2013年12月5日 星期四

香港大閘蟹一天遊2013-11-17 Part2

今日同前幾日差唔多~~~本身下午應該開始坐機~但佢地有d遲籌~如果我再坐埋落去應該大家都唔使收工~~~跟住今日成個下午都係跟係同事隔離睇佢點做~~~不過發現我地兩邊d客係完全唔同style........好正呀佢地............................我淨係跟機咋....已經有虛脫感....所以幾時都話~學野哥時係最好既~



好喇~~行飽街~就去我地呢個行程既終極目的地~~食大閘蟹喇~~~經過我上網嚴密挑選過~~~最後都係揀番食過既東海海都集團~咁係地理位置上我都係揀銅鑼灣既海都啦~~我又識去~而且又係酒店裏面裝修實好~地址:香港銅鑼灣禮頓道8號香港銅鑼灣皇冠假日酒店二樓....電話:2972 2813...我諗最好都係訂位~因為呢間真係超多人訂黎搞宴會...有可能無咩位~




當時上網睇佢有好多隻大閘蟹餐揀既~不過打電話黎問已經得知佢呢間海都只提供呢個$598(免茶 另加一及小食)既餐~不過都唔緊要~都仲係平過澳門間小南國~(仲要小南國得一隻蟹囉!!)~上兩年食哥個餐係$398的~今次試下貴d既睇下有無唔同~(打電話時佢話東海先有平d哥d餐..海都條線就無做~)




餐具~有手套的~放心~(不過同我同行既媽媽毛寶同神秘團友都話唔用好過~)




呢個餐每兩位就會送一支花雕180ml....我地有4個人所以有兩支~支花雕唔錯喎~唔加話梅都夠好味~




第一道:生拆蟹粉蒜蓉包(每位兩塊)......上次食都有呢味~~~~真係太太太太太好味!!!!!!!!!!!!!!!!蒜蓉包夠哂脆口~但蒜蓉味不會過重~~~蟹粉味超級的突出~~~~唯一要挑剔既只可以講上次有加熱器保溫....今次無...但我地食得超快的~所以無都ok~




蟹粉亦算多~唔怕唔夠鋪滿八塊蒜蓉包~~~




第二道:大閘蟹粉小籠包(每位兩隻).....無話說....暫時係我食過的最好味~~~因為食過澳門小南國的...超難食~




hay~~~~~看看d蟹油~~~~~~~多到~~~~餡料亦夠多呢~~~






第三道:高湯燉排翅.....我知食翅好唔環保....我出去食唔會叫...但呢個餐無得改先食.....都算幾多翅喎~仲有重點係超級夠熱!!!!!!




第四道:江蘇大閘蟹"皇"....其實每位有兩隻蟹的...不過一隻係大閘蟹"皇"...一隻係普通大閘蟹.....大閘蟹"皇"確係大d既!!(第一幅圖佢地好似外星生物排緊隊咁!!)






大閘蟹"皇"爆膏情況:理想~而d膏都正到不得了~~~諗起都流口水~一口幸福的味道~






第五道:江蘇大閘蟹....wow~真係細過頭先哥隻好多囉~~(有人攞走一隻~)




蟹身d膏都算多~不過個蓋就少d~問題係....呢隻細野我已經無咩心機食佢d手腳~因為太細小了~同埋d肉好似有d霉囉......好彩佢上左大閘蟹"皇"先咋...因為....我地食完兩隻蟹話好似番左成日工咁~~膊頭超攰~第一隻無咁好味既話~有可能第二隻食大閘蟹"皇"就會求求其其~~可以對比番上面大閘蟹"皇"d膏d色....完全唔同架~鮮色好多~呢隻好霉呀~






第六道:蠔皇鮮鮑扣鵝掌......其中一個原因我要咁快出呢篇post...係因為我要表達...呢隻鮑魚好味過南非哥隻十萬九千七!!!!!!!!!!!!!!!!!!!!!!!!!!!!!!!!真係好味~同埋鵝掌炆到超林~~~好入味好好味~~~~呢d先係鮑魚嘛~




第七道:燥肉手打烏冬.......咦~呢個超乎想像~幾好味喎~烏冬夠彈牙~個湯又唔怕味精湯~夠熱~正~但實在太飽~食唔哂成個~




第八道:薑茶湯圓.....好好味呀~~~因為我好鐘意薑茶湯圓的~~仲要湯圓餡係我最愛的黑芝麻~~正~~~又夠熱又夠辣~正!!!!!!!!!!!

