上星期二....呢日起身有少少頭痛...少少je...即刻食藥...但係到夜晚都係有少少痛....放左工都有去做運動..算係幾乖...快行+慢跑5.23km...好勁丫!呢日跑到30分鐘~~由於少少頭痛~放過自己唔踩單車喇~上星期三..好開心呀~i子買早餐俾我食~係馬鴻記既雞扒蛋包~~好耐無食~中午i子仲請食道地~不過....唉~....放左工無去做運動啦~因為我要執行李嘛~~上星期四....朗公子同我調更~一放工我就跑番屋企攞gip~阿sam車我同毛寶去機場~~~~~人家終於去台北玩了~~等了好久~玩左幾日...星期一就已經返回現實~好彩仲放緊公眾假期~中午食左八分目~下午就盡情休息(但我岩岩12點才起身)...夜晚同左媽媽食日夜咖啡室~之後行下八佰伴~再之後去左探菓子軒~星期二....仍然是假期~~~野~~好開心呀~~好耐未試過去完旅行仲有兩日假放~朝早去左做運動~~話哂去完台灣吃吃吃都要努力下啦~~(但噚日磅過竟然輕過去旅行之前~~~)...快行+慢跑6.16km(今日連續跑左25分鐘~~)....單車9.26km....中午食左馬慶康~~今日唔使等好耐~~我終於跳出我既舒適區~唔叫叉燒煎蛋飯...但都係叫唔到煎肉餅飯唷!失望!....食飽飽去買左個新墨鏡去旅行~~~~毛寶送我做生日禮物的~~野~~好衰架~~~多謝茅飽~~~好啦~聽日番一日又再放一日~
2017-05-28
Day 9---Part 1(毛里求斯 Mauritius->馬達加斯加,安塔那那利佛 Madagascar,Antananarivo)
早晨~我地今日會離開毛里求斯喇~香格里拉張床都好好訓~訓得好舒服~(但St. Regis哥張更舒服~)...呢日又突然好天了~~(原來潮退左個海灘會離我地遠咁多?)
佢個餐廳幾大下同埋幾多野食~
淨係食crepe都有超多果醬同蜜糖任你落~~~~排醬好有氣勢~
食物選擇都幾多架~~
仲有果汁bar啦~~~~我好欣賞呀~~~因為唔係單一果汁~佢每一隻都有好多種蔬果溝埋一齊整既~
好喇~食早餐喇~~~~真係好心曠神怡~
最驚喜佢有粉麵檔~驚未~雖然淡淡的~但係一解鄉愁~
走哥日先咁好天~~~~~好衰架~~~~~番房執埋野要走喇~今日要搭飛機喇~
我地check完out之後又見到哥個靚女~~~佢仲話送我地出去~~~黎啦~~影張相啦~~~~好靚女呀你~~你既膚色同你件衫既黃色超襯~~可以話..係你先會著得好睇~人又靚又有禮貌(讚夠未?)
走啦~走啦~我地依家揸車番機場~
大約一個鐘度就到左機場啦~
還左車我地就去check in啦~我地今日飛去馬達加斯加喇~無得嘆喇~~~~~~~
出境啦~~入境同出境印一樣有嘟嘟鳥~
過左海關要先行過免稅店~又見到一隻酒好得意~係嘟嘟鳥形的~令我諗起復活島的Moai酒~呢支勁貴喎~成99歐元~~800多hkd~
機場禁區入面就係咁樣咯~唔大~
跟住梗係又要去用盡信用卡優惠時間啦~呢個機場有兩個Lounge~Priority Pass都可以入到~咁我負責去視察下....因為我想望下邊間靚d邊間多野食d~~最後經我視察~揀左呢個Amedee Maingard Lounge...呢個Lounge係一出免稅店向右轉直行到尾就見到~睇黎係毛里求斯航空既主場Lounge~
我揀呢個Lounge既主因係呢度採用日光夠光猛~裝修新淨~同埋地方夠開揚夠大~
攞野食既地方都幾夠大~而且呢個Lounge唔算多人~幾舒服~
都唔錯喎~仲幾多野食下~(雖然野食都係有印度味~)....我話想飲紅酒...仲推介我飲邊隻~真係唔錯~
食夠嘆夠就等上機啦~~~我地都係坐番Air Mauritius既MK288號班機係14:10由毛里求斯(Mauritius)直飛到馬達加斯加既首都安塔那那利佛(Madagascar,Antananarivo)
飛定左空姐就派入境紙...er...係入境簿先岩.....
