毛里求斯渡假+馬達加斯加麵包樹之旅2017-05-27第八天Part 2(陰天)

星期五...華~i子早上買左肥仔記請我同衰婆食~~!!多謝i子!!!我好耐未食過肥仔記喇!!!!好好味呀~~~放左工同毛寶麥公子一齊運動去~~快行+慢跑6.11km....單車6.29km~~做完運動梗係要食少少野啦~~~去左食阿鴻小食~~好味~~無啦啦上唔到網...煩.....星期六....中午食左八分目~然後臨時頒布緊急法定休息日~無做運動休息下~~~下午又同毛寶寫四國行程...好攰~~夜晚就約左露仙同埋karen~慶祝我和毛寶的生日~~~試左Japas~~多謝兩位~~~~~~星期日中午約左黃皮試新開既Sip Sop Soup~(唔錯喎~)......之後去左做運動~快行+慢跑6.24km....單車9.05km~~夜晚去左紫來坊食齋~星期一...搵左師傅上黎睇我個上網咩事....佢話d線無問題...換左舊野可以上到網喇~~可以出blog喇~~放左工之後去做運動~~快行+慢跑5.12km....單車3.15km~~



2017-05-27
Day 8---Part 2(毛里求斯 Mauritius)
繼續香格里拉既私人島Ilot Mangenie既行程~(講到行程...其實係無行程~)...毛寶你好衰架~~影到人咁靚既~




無咩人咁喎~最衰天氣麻麻~






哈哈~有隻綠色海膽沖左上岸~




可能呢個島淨係香格里拉d住客先可以用~所以無咩人咁~島上面有間餐廳~但我地到哥時都成3點幾~餐廳差唔多收lu~不過仲有間bar~佢話我地落埋order飲咩佢地先收~




叫左野飲就搵個地方坐下啦~請你地睇肥腳指~可惜~天氣不佳~極大風~





極大風~有幾大風你大慨睇下我個頭就知咩事~




叫左杯調酒師推薦的pina colada~




佢仲主動幫我地影裝帥照~




超nice的兩位職員~




無啦啦d雲散開~好野~腳指表示開心~







嘆緊哥時有個小孩自己係海灘邊了下了下唔知玩咩....隔多一陣引埋另一個小孩過去一齊玩~搞咩呀你兩個~





初頭以為佢執緊貝殼~原來係執緊海膽殼~~~~又幾得意喎~




好啦~要走喇...留唔到耐~因為最後一班船好似係4點幾~回程時發現個島超多橡果~




一邊仲係陰天~另一邊係晴天~





我覺得呢個島好舒服呀~無咩人~點玩都得~點嘆都得~同鹿島差好遠~




番到酒店我地就去大堂買個雪糕開心下先~(其實係見佢個雪糕櫃d雪糕轉轉下太吸引~唔記得幾錢..但記得係正常價格~




叫左個提子冧酒同埋個唔記得咩雪糕~提子冧酒好正~我地仲坐左出去個圓拱型個位度食~呢間酒店真係唔錯~幾大幾安靜~有d地方行下~但個人認為St. Regis個沙灘靚d~





然後各自番房梳洗同埋休息~由於餐廳無位訂到~我地決定叫Room Service~~~(同埋有人要睇波呀哥日~)....衰婆知我第一次未見過世面~突登叫我早d過去睇佢地set枱~(我真係好now仔~)





set好啦~我地今晚既晚餐呀~~~~




餐包~車~唔熱既~




Mauritian Crab Soup...Rs450=102.2hkd.....攞到黎都幾夠熱既~同埋飲落都幾重蟹味~但個湯我覺得有陣騷味~同埋放涼左一陣再飲又覺得有d咸~




Caesar Salad with Smoked Salmon...Rs740=168.1hkd....正常既味道~




Catch of the Day Fish....Rs950=215.8hkd....完全忘記係咩魚~我覺得個魚係新鮮既...但重點係佢整得太咸!




Club Sandwich....Rs740=168.1hkd....已經忘記入面有咩料~但記得係一般~




Char Keow Teow....Rs950=215.8hkd....初頭睇餐牌睇左好耐都唔知係咩黎~衰婆突然一句：炒貴刁呀!......你真係好叻~~即叫....係有d貴...成兩舊水個炒貴刁...但....好想食亞洲野!!!!!!!而且呢個亦係呢餐最好食既野!!




Penne Tiger Prawns & Pesto...Rs1,100=249.9hkd...又係有哥朕騷味~蝦仍然是木的~~毛里求斯d蝦到底怎麼了?




再叫左個Coconut & Lemongrass Creme Brulee...Rs350=79.5hkd....但我一d都食唔到香茅同埋椰子味~




重要叫左個Cheese Platter送波~Rs350=79.5hkd....d芝士勁好味!!!但d餅潮左既...好難食~




拿~賣大包~送上睡衣look~




呢餐食左Rs6,680=1,517.4hkd.....每人379.3hkd~唔平呀~又唔算好食~買個方便囉~方便係房睇波~(記得room service會收Tray Charge...一間係Rs500=113.6hkd...我覺得還可以~唔知其他酒店收幾錢~)




開波喇~~~呢日係足總盃決賽呀~~~阿仙奴入到決賽呀~~~仲要竟然俾衰公搵到有得直播!!!!!





咦~有人想同球員一樣握王子隻手~~~你做咩r手握呀~




好怕醜呀~~Ozil都係正選呀~~~




Ozil bb呀~同熱血球迷一齊睇波真係好~夠氣氛嘛~正如睇Supper演唱會一樣同粉絲一齊睇都熱血d一樣道理~





衰公係熱血到係酒店都要著埋波衫睇波~~~~呢場比賽我覺得都算幾精彩~~阿仙奴贏左冠軍呀~~~恭喜恭喜~仲衝去電視同d球員一齊慶祝...好救命~





恭喜老爺賀喜夫人阿仙奴捧盃喇~衰公仲扮自己有份捧~~好救命~~~~~~~~~~~雖然野食唔算好好食~但可以一路食一路係房睇波都係一樂也既~










拿~預告定~
人家星期四晚飛喇~
所以呢篇blog係呢個星期唯一一篇唷~
你地要點呀?
要記得M....記得E....記得ME呀~~~~~
(唔知大家有無印象小學六年級最鐘意寫紀念冊時寫既一句~~~~我記得我寫過唔少本~~都有呢句~~哈哈~~依家仲邊有小學生寫紀念冊呢樣野丫~~唉~~)
不過我好緊張呀~~因為今次安排左好多新野試呀~~
yeah~~~~~~~~~~~~



2017/09/25的開心事：
心入面不停諗住就黎可以去台灣~~~
等左好耐喇~~~~好心急呀~~~~~



報時：距離與毛寶慶生快閃台北之旅2017仲有---2日~
報時：距離日本四國自駕遊之旅2017仲有---18日~
報時：距離日本大阪自由行之旅2017仲有---73日~
報時：距離新加坡熱辣辣聖誕節之旅2017仲有---87日~