢間餐廳叫樂埔町....地址：台北市大安區杭州南路二段67號....搭捷運到古亭站6號出口....大約行6分鐘就到~我一定係痴左線~今次搭咁多捷運~早左15分鐘到達~仲未開門~~~~





營業時間~訂位我係佢地個fb度線上訂的~




企係門口時無野做望下佢地餐牌~其實網上都有得睇佢地個餐牌的~夜晚好像有講明唔招待12歲以下小孩~




開喇開喇~一入去就見到呢隻吸睛鹿~靚~




經過個庭園就正式進入餐廳~靚!古色古香!







一入餐廳內部走廊位!!勁靚呀大佬!!!!!!!!!我真心覺得自己似去左日本!!!!呢個樂埔町係以前日治時期既日式宿舍建築....係之後再將佢翻新成為依家好似博物館咁既餐廳...靚!





呢張係我地訂既哥張枱~(記得真係想食就要訂..因為真係爆哂~而且食一餐都幾耐下~翻唔到枱的~)




雖然空間唔算大~但係我覺得都坐得幾舒服~同隔離枱都有一定既空間~




餐具~餐牌~仲有一本介紹呢度既書~




我醒呀!我訂枱時已經講明我想靠窗坐呀~而佢地都有幫我地盡量安排.....坐係靠窗位係超!!!!!正的!





就係對住呢個日式庭園景食!正不?!





咁欣賞左一陣庭園景我地就研究下餐牌啦~餐牌既右邊已set好左架喇~要揀既只有主菜~根據你揀d咩主菜而決定你個餐既價錢~




點左餐之後再放適合你主菜既餐具~挺講究~




等緊上菜期間就睇下呢本介紹呢個建築物既書啦~侍應話俾我地知呢本書係人手造的~勁靚!




可以睇下佢既介紹...以及佢修復前個樣~







老夫人也看得津津有味~





3個人傳閱完剛好上菜了~~~~涼蝦生沙拉(季節沙拉 小黃瓜 鮮蝦 蒔蘿油)





佢隻係生既胭脂蝦~~~勁鮮味~~~除左蒔蘿油..仲有少少檸檬汁....菜新鮮~這個沙律開胃到不得了~




法式鴨肉醬佐裸麥麵包(鴨肉醬 裸麥麵包 榛果 葡萄乾)





係油封鴨腿鴨肉醬~配上烤得熱熱香香的裸麥麵包~襯!




絲瓜蛤蜊泡泡湯(絲瓜湯 蛤蜊泡泡).....絲瓜用奶油炒香....配上蛤蜊泡泡~初頭以為會好creamy....但飲落幾重絲瓜味....蛤蜊不會食到..因為像份子料理化成泡泡狀....湯估不到的勁夠熱!而且不是用湯匙飲~佢叫我地好似飲咖啡咁飲就好了~





主菜部份我選了開胃香料烤豬肋(豬肋排 杏桃泥 辣椒 香菜子油)....NT$1,180=271.3hkd(記得係套餐價..唔係淨係個主菜價).........睇佢個樣以為好鞋~點知剛好!d香料味幾夾幾惹味....而配上杏桃醬又變番清新!正!!!!佢旁邊d菇都好正!





頭先本介紹書入面除左介紹建築物之外仲有介紹食材~




呢個老夫人點既...佢餐牌有個牛小排....老夫人本身想點...跟住侍應妹妹推介餐牌無既台灣溫體牛菲力....NT$1,880=432.2hkd....係幾貴!但真係牛味跟生熟度都是100分!!!勁好食!!!!!







毛寶叫左鮮烤時令海魚...時價NT$1,480起.......當日既海魚係長尾鳥...係鯛魚既一種......呢日既海魚係NT$1,580=363.2hkd.........睇下佢d肉既紋!!超靚!!碟野係視覺味道都100分!!!!





我地各自點左3個唔同既主菜......通常都一至兩個好食已經要還神.....少可3個主菜都係100分!!!出色!!!!!!





食完主菜就送上...咦~咩黎架~成個包袱咁既~(扮唔知係咩其實一早知~~~XXD)




我地逐步為你揭開少女神秘面紗~







此為日光土鍋飯!仲要用d得獎既米整!






土鍋係日本銀峯菊花炊飯鍋...加熱速度快且穩定~仲要保留食材原味不流失~一流既土鍋加冠軍既米~係飯入面仲加入冬菇同埋筍....超香!!!!!!!!!!!!!!!!!!超好吃!





餐後既午宴飲料可選烘豆咖啡/養生牛蒡茶/金獎蜜香紅茶......我~就梗係嘆杯啡啦~.......難得有靚景~我地3個都叫熱啡~不錯~幾香~





最後仲有甜品.....清新檸檬塔配上香蕉雪糕~檸檬撻餅底做得超好~我平時好怕食餅底得個厚字~呢個唔怕漏厚度又適中~好好味~






甜品係有兩個!餐牌寫係榛果奶油瑪德蓮......但瑪德蓮唔係貝殼形哥d咩?呢個仲要係雜莓味喎~哈哈~





說真的....真的飽到上心口!食飽飽去埋廁所.....本身諗住走~點知原來可以叫佢開玻璃門俾我地出去望下個日式庭園架!!!!




