2013年12月2日 星期一

南非觀獸美食之旅2013-10-26第六天Part 2(朝早下大雨下午大晴天)

今日好多麻煩野~~~~不過今朝過左去另一邊學野~~當做休息左少少~~.......星期六:燒烤~~~期待很久~~食左3條香腸~~好開心我對香腸同蜜糖既堅持得到他人的讚賞(好變態~~)...其實我係好鐘意條香腸猛搽蜜糖~~~反得超密加蜜糖更密!!仲有蝦啦大眼雞啦扇貝啦蠔啦蟶子啦~~我另外一樣最得意既食物係雞中翼~~~仲有漢堡扒加芝士~~滿足~~....->燒到成身臭走去上堂...個堂超難頂...不停的討論...仲要出去講番...仲要佢分組搞到我地同事無得一齊討論.....愁...上完都覺得攰->金玉滿堂吃生果~......星期日:中午有老闆帶我去新葡京既The Kitchen食大餐~~~~通常呢d餐廳既通病就係前菜麵包甜品很好吃...主菜就不怎麼出色~呢間都唔例外....不過最平哥個餐好似$270...算係幾抵~入門餐黎講叫做抵試既~~服務亦唔錯~...->已經約埋另一個團友開始傾緊出年既旅行~~~但我地假都未抽~咩都無訂~哈哈~~..->同屋企人去左觀光塔間摩卡吃飯~~周末就在飲食中完結~~



2013-10-26

Day 6---Part 1(南非,約翰尼斯堡 South Africa, Johannesburg)
食完個早餐就去跟導遊行一行我地間酒店同其他區域既設施...首先就行過其他酒店都可以一齊用既泳池.....另外仲有一個有人造浪既泳池...但哥個真係超多人的....
今朝咁大雨....唔明而家又可以咁曬喎....




無啦啦地有個話劇場....




經過時間之橋去到第二間噚晚食飯既4星級既酒店....呢條橋每個整點時都會震的~




導遊介紹多少少野俾我地知有咩玩就解散喇....我地發現呢間4星級酒店裏面有機打喎~~~仲要係細個先有得玩既機!!!射牙呀~~碌波仔呀~~~點都要換錢玩下~~~~(澳門依家無得玩~~~)...仲要真係有飛出喎~~~好懷念呀~~~~~




香港仲有無冒險樂園架???玩既時候俾其中一個阿姨團友跟上我地.....佢自己d fd去哂游水佢自己唔游.....佢又唔自己行又唔番酒店休息喎...無啦啦就咁跟住我地一齊玩....仲要講:等我跟住你地先....(如果同你有交流過同你一齊玩都ok.....但我地好似同你無交流過喎...無啦啦就痴住人一齊玩唔係有d怪咩??又唔諗下人地想唔想一齊先得架.....)



呢個真係.....一絕~~~我地企係度觀戰時發現有個肥仔玩得超叻.....鋪鋪都係佢嬴~~~一問之下嬴哥個係有20張飛....玩法碌波....碌中數字幾多就行幾多步....最快到終點者嬴...我地唔抵得肥仔咁得戚......4個大人一齊向佢挑機~~~~點知.....玩左兩鋪都嬴唔到佢......其實呢部野賭博成份幾高....但真係好好玩~個黑人主持亦rap得出色~(因為佢要報賽果..但講到似rap咁...好正~~~令玩緊既人好緊張~~)




原來佢呢度仲有個輕軌既物體...不過行得超慢...咁咪試下坐囉~橫掂自由活動時間太多~




其實我唔太鐘意係酒店hea...無野做...我又唔游水喎.....好辛苦咁先捱到下午3點幾4點...(中午無飯食).......到左今日既午餐?!?!就係個團包係今朝我地食早餐時受辱既Crystal Court食個高貴英式下午茶....講真...我期待已久!!




下?!?!?!?!?原來係自助架?!?!?!?!我以為好靚咁再一個個tea set架既添.....好失望呀....




哈哈~~又係黑超上陣~~車...都無得影靚相咯....使乜咁靚....(真係好懶~~~)...好失望呀仲諗住好好的high tea添....




華....最最失望係....d野唔好味...咸品最好味係青瓜三文治....其他都唔好味!!!!!!!!!甜品更係無一舊好味哥下先恐怖!!!!!!





