與媽媽慶生台北吃喝之旅2018-03-31第二天Part 2(天晴)

星期五.....心還是在滴血的上班....sunny呀!!!!!!!..讓心情沉澱左兩日....結果仲係好心up XXD......但係我都要過生活架~所以我放左工就去左食經典意大利餐~~然後再去睇巨石強森(個名好好聽XXD)既高凶浩劫(Skyscraper)....但套戲膠膠地.…我真係唔知到底巨石強森勁啲…定謝天華勁啲XXD…都係打和啦super!!!!XXD......(咦...我明明話心情唔好架點解我會講笑既XD)....星期六...中午食左間新開既泰國餐....食完佢個冬蔭功超口渴的.....由於我呢幾日心情太差....我又不小心買了機票(想知睇落d咪知囉)......下午就係度睇要搵咩酒店呀...寫寫Blog呀咁囉...(有d心虛).....然後晚上去左衰婆屋企食生蠔...同埋睇黑豹~(無我想像中好睇)....星期日....早早起床~....去左食Terra~係~又食~但今次去食佢寰宇天下附近哥間~~有all day breakfast食~~~正~兩間各有優點~~~下午又係屋企執下野啦~~~~~~又執到好多搞笑野出黎~~夜晚去左毛寶家痴餐~~星期一.....下雨天.....一陣一陣雨....同埋突然又掛起一號風球.....做野既時候星期一係比較納悶~



2018/03/31
Day 2---Part 2(台灣,台北 Taiwan,Taipei)
呢條迪化街一段超............長!行極都有~




越後越多舊招牌..超靚!!!!好值得睇!




佢仲有d鋪呢特登俾你行埋入內鋪....俾你參觀下d舊建築物





影相一流!





有d仲要做展覽!





越行越後....後面有好幾間鋪全間賣竹既製品!盞燈超靚!毛寶好欣賞!




係賣竹製品既地方養貓~唔怕佢磨爪咩XXD~~~~呢隻麻喵d虎紋超靚~





另外兩間都好琳琅滿目~~好好望~





毛寶本身係度睇中左條褲~但可惜太貴~





生到成層樓都係~好靚~





我地係度搭的士番酒店抖左陣~夜晚再出去食晚飯~夜晚我揀左食京東燒肉專門店...地址：台北市中山區松江路90巷3之1號....同捷運站好近....係松江南京站3號出口行3分鐘就到~店不大~記得線上訂位!





坐低侍應弟弟放低兩個餐牌~紅色那個是套餐餐牌....黑色是單點的~




套餐餐牌.......我係線上訂位時已經訂左一個最觸目既一頭牛套餐!!!NT$1,480=340.2hkd....一人份的~




訂左個一人份既餐梗唔夠啦~另外再單點野食~




華~仲係用炭火燒烤架~~正呀~~夠哂香~~~~




媽媽單點左Asahi黑啤酒...NT$90=20.7hkd~




一頭牛套餐有包一杯飲料..我叫左限定既蜂蜜檸檬~幾唔錯~




講咁耐一頭牛套餐到底係咩?就係佢喇!!!係咁幾有氣勢呀~~~~佢入面有1.牛舌..2.和牛肩小排..3.牛小排..4.和牛沙朗..5.和牛後腰翼板..6.板腱頭肉..7.菲力..8.和牛橫隔膜..9.薄切胸複肉..10.和牛後腹肉.....一共10個部位俾你試!!!!!





而且每個部位都係細心咁有埋紙仔插係度俾你睇~




個餐仲包韓式泡菜..包肉生菜..綜合青菜...仲有一碗白飯!




另外我地再單點左胡麻豆腐沙拉...NT$150=34.5hkd




鮭魚飯團...NT$50=11.5hkd....上枱後佢會再幫你烤烤~




蛤蜊湯(碗)...NT$80=18.4hkd...幾大碗~幾鮮味~




透抽...NT$400=92hkd.....呢個佢問我地幫我地係入面廚房烤埋好無....我梗係話好啦....又使我做就得~~烤得剛好~好味~




重點係佢會問你使唔使幫手烤....我梗係話咩呀：好呀好呀!!....人地專業既~烤得一定比我好食~一頭牛入面所有部位都好!好!食!!!!!!!




