雅吉 Aji

呀~我去完台灣番黎喇~有成個禮拜茅有見到我有無掛我呀?有啦有啦~仲扮野~.....去左4日台灣~試左幾間我未食過既餐廳~有一間我特別鐘意~去完旅行番黎又要番工喇~(好彩我揀左下午機番~無咁攰~)....上星期二.......早上一杯筋勞...但我轉左會無飲starbucks..因為日日飲會好貴~我去左法國佬度買包同買埋野飲....兩個包加一杯筋勞才$38呀!!...平時"是他北屎"要成$35杯....一星期飲一兩次好了~番工多野做就梗架啦~仲使講~不過d人唔串唔剩算係俾左面啦~放左工去左跑步~跑左5.3km....時間查實好差...但係好耐無跑跑到呢個距離算係咁~當自己贏左!(志在放工辛苦有仕燊的入耳式安慰~你的聲音好好聽呀~).....上星期三...我又飲法國佬筋勞~我飲左啡下午覺都訓到超林...睇黎我好攰.....放左工之後我又去跑步~仲見到貞~但我今日好無用呀..慢跑+行左3.48km咋...因為跑跑下勁肚餓...個人意志就好薄弱..成個腦都係食物.....仕燊都支撐唔到我......上星期四...放清明節假喎~梗係偷懶唔寫Blog啦~中午去左食Terra~嘆下~之後行左陣800伴~我無收獲~下午左忙右忙的...睇下泰國d酒店囉~夜晚叫左澳覓外賣食發達~夜晚諗住寫下生活blog..點知驚覺....我個mon壞左!!!!!!!我左檢查右檢查...確定唔係顯示卡壞係個mon壞(我真係好叻)....上星期五...要飲筋勞啦....如果唔係完全頂唔住d工作.....多野做都唔緊要...我仲要俾你怪我先嬲...妖!!!!!食屎啦!.......放左工去買新mon!!!!之後去食蔬食好容易(食齋既)..之後再去篤埋家和魚蛋~~好開心佢今晚有海帶~(我仲攞住個mon去食)....之後番屋企快快樂樂裝mon去~~~~~.....上星期六....噚晚半夜個喉嚨又開始超痛!!!!!!唉...又病..好彩去完台灣番黎先再病....中午買左阿蘇食~下午....er...我訓左成個下午晏覺...好攰...夜晚去左紫來坊食齋..好味!....星期日....一早7點起身有野做..做下做下都12點(我仲要一起身隻左眼皮腫左...腫到我唔認得自己)....之後就去左食Toff...今次又覺得佢麻麻...下午去左睇悍戰太平洋2：起義時空(Pacific Rim：Uprising)...毛寶話一般...我就覺得好過第一集喎~之後番毛寶家忙忙忙...忙完一輪睇埋Supper係時代廣場Joox個Live~之後等到主人家菓子軒出場喇~幫佢慶祝一歲生日會!!!!!係屋企搞左個小型慶生趴食左蛋糕仔之後就去左璇宮再黎一個流水宴既慶生趴~祝你快高長大身體健康~星期一....我今日無飲啡開工...我覺得自己眼耳口鼻無執番齊就番工....我自己又憑咩覺得自己唔使飲啡星期一可以番到工?早上工作超辛苦...中午番到屋企見到個淨麵我差d崩潰~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



呀~好新呀好新呀~呢間餐廳唔係開左好耐咋~我地呢個blog又有新餐廳講~好潮呀~呢間餐廳叫雅吉(Aji)....位於美獅美高梅入面既~美獅美高梅都係農曆新年前先開之嘛~所以呢間餐廳對我黎講算係好新啦~訂位電話：8806 2308....我就唔係打去訂既~我就上網訂既~個預約系統都幾方便~佢原來停車場有部(車立)可直通雅吉既!但我唔知泊邊區先係...所以都係泊左B區再行過去~(臨入餐廳前係高空影過去~




美獅美高梅最大賣點就係有呢個有日光透入黎既天幕頂~採光度一流~空間感十足~(但...如果係晴天我唔會想坐囉..曬屎)




而坐低之後你就係望住呢個景...感覺好開揚!正對面哥間餐廳就係我好想試既盛焰喇~




知唔知點解我最後揀左呢間雅吉而放棄對面既盛焰?因為呢間餐廳係食日式秘魯菜!!!!!....日式我食過....秘魯菜我也吃過...就沒有吃過日式秘魯菜~要試試~




其實之前係想試下佢個中午set既...百幾蚊好抵的...但依家周末無左中午set...只可以單點!