佢又搞笑喎~成本簿咁...唔係淨係入境表...仲有d coupon咁.....又介紹下野食...又介紹下酒店
佢張入境表仲要自己用手meet出黎....勁難meet...我meet到爛q哂~~~超細張...字又細..無咩位..好難填....佢d問題都問得好奇怪下~一個天一個地咁問....到完天又到地...問完地又突然變番天~諗到我...用左超多時間填~
哈哈~人地兩公婆合照..我無啦啦做攝石人~~
咦~短短機程都有飛機餐食~但係一塊好鞋既雞肉~勁鞋~唯有食旁邊既薯仔沙律~
飛左1小時55分就到啦~
想像中的黃咁咁~
好似好陰天咁喎~我地15:05就到左馬達加斯加既首都安塔那那利佛(Madagascar,Antananarivo)喇~
落左機自己行去入境大堂~
澳門特區護照係需要"落地簽證"既!....一入去首先要去交錢....佢有分唔同價錢...係按你逗留日數而定....1至30日係€25=214.48hkd....或者$27=210.1hkd.....當時我記得我地俾左歐羅...俾左錢佢就會幫你貼貼紙~
簽左證之後就過海關啦~見唔見....我呢版護照....全版都係佢d印.......仲要超慢過關過得.....呢一版印有成兩三個人吸....分工都分得好細下喎........個流程係一個吸印....吸完傳俾後面電腦睇...再吸印....然後再傳俾後面個人再吸再睇....然後俾番你....順利過關........(呢個分工真係好搞野~)
過完海關就直接係行李輸送帶~
咦~已經偷偷出現左喇麵包樹寶寶~
等緊攞行李時睇到有幅地圖有哂馬達加斯加全國有點景點~幾得意~
一出禁區~就見到有人黎臭我地喇~黃色衫哥位就我地既司機兼領隊~佢帶我地去換錢先~我地一蚊都無~
大家換錢要留意呀!!!因為用大紙換同用散紙換係唔同價架~用大紙換可以換得多d架~馬達加斯加既貨幣叫阿里阿里....我地用大紙換(即€100)....匯率係3420.....即€1=3420Ar...經我屈指一算....阿里阿里兌港幣匯率係398.639....即1hkd=398.639Ar....好難搞~呢幾用錢有排計~
我換左€250=2144.8hkd=855,000Ar......大佬~~好難搞呀~~~成80幾萬呀~~~點袋呀~~~~1萬1張都80幾張呀~~~~唯有鬼鬼祟祟咁袋入個紙皮信封再放入袋走啦~~(d錢你架做咩咁鬼祟!)....係因為....首都治安唔係幾好呀~~
係喎~
拿~星期二出左blog...
咁星期四係公眾假期嘛~就梗係..
你明啦~~~~
預祝大家中秋節快樂~~~~~~~~~~~~~~~~~
恭喜恭喜~~~~~
下星期一準時見大家~~~~~~~~~~~~~~~
2017/10/03的開心事:
就係今日有補假..同埋.....
有~人~送~我~生~日~禮~物~~~~~~~~~~~~~~
報時:距離日本四國自駕遊之旅2017仲有---10日~
報時:距離日本大阪自由行之旅2017仲有---65日~
報時:距離新加坡熱辣辣聖誕節之旅2017仲有---79日~
華!!!!連日本都就黎要出發喇!!!!好緊張呀!!!!!!!!!!!
第一次去四國咋~~~~~~~~~~~~~~~~~
下一次倒數就係進入單位數~~~~~~~
Dodo鳥支酒好鬼靚,不過又太貴了.....可唔可以倒返啲酒畀佢,剩買個吉樽係咪可以平啲啲XXXXXD
回覆刪除我以為毛島係近非洲,再search下個地圖先知原來在印度洋中心@@
拎住咁大疊錢紙,講真係有啲震都正常嘅:P
勁呀剛回來又準備飛啦!!!!
