2013年12月3日 星期二

南非觀獸美食之旅2013-10-27~28第七,八天(大晴天)

今日隨左接更時段係自己哥邊其他時間都係另外哥邊學野~~今天還好~因為係好似上堂聽書咁講........算係幾輕鬆既一日~~開心事就係有貞陪我一齊學~~~講真....我坐慣counter要我坐另外一邊既野都有少少驚到賴屎..........何況貞你上左內部咁耐無坐~所以你好叻架~大家一齊學又令我無咁緊張喎~幾好~~~~~~聽日應該要落場操作了~~~緊張~~~



2013-10-27~28
Day 7~8(南非,約翰尼斯堡 South Africa, Johannesburg->香港 Hong Kong->澳門 Macau)
最後一天在南非~今日我地一落到去食早餐又見到哥個衰侍應.....佢一眼尾見到我地就即刻走開左....算佢醒目~(事實上我求左毛寶好耐先落黎同我食早餐~因為佢話費事見到佢激氣...仲自己係酒店房食哂早餐先落去~).....好彩呢日d人算有番少少禮貌~很享受這天的早餐呢~因為樣樣都好味~個蛋既料係我自己配搭的~~有粟米有磨菇有芝士~又飲香檳~




最後一個行程喇~~~~就係捕獵者動物世界(Predator World)....其實就係一個動物園黎既...但佢裏面既動物全部都係會捕獵既兇猛動物~又係獅子~不過呢d係大隻的~~~~




有豹....我發現d真既豹紋真係好靚~~~由於我地去既時候已經係10點幾11點.....d動物已經過左活動時間....淨係識訓覺...都幾難影得好~~~~不過呢兩隻豹好嗲呀~~~~






呢個真係未見過!!!!超級大隻既箭豬~~~~~大隻到成隻大狗咁大~~~~~~~



睇佢拖住咁多箭行真係唔係好方便~~~~



呢隻都係豹..仲要係叫puma~puma鞋上既剪影就係佢~~下圖我捕捉到佢x錯腳~~~~~






好懶既老虎~原來南非無老虎的~有既都係進口~




呢隻都係豹~不過係唔知咩豹~




最後一餐!!!都係食中餐.....




超級的唔好食!!!!!!!!!!!!




好喇.....終於都走喇....睇下我地個樣幾慘~~~都無啖好食既~~~仲有呀...睇下我黑左幾多!!!!!!!!!!!!!!!!!塊面完全地唔白喇!!!!!!




去到機場喇~我地係搭南非航空既SA286班機係16:55起飛...由南非約翰尼斯堡直飛番香港~機場有d似韓國機場呢~唔知關唔關之前搞完世界盃事呢~都幾新~




一上機派welcome drink~~~我今次醒呀~~~叫左超多野飲~~因為佢派餐唔派野飲的~又紅酒又可樂又水~(其實紅酒我係溝可樂飲的~~諗住自己可以訓多d~~~)今次換左白人空少服務....好很多!!!!超有禮貌的!!!




第一餐係食蝦~喜出望外~第一次飛機餐有蝦食~~不過好咸~我都無食哂~




期間睇左套白百何同彭晏做既"分手合約"..咦...乜咁似"那五年"既???......唔算太好睇喎.................第二套睇左犀利人妻(幸福男不難).....因為之前有睇佢套劇...咁就順便睇埋套戲啦~安真終於同左有錢仔一齊..一天都光哂~....第三套係翻睇情約一天(One Day)....好看~毛寶預計會飛機會經過沙漠上空~~等天黑哂打開窗......wow~~~~~好多星星呀!!!!!!!!!!!!!!!真係真係好多!!!!!!!好靚好靚!!!!!係飛機上面睇好似同d星星好近咁呀!!!!!!!仲記得上次去埃及撒哈拉沙漠上面睇既上千顆星星既夜空~~真係靚到震~~唔知仲有無機會再睇呢???睇完星星之後就訓到死豬咁lu~~~




