2009年10月30日 星期五

出埃及記---2009.10.15第一天(埃及始動﹗﹗Part 3)

好攰呀……今日起身…..去左仆街咖啡食飯…..食飽飽就去左毛寶屋企做功課…..做到咁上下…..就去左買夜晚飯番屋企食喇…..仲執下個gip….終於執完…我真係好乖呀~



好喇…多哈講完…埃及始動﹗﹗﹗



2009.10.15—-第一天(Part 3)

吃完個好搞笑既多哈機場早餐之後….係點幾度上左飛機…..正式飛去我地既終極目的地—-埃及~對對對..又來餵豬喇…因為我個肚又開始叫緊….都ok好食不過咸左d囉~



好有藝術氣息既一張相~…其實我睇緊哈利波特套戲~




埃及..禾來喇~見唔見到遠處有兩個小金字塔呢…好得意呀



埃及真係黃咁咁架~仲有好多密密麻麻既黃色屋仔tim呀



下午三點幾四點………成功登陸埃及…..不得不讚呀……..qatar airways降落得毫無破綻﹗簡直係降落左我都唔知呀~….搭四次有三次都唔知~我真係從來都未試過呀



唉…..係過多哈海關時已經俾人問我地本護照……黎到埃及都係咁問……..毛寶俾人問到叫佢坐埋一邊等等先…..乜澳門特區護照咁有問題咩???之前都咁多個人黎過啦……經過完海關之後….到攞行李…..係香港澳門攞行李真係好舒服….係埃及….好似難民搶屎咁…….條輸送帶又短人又多…..好辛苦先霸到個位攞行李咋…..志雲大師話埃及機場好嚴….因保安問題所以機場內外都唔准影相…..呢張我都係偷影咋………



成功咁上左旅遊巴….我就訓左覺..將影低埃及的屎既重任….我就交左俾毛寶喇….仲訓到流哂口水呀我…哈哈



塞車塞到痴哂線….我覺得仲癲過泰國囉



真係好慘呀我地….哥日一落機咋…即刻坐車去某間酒店…..唔係休息…係沖過涼……因為即晚我地就要搭火車落阿斯旺﹗……咁都唔係一個問題…..我地因為塞車令到我地沖涼既時間超少……大約九個字度….又要開gip攞野沖涼執番好d野鎖gip….呢個都唔係問題…..我地發現所謂既酒店….嚇死人….佢根本係一間賓館﹗咁都唔係一個問題….最大問題係……無熱水沖涼….都算….我地個浴缸…..去唔到水….沖完浸到上小腿…..唔知沖黎做咩….唔沖個頭因為成日幾無洗又開始臭….最搞笑係有個團友同我地講….佢地間房張床有個鞋印tim



呢架就係開羅開落阿斯旺既火車…華….靚到呀…十年無洗呀

志雲大師同我地講埃及d火車係:never on time…..結果….一等…..等左成兩個鐘….八點車…..等到九點幾十點…..痴那線…………..咁你就唔好催我沖涼催到我褲都甩啦



華..個車廂大到呀…..兩個gip擺左係度行都行唔到呀…..張相有幾多….間房就有幾大喇….呢張係開床前既相……….



開床後….d被污糟到呀……..我同毛寶著埋襪訓囉….仲要包實全身…..被都唔拉開黎吸…..就咁訓….但係後尾因為太凍…逼於無奈之下…….都係要死死地氣拉開訓入去…….

個廁所先係經典位…..你沖廁係唔會有水沖落黎架….佢只係打開個窿…利用你d尿張d廁紙同屎沖落路軌度….我真係想死…..十年前已經係咁….十年之後….仲舊d仲衰d….我以後都唔想再坐呢架火車第三次….我地已經係頭等…..我唔敢想象普通坐位會係點….嘔



晚餐就好似飛機餐….但係…十級難食囉….華…..值得留意下左上角既雞塊….超鞋….最難得係佢一d味都無…..我認為最好味係下面中間既吉列野…我初頭以為係吉列豬扒….點知佢地話:華….最難食係舊吉列魚呀…以…….我諗諗下…係喎﹗佢地回教教國家點會食豬呀….舊野已經炸到得番吉列味

如果去埃及又要搭火車既朋友…要留意下喇…記得帶杯面食…同埋用淺色長袖衫褲包住自己訓



第二天先開始有觀光行程呀…第一日就係驚驚之中渡過喇~

我真係以後都唔坐呢d火車…….嘔多次…..



大假不要離開我呀~

沒有留言:

張貼留言