2013年12月17日 星期二

il Cafe

今日抽大假喇~~~~搞到我今日成個朝早都神不守舍!!!!!!!!!!!!!!!!!!!因為抽既方法太原始.....抽號碼大小....越大越有機會中(其實我不嬲都無咩抽獎運的)....其中有d中有d唔中.....搞到我一路做野一路心大心細~(教我做緊野既同事仲提我專心d唔好收少錢~哈哈~)...最後唔中哥d求我d同事讓俾我....好彩d同事都好好人咋~~~~即係話:我可以訂機票了~~~~~~~~~~(訂左再出報時器呀下~~)巧high先呀~~~~~(語無論次ing~)



前排諗住係睇戲前求其搵d野咬下~去開氹仔就順路去下呢間叫il Cafe食下~因為有人之前食過話幾好味~地址:氹仔舊城區成都街319A濠景花園21座地舖...電話:2883 8372...我地哥日有訂位..不過哥日係星期六...我地食哂成餐..間野都無爆過~




地方唔算太大...幾張大檯...幾張細檯咁~不過幾有空間感~可能因為樓底高~




左手邊的是mango smoothies $30(不錯喝~價錢也不算貴~平時出面買smoothies都幾貴)....右邊的是peach iced tea $28(淡了一點)




蕃茄蒜蓉包 $25.....無咩特別~蕃茄又唔見得特別正~蒜蓉包又不見得特別香脆~




絕配意大利煙肉,生菜及煙保法郎芝士 $68...唔....唔會唔好味~但又唔係好好味~




焗寬條麵 $89...傳統的意大利lasagna...呢個就整得唔錯~

不過最好多d人食~好鬼漏呢~~



Grilled beef striploin with rocket salad,baked potato and parmesan $288....完全唔值呢個價呀!!!!!!牛無牛味!!!!同我係超市買既20蚊一塊差唔多!!唔抵!!!!反面旁邊的芝士焗薯就挺好吃~不過我係唔會為左舊薯俾$288叫呢個扒的!!




奶酪薄餅(regular size) $110...整個pizza有四款芝士...分吃別是Mozzarella...taleggio...gorgonzola同埋parmesan....一出黎.....臭到呀~~好似有人帶左隻好耐無沖涼既狗仔入黎~不過食落...又係佢聞起上黎既咁香喎~不過不失~

總結:呢間野唔係算難食..不過亦無一樣野係好好好食....實在唔睇番d相都唔記得自己去過~如果要食意大利野...都係去番比薩哥d食好過~





好凍呀噚晚~~~
一早9點入左房吸住被~~
一路睇萬千星輝頒獎禮~~
田蕊妮攞獎講d野都幾令人感動~~
不過巨輪我睇左開頭就無睇落去~~
另外黃子華攞男主角獎更驚喜!!
do姐透過電話訪問佢..
佢話:最佳男主角即係咩呀?視帝呀?定係視后呀?
笑到我呀~~~~~~~~~~
其實我一心超想吳鎮宇攞的!!(因為見子華無黎都唔荒係佢~)
就算攞唔到男主角...都攞番個最喜愛電視男角色...
點知都係無~~~~~~~~~~~~~~~~~~
呢個位我有少少失望!!!!!!!!!!!!!!
衝上雲霄入面我最鐘意係阿sam!!!!!!!!!!!!!!!!!!!!!!!!!
難得佢噚日仲有出現....真係失望!!

25 則留言:

  1. 我琴日冇睇頒獎典禮,走左去煲齣低能仔日劇,偷偷愛著你(如果我冇記錯既話)。好有少女漫畫feel既青春片黎,係就係監硬黎架啦,但人地寫到明係荒誕版黎,就咪抱住駁古心態去睇,咁就得啖笑啦。

    回覆刪除
    回覆
    1. 其實我都係一路做其他野得閒先睇下~~~
      到重要獎項先留心睇~~~

      刪除
  2. 呢間嘢睇相都唔吸引係幾難得,通常唔好味影出嚟都呃得吓人,呢度啲食物夠老實.
    我鍾意子華,唯只限棟篤笑,電影電視電台司儀都係唔多合格......鎮宇神經刀我鍾意,想佢攞架都.