同埋隔離既大廈新舊對照~相映成趣~





個女仔咁靚既?!...可以隨便參觀~但不可踏上石仔~








呢度係之前入餐廳前必經既走廊...由於呢度係以前既日式宿舍~所以有風呂是必需的~(係右邊)...佢地都有保留到~依家係放展示既商品~






小孩在拍什麼那麼專注?





風呂既另一邊仲有放好多唔同顏色既圍巾....d色好靚....有一隻仲要勁柔軟舒服!!!!!係真係勁舒服!!!!索價2,800hkd!!!!!!嚇到我彈開....但老夫人入手一條...............................老夫人對喜歡的東西總是不遺餘力的...我真的要好好學習!(其實我做唔到咁瀟灑)





另外一邊仲有其他食品商品展示~仲有頭先食既冠軍池上米....老夫人連米都入埋手..............................(咪即係要我拎囉)








好~參觀完埋單喇~呢餐食左NT$5,104=1.173.3hkd...每人391.1hkd......將近400hkd一個人.....係台灣黎講算係幾貴...我覺得...午餐喎......但呢餐係我黎台灣暫時最享受既一餐...係我呢次揀咁多間新餐廳試既最滿意既一間!!!因為我好鐘意呢棟建築物~本身已經好值得參觀....竟然仲融合埋餐廳!!!!仲要竟然咁好食!!!!超驚艷!!!!有靚環境食物質素又好!!!!而且服務也一流!!!!!!所以我真心好鐘意呢間餐廳!!!呢個價錢我覺得好值!!!!!!(各人價值不同啦~)....我好耐無食過一間咁滿意既餐廳!可惜在台灣.....不是澳門....我不能常吃~不過提番大家.....呢餐飯...我地食左兩個半鐘...................因為我地係台北無咩野做所以食個中午用左兩個半鐘覺得還好啦~幾好呀~全餐飯都係視覺味覺的享受~




老夫人很滿意!要同餐廳合照留念~




佢地個廚房呀~望入去廚師好像是外國人~




我地再留一陣影下臨入餐廳既花園啦~我知點解我咁鐘意呢隻鹿喇...因為見到佢...我只想大聲說：疾疾!護法現身!!!!!!





好靚~毛寶好少可一餐飯影咁多相架!你地見唔見前面每一道我講過既野食佢都有相加入?佢超欣賞呢餐~






拜~我下次再黎~呢間我一定會再食~~已入口袋名單~好鐘意係周圍既新建築物之中有座舊建築物突出~









我執屋搵番以前d YES!出黎~~~
公子們都異常興奮~~~~
睇黎大家都好鐘意睇YES!呀...
呢幾日我都當佢係新雜誌咁睇
最估唔到既就係......
我噚日同某blog友既老婆私聊中時....
(我唔講我唔講我唔講係邊個~~~~~~~~)
(係...我吹水吹到blog友既老婆都唔放過...)
佢話想接收我想唔要既YES!!!!!!!
同埋佢係話會俾一個我意想不到既人~~~~~~~~~~~~~
唔知點解我自HIGH中~~~~~~~
覺得我d YES!好威威狗!
哈哈~我會keep番兩本梁詠琪封面既~~做個紀念~



剛剛我係房聽到我媽大叫....
媽媽：我一定做到既!!!!俾心機!!!!!難唔到我既!!!
此時的我確實有少少感動!
覺得媽媽係母親界既典範呀!
教導小孩做任何事都唔好放棄...
只要努力同堅持!!一定會得既!
正當我想行出去想拍一拍佢膊頭叫加油時...
媽媽：第四關太難過喇!!!我去煮完飯實過到你!!!!
呢件事教識我....
凡事俾多d耐性去聽耐少少......
你先會知道故事的完整性.........(誤)
妖~~~~~~~~~~~~~~~~
原來佢講緊佢玩開既TsumTsum過唔到關呀~~~~~~



2018/07/26的開心事：
係囉係囉~
我呢個禮拜既心情同今日戶外既天氣一樣~
咁陽光普照~~~~~~~~~~~~~~~~~
點解既點解既點鮮既~~~~
因為我搵到有人讓supper張紅館飛俾我睇喇!!!!!!!!!!
好開心呀~~~~~~~
家陣又變番have you have me喇~~~~~
我去完蘇格蘭番黎就有得睇supper紅館第一次演唱會呀!!!
好開心呀~~~~~~~~~~~~~~~~~~
I <3 Supper~~~~~~~~~~~~~~~~~~~~



報時：距離Supper Moment[Dal Segno]專輯巡迴台北站2018仲有---28日~
報時：距離與毛寶慶生泰國食揼嘆之旅2018仲有---63日~
報時：距離天團蘇格蘭高地之旅2018仲有---79日~
報時：距離鳥取自駕遊之旅2018仲有---127日~
我知.....我專登跑去台北睇仕燊是有點任性的~
是有點瘋瘋的~
偶像也可能忘了我的~
但....我就是開心呀~
我就是喜歡Supper呀~
笑我任性與瘋瘋的..
你大慨沒有喜歡上一個偶像~
帶給你的愉快是其他野無可比擬的~