霜降松板....NT$200=46hkd.....好味~




法羊小排....NT$130=29.9hkd...我媽想食羊...但呢個真的一般..無咩羊味~




草蝦(4隻)....NT$260=59.8hkd.....北海道干貝...NT$300=69hkd....兩樣都烤得好食~正~






排得靚到~




日本山藥....NT$100=23hkd.......我第一次食烤山藥......出乎意料地爽!黏!好好吃!!!!!!!!!而且烤完後的山藥好像旺旺雪餅~







再加點肋眼牛排(10oz).....NT$800=183.9hkd.....佢問我地想幾成熟...我地話：我們相信你的專業~其實幾成熟最好吃?.....侍應弟弟答：7成!........我：相信你~








我都非常欣賞佢真係烤到7成熟...澳門好多地方你叫幾多成熟...佢一係過熟一係過生俾你..真係好好玩........但我覺得呢舊肋眼牛排的味道討不到我歡心~




最後來一個甜品烤麻糬作結~NT$100=23hkd




呢個烤麻糬可以用變態同虐心黎形容....因為佢麻糬圍成一圈....然後不停將個網轉圈...不停反麻糬......長達10多分鐘!!!!哥種心機真係.......我一定無咁好耐性!我問侍應弟弟：你累嘛?.....侍應弟弟：有...點點喇~......我：你會很討厭別人點這一道嗎?.......侍應弟弟：也...不會~還好喇~........台灣人就是這樣客氣~~哈哈~~~其實等如問我....如果咁多人攞籌做申請你會唔會嘆氣一樣.......(廢話...梗係會啦~~~~~~~~~)





極!度!好!食!!!!!!!!!!!!!!!!!!!!加埋煉奶是人間極品!!!!!呢個甜品賣$23hkd簡直係佛心價!!!手工都不止!!真心好吃!





呢餐食左NT$4,554=1046.9hkd...每人349hkd.....不算太貴...烤肉的正常價.....一頭牛...日式山藥....同埋麻糬真係好好味~其他還好~




食飽飽出黎見到悠悠閒的你~




坐捷運番西門町哥頭~(係呀又坐捷運呀~因為餐廳同捷運站太近~).......行過見到隻大狗!大到!




又行番去西門町因為接左我表哥聖旨要買海邊走走俾佢地食~不過無哂禮盒裝得番筒裝佢地都照殺~我自己就麻麻地呢隻....因為我覺得佢好厚好硬..........我鐘意澳門哥d又脆又薄哥d...真係百貨對百客~呢間唔係專門店黎既...係一個銷售點~地址：台北市萬華區武昌街二段77號(就在誠品武昌店地面層)









2018/07/23的開心事：
heheheeheheh~今日凱公子幫我....
好開心呀~~~唔講住喇~~~
我驚小器呀~
到手先再講~~~~~~
我又開心番~~~~~~

(凱公子~多謝你~啾咪~)
**********************************************
今日毛寶大姊仲煮左飯仔俾我中午食~~
好好味~~



報時：距離Supper Moment[Dal Segno]專輯巡迴台北站2018仲有---31日~
報時：距離與毛寶慶生泰國食揼嘆之旅2018仲有---66日~
報時：距離天團蘇格蘭高地之旅2018仲有---82日~
報時：距離鳥取自駕遊之旅2018仲有---130日~
係呀!我寫緊台北blog又plan緊台北呀!
仲要係為左supper!!..
你知唔知我買唔到紅館飛有幾唔開心?
所以呢個周末我用[Dal Segno]台北站黎麻醉我自己!!!
依家心情都係好番少少咋.....嗚嗚嗚...
(唔係...其實好開心..因為我又搵緊有咩好野食)
其實都幾浪費錢....但我真係好掛住supper(潛台詞是sunny)
hheehehehe...仲有一個月又見到仕燊~
送咩生日禮物俾佢好呢~~~~~~~~~~~~~~~~~~~
有咩好提議?