2017年12月28日 星期四

根 Root Macau

hohoho~~我回來了~~~~~~係澳門時又覺得好凍好想快d去新加坡取暖...去到新加坡又想快d番澳門..因為真係太熱~上星期二...放左工去左開哭福派對~~痴線架~~笑到我痴左線囉~~~俾d時間我搞搞d相佢~睇下有無機會提早出~~上星期三...回歸嘛~放假囉~中午同左小青蛙個妹去飲茶~去左勵皇軒..幾唔錯喎!!景又靚!!燒腩仔又好食!!...食飽飽隔一陣去左跑步~~跑完爽哂~~~~阿媽番黎啦~~夜晚係屋企食左盆菜~~同埋執左少少行李~上星期四....放左工係屋企執野~上星期五到今個星期二~新加坡外遊中~~~~星期三....長聖誕假後的工作天~預左多野做~~最特別係放工做左一件事~星期四....噚晚成晚發冷...d骨又冤冤痛....超早睡...今朝痾左篤好大既屎...出左成身汗又無事...係有d爆頭痛~依家好好多~好彩今日番工無噚日咁多野做~係今朝第一個客有d round je~其他還好~喂!!!番埋聽日又放3日喇!!!!!!!!星期六要去食好也!!!!期待!!!!!!!



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



呢間其實之前已經試~但之前係試晚餐....之前哥次我未出blog~唔係話佢唔好味...係配埋個價錢之後令我卻步~之後見有朋友去食中午Set Lunch個價錢非常正路之餘仲望見同晚餐食既差唔多~即刻去試試~~~~佢就係Japas既姊妹店....根(Root Macau)~地址:澳門冼星海大馬路323號...電話:2875 0085....我見夜晚幾多人食(最勁係高價位都多人試~)....但呢日中午去竟然係一個人都無~我哥日都係walk in架咋~網上預約亦可~...個門面我幾鐘意~有點懷舊~




內裏既裝修我都好鐘意~鐘意一樓多過二樓~





而且由入面望番出面時對格格玻璃門超靚呀d色~喜歡~




餐具跟Japas的一樣~又有叉又有筷子~幾有趣~而且我好鐘意呢度個餐牌喎~再造紙很美~




我地今次就係要黎試下呢個$180/person既午餐喇~~




佢都有單點的~但我想試下佢個set~點解呢?因為..我食過晚餐Chef Tasting 6 courses...要$880/person......我唔係話佢唔好味既....但係$880就....有d拿脷.............然後我見有朋友中午去食.....竟然同晚餐個款好似差唔多咁...但平一大截喎!咁要再去試試啦~




同埋呢度標榜d靚既水~er~大家試下啦~(見唔見到最底下支水賣$880?)




我地就叫左Gerolsteiner(Sparkling)...$45....拿...對我來說...水就是水...我真係唔識分既..............




先上Snacks.....同我夜晚食既一模一樣囉!!!!!!!!一樣擺得咁靚!!!!!




有隻poached egg(好鬼仔呀我!).....上面有d三文魚籽...仲有d脆脆~口感味道也很不錯!(跟夜晚的一樣好吃!)




三文魚他他也很好吃~~綠色哥條香草叫咩呢???哥時芬蘭飲哥d三文魚湯都有架喎.....諗唔起叫咩名~~~




我地單點左兩個小食~呢個係馬介休撻...$68




好味唷~佢好似話係有d咸蛋黃既(如果我無聽錯)...但不怕搶味....入面好似無實體既馬介休係入面(我唔知呀我成舊放入口呀~~但我食唔到實體呀~)...但有馬介休味既醬狀物體....但幾好味~




牛脥肉面包...$68.......因為之前係Japas食過...勁好食~所以係呢邊再叫.......佢同Japas個汁唔同...但都一樣好吃~~~好似有點酸酸的味...好開胃~~~~




餐入面既Small Plate...毛寶叫左Mixed Leafs Salad Ginger Lemon Vinai....就係一個沙律...佢都有本事整到咁靚....讚!好吃....菜新鮮...加上脆脆幾有口感~




我叫左Salmon Carppacio.....個汁有點似中式蒸魚豉油汁...配上三文魚真係幾搞野~唔係唔好味既~鐘意佢配上少少酸青瓜~




主菜我揀左Charcoal Grilled Poussin/Potato & Yorkshire Pudding.......主菜仲跟個Chestnut Rice!