總結:呢餐我做老細....4人總數$2700左右.....見出左雙糧豪一次請哥3位人士(平時我無咁闊佬~).....呢餐除左第二隻大閘蟹d肉有d霉之外....其餘我都俾10粒星!!!全部野食夠哂熱咁攞上黎~~~味道亦上佳!!!至於服務上至經理下至服務員招呼亦算有禮...不過未致於周到......全因哥晚有好多人訂廳..有好多宴會......我地個大房得幾個服務員....期間都見佢地真係好多野做~所以未算周到亦可原諒~而且價錢都合理~(我話合理咋無話平呀)我有機會再黎香港食大閘蟹都揀番呢間海都~(哥日我地7點開始食....超趕咁食到八點九就走~~因為我地趕九點半船....八點九走仲要係岩岩好哥隻咋~~下次要預多d時間呢....因為今次係星期日黎唔想太夜番澳門第二日番工~)





wakakaka~
係喎~唔記得講添~~~
星期一有公眾假期~~~
即係放星期六日一~~~~
(但星期六可是要上整天的堂~)



我前幾日番工前...
著完鞋見有時間淨~~
開開放係檯度既一封宣明會信..
係柬埔寨哥個助養小朋友既年度報告~
見佢大個仔左~又精神左真係好~
佢仲畫左幾個汽球係年度報告度送俾我~
跟住我突然醒起.....噢...
我錯過了寫聖誕卡俾佢既時機呀!!!!
張聖誕卡開黎睇完放低左就忘記了...
那天....我是帶住內疚感上班的.............
下次宣明會一寄卡黎我要即刻寫!!!!!!!
唔知小朋友收唔到我既聖誕卡會唔會唔開心...;[

34 則留言:

  1. 成幾年沒食蟹,好想再食.

    回覆刪除
  2. 嘩嘩嘩!下次貞一定要跟你去食:):):):):):)
    好想食丫~~~~個翅湯,小籠包,仲有算蓉包,鮑魚都實在大出色啦

    回覆刪除
    回覆
    1. 我求你~~帶我去~~~~~~@V@

      刪除
    2. 黃昏時用毛包睇你個BLOG~~依家再用電腦睇,原來用電腦睇你介紹GE美食係正~好多GA~~!!

      刪除
    3. 好呀~下次叫埋你~不過要等下年囉~今年蟹季完囉~
      無錯~蒜蓉包d蟹粉好好味~~

      刪除
    4. 唔使求~~你只需呢一年開始練大d個胃就ok~

      刪除
    5. 係既咩~原來毛包睇無咁靚架~~

      刪除
  3. 嘩,不得了,剩睇相都知好味,由頭到尾都係「賣飛佛」。蟹粉小籠包念我想起新加坡鼎泰豐,佢哋嘅蟹粉小籠包都好正㗎,有機會去試下啦。其實價錢係抵㗎,又大閘蟹又翅又鮑魚,絕對超值。

    回覆刪除
    回覆
    1. 真係真係好好味呢~~~我好鐘意吃~~~~~
      我淨係食過香港既鼎泰豐蟹粉小籠包..但都唔夠呢度好味~~~
      咁我下次要試下新加圾的~

      刪除
  4. ♦ MY █▄❤vE 好姊妹.☁★°*快樂週四晚安喇喂*・☆˛ •*
    我要去忙管理YB相片轉到blogspot...拜拜咯☁:。☾•°
    ╔═╗─────────╔╗─────▄▄─▄▄▀▀▄▀▀▄
    ║╩╠═╦═╦═╦╦╗╔╝╠═╦╦╗███████───▄▀
    ║╦║╬║╬║╬║║║║╬║╬║║║▀█████▀▀▄▀
    ╚╩╩╩╣╔╣╔╬╗║╚═╩╩╬╗║──▀█▀¸.•*¨** ҈ *
    ────╚╝╚╝╚═╝────╚═╝¸.•*¨** ҈ *聖誕冇咩玩呀
    *°•✿░D░A░Y░*°•✿░D░A░Y░*°•✿過美好快樂天*°•
    ¤Ѽ``*•♬¸„ø¤º°¨*˚❉°•♩・゚¤ ♪⊹*・.•*¨*♫•:。.\(^▽◕。)/

