2013年12月9日 星期一

譽路八日本料理

星期六:約左朗公子同另一個同事晨早八點半出去食早餐..有幾可星期六咁早出街!??!?!->上堂:[->沈三多食薑汁豬肉飯->上堂;[...不停的討論加present->試左教主另一間食牛扒既餐廳...有特惠做緊...好平~...->另一堂上堂...又係不停的present:[->食cheap壽司........星期日:食教主的雲南米線~好味~...->享受一個人的行街樂趣~因為我要去買公子聖誕聚餐既福袋禮物~一行行左3個鐘~...->毛寶幫我剪頭髮~~剪短d蔭影證件相~因為我就黎要換身份證了~~~...->約左大學同學仔去試一間新開既日本餐叫小樽~不過麻麻好食~勝在今晚傾計傾得好開心~~~



大家睇我寫左咁耐blog~~都知我好鐘意食日本野架啦~~成日都想食壽司的~~去台灣又要食....係澳門都要食~哈哈~~不過講真~~之前其實我覺得澳門無邊幾間日本餐係好好食又服務好架(酒店除外...俾既錢都唔同啦~)....直至試左呢間~叫譽路八日本料理.......地址:澳門宋玉生廣場606號J中裕大廈...電話:2872 8828.......一定要訂位....唔大~而且眼見好似全部位都係預約席......walk in入黎d人都無位的~





今次約左皮皮同企鵝一齊食~~~佢d檯都算係幾逼.....同隔離檯都幾近~





望望餐牌d野食~幾吸引~再望望價錢.....嚇壞人了~~~~都幾貴喎~~~~~~~~~~~~~~~~~~~~~~~同我平時食哥d cheap cheap同中價既差好遠~我地唯有.....將將就就咁....叫d野試下先啦~~~~(點知佢好無味喎咁貴~~梗係試下先啦~)



前菜.....啡色哥個好似醃左既牛蒡既物體....另一個就係八爪魚沙律.......兩個都超級的好味!!!!!!!!!!!!!!要追住食的!!!!!!




先來個刺身沙律 $150......好好味~~~沙律菜很fresh~~~刺身都好多~~~有三文魚籽...蟹籽....三文魚...吞拿魚...八爪魚~~~~汁就是好吃和開胃~~~~~




雜錦刺身飯 $150.....好味~仲有碗面豉湯~




海膽飯 $150......呢個麻麻~我覺得佢d海膽唔夠鮮美~但三文魚籽配飯真係好好味~~




精選牛肉涮涮鍋 $280.....d牛肉超好味呢~~~~~~




秋刀魚鹽燒 $58......一般~不過有可能係因為我地掛住影相遲左食佢搞到佢凍左先食~




睇廣告佢地賣點係一口壽司.....但我地唔敢叫壽司食...因為望落真係有d貴....三文魚壽司要$35....連蟹籽壽司都要$30.....甜蝦更要$65.....貴得滯所以轉叫左個黑金鵝肝卷 $105.....黑金即係魚子醬啦~~襯落鵝肝度好好味呀~~~~~~~鹹鹹香香咁...唔知裏面有d脆脆地既唔知係咪雪梨呢???中和番鵝肝的漏~~~呢個好味~~~~




甜品就叫左雪糕同千層蛋糕啦~千層蛋糕如果無咁硬會好d~



總結呢餐:係我地嚴控價格叫野食下...每人$250左右.....如果無嚴控真係唔知幾錢先落樓~~~.....但係野食真係好好味~~~~一分錢一分貨~係會想再去的~~~(已經諗定手鬆少少既時候要去食次勁的~)....食完呢間譽路八之後...我真係覺得澳門有好味既日本餐喇~(酒店除外)....最近仲發現佢有午市套餐的~~~~~套餐狂迷......要集齊人馬出動!!



哈哈~~~加送~~~~之前睇怪獸大學咪有得影學生證既~~~我同毛寶既作品~~~



er.....你個樣太出色喇.....



近鏡.....好喇.....還是你嬴了.....我認輸~~~~~~








今日好似做左好多野咁...
又好似無做d咩~
今日放假嘛~
咁咪搞下銀行野呀影下證件相呀咁囉~



我噚晚為左搵今年哭袋既禮物~
翻箱倒籠咁~~~~
執左好多唔等使野(即係入落哭袋)
亦搵番好多有用既野~~~(例如好幾年前日本買既頸鏈~)
仲有一本介乎係2005-2006年寫既日記~(未開始寫blog)
發現自己作嘔到暈~
唔知點解寫到d咁既野~~
有d都寫得好精彩~~~~
最好笑係....發現有個人係2005年已經開始蝦我地..
到今時今日仲係........即係話..
無10年都8年....
到底我地幾時先甩難???????

