與媽媽慶生台北吃喝之旅2018-03-30第一天Part 1(天晴)

星期二...噚晚我捱眼訓等到12點終於買左今年最後一個旅行既機票喇!(應該係最後既)...落少少講!放工去跑跑..跑左3.55km...跑跑下哥時我衝過一堆蚊滋..仲要跑到超近哥時先見到..只夠時間合上雙眼衝過...衝過後我發現我塊面太多汗..成堆蚊滋痴係我塊面度...我跑完整理好(整理好意思是清理好面上的蚊屍)先行番回家..番到屋企樓下有人俾傳單我我好有型咁拒絕..回家照鏡才看到...仲有一隻蚊屍在我面.....成粒墨屎咁.......星期三...無咩事發生...放工又去跑跑3.65km...終於跑今年第30跑!可喜可賀!.....星期四.....突然的風平浪靜~.....好開心呀~~~又到左星期五喇~~~~又一堆節目~~~~



2018/03/30
Day 1---Part 1(澳門 Macau->台灣,台北 Taiwan,Taipei)
台北團!!!出發~~~~~~呢個係我今年第一個旅行~呢個旅行查實一日假都無請過~~~因為係復活節假期~~一早book左電召的士黎臭我地3個去機場~~因為出發時間太早~天都未光就出門口~~~黎到機場drop off埋行李...入埋禁區...天都仲係未光~哈哈~hi~3位團友~記得去台灣前~持特區護照港澳出生人士要先上台北入出國事務組網頁做左入台證先呀~




咁早去食個Lounge早餐先啦~早有早既好~因為呢日係復活節實多人架啦~咁早咪少d人唔使爭枱坐囉~.....早餐真係無咩好食~~~都係食碗魚蛋米啦~講講今次匯率先...因為有朋友去完台灣唔再去換哂d台幣俾我~所以朋友價匯率係4.35.....即NT$4.35=1hkd~好抵~~~




我地呢日係搭澳門航空NX602號班機係08:00...由澳門~直飛去台北~~~~~~~~你無睇錯~~~係早上8點機呀~所以我呢頭先係5點幾出門口架係屋企~~~~~~一上機...就撞到我小學同學呀~~~~~我今次終於坐到我小學同學做空姐哥班機~~~~~~~~佢係我唯一做空姐既小學同學~~~好羨慕你呀~~我細個既夢想就係做空姐~~~~~可惜佢好忙呀~無得同佢影番張靚相~




舊年毛寶生日領教過澳航個台北飛機餐...勁!!!度!!!難!!!食!!!!!!!!!!.....所以我頭先咪食左咁大碗魚蛋粉囉~呢個餐我阿媽架~~~我同毛寶都無要~~~費事浪費~~~不過呢個望樣就好過舊年哥個既~(有無人可以話到俾我知點解澳航日本線同台灣線個飛機餐差咁遠既?)




心曠神怡的雲照~澳航台灣無播戲睇~都係既...個幾鐘機....播得黎都睇唔到個結局就無癮啦~




其實去台灣就最好架喇~個幾鐘就到~輕鬆又自在~咦~睇黎天氣唔錯喎~




09:32我地就到左台北喇~才...早上10點唔夠~點解要揀呢班機黎....因為.........呢班機最平囉..........




一老一嫩~呢幾日要乖乖~




我覺得臨過關呢個位好靚~因為好多自然光透入個人好精神~好彩今次可能班機早呀~所以唔算太多人過關~好快過埋關到等埋行李出啦~(反而行李等得耐~)




一出禁區我地就轉右行...去買電話卡呀!!!我第一次去台灣買電話卡咋!!!次次都無買!第一可能係我每次黎到已經好夜~d counter收哂~紅色箭咀哥度入去~





有幾間電訊公司係度...我地求其揀左台灣大哥大~每人買左個B Plan~NT$300=69hkd....有5日任上網+$50通話費




我地咁懶~梗係搭的士出市區啦~~~~~~~華~又幾好天喎~




由機場搭到出去西門町係NT$1,145=263.2hkd...除番3個人我覺得個價就ok既~每人87.7hkd~其實兩個人呢個價我也是ok的.................(誤)........好喇~去到酒店~我地訂酒店時要求左early check in的~不過你要求人家也不一定俾到你~所以下午才有房~我地放低行李~出發~



第一站咁早黎到...梗係嘆嘆啡先~我本身訂左兩點先去食既...因為怕攞得房黎又要搭車去搵.....點知班機早左少少到又無房攞之外打去問可否早d佢又ok~咁咪早d去食野囉~首先搭捷運去到松江南京站8號出口....(係..我地搭捷運~因為見有時間咪同大家慢慢行下囉~)....但我事前無睇google地圖呀~都係係maps me個app度搵定~去到先開黎跟住行~勁好用~




然後行到去....咦~時間早到都仲係未開~唯有係佢對面既公園踎下~拿~團友~當係一個景點架喇~





然後望到...咦!!!係咪台灣櫻花黎架?!?!?!(最後可能係梅花)





坐左10分鐘度~間鋪就開喇~我揀左去試呢間叫時差Jetlag既cafe~地址：台北市中山區中原街13號.....由松江南京站走過來大慨10分鐘~同埋可以係佢地fb訂位的~佢地非常歡迎咁做~





上網睇想試邊間cafe時就好想試呢間...因為我好想試某樣野食~而且都幾鐘意佢個環境~好舒服~剛來時我地係第一枱~可以大影特影~









選擇不多~食品得5種~飲料選擇比佢仲多~好鐘意枱上既盤栽~好得意~好似卡通片入面咁~





仲有呀~~~呢間鋪有隻貓架~~~~我稱佢貓界渣渣輝!!!(唔好話我知你唔知邊個係渣渣輝呀~)...似唔似呀?勁大個鼻~佢都好親人架~成日行過黎~





毛寶和老夫人都係叫美式咖啡(熱)~NT$120=27.6hkd~老夫人哥杯我地仲請佢幫我地加d焦糖落去~(熱筋勞加焦糖係老夫人style)




我就叫左網上很推薦的通寧咖啡(凍)...NT$130=29.9hkd.....靚唔靚?!有兩層色~~~~




感覺上呢杯咖啡係一飲立馬變文青~通寧即係tonic吧?係點樣做到兩層分開得咁耐既呢?





侍應妹妹叫我飲之前要拌勻佢~我唔知你地點諗~但我覺得凡係將兩層野溝埋一齊哥刻好治癒~

一飲~咦~個味又幾得意喎~酸酸甜甜的~酸應該係青檸味.....又帶點咖啡味~我覺得唔錯~毛寶同老夫人都覺得好好味~




第二樣想試既就係呢個大理石奶油起士貝果...NT$110=25.3hkd....!!好得意!!大理石紋係由竹碳粉整成既奶油起士~~~呢個要襯熱食~因為如果凍左貝果會很硬~說實在~也挺不錯地好吃~





3個加埋唔知幾多歲都可以裝下文青既~





淨食哥兩舊貝果邊度夠丫!....我地仲叫左杞子蒸雞腿飯...NT$250=57.5hkd.....好香好好味!!!!都幾入味幾正~而且個汁撈飯都幾一流~





呢餐食左NT$840=193.1hkd..每人64.4hkd....估唔到cafe都有發票~




得閒可以黎試下~d飲品同野食都幾唔錯~係d枱細張左少少~






食完跳出黎~跳上的士去我地既下一站~~~~唔搭的士我都唔知點黎.....係傳統街市入面既!!





我地要搵既就係呢間佳味香肉脯店喇~~~~地址：台北市萬華區貴陽二段164巷2-7號......佢有好多野賣架~肉乾呀~花生呀~臘肉呀~肉鬆呀~





係間好舊式既細鋪~~~而且老闆娘好慷慨~我地話試咩都大舊大舊俾我地試~我覺得好多野望好好睇~





點解我會識黎?梗係因為衰婆啦~呢度雖然好多野買~但係呢度最正既....係衰婆極力推介既!魷!魚!絲!!!!!!!!!!!!!而且呢~仲可以叫佢一包包入NT$100=23hkd!...咁樣送俾人做手信就好鬼好睇同方便!!!!!!!!!!!!!!!圖中呢包就係NT$100~呢隻就係衰婆最鐘意食哥種魷魚絲~~~我地話佢好Juicy唔乾~好味~




我買左好鬼多包俾公司同朋友~~當然唔少得最鐘意食既衰婆啦~呢間d魷魚絲真係唔錯~




臨走時係街市度見到隻麻喵~hi~




幾好玩呀~參觀下唔同地方既街市~~~~~~




行出黎就見到對面有檔生果檔~~~~~~~去望望先~




呢兩隻生果都係我地既目標!!!!





d棗都又大又靚囉!!!離譜!!!!!





攞住一袋二袋~加埋d生果~坐的士番到西門町~




抽住幾袋野.....都仲要衝去屈臣氏~~~會一會18銅人~~~~(你知啦~人地上年11月送左包俾sunny嘛~~要補補貨<3).....都係NT$119=27.4hkd.....無價減~仲要得番4包~




再買埋水番酒店check in~~(到底我地可以攞到幾多野~~).....今次我地住上次同毛寶爸媽黎哥次既德立莊~地址：台北市中正區秀山街4號.....最近既捷運站出口係西門站5號出口...但要行樓梯上~我地通常係4號出口有扶手電梯~再行番過去都唔遠~(因為真係唔想行樓梯)...呢間就係我地間房喇~房價3晚原價係4,441.9hkd.....但我用hotels.com既十晚送一晚優惠.....減左兩晚房錢1810hkd~所以只需俾係2,631.9hkd....即係每人實俾877.3hkd~每人每晚只需292.4hkd~






我地d生果收獲~超靚~超香~




竟然仲要有得洗衫!!不過個洗衣房係正我地房隔離...有點吵!









2018/07/12的開心事：
上班時風平浪靜就是我的開心事~



報時：距離與毛寶慶生泰國食揼嘆之旅2018仲有---77日~
報時：距離天團蘇格蘭高地之旅2018仲有---93日~
報時：距離鳥取自駕遊之旅2018仲有---141日~~~~~
yeah~~~
我地去住溫泉酒店住上癮呀!
所以又揀左日本另外一個地方自由行~~~
今年兩次日本之旅都放棄東京大阪...
第一次進軍山陰地區~~~~好新鮮呀!!!!
實在係踏出了自己的舒適區~
我地哥個月去應該有好多蟹食架~~~~
家陣諗下都興奮~~~~~~~~~~
(但泰國還是沒有一絲進展~)

我估呢個係今年最後一個旅行喇卦......我估