兩舊肉都係脾~~味道剛好~d香草幾夾~(我唔知自己講緊咩~)...薯仔係我鐘意食哥種黏黏的~薯仔隔離哥舊野好似平時食哥d蛋香麵包咁~幾好味~




毛寶個主菜係Squid Ramen!!!都有跟個Chestnut Rice~




Squid Ramen即係將魷魚整成麵狀~~個湯好日式~~~應該係木魚湯~~清清地好正!!!!我地兩個都極欣賞呢個~~





上次食晚餐個main都有跟Chestnut Rice...但今次我覺得整得好d...因為上次油左d~今次ok~入面仲有粟米同蝦米~幾正幾香~





話d女仔唔靚就扼你既~(有無人知我想講咩?XXD)




丫~明明餐牌係寫甜品係Peach Gum & Lychee Sorbet架~點解變左熱情果啫喱同埋熱情果慕絲既~好彩都好味~





再叫多杯飯後啡~Cafe Americano....$35...不錯呀~都幾香d咖啡~(其實我識個屁)....幾大杯~我初頭以為金色波波係咩來~原來係糖~~~但凍啡加呢d糖會唔會好難溶?(我唔知呀..因為我平時飲開不加糖的)





呢餐食左$633.6....每人$316.8~如果想吃不錯的午餐~推薦來這裡~~呢度既午餐同晚餐差唔多~(係食少幾個course)...但計埋價錢中午set真係無敵!!!








突然發現...呢篇已經係本年度最後一篇blog喇...
又黎回顧下先~
今年又無咩好大件事發生既..
-係年中要幫我老豆做左件事...但係今年又未做到
-去左次非洲旅行...係我無諗過既非洲自由行~
-換左老闆...成個公司都基本上震震震
無喇...係咁多~
但係好多謝愛我既人繼續愛我~
來年我會繼續愛你地*3*
祝大家Happy New Year~~~
黎緊一年順順利利開開心心!!!!



2017/12/28的開心事:
hehehe~~我呢~噚日去左買新電話呀~~~~
係iPhone X呀~~~~~~仲要係有人送架~~
多謝~~~~~~~~~~~~*3**3**3*
最多請你食好多餐啦~



突然無哂報時..好唔慣~
假又有喇..睇黎係時候要望下d機票喇~~~~

40 則留言:

  1. happy new year, 祝你明年有更加多精彩的旅程!

    回覆刪除
    回覆
    1. 野~~我都祝你happy new year~~~~
      大家咁話~~~

      刪除
  2. 我終於偷懶完返嚟喇。
    呢間餐廳個門口好有「舊上海」嘅感覺呀,D野食都好精緻。
    今年真係過得好快,祝你新一年身體健康,去多D旅行!

    回覆刪除
    回覆
    1. 我成個12月都好偷懶呀~~唔好怪自己~
      我都好鐘意佢對懷舊門~
      多謝多謝!!!!大家咁話!!!!

      刪除
  3. 都幾別緻.....價錢都合理
    祝妳新年快樂、身體健康、心想事成。
    有緣再見......多謝妳支持我、我會一段時間都不上來.妳保重啦。

    回覆刪除
    回覆
    1. 中午係非常合理~
      多謝多謝!!!!大家咁話!!!!
      我會祝福你一切順利!!!!身體健康!!!!同埋好快再次見到你!!!!你要加油!!!!

      刪除
  4. 間野幾靚喎,外面似日式入面似西式,個menu仲有特色...不過野食望落唔錯~~
    原來已經一年...可以順順利利過一年都算好事
    祝你新年快樂,身體健康!新一年都充滿歡樂同驚喜!