係囉....又重又貴~~~~~
刪除係呀..佢係自己一個島~馬達同非洲本土仲近~
真係驚...諗緊點分散袋出街好~
呢個月係有點忙忙的~~~~~12月都會係咁~~
個早餐超豐富^_^嘻嘻﹗來到馬達加斯加,就無咁多好嘢食囉﹗
回覆刪除小T中秋節快樂﹗
刪除相反喎~~~我覺得馬達d野好食d~
刪除多謝~我都希望你既中秋團團圓圓過得開開心心~~
刪除🌟開心中秋節╠╣aΡpy週三✨
回覆刪除好友☁¨♦晚安🌜甜夢安睡🌛💤
╔══╗────╔╗ ╔═╦╦╗─╔╗╔╗⊹
║╔═╬═╦═╦╝║ ║║║╠╬═╣╚╣╚╗
║╚╗║╬║╬║╬║ ║║║║║╬║║║╔╣
╚══╩═╩═╩═╝ ╚╩═╩╬╗╠╩╩═╝
────────── ────╚═╝✬。。゚★
╔═╦═╗── ╔══╗╔╗─────╔╗☆
║║║║╠╦╗ ║═╦╬╬╬═╦═╦╦╝║
║║║║║║║ ║╔╣╔╣║╩╣║║║╬║
╚╩═╩╬╗║ ╚╝╚╝╚╩═╩╩═╩═╝
────╚═╝❉•ೋ⊹ஜ¤ഐ๑
出遊...小心D$$$$$
刪除多謝~~
刪除係呀~~帶住咁多錢真係有少少驚~
刪除嘟嘟鳥個酒樽好靚,難怪有D貴
回覆刪除有做開運動,旅行後都無肥係會好開心囉!
又靚又重~~
刪除都係~~但日日做真係好攰~~
好嘢,又有blog 睇!
回覆刪除洒店餐廳d咖啡杯唔同色好吸睛呀,見到咁多款式好開心呀,最開心係有粉麵檔,食咗咁多人西式早餐,突然有碗湯麵食吓,我會好感恩!
個位女職員真係好靚女呀,不過佢左手邊果個女仔都唔錯喎!衰婆都成個平面廣告model 咁!讚
個酒樽又真係幾靚,但又真係貴,放下等於擁有!
野~期待人既~
刪除係呀係呀你都留意到~我都覺得好靚~...無錯!!!超感恩的~~~~~有啖湯麵食下真係成個人都踏實哂~~~~~
係呀係呀係呀佢真係好靚女呀!!!!!!d皮膚好好!!!!!!野~~~好衰架~~讚埋人既~~~衰婆又白又滑又靚~~~~
但真係好貴...而且好重...
中秋節快樂!
回覆刪除多謝~我都希望你有個快樂中秋~
刪除支嘟嘟鳥酒好精緻,剩係個樽都值D錢既
回覆刪除馬達加斯加換錢都幾煩喎,要下下計住
祝中秋節快樂!
但又重又貴又剩~真係好難搞~
刪除係呀....好彩我地係帶大紙去咋
多謝~我都希望你有個快樂既中秋~
中秋節快樂baby :)
回覆刪除嘟嘟鳥支酒好有特色 如果草世界各地唔同既酒好似會好有氣勢呀
期待見到麵包樹真身 雖然我係你地IG見到 hehehe
你都一定有個快樂中秋啦~最後一個單身中秋~~~~~~
刪除都係呀..但係太貴喇~算了~
哈哈~~~~~~~呢度會有多d相睇嘛~
估妳唔都今日出blog......而我又懶左幾日.....哈哈哈
回覆刪除妳好叻一口跑都30分鐘....keep going
祝妳中秋節快樂、人月兩團圓。
hehe~我形象真係咁懶咩~~~~~
刪除但今日狀態好差~好攰~~~~所以跑下抖下~
多謝~希望你都有個快樂中秋~
個酒瓶好得,阿強重得,可以帶近百萬行街,哈哈哈
回覆刪除這麼早便有生日禮物,不是中秋快樂,而系中獎快樂就真,呵呵呵
哈哈~~阿強梗係得啦~~~
刪除希望日日都有得咁快樂~
點解blogger 唔問有無人掛住你嘅~耶~~~叫人點答你姐~~~
回覆刪除哈哈~~你都可以無啦啦話掛住我架~我唔駒架~
刪除中秋節快樂! 個早餐真係冇得輸,仲有mixed juice, 好貼心. 你地一班人換€250? 夠唔夠用?
回覆刪除d mixed juice真係好正~~我飲左兩杯唔同既~~~
刪除唔係~係每人€250呀~