    回覆刪除
    回覆
    1. 哈哈~咁都有得讚呢間野呀~~~~~
      ok啦~~電視劇我幾鐘意佢的~~~男親女愛你有無睇先~

      刪除
  3. 我都估唔到係黃子華拎~~~~
    mango smoothies 好似好好飲~~~我最愛mango~~~
    baby會幾時去旅行呢~~~等倒數器 ^-^

    回覆刪除
    回覆
    1. 係啦~~爆冷了~
      我都好愛架~~~不過細個哥時成日食完皮膚會痕就唔敢食太多~
      買左機票就出啦~~~希望快d~~~

      刪除
  4. 妳又好啦~~~又去旅行.........等我估下去邊先~~~澳洲

    回覆刪除
    回覆
    1. 遲下話你知呀~~~因為我咩都未訂~~~~

      刪除
    2. 原來我估中咗喎~~~~有冇獎呀

      刪除
  5. 我今晚都係早些跑上床見周公子喇喂...呵呵呵...♦♡•・゚晚安安啦喂•☆。

    回覆刪除
  6. 你個報時器已經消失左好耐喇~~以前有成3個咁多!!去邊先??

    回覆刪除
    回覆
    1. 未訂機票呀~~訂左就會報時~~
      我都想快d有報時器呢~~

      刪除
  7. 蒜蓉包個樣好似無烘过咁.....
    我都係鍾意阿sam多过cool魔,記得佢对住hoilday拉二胡個樣,又正又好笑^^不过我都鍾意子華架,巧鍾意睇佢d喜劇同楝篤笑
    等你精彩的遊記^^

    回覆刪除
    回覆
    1. 其實食落都唔覺得佢係蒜蓉包~~~~
      無錯無錯~~可能第一集開始睇佢~~~所以有哂感情~~~我始終鐘意第一集多d~~
      謝謝~~~

      刪除
  8. 無樣野我食得,不過有得睇你地食都已經好開心.
    今年2014首次旅行會去邊呀?你差唔多都去云囉!

    回覆刪除
    回覆
    1. 哈哈~~唔食得唔緊要~因為呢餐唔好食~~
      梗唔係~仲有好多地方我未去呢~~~

      刪除
  9. Lee 餐好似麻麻地喎,我覺得好似比薩好食哦咁喎,哎呀,講起我又好掛住比薩嘞。
    其實my盛lady套戲好爛,我有時睇啲啲,都係為咗黃子華。但講真,我鍾意sam哥多啲囉,cool 魔就一直都唔鍾意喎。
    係咪今日會見返你個報時器呢?好期待喎我。

    回覆刪除
    回覆
    1. 我地有間意大利餐叫比薩的~哥間就唔錯~~
      哈哈~~我ok呀不過覺得開頭好笑d囉~~~~呢個時間睇d輕鬆野最好~
      我都好鐘意sam哥~~~~~
      仲未~~我未訂機票呢~~

      刪除
    2. 我講緊比薩咪就係你地澳門嗰間囉,我差不多每次嚟都會去食架,最like佢個風乾牛肉。
      我無追睇套劇,得閒望下囉,唔知蝦頭出場會唔會好睇啲
      Sam哥好正呀!!!!
      快啲訂啦,我好八,好想知呀。

      刪除
  10. Hi小t,妳一定巧開心喇,妳同事很同妳換大假!會去邊度旅行呀!mango 汁好似好正喎!$2--一個扒都幾貴喎! 其實無線架視帝,視后!選出來都是自己友!唔使咁激氣呀!!天氣起凍!妳要小心身體喎!bye!!!

    回覆刪除
  11. Tiffany你好,

    SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗

    你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建構一個講玩講生活的平台,並分享給一眾志同道合的網友

    希望你能成為我們平台的一份子,助我們更有效地集結不同好玩好食之處!

    另外,我們設有「稿費」制度,文章獲得本地瀏覽量,即可兌換稿費!

    迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001
    如有任何查詢, 歡迎電郵至: info@seewide.com

    回覆刪除
  12. 其實冇看盛女, 黃子華角色覺不太討好, 仲要攞視帝, 果D 香港人眼光真不要得.

    回覆刪除