    回覆刪除
    回覆
    1. 唔錯呀~~幾好食~~~~~同埋中午個價錢真係差超遠~
      無錯!我絕對鐘意無風無浪..因為我淨係鐘意去玩的~
      多謝多謝!!!!大家咁話!!!!希望你事事順利工作愉快!!開開心心~

      刪除
  5. 繼續愛你💓一大堆的愛,波貞

    回覆刪除
    回覆
    1. 愛你愛你愛你!!!一大堆的愛...波特

      刪除
  6. Welcome back !!! 期待你的哭福包的post 呀!
    你真人真係一樣咁靚喎😉😊😊!

    回覆刪除
  7. 哈哈....形容得太詳細....好大堆X,身體無恙就好喇!
    祝妳新的一年...身體健健康康,環球旅行!

    回覆刪除
    回覆
    1. 哈哈~~太多毒素~~
      多謝多謝!!!!大家咁話!!!!我都祝你事事順心~~~~去多d旅行!!!

      刪除
  8. 擺盤好精緻,視覺都好享受

    2018見喇))))

    回覆刪除
    回覆
    1. 係呀!!!又靚又好味~
      happy new year~

      刪除
  9. 2018年就有報時嚟
    好友☁¨♦晚安🌜甜夢安睡🌛💤
    ✨開心萬事得╠╣aΡpy週末🌟
    ╭~╮
    ╰╭╯
     O
       ☆
     .∧_∧o。⊹
     ( ・ω・ )
     |⊃/(___∵★°∴
    /└-(____/₡Ϡ¨*✬
    ❉•ೋஜ¤ഐ๑*۩۞۩✾

    回覆刪除
  10. 牛脥肉面包塊肉大到呢!
    祝你新年快樂~ 非洲,遲D要再去多次啦~

    回覆刪除
    回覆
    1. 好好味~~~~諗起都想再食~
      happy new year~~~~~
      遲d先啦~~~上年去過熱辣辣~今年又想去番凍冰冰的~

      刪除
  11. 小T, 你成日痛呢, 我懷疑你受感染時, 體內組織較平常人更的漲大, 所以漲痛起來, 你會否食些只腫痛的孳, TYLENOL 或 ADVIL?

    回覆刪除
  12. 個MENU 紙咁樣, 相信我老媽見到, 一定會噪住去第二間度食.

    隻 POACHED EGG 個殼切成咁靚, 高難度呀!

    甜品旁的那一片檸檬上加啫喱, 放啫喱上去唔難, 咁樣型況切出來, 好考功夫, 我諗佢點切啊.

    回覆刪除
    回覆
    1. 點解既點解既!?!?!?點解紙咁樣既餐牌唔想食呀~
      我覺得d野食擺得好靚~~~
      我唔識呀~~~我淨係識食~

      刪除
  13. 祝你和毛寶新年快樂!身體健康!
    等睇你的遊記呀!嘻!

    回覆刪除
    回覆
    1. 好多謝你呀~~~~~我都祝你事事順心~~工作順利~~身體健康~~~
      多謝多謝~我都好鐘意睇你既遊記~~~

      刪除
  14. 希望你今年更加順利,新年加油~~~~去旅行!

    回覆刪除
    回覆
    1. 多謝你~~happy new year~~~~~
      祝你身體健康~

      刪除
  15. 祝你新年快樂 & 個個月都有旅行去呀!! 我都超懶冇出遊記, 都係睇住你既blog update先. haha!! 你呢餐好正, 去澳門時要記住呢間先.

    回覆刪除
    回覆
    1. happy new year~~~~~野~~人地等了又等你都無出新遊記既~~~~
      個個月都去太瘋了~~~隔兩個月啦好無~~~~~我都祝你密密去旅行~~

      刪除
  16. 係喎無晒報時有啲唔慣XXD
    覺得個格格窗好靚好懷舊......
    今年哭福袋有冇人拖篋來XXXD

    回覆刪除
    回覆
    1. 係呀le....我自己都覺得空了了....
      係呀我都好鐘意~~
      有d仲勁既野出左黎~

      刪除
  17. 好想睇你個哭袋呀, 如果係VIDEO應該仲暴笑呀!!
    祝你新一年快快樂樂呀!

    回覆刪除
    回覆
    1. 今次失敗呀!真係唔記得錄video呀!
      多謝多謝~我都祝你身壯力健~

      刪除