食飽又係自由活動時間...真係好悶...我地就去搵一個另一個區既地方玩下.....哥個區專係小朋友玩既....有個小小動物園架....仲可以入籠同小動物玩.....我地搵左好一陣子..好彩多得4星級酒店既員工幫忙(我唔明點解好多4星級酒店既員工有禮貌同肯主動幫我地多過我地間所謂5星級酒店)....不過好可惜去到已經收左.....噢...只可以係籠邊外圍偷偷影無得玩....




又好辛苦咁捱時間去到食飯.....又係4星級的酒店食蘭苑中餐




南非最後一晚既晚餐...呢間野裝修唔錯....點知都係令大家失望....南非d中餐真係好難食...




食完飯要去散哂d錢~~~因為呢晚係最後一晚~~~唔洗哂d錢帶到番黎都無用....呢隻我幾鐘意....handmade的~~不過我覺得幾貴..如果唔係為左散錢..我唔會買~




呢個鎖匙扣真係係紀念品店行左好耐先揀到...其實真係無野好買囉.....未試過咁少野買....




又順便買左兩支鉛筆儲下~我幾鐘意佢既筆桿位~幾民族~




最欣賞係呢批既圖畫磁石~好靚~

呢日既行程係無行程......純係玩酒店既設施...但間酒店既設施就係唔多囉.....其實我地得閒到行左上個塔頂度睇閃電....夠唔夠無聊???????????????????????????





今晚同屋企人出街食飯~~~~

依家去食秀蘭~~~~
好耐無食~~~
開心~~~~
好耐無食過小籠包喇~~~
我好肚餓~~~~~~

38 則留言:

  1. 香港仲有冒險樂園既,放心,呢啲呃阿爸阿媽錢既地方,點會冇架。乜你個團咁鬼多自由時間架,最後果日,除左食,就冇行程啦。附近冇mall行既話,不如返房訓晏覺好過啦。

    回覆刪除
    回覆
    1. 哈哈~~咁我下次要過黎玩下先得~~~~
      其實淨係呢日差唔多全日都係自由時間..但真係頂唔順....
      真係無mall行的..好難頂~~

      刪除
  2. 不知不覺以是2013年12月份呢 ...今年商場聖誕氣氛濃烈起來啊
    南非觀獸美食之旅...甜品更係無一舊好味哥下咁恐怖

    回覆刪除
    回覆
    1. 香港好似年年都好有氣氛的~澳門就無乜~
      哈哈~~係無樣野好味先岩~

      刪除
  3. 我都欣賞¸.•*¨❤圖畫磁石~好靚~

    回覆刪除
  4. Hi小t,唔好意思、因為又要O.T.現在先返到屋企、所以miss 咗妳上篇blog 喇、首先伯母現在冇事嗎?妳好乖囖陪媽咪去檢查!種族歧視我在南非都遇過、但比白人歧視,我哋成班團友閙番佢架!冒險樂園香港有好多分店架、銅鑼灣皇室寶有分店喎!妳時間可以去玩下喇!Crystal Court 英式下午茶,我去哥時係係二人1set High Tea ,仲好正架,可能我地要自費喇!但唔貴喎,大約$120,1set 喇!妳在影High Tea 張相好有明星feel 呀!南非真係唔啱妳去囉!希望妳明年去d 開心好玩架地方喇!bye!!!!

    回覆刪除
    回覆
    1. 佢無事呀例行檢查咋謝謝關心
      咁我下次可以過黎玩下

      刪除
  5. 圖畫磁石好靚!handmade的匙更最有特色!

