與媽媽慶生台北吃喝之旅2018-03-31第二天Part 1(天晴)

星期二....好熱呀...可能因為打風...放左工都有去跑步...3.56km....但好焗....超辛苦....唉....個心情好忐忑不安呀.......supper就黎開賣喇......又唔知買唔買到飛.....嗚嗚.....星期三......我好傷心.....supper個紅館演唱會....我完全買唔到飛.....上網上左4個鐘.....打左超過250次電話.....都係無.....有人能體會我的傷痛嗎?....星期三....我今日個心情同個天色一樣....灰色架...............點解....3場演唱會先得6000張飛放出黎賣咁少架~~~~~~(最衰係我1號2號未番到香港.....淨係可以搶3號)......依家成個畫面都係失戀故事....我周末要放縱一下黎平伏心情....



2018/03/31
Day 2---Part 1(台灣,台北 Taiwan,Taipei)
呢日我地一起身就係食中午飯~其實都好早咋~11點幾.....我地呢日首先搭捷運去到芝山站~再轉的士去到我地既目的地~不過我訂哥間餐廳仲未開~所以就係附近行個圈先啦~呢度係天母區~~衰婆話呢區係豪宅區...好多外國人係度住~行係呢條街我都覺得自己好似去左外國咁~




然後行過間地產鋪....咪望下呢區d樓幾錢囉~NT$88,800,000=20,413,793hkd!!!!!!我走先喇!!!!!!我地睇緊哥時有個代理走出黎問有咩幫到我地...我地話我地係遊客黎架咋~點知佢都話無所謂俾埋卡片俾我地~仲講解左一陣附近d樓俾我地聽~俾著澳門哥d一聽到無幫襯仲唔即刻彈走咩.....呢個我俾讚~




睇完地產鋪仲係有少少時間~坐係街邊上陣網~




好喇~餐廳開門我地就行過去啦~~今日我揀左食IL Mercato Italian Restaurant義瑪卡多義大利餐廳....地址：台北市士林區忠誠路二段164號......餐廳網站有線上預約系統~我係坐捷運到芝山站...然後再轉的士黎....因為係芝山站行過黎好像要30分鐘~




臨入去時見到附近有托兒所用呢架車推d小朋友周圍去!好可愛!




餐廳內部..仲有野賣.....而且有個開放式廚房~






呢度有兩層....二樓上去廁所時望到都幾大!但我係線上訂位時要求左希望能夠坐到地下層玻璃窗位!!!好彩最後幫我安排到~~~因為呢個景絕對係重點!我講過好多次...我好鐘意坐係室內.......然後有種係歐洲街頭既感覺..(但又唔使熱)....呢度完全符合!






看看餐牌...中午有套餐呢!但.....內容不太吸引我~




好啦~咁咪單點囉~見d價錢都唔係太嚇人je~而且都有幾多選擇下~





侍應問我地想飲咩先~我地話想要杯熱水先....然後佢話佢地無熱水提供...只可order一支礦泉水然後幫我翻熱佢俾我地.......wow~一支1L礦泉水NT$90=20.7hkd....好彩唔貴~




然後有侍酒師出黎推介下今日有咩靚酒~兩支都係汽酒~咁我同我娘一人一杯唔同既試下~我咁少女梗係要右邊哥支粉紅色啦~




圖中右邊哥杯就係我頭先叫既Bellavista Vemdemmia Rose 2013....NT$440=101.1hkd(杯)......左邊就係我媽媽叫既Cuvee Indidena Prosecco 16...NT$205=47.1hkd.....個價都差一倍!可能因為粉紅色哥支係Rose卦~但我地一致認同唔少女哥杯好飲d~(哈哈~)




先上麵包~麵包不錯~




意大利餐麵包都係配橄欖油~佢地係用下圖呢種...有d辣辣地既味架~幾得意~





精選義大利起士盤(素)...NT$380=87.4hkd......呢個價係澳門好難有~個麵包好好味!隔離d係自製果醬!!有西芹..橙..同埋焦糖洋蔥~都不錯~芝士有5款~款款都出色!我地真係好鐘意食芝士~