望下叫咩飲時有Pisco Sour喎~點可以唔叫杯黎懷念下呀~




好勁呀!!佢都有印加可樂飲呀!!!!呢個我就唔係特登貴桑桑咁叫黎飲喇~~因為幾甜個味幾似忌廉~隻色仲黃到你驚~想睇番有幾黃~請按我~




Pisco Sour(Classic Style)...$75.......我叫既時候個侍應話要睇下有無~經典野都會無個磨?....$75一杯都幾貴~飲落比較偏甜~我之前係秘魯飲時比較偏重酒精多d~(不過我之前去秘魯飲係哥間餐廳見我飲飲下覺得好似對我唔住咁...再加番d酒俾我~差d wing)...有拉花哥下抵死~




招待前菜~呢度既侍應講野勁快~快到我完全聽唔到佢既介紹~~~毛寶話稍嫌佢下面個脆米硬得滯...我覺得ok~





特色醃生魚片 $158...即係秘魯的Ceviche?....黎到佢先倒個汁落去~




我覺得佢個汁偏酸...但都ok~~好開胃~~~





牛油果入面收埋左海膽~~又幾好味~




佢都幾多料~有鯛魚有甜蝦有魷魚等等..仲有d海草~~都好新鮮好好味~







秘魯牛心片 $138.....配埋辣油食唔錯!




前菜唔錯~影張合照先~我真偉大~影到我塊面咁大~




下一round上壽司~(係呀~有壽司食架~).....和牛 $98(兩件)......黎到先攞火槍燒~幾有氣勢~





佢既介紹係和牛﹑鵪鶉蛋釀柑橘醬油.....入口要合埋眼享受~~~~~和牛d油花好好味~~~配搭很好~我覺得$98一份唔算貴~





海膽軍艦 $128(兩件)....鵪鶉蛋黃配番椒醬.....我真係認為佢要換左塊紫菜佢.....潮左咁既味...影響初入口既質感!!一入口係鵪鶉蛋黃味...以為佢會搶哂鏡....點知蛋黃之後就嚐到海膽味~不錯~(衰在塊紫菜~)





吞拿大腩 $188(兩件)....配秘製番椒醬及柑橘醬油......都好味...但我覺得和牛壽司性價比最高~





濃蝦湯-65度慢煮蛋 $128......大蝦濃湯﹑溫泉蛋﹑芝士泡沫及車蝦......又係上桌才倒湯






但我完全唔明呢個湯係我面前倒個意義在那?為了靚靚?因為呢個湯佢倒完叫我地撈均先飲.....但.....個湯係暖咋.........又唔係凍又唔係熱.....d野我發現完全撈唔均架........而且好漏.......d又漏又唔熱既湯飲左會點?咪會令人賴屎囉





上主菜喇~少女同天幕合個照~




八爪魚串燒 $188....配薯蓉及橄欖醬....一個字：靚!.....食入口...一個字：好食!!!!燒烤控制生熟度很好~~~深紫色哥個係紫薯....淺紫色哥個係橄欖醬!





50小時慢煮鹿兒島小排 $488......慢煮鹿兒島牛小排50小時配燒汁﹑脆蒜﹑薯蓉飯卷﹑蛋黃及辣椒凍膠.......不得不讚....佢兩個主菜上既時候成隻碟係熱的~呢個鹿兒島牛小排一上時候我同毛寶都話：我地到底食左幾多隻鵪鶉蛋...今日會唔會超標?





果真是慢煮兄呢!超易切開~軟軟林林的.....牛小排入口味道豐富...因為本身牛味已經好好味...配上佢外面既燒汁~勁正~~~~~(但我個人認為個汁既咸度可減一度~)...同埋最好3-4個人share~因為有d漏~....而旁邊既薯蓉飯卷超好吃~外表脆脆地~但一定要襯熱食~凍左不好吃~





估唔到我黎到呢度先見到冰島紐紋雪糕山有積雪....覺得諷刺~





雅吉招牌甜品 $88.....一上枱既時候佢灑d唔知咩落碟有哂煙噴出黎~差d影唔切靚靚....