早餐.....wow....好凍既牛角包...好難食既蛋和香腸....講完~





總結:
1.今次跟美麗華旅運整個團既費用:團費[21699hkd-3000hkd(早報名優惠)-300(4人同優惠)]18399hkd+燃油附加費&各項雜費3550hkd+導遊小費960hkd+當地使費1600hkd(其實可以更少...不過最衰d錢換左又唔想換番美金蝕手續費唯有使哂佢...如果唔係換500hkd都得...)+兩程來往港澳船飛錢400hkd(大約)+保險300hkd=25209hkd(大約)
2.8日黎講....算貴喎~我去法國瑞士15日都係27000hkd.....又飲又食喎...冰島英國15日才33420hkd.....咁樣比起黎..西歐的確抵玩到震~不過跟團唔使諗野又確係爽既~
3.南非我地只玩兩個城市...開普敦無話說~就算野食唔好食..睇大自然景確係一流地靚~約翰尼斯堡係內陸地區...只有睇動物.....無動物睇咩都唔使做...但我地睇動物哥日又落大雨....所以我對約翰尼斯堡無咩印象...同埋可以講係無咩行程....我最憎係哥d俾一日自由時間你然後享受酒店既設施係我最憎既....仲衰過歐洲俾你行街既自由活動
4.南非人完全唔可以同熱情劃上等號...電視賣出黎哥d完全係假象.....哥間5星級既迷城酒店歧視黃皮膚既人...俾錢我都唔會再去住....其他既人對你都係黑口黑面無咩禮貌(黑口黑面唔關膚色事....).....
5.淨係迷城皇宮有限上wifi...其他酒店都無限的....哥間咁既5星級酒店每房(唔係每人呀下!!)每日只有100MB上網...100MB喎????夠上一次fb??????使唔使咁姑寒呀???仲要去攞wifi密碼時d員工好似當你黎乞米咁......我真係好憎呢間酒店...
6.d野真係好難食....帶定杯麵都唔過份..
7.真係無咩野買...唔好換咁多錢...
8.如果去開普敦記得帶件風褸...真係大風到痴線....我以前都嫌帶風褸去旅行老土.....不過依家覺得風褸真係旅行良伴~我老了~
9.美麗華個導遊小姐真心覺得佢唔細心同好懶....又唔多提點團友....車上面亦無咩講南非既野....去完番黎頂多睇左d景...完全無了解當地文化背景與特色
10.南非呢個地方去一次真係都嫌多....唔好再搞我...請我都唔去...
11.實在改錯名..唔應該叫南非觀獸美食之旅....獸又唔係多...美食直情無食過.....應該叫南非曬黑炭之旅~
12.期待往後可以有無限個遊記可以再寫~~~但一定要好玩過南非~~~~
~又完成一個遊記..多謝大家收睇~
~The End~

34 則留言:

  1. 你呢個遊記...好短的說...T_T
    我之前去東歐都係跟美麗華呀!!~
    但一跟香港團就趕到仆_

    回覆刪除
    回覆
    1. 哈哈~咁都係得8日je~講唔到太長~~
      係咁架啦~應該係一跟親團就係咁~所以我都幾享受自由行架有時~

      刪除
  2. 睇完你既總結之後.....我既總結係去唔去都得,寧願去歐洲好過^^

    回覆刪除
    回覆
    1. 咁我會揀歐洲喇~起碼睇d野靚d又有野食啦~

      刪除
  3. 哈哈,南非梗係冇老虎啦,因為成個非洲都冇老虎㗎,即係北極唔會見到企鵝一樣。睇完你篇遊記,似乎南非唔值得去喎,好彩我對呢個地方冇乜興趣啫。咁就可以慳番d錢同時間,去嗰d人生必去地方嘞。