蘑菇生牛肉薄片...NT$380=87.4hkd.....配埋d食用花好賞心悅目~~吃落不錯~





不錯的starter~合個照先~




精選菌菇濃湯....NT280=64.4hkd.....唔...如果你一個人飲...我諗飲完就會瓦解....我地3個人飲一個..都覺得係負累...好漏~而且微暖~




黛妃龍蝦細麵....NT520=119.5hkd......餐牌寫話係戴安娜王妃最喜愛的料理......但不是我喜歡的料理...個口味我麻麻~麵質是挺不錯....龍蝦是3小舊~但以個價錢...龍蝦量無得挑剔~




鹽封烤牛排16oz(1-2人共享)...NT$1,720=395.4hkd.....一出黎好搞笑呀~~~~舊牛藏係綠色哥塊野度~





侍應再係席前開個綠色荷包~







望落幾唔錯~




沙律勁好食!加上黑醋我最愛~




薯蓉都好香(牛油味)好滑~




牛扒配上紅酒醬汁





送黎既時候侍應已經預告佢地既牛係比較淡味哥種.....生熟度不錯...一入口.....er..唔係淡味....我直頭係食唔到有味........................................................如果合埋眼食..你大慨知自己食緊肉....但我諗你估唔到食緊咩肉.....




食食下電話彈出呢個畫面....加埋外面有超大聲既警告聲效......嚇到我賴屎!!!!!!!!火山爆發呀!!!!!!......定眼再望......我完全睇唔到一開頭既"演習測試"....我係由七星山火山開始睇......個鬼妹侍應都問我發生咩事~




定一定驚.....叫番杯啡飲下先~我叫左杯凍筋勞毛寶叫左杯熱既...各NT$90=20.7hkd....以20hkd黎講係出色!...媽媽叫左杯expresso.....NT$90=20.7hkd




炙燒焦糖蛋糕...NT$260=59.8hkd...焦糖蛋糕質感好得意~個雪糕係花生味雪糕~視覺與味覺也不錯~





柑橘樂園...NT$260=59.8hkd.....檸檬蛋糕佐檸檬雪葩.....味道清新但不驚喜~




呢餐食左NT$5,286=1,215.2hkd......每人405.1hkd.....查實意大利餐我又覺得唔貴既...我地又飲埋酒...但可惜呢餐佢最好味係前菜同埋一個甜品.....失望~




呢間餐廳旁邊係佢自己同餐廳既Cafe~我估齋去Cafe可能好d~




其實呢日無安排要做d咩架......諗住見到咩行咩架咋~食飯哥時上網睇到有度叫迪化街~於是伸手截的士跳上車~(因為見迪化街同任何捷運站都唔近~廢事煩~)







好似話呢區以前係叫做大稻埕~係呢條街...係會令人你有走入時光隧道既感覺!!





舊區活化~但建築物既外貌保存~我鐘意呀~而且呢度有好多可愛小店~呢間我幾鐘意~





佢d野設計得幾北歐風的~之前係誠品有買過~原來大稻埕呢度有專門店~佢有一個係大稻埕系到....店員有向我地解釋呢個系列~呢個系列d袋既花紋係大稻埋d建築物既外牆痕黎架~~~幾有趣~





呢間d野都幾靚~原來仲有手作班上~係松山文創園區~







另一間門口好吸睛~好多刺繡既線賣~超多色~




仲有好多舊信箱~~~





呢度好有趣呀~~~頭段行既時候超多海味鋪藥材鋪~新年呢度一定好多人黎辦年貨喇~







呢間外牆看得出歷史~











supper紅館演唱會海報有一句係：
This is a miracle moment, have you have me
最弊依家係......have you but without me呢..........
好!傷!心!!!!!!!!!!!!!!!!!!!!!!!!!!!!!!!!!!!!!!!!!!!!!!
城市電腦售價網廢架!!!!!!!



2018/07/19的開心事：
諗好聽晚有咩做~(但我內心因睇唔到sunny還是很不開心)



報時：距離與毛寶慶生泰國食揼嘆之旅2018仲有---70日~
報時：距離天團蘇格蘭高地之旅2018仲有---86日~
報時：距離鳥取自駕遊之旅2018仲有---134日~