出埃及記---2009.10.15第一天(多哈篇Part 2)

今日繼續放假中……有美好既陽光….已經令我今日心情開朗~…….加上今日約左毛寶一齊去neway度黎一個下午k……雖然中間有吵鬧過……不過到最後還是開心(唱完都係要死番學)………放假既時間總係過得特快….真係….好唔捨得我個大假呀….又要開始好好計劃出年既假期去邊喇~



2009.10.15—-第一天(多哈篇Part 2)

我地睇完水果市場之後….就去左睇多哈搞東亞運既體育館喇….初頭我以為有得落車影相…因為我睇人地facebook d相明明可以落去影….依家我地就話保安問題….只可以架車經過係車上面影…….咁都得…真係望一望架咋喎…第一張係體育館…第二張係游泳比賽場館….依家有錢到話想搞埋奧運

"經過"完運動場之後….我地就去左亞運既馬術比賽場地

睇落我係咪好似掂緊隻馬仔呢?實際上我係無掂既…因為我實在好驚…..好驚行埋佢度…佢會即刻擰個頭過黎咬我…驚

隻馬好搞笑囉…..佢好似有黑眼圈咁….仲學人伸利喎

原來佢地連數目字都有自己既文字喎…毛寶講我先知係靚車

睇完之後就去左個mall度話俾我地睇下人地個mall….而時間係半小時….唔知有咩好睇…..不過個商場有間好大間既家樂福….無錯….係家樂福呀….志雲大師又呃我地話郵輪上面無風筒….為免無得吹頭….我係呢度用左廿蚊美金買左個旅行風筒………佢地無美金找番俾我(因為太少找唔到)…..所以找左佢地d多哈錢俾我…..話時話…我覺得d圖案幾靚喎~毛寶都覺得靚…..於是佢再走番入去特登買d野俾佢找多哈錢俾佢…可以愛黎儲(搞笑)…..以家張靚靚多哈錢係我銀包…..有興趣可以問我攞黎睇睇喎…..睇睇咋…唔送俾你架…hehe

估唔估到呢間係咩???我初頭都唔知….不過望耐d個logo邊…再望埋入邊先知~……..你地又唔知呀?????

Haagen Dazs開頭仲係度笑佢…咁都要寫蟲仔文….後尾諗諗下….有咩好笑呀???我地都譯人地個名叫麥當勞啦…..



係家樂福我地仲買左兩包零食….因為我地太肚餓喇….但因為我地聽見遊完個tour之後會番機場航空公司會安排早餐…我地貪小便宜唔想食咁飽…..於是就買零食頂下肚先囉…..

查實又幾好食架喎…哈哈



俾多個你估啦…..呢間又係咩呢???有去開應該知啦

開估..所以我認為一個令人印象深刻既商標真係好緊要架~

之後有一家人買左個好大既麵包….我見佢地分俾d團友食……無分俾我地….我又好想食…又唔夠時間買要集合….於是我就行過去同佢做左場戲：咦﹗好得意喎….你地係邊度買架….等我都去買d先﹗……之後媽媽話：唔使啦…我地買完都食唔哂佢又無得買少d……我俾塊你咪得囉……….我既奸計就係咁樣成功左喇~……肚餓起上黎…我真係咩都做得出架…哈哈….我以為of3烤包…點知佢好似麵包皮..失望

番去機場….好開心…因為有早餐食….點知…..個早餐會係咁….超騎呢囉…..個類似咖哩角既物體仲有騷味………..

我都唔知點解我地兩個咁肚餓….明明係飛機上餵過兩次豬架喎…..哈哈……仲有係多哈呢度…我初頭覺得好奇怪…最少有三個人(水果市場…..攞早餐券….攞野食)…問我同一個問題：Who Are You?…….我覺得好奇怪…點解要問人呢個問題喎…….仲要淨係問我…….原來….哈哈…係我件衫…….



好喇…多哈講完喇….明天開始就係埃及喇~

下年去土耳其好無呢????heheeh

我個gip番黎咁耐仲未執呀….朋友們的手信…

等等我吧~