27 則留言:

  1. yeah 又到一年一度的抽獎環節~~~又要期待下啦XDDD
    好想食刺身~~我近年都愛上吃日本野~~由其食左三文魚之後

    回覆刪除
    回覆
    1. wakakakaa~我個哭袋多野到不得了~~~~
      真係開心你鐘意食三文魚~~我都好鐘意食的~~
      依家也好喜愛食池魚和秋刀魚刺身~~

      刪除
  2. 妳影得幾白痴喎~~~~似晒妳啦..........哈哈哈
    牛肉涮涮鍋幾靚喎~~~但貴咗d

    回覆刪除
  3. 你咁鍾意食日本嘢,應該食「千兩」嘛,又唔算好貴,d魚生又新鮮又好味。其實寫blog就好似寫日記咁,當然心底話未必會完全分享出嚟啦。

    回覆刪除
    回覆
    1. 好好好~我下次過黎試先~~~~~~
      係呀...我睇我既舊日記真係有某幾個人狂鬧的...應該當時蝦得我好犀利~

      刪除
  4. MY █▄❤VҼ 好姊妹⊹♦•☾・゚晚安*我搬緊舊blog過黎好忙呀☁•☆。 。.¤

    回覆刪除
    回覆
    1. 慢慢黎啦~你係咪已經down哂落黎呀~

      刪除
  5. 你地個樣真係衰到爆......哈哈,唔好嬲我呀
    睇返N年既日記都會好好笑,又會發現時間過得真係好快.....

    回覆刪除
    回覆
    1. 唔嬲呀^^我成日都話自己樣衰架~~
      係呀...原來唔經唔覺..咁又過左10年~~

      刪除
  6. 日本菜冇嘢架,堅守一分錢一分貨.貴唔一定好,平就一定唔好.
    之前咪話你甫屎王,原來一山還有一山高,毛寶兩幅學生證都完勝你.

    回覆刪除
    回覆
    1. 咁又係呀~~~星期日食哥間真係賴哂野~
      哈哈~~呢兩張我係完全認輸~

      刪除
  7. 魚子醬襯鵝肝真係未試過呀, 有機會我都要試下~

    我就黎過黎澳門喇~~好想試哂你介紹既美食呀~~

    回覆刪除
    回覆
    1. 幾好味架~不過呢間幾貴的~但係我覺得好味~~
      wakakaka~~~食哂成個澳門啦~~~~歡迎你光臨呀~

      刪除
  8. 譽路八d set lunch都好好味架,價錢比起晚市抵好多(介乎$70-$100咁上下)。我上次兩個人,每人$400都唔飽 :(

    回覆刪除
    回覆
    1. 係呀~~我就係睇人地食lunch set抵到呀..搞到我好想去試~~~~
      我上次兩個人食左900多~飽到反肚~~

      刪除
  9. 我小學雞歌陣都有寫日記架!但歌陣我呀媽攞泥偷睇所以我叫一個好朋友管理住佢...
    但點知=_=佢整唔見咗...

    回覆刪除
    回覆
    1. 哈哈~~咁咪好可惜囉.......唔見哂d記憶~

      刪除
  10. 係港澳食日本嘢真係唔慳得,雖則話貴都可以難食,但係平又好食既,我諗真係無囉。
    毛寶好叻叻喎,影相叻,擺pose都咁叻,勁。
    好期待你地嗰啲哭袋,次次都笑死我,呵呵。

    回覆刪除
    回覆
    1. 咁又係呀...星期日食哥間真係賴哂野~~~~唔好食之餘服務嚴重地唔合格~
      哈哈~~我輸左俾佢~~~~~
      我都好期待呀~~有公子話今年無野入落去喎~~~

      刪除
  11. 譽路八午市套餐真係唔錯架, 價錢相宜, 我都好鍾意去 ;)

    回覆刪除
    回覆
    1. 激起我要去食午市套餐!!!好想食!!

      刪除
  12. Hi 小t,澳門星際酒店稻菊做優惠呀!是聖誕和牛放題!每位$738加一,tel: 82908668只做24、25 聖誕節咋、香港食和牛放題起碼$1000以上,譽路八日本料理地方同食物都好正喎!來澳門都去食下先,我想問宋玉生廣場近邊度?是否英皇酒店附近呀!近新馬路嗎?其實d嘢食都同香港價錢一樣!妳扮嘢都好攪笑!毛寶就更加扮得精彩喇!澳門有咩地方影燈飾靚架?bye!!!

    回覆刪除
    回覆
    1. 我舊年都知呀不過好難卜...所以去唔到

      刪除