Portofino

唔經唔覺又到左星期一囉…….爆攰呀……..星期六日都要番學…根本就好似無抖過咁呀…………我好眼訓呀………..個膊頭又痛喎……星期五晚留左係屋企無出街……就用左網上電視仔睇戲…..睇左套我的最愛…….華…估唔到呢套戲咁好睇呢~雖然好耐………方力申同鄧麗欣呢個組合真係唔錯唔錯….雖則我都唔係太鐘意佢地兩個………..睇完之後乘勝追狙擊….睇埋之前哥套十分愛(睇到鐘嘉欣同小武哥段有d想喊)…..都ok呀…不過我就覺得我的最愛好睇d…..加上我覺得睇完套戲再聽我的最愛首歌竟然同無睇既感覺係唔一樣囉………………..



星期六下晏去左食味藏….當我食緊燒飯團時…..見到毛寶望住我一面疑惑……

毛：點解你可以食到哥度都有飯架?

我：下?!邊度呀(摸下自己個口)?無呀

毛：唔係呢度呀..

我：我個頭呀?(意指頭髮)

毛：你除左呢個頭之外仲有咩頭呀?

我：(好快咁答)乳頭!

當時我地兩個笑到抽哂搐….我當然係講笑啦….

我：唔…..仲有咩頭呀???膝頭呀??

毛：仲有呢?!

我：膊頭囉….

我即刻望下自己個膊頭…..真係有成一大舊飯係個右邊膊頭度…真係唔知我自己點食飯…………段對話好好笑….好驚咁善忘既我會唔記得…都係記低好d………..



上堂又悶喎….恰眼訓恰到個頭就黎甩咁滯囉…….岩岩好醒左聽到趷蘿柚講到紅衛兵….冷不防佢竟然攞個套裝出黎玩角色扮演…..佢唔俾我地影佢相話驚我地放上youtube喎(佢都幾了解我地)…所以我地就借左佢套野黎影囉

玩完之後真係醒哂呀!!!!



番完學我地就同sasa小貞一齊去食飯喇….淨係諗去邊度食已經諗左好耐…………上網搵左陣….諗起之前小貞講過話佢個朋友仔去過venetian裏面一間新開既中價意大利餐(雖然佢死都唔認佢有講過)…………咁就查左邊個位之後就出發啦



去到之後……睇下價錢都可以ok接受….所以就入左去…..華….個環境真係ok唔錯喎……..d位呀…擺設呀…都令人好有賞心悅目既感覺……..我地都叫左好多野食架..又坐得舒服喎

介紹下有咩食先…..首先佢端左藍面包過黎…不過令我有d失望既係…………….佢可以愛黎伴包既物體味道都唔係太吸引……..所以寧願問佢攞舊牛油好過囉..好鐘意食長條型哥個

呢個係送既炸魚小食…….都ok唔錯架

前菜我地叫左蕃茄水牛芝屎(正)…生牛肉(好正)..仲有火腿蜜瓜(好好好好好正呀)…………….真係好好好味呀

佢地d野飲都幾唔錯架喎….我地就叫左cocktail飲….以下黃色哥杯係我叫既….叫做rum……….唔就得叫咩全名……..白色哥杯叫elegance?elegant?我都唔記得…….只可以講一句………..就係…兩杯都好好飲呀~

到左主菜喇….叫左個pama ham pizza……好好味呢………又唔漏喎…..仲有一個…..睇餐牌時覺得好高級的—-牛肝唔知咩什菌炖飯…..見佢係餐牌上面最貴既一個飯(其實都係125蚊~)….咁咪豪d囉……點知…個size…………………大到…….唔怪得咁平又好似咁高級咁…………..原來兩啖食哂

於是咪叫左個海鮮意粉囉…….好好味呀好好味呀

之後就到甜品喇……我話你知…個tiramisu…係成餐飯最難食既野….真係覺得好意外…………..完全好似無水準咁……..我一定唔會再叫..個水果撻唔錯…除左個撻之外…..佢仲有一個果仁雪糕….除左甜左少少之外…..真係無得頂

就係呢間餐廳喇…叫做portofino係venetian個zaia行過少少就見到喇……..查實都唔算話太貴…….4個人食每人260蚊…..我下次一定會去試哥個海鮮拼盤架

行過zaia見到佢個藍色波波好靚呀…..毛寶幫小貞影緊相…..個鋪屎……………

我其實都好鐘意個藍色波波呀………….因為我覺得隻色好似好神秘咁………仲有就係覺得呢隻藍色好憂鬱…….同我一樣……帶點憂鬱

我地係好無聊呢…..其實我想做左手邊個鋪屎多d..俾毛寶搶左囉