    回覆刪除
    回覆
    1. 咁要快快過喇~~1226就要關閉喇yahoo~

      刪除
  5. 蟹粉小籠包...嘩嘩嘩\(。◕‿◠。)/
    蟹粉蒜蓉包...大閘蟹"皇"...嘩嘩嘩
    蠔皇鮮鮑扣鵝掌...嘩嘩嘩...看到我留口水呢

    回覆刪除
  6. T_T 希望小朋友唔會唔開心啦 !!!
    哈哈好似好好食呀~~~對神秘團友充滿好奇之心 XDDD

    回覆刪除
    回覆
    1. er..~~哈哈~~我知我唔岩喇~~
      wakakaka~其實又無咩既佢~只不過唔想俾識佢既人知佢同我一齊食je~

      刪除
  7. Hi 小t,原來今Part 2 先係介紹大閘蟹,好正喎!我同先打佢book 位,原來佢大閘蟹餐做到8-12-2013 呀、好好彩最後一日到食到,但Tel:29722816是Fax No.正確是tel:29722813 ,真係晤該哂妳介紹喇小t,因為我都好鍾意食大閘蟹囉!升級試course 一定要努力d上堂、大家blog 友都會支持妳架!加油!!!bye!!!

    回覆刪除
  8. 嘩,個餐ok喎,唔算貴呀,最緊要好味
    請問澳門星期一是甚麼假期呀
    無咗星期六多返個星期一,都好啦,都係兩日假,最重要下星期返少日工,yeah

    回覆刪除
    回覆
    1. wakakaka~我費事話唔貴會俾人話我.....(係咪好疑心病呀~~)
      係聖母無原罪瞻禮日....既補假...係以前葡國年代既公眾假期~~
      wakakaka~我都係咁諗~

      刪除
  9. 見妳食大閘蟹..........我都好想食添~~~舊年哥哥朋友送咗成蘿比佢......唔知今年我有冇得食呢?
    妳星期一放假咪去吃喝玩樂補番數啦

    回覆刪除
    回覆
    1. 我會想食蟹粉既副產品多d~~因為我懶呀~~唔想拆咁多隻蟹~~~
      一定要食多d野...坐counter太辛苦喇

      刪除
  10. 大閘蟹, 始終係冇心理準備既時候, 食到既人生第一隻最滋味. 其實我食過果隻正野, 已經好無憾. 所以都唔多恨食, 縱使第一隻蟹已經係講緊廿幾卅年前.

    回覆刪除
  11. 聖誕節還未到, 應該趕得切寄卡他們喎.

    回覆刪除
    回覆
    1. 因為會有提早截郵架..同埋係要早d寄番宣明會然後宣明會再寄俾佢地...所以要提到好前的

      刪除
  12. D野食幾好味都唔夠, 最緊要熱....
    唔一定聖誕先寄卡, 平時都可以寄, 補返數囉...

    回覆刪除
    回覆
    1. 無錯~~我最驚d野食唔夠熱和和暖咁樣我最憎~~
      因為要寄去宣明會代交的..我唔知平時咁寄得唔得...同埋佢地又唔鼓勵送禮物

      刪除
  13. 除咗烏冬樣樣都好吸引,不過食蟹太麻煩,冇心機食,有人剥埋俾我先會食.
    600幾一位絕對唔貴......

    回覆刪除
    回覆
    1. 烏冬都ok喎~所以淨係食蟹皇就夠~其他蟹粉副產品我都好like~
      唔貴但都唔係平嘛~

      刪除
  14. 加油呀,你得既,希望你好快上手啦。
    難得你post啲食嘢,引誘唔到我囉,因為我好怕食膏架,hehe。係個鮑魚鵝掌,好似幾好食,但又唔係話令我好想食囉,呵呵。

    回覆刪除
    回覆
    1. 我都希望呀~但我今日實習左半小時..我....虛脫了...
      waakakakaka~~咁你呢篇blog過關了~~

      刪除
  15. 個小籠包啲油爆晒出嚟,好想食呀 ! ! ! ! ! ! !

    回覆刪除
  16. 嘩.......好似好好味, 但我唔係咁識食蟹, 不過好like蟹粉 :)

    回覆刪除