    回覆刪除
    回覆
    1. 哈哈~~咁真係唔知呀嘛~~~
      噢~no~我做左白老鼠添~~

      刪除
  4. 伯有個慘樣好趣怪好得意.
    當去冒險囉,去完南非冇穿冇爛,又喺5星酒店遇到曉歧視嘅禽獸,都算係咁啦

    回覆刪除
    回覆
    1. 哈哈~同我一樣~
      冒咩險丫~寧願去一轉日本算喇~

      刪除
  5. 太陽出來了.☀:。•°溫暖些⌒❀╮MY █▄❤vE 好姊妹⌒✿╮
    。.☾¤・゚晚安☁*♦¤°★窩心錫錫又快樂抱抱每一天∴◇*°
    *.:。•░開░心▒萬░事▒得░美▒好░的▒每░一▒天░°*¨*✿
    ─▄██▄──▄██▄─╔══╗╔══╗╔╗╔╗❉♬星期二*•♪。ʚïɞ
    ▐█░████████▌╠══║╠══║║║║║╔╗*¨`*•\( ◕ε ◕ )/
    ─██▒███████─║══╝╚══║║║║║╚╝*¨*゚゚*•*¨ƸӜƷ•°.
    ──▀██████▀──║░═╦╦═░║║║║╚═══╔╗ ╔╗∴♫¤
    ─────▀█▀────║░═╬╬═░║╚╝╚═════╝ ╚╝•♩•*¨*❀
    ░▒▓░▒▓░▒▓░▒▓░▒▓░▒▓░▒▓░▒▓░▒▓░▒▓░▒▓░▒▓

    回覆刪除
  6. 真係好慘~~~好似第一次遊記咁SAD~~~~
    唔緊要~~~下次再去過好玩既地方XDDD ^-^

    回覆刪除
    回覆
    1. 好想去好多地方玩呀出年~~不過仲未抽假~~驚~

      刪除
  7. Hi 小t,南非最後一個行程(Predator World)我未去過喎!裏面d兇猛動物好正喎!南非開普敦大自然景就一流,由其是桌山、同好望角就直得一去架!嘩美麗華南非團收得好貴喎!成$25209 去東歐都唔使咁貴喎!我1998 年去南非都係$7800團費加(早報名)-$100但只係鮑魚餐同百獸餐唔包咋,仲升級住當時新起架迷城酒店囉!南非團d 團費十幾年後加得咁勁呀!真係唔低呀!好少洒店咁小家喎wifi 都要限住用,澳門d五星洒店任上wifi 架!最後張相、伯母表情好入戲喎!正,小t,下年去返d 好玩地方補番數喇!!!bye!!!

    回覆刪除
    回覆
    1. 都ok啦d動物..不過佢地好懶..
      係呀d團費都升左好多~

      刪除
  8. 妳唔似咁驚青上堂吖~~~比D信心自己啦~~~精神上支持妳

    回覆刪除
  9. 唔知咩豹果隻豹巧樣袞吓喎,阿puma靚仔好多呀
    Aunt好搞鬼呀,完全配合劇情
    提起睇星星就記得去澳洲玩時有個自費行程係夜晚上山睇瑩火虫,上到山見到d星星真係靚到想死,覺得同天上d星星距離好近咁,正正
    南非真係無咩進步過,除咗團費,我去時加加埋埋萬零蚊,家吓竟要double...............
    但係景係正嘅,總算叫去過啦,跟團我都唔抱咩希望,走馬看花咁啦,鬼叫我自己懶咩,有時間梗係自己plan自遊行啦,所以好like你d遊記,有路綫有網址幾細心,繼續努力^^
    又唔係黑咗好多,不過係謝晒咁囉

    回覆刪除
    回覆
    1. 係呀好恐怖呀佢地個樣~~好奸咁~~~puma d毛好靚~~
      wakakaka~我都似佢呀~~
      無錯~呢d係港澳都係睇唔到的~
      係啦...其實8日就要咁貴真係好唔抵~~~
      我都幾享受自由行的~好多謝你呀~~~讚人地既~咁記得下次多多捧場呀~
      哈哈~~真係有黑架~

      刪除
  10. 南非真係冇咩野好食WOR... 食咁多餐中餐做咩?係香港都有得食啦...