    回覆刪除
    回覆
    1. 係呀~~~所以我好鐘意哥隻匙更的~

      刪除
  6. 圖畫磁石真係好靚呀~~~~
    個下午茶真係幾hea要自己拎~~勁搞笑XDDD
    哂左成日真係好無聊~~~~

    回覆刪除
    回覆
    1. 哈哈~唯一最靚手信~
      自己攞唔緊要~最緊要係唔好食~~~~
      無錯~呢日真係超無聊~

      刪除
  7. 成日嘅行程都喺酒店渡過,咁又真係幾悶喎。我都覺得嗰set圖畫磁石幾特別。

    回覆刪除
  8. 睇妳所講南非都幾悶喎~~~嘢又唔好食.......慘慘慘
    其實,食得是福~~~~想食就去食啦......最緊要自已開心

    回覆刪除
    回覆
    1. 悶到不得了~
      哈哈~~無錯~~所以我陣間又去食了~

      刪除
  9. 我好中意玩射牙哥個GAME GA~~~~~一發炮呢~手JAR哥舊野會向後chok一chok同震GA~~超有手感~~~

    回覆刪除
  10. 每個假期都見你在飲飲食食中渡過,真係開心死呀^^
    哈哈,原來你同我一樣,bbq鍾意香腸勁加蜜糖,我d friend都笑我食腸定食蜜糖,雞亦我都勁 like呀,呢兩樣快熟呀, hahahaha
    我去果陣無high tea行程,咁都算好彩,原來好睇唔好食
    呢個trip咪當到此一遊啦,其實佢d景色都唔錯嘅,只係無啖好食姐
    我個人認為菲律賓嘅馬尼拉仲袞個南非一萬倍,咪話呢一世,以後十世都唔去呀

    回覆刪除
    回覆
    1. wakakaka~咁周未要過得開心一點嘛~~~~
      係呀係呀~~~我超喜歡~~~香賜肚餓時燒最好~~快熟~~就好似打邊爐既肥牛咁~
      咁你真係好彩~都唔好食既~
      開普敦正呀~~
      咁我.....絕對唔會去菲律賓...

      刪除
  11. 又話去完南非黑咗嘅,但睇相唔覺喎,仲好得呀^^

    回覆刪除
    回覆
    1. 黑左呀~你睇下我今日篇blog再睇番第一天個樣就知黑左好多~

      刪除
  12. 即係.........去南非唔好對食物有要求,咁有無帶定d杯麵野飲呀~~
    睇你d手信都係夾硬買....嘿嘿*

    回覆刪除
    回覆
    1. 最好唔好去南非~~~~~
      夾硬得好辛苦架陰功~~

      刪除
  13. 聽你講個肥仔嗰部分好好笑 咁個肥仔係你哋團友 定係酒店其他住客
    最尾個圖畫磁石都好靚呀 睇相質地似係玻璃 係咪呀

    回覆刪除
    回覆
    1. 哈哈~~~佢真係好好笑架~~~~唔係團友呀~~係鬼仔黎架~~~
      係膠囉~不過真係幾靚~

      刪除
  14. weekend要去上堂好慘
    和你一樣,香腸要勁加蜜糖先好食
    睇完你d相我都好想去打機lor! btw,圖畫磁石好靚呀
    plan出年既旅行一定好興奮

    回覆刪除
    回覆
    1. 係呀.....依家仲慘...批多左個課程....依家連朝早都要上~
      你同我一樣咁有品味~~
      澳門係咪無呢d機打喇
      係呀~不過依家仲未有假~

      刪除
  15. 射牙碌波仔唔係金沙間肯德基隔離有得玩咩?

    回覆刪除
    回覆
    1. 哥d係新機黎架喎..打鼓哥d嘛..都唔係懷舊野~

      刪除
  16. 噢,你搞到我好想燒嘢食呀,哎呀,點算好?
    講真之前睇你啲xx之旅都會令我對嗰個地方燃起興趣,但lee個南非真係太"正",我對佢既慾望係零,堅係悶同難食喎啲嘢。仲要最後一日喺酒店玩,lee個都一絶啦。
    快啲去返啲好玩既地方,介紹俾我啦,朋友。

    回覆刪除
    回覆
    1. 你前排先燒完喎~你唔岩~
      哈哈~~~我搞到大家都唔想去南非添~我真係對南非唔住~~~~~~
      wakakakaka~~好~出年3月先會再去~~~等我呀~~~

      刪除
    2. wakaka,實等你啦,3月等睇你既遊記。但我會繼續追你既blog既,寫多啲食呀、小公子我睇呀,haha

      刪除
  17. 香港啲過氣野搬哂過去南非度,'歐'起我囡囡細個嘅回憶,冒險樂園都食左我唔少錢.
    睇黎南非唔值得去,真係幾悶吓!

    回覆刪除
    回覆
    1. wakakakaka~~咁真係好玩嘛~~~~媽媽呢d錢唔慳得架~~
      er...見人見智啦~我見有d blog友話好玩架~

      刪除
  18. 你呢日行程見人見智 ,鬼佬鈡意無所事事hae 在泳池邊,wine and sun can be a good day. 但中國人鈡意用盡 每分鈡!一

    回覆刪除
    回覆
    1. 咁我都明~但我地係跟一個中國人團喎~~~~~~

      刪除
  19. 見到有射大牙機
    而家hk都無得玩lu
    細個超鐘意玩呀~~!!
    估唔到南非都有..哈哈

    回覆刪除