毛里求斯渡假+馬達加斯加麵包樹之旅2017-05-24第五天(天晴)

星期五...番工無咩特別~放工去左做運動....快行+慢跑5.31km...單車6.68km~呢日都幾叻~~做完....哈哈~~去左食千笹~~好耐無食過日本野~~個刺身拼盆好好味~我第一次食生既喜之次...好好味~~~仲有左口魚邊壽司~仲有燒牛舌燒菠蘿都好正~~~唔錯~(放縱下一日啦~~)...星期六~一早又係運動+Americano呢個組合~我很喜歡Americano配運動~但呢日懶乖咁叫左走冰發現極度難飲~~~呢日快行+慢跑5.21km....單車6.87km....雖然都達標...但就係有點力不從心~~~(其實做完就知點解)......做完運動行哂雷咁...好驚落雨所以去左羅浮咖啡食中午飯(因為停車場直達餐廳唔使驚落雨~)....今次d野又好食番d喎~之後訓左個下午覺~夜晚係屋企食阿媽買番黎既喜之次~~煎到佢香香的好好食~仲有三文魚籽丼~~~星期日..由於太攰~我同毛寶決定休息一天訓晏d唔做運動~~中午食左一間開左超耐但係我從未食過既茶餐廳...但麻麻地~之後幾有氣質呀~我地走左去學刺繡呀~我真係好有氣質~夜晚食左關東煮外賣同埋毛寶幫我剪左頭毛~又過左一個周末~星期一...呢日超多野做~~超多~因為有d學校放教師節喎........放左工番屋企食左飯就去做運動~快行+慢跑5.2km....呢日好勁喎~跑多過行~~Sunny真係勁~~一路聽住你把聲係跑得起勁d~~~~~(聽講話9月出新歌喎~~~~唔使急架最緊要快~)



2017-05-24
Day 5(毛里求斯 Mauritius)
早唷~~~~一早起身望到呢個景係心情好d既~~仲要St.Regis張床真係勁舒服......真係好舒服~~訓醒無腰酸背痛感~呢樣真係要讚..我未訓過咁舒服既床~預左某個時間去食早餐起身既~但未到鬧鐘響我地就自然醒左~hehe哈哈一輪決定早d起身去食早餐~




係哥間法國餐廳食自助早餐既~





我地被安排坐係窗口位既~雖然望出去無咩望~但藍天白雲都夠舒服~好~好攞野食先~




華~好靚好靚~我講我砌到自己個早餐好靚~成枱早餐排到同我一樣咁優雅~~~~~~~~~~~~~~~




望住呢個早餐係幾醒神架!!!杯茶勁好飲!!!係我地之前去食飯哥個Bois Cheri茶園出產既茶葉黎架~無落糖但已有淡淡香甜味!但唔知係咩茶...好正!隻小法棍不錯吃~~煎蛋同薯餅都好好味~~~提子同芝士同吃好好味~(加送少少我對香滑靚腳俾你襯個早餐~見係你咋~)




正呀~嘆呀~咁樣又唔怕曬但又有生風吹入黎唔怕熱~我都幾享受呢日既早餐~重點係呢度真係無咩烏蠅~





食飽飽周圍望下~行下第二條路番房~經過噚晚食飯時個噴水池位~朝早睇靚好多~




酒店俾我地遲d先check out....1點先check out~所以又各有各玩~毛寶又去左曬太陽~我就留係房望住個靚景嘆住冷氣上下網就算喇~~(我真係好懶~因為我真係唔好陽光與海灘型~咩呀...我有負責吹乾噚晚洗d衫架~~)




毛寶曬完太陽沖埋涼就執好野check out啦~噢~今晚開始又回歸現實~~~~~~~




衰公衰婆去睇過哥間日本餐....之前哥晚我地有望過下餐牌...有個壽司係200幾hkd...有5粒壽司加一粒玉子....我地仲笑話佢都唔知會俾d咩壽司.....所以無去試...點知佢地一睇張圖之下.....華...好彩無去食咋......................呢幾粒咁就200幾蚊....




臨走時參觀埋佢個main building入面既其他設施~因為衰婆話好靚~(點解臨走先參觀?因為噚日掛住去海灘玩嘛~)...好勁喎~有圖書館..又有戲院咁喎~




行上樓上參觀時覺得呢度好似霍格華茲d樓梯咁~




呢個係佢地個圖書館~~好靚呀!!!有英文書有法文書有德文書~而且冷氣涼浸浸~又夠光猛~好鐘意~






仲有writing room~~~好勁~~唔知我走入去打我d九唔搭八既blog會唔會都會變得優雅