    回覆刪除
    回覆
    1. 不過佢係無論中餐南非餐都係咁難食~

      刪除
  11. 睇你媽咪張相就知呢個旅程有幾'正'啦!

    回覆刪除
    回覆
    1. wakakakak~多謝哂佢幫我影左呢張相喇咁~

      刪除
  12. so sad..尋日明明寫左msg應該click漏左個""post" so冇出到黎.....哼...
    wow..個南非之旅d內容少貢多都駛左2萬幾..貢去西歐真係抵到爛ar!!!!!! d野食好過佢多多tim....唔抵唔抵...最尾既自由活動真係直頭搵笨..而且d南非人又唔ok..咪屎旨意我去lor...

    回覆刪除
    回覆
    1. 係咪唔小心禁錯右邊個登出呀~因為我都試過~~~~~
      無錯~寧願去多次法國好過~不過依家法國又成人聽人講話搶野哥d...都咪話唔驚~
      哈哈~~可能係我咁黑仔je~~你去可能會好好玩呢~~

      刪除
  13. 都好吖,又去多一個地方,唔係你,我都唔知南非又貴又唔好玩,或者說:唔啱我地玩啦。不過,你都有啲好好既團友一齊玩,都唔慘既,你見媽媽同毛寶都同你癲,哈哈。
    好彩最尾嗰日都有啲豹睇下,我幾鍾意佢地的,仲要俾你影到佢跣腳,正,呵呵。

    回覆刪除
    回覆
    1. 叫做去過下啦~團費貴囉~佢地d野就唔貴既~咁又係~~有佢地陪下我~
      隻puma幾得意既~~成隻貓仔咁~~d毛色又靚~~

      刪除
  14. 好開心丫!你讚貞叻:)
    但係我唸d客有時都頂唔順我嘅痴脷根音

    回覆刪除
  15. 因為去冰島發現這個Blog,去冰島前曾經每日等稿出。去冰島後發現熱狗、龍蝦湯等真是一一如描述。但回來看到這標題,就很難接受。南非的猛獸,唉....南非的美食....唉唉唉!好彩看完全文,非常中肯。01年跟永安去過南非,自始10年沒有搭長途機去旅行,只遊走中國名山大川、日本、韓國、東南亞。直至今年才向冰島、英國再上征途。點解南非咁趕客?飛行時間與旅遊見聞完全唔成比例。飛行超辛苦,但行程超無感覺。自四大獸?正如隔離"港婆"圑友所說:唓!把佢個鬼,鼻屎咁細隻,我去長隆個啲老虎幾大隻幾近!好睇得多。迷城又無聊到極。騎鴕鳥直頭有啲低能!礦場呢啲景點....算了吧!講到食更不知所謂,百獸宴,不單難食,回來10年還覺得可能因而染上沙士。黑鬼煮的中菜,更加浪費食物,只可用難食來形容。全隻鮑魚,是煲完湯再煮返,完全無誠意。只可用無淡好食來形容。最奇怪,十年來未聽過人話南非團唔掂!有個同事去完,重話南非好玩,唔知是佢低能,還是我給人搵了笨,好彩看了這個Blog....才知有人共鳴....

    回覆刪除
    回覆
    1. 好多謝你有留意我既冰島blog呀~~感動~~我很用心寫的~~~~
      無錯....開頭我聽其他人講南非好好玩所以我充滿信心先會改呢個名...點知去完番黎先知賴哂野~~~~~無啖好食不特止~~~~仲要d人咁無禮貌先火滾~呢個地方我點都唔會再去~~~~~
      唔通....我同你都一齊俾人搵笨!??!?!?!

      刪除
  16. 估唔到南非咁差...原以為只擔心治安同衛生問題,點知連食物同人既態度都係問題....令我本身對佢有興趣,都變到無LU....>.<

    期待下年你既精彩行程!!

    回覆刪除