碌chop泰泰之旅2009(Part 3)

終於今日都正常番少少喇….不過都係唔好太開心住….因為聽日…..星期五又到喇………唔緊要啦….都係番多四日工je….算啦算啦…….今日終於都去買埋遮住我兩條”連嘔”既爛布喇…好野~希望星期六會將我d醜野遮住哂啦….快d過左星期六就好喇……….



臨天光時又發左個古怪夢….又夢見k先生…..同我講左d古怪既說話…..醒左之後我諗諗下….我覺得哥d說話應該係我想講既說話囉…..哈哈….(不要想歪)



Day 1—-01.10.2009(Part 3)

係paragon玩完一陣之後…..我地諗住去唐人街食飯….點知上錯的屎….哥個野真係白痴…..車左我地去一間中國餐館囉….聰明得佢呀….去過兩次都無一個的屎佬好似佢咁…又話識…….但係又兜黎兜去狂問d行家…我真係頂佢唔順……..好彩最後都車到我地去…..但用多左我地一倍錢囉救命

跟住我地又去左上次黎食哥間海鮮大排檔….叫左超多野食……仲叫左呢隻啤酒飲tim….都少少濃味不過都ok既

有叫到食泰餐必叫的炒通菜和醃生蝦…..其實中午先食完咋

初初睇d醃生蝦都無乜野既….不過一用野夾起佢….好恐佈呀…….有我半塊面咁大塊呀…..仲又大又爽又好食呀…呵呵~

仲有同一日第二次出現既..冬蔭功湯..好味..但..一日兩次

思堪(唔識點寫..個音係咁讀)同醃魷魚都唔錯呢…….

仲有五隻燒大蝦呀~我覺得d蝦好好味呢…燒得好香呀~d蟹都好ok呀…不過我覺得貴左少少啦..成百蚊隻…但又唔係太大隻…..我自己蒸隻仲好呀….冬風螺~ok不過太少肉食~

醃生蝦同炒菜都係2碟…食咁多野五個人都係……四百鬆蚊咋



食飽左之後我地就番酒店….一間房有一間房無….想點….佢地上去先睇下間房點….我同杯就等緊另一間房….點知佢地上左去無幾耐番落黎……話….哥間房已經有另一d人住左…..下……瘀爆囉…….又叫我地上去但原來佢間房…已經有人….check左咁耐電腦…都係得個吉……好彩最後幫我地搞掂番…..仲有…幫我地upgrade左兩間房…由兩間一張雙人床既房….轉為…兩間兩張單人床既房~我地間酒店叫centara



攞好房擺低d野之後….我地就直衝上酒店頂樓55樓飲野….望出去….景色真係好靚….好可惜….我部相機唔爭氣呀~…..我叫左杯sangria飲…不過好可惜…我覺得唔好飲囉…………..

第一餐生日飯…吃於星期二…爸爸整的…叫東歐醬燒骨(佢又自己作名)…真係用sasa係東歐帶番黎既香料去整架…唔….都幾唔錯架……又香又好味….配以阿家上年送我們家的紅酒….當真……唔錯唔錯~…..聽日再黎一餐生日餐…..

前兩天包給臭男人的禮物….佢今日同我講既一番話….真的有如五雷轟頂的感覺….本身我就係今年既大嬴家…..我真係有諗住做….但由於時間關係….無做到…我知呢d….叫飲恨~算啦……不過我認為份禮物包得唔錯~…真係幾靚喎~~~

係喎….我有幾個大計話要廿五歲開始做架喎….

但係….下個禮拜咪係囉……..

我仲未有心理準備同金錢喎…..

係咪要遲d先呀……哈哈