跟住又倒d唔知咩~(不如你唔好講~)





呢個招牌甜品....入面有青檸雪糕﹑番薯薄片﹑秘魯粟米粉﹑利馬辣椒馬卡龍﹑火龍果及柑桔.......但個雪糕我又唔覺得似青檸味...因為佢質感好厚......偏重奶味多...唔係雪芭質感~而且我也吃不出利馬辣椒馬卡龍~不過食落都幾多重口感既~




飯後仲學人飲秘魯咖啡 $50





熱辣辣~不過佢偏酸~我麻麻~




點解會黎食既?因為毛寶買到食飛~用$1,160就買到$1,700既食飛喇~(大約68折)




但我地都唔係識計數...最後食突左$200~即每人食左$680~計番食突左既即係71折....(其實好似依家有澳門身份證食野都有折~好蠢~一無識計數既公子係身邊我地兩個就係一隻旺旺龜龜)....呢間野食我覺得ok既~環境也不錯~服務唔係唔好既...但未去到好好....因為d侍應講野係快到我完全聽唔到....介紹既時候或者講慢少少....(同埋係講普通話囉...仲要你講普通話都唔緊要喇...我講廣東話你聽唔明先係重點.....大佬...家陣我係客黎架...唔係要個客就你講你母語呀下?官方語言係廣東話同葡文好不好?呢d情況我通常都企硬講番廣東話..你有你講普通話).....跟進番先...我阿媽有食過平日既set..佢話超唔掂.....又細又剩.....而且味道一般...我單點既就覺得不錯~








雖然supper就黎出碟我係好開心~
仲有幾首新歌添...我等緊亦好期待~
有某首歌我依家勁想聽....
跟住點知上星期五佢地隻碟就登錄JOOX喇~~~
可以down哂成隻碟聽~~~~~
但係.....佢地黎緊4月中至5月尾...
都係不停回大陸巡演宣傳新碟....
即係有排佢地都唔會黎澳門喇...嗚嗚...
好掛住sunny bb呀.......嗚嗚...
連去香港見面既機會都無喇.....
講番先~佢地新碟叫"dal segno"
原來實體碟有隻"hidden track"架!!!!!!
好緊張呀!!!!!!!!
期待期待~~
就算我係JOOX down哂成隻碟我都訂左兩隻架喇!!
支持支持!!!



我想講番...
上星期三我去跑步時...
抬腿拉筋時...
一抬條粗腿上欄杆時....
突然釋出兩個響屁!!!!(屁你就放得多..步你又唔識跑)
然後我見到旁邊有兩個人...
用whatsapp徵詢左毛寶意見..
決定筋都唔拉dup低頭開始跑.....
希望哥兩個人聽唔到我個響屁啦~



2018/04/09的開心事：
有blog出囉~4月到依家才第一篇blog~
懶到~
上星期仲俾麥公子發現我原來上個禮拜成個禮拜唔出blog~
你真係了解我~咁都俾你計到~~
仲有仲有!!你地差d今日都睇唔到我出blog..
因為我個mon上星期壞左....
不過我上星期五一放工就衝去買~~~~~~
我仲有個最平既mon我唔買....
係都要俾多200幾蚊買個大大大d既mon~~~~
家陣我好享受望住我個mon打blog呀~~~
毛寶哥日仲留係我屋企睇哂成個冰島blog先走~
睇黎我個mon真係好靚~~~~~~
我未用過咁大個mon架~~~~~~yeah~~~~
(當送俾自己生日禮物啦~~但唔知邊年生日~~同埋毛寶話資助我一半~~~)



報時：距離和歌山嘆溫泉自駕遊之旅2018仲有---69日~
報時：距離與毛寶慶生泰國食揼嘆之旅2018仲有---172日~
報時：距離天團蘇格蘭高地之旅2018仲有---187日~
華華華!!!!仲有兩個鬆月就去和歌山喇!!!!
好興奮呀!!!!!!!!
我要去搵搵mapcode先~~~~~~
上兩個禮拜先同毛寶講話我地個蘇格蘭之旅..
應該要開始排排行程喇喎....
然後又去旅行放低左一個禮拜...
係上星期三...大比無啦啦腥左張相去我地個谷....
已經獨自排好行程!!!!!!!!!!!!!!!!!!!!!!!!
好勁呀!!!!!!!!!!!!!!!!!!!嘆為觀止!!!!
偉大的女人!!!!!!!
仲要隔多兩日...佢就同我地講...
佢已經book埋酒店......................................
話今次由姐姐幫我地安排個驚喜之旅~~~~~
同姐姐去旅行是最棒棒的!!!!!感覺好幸福!!!!!!
望完個行程搞到我依家勁期待蘇格蘭之旅~
yeah~~~~~~~~~~~~~~~~~~~~~~~~
但泰國我太耐無去..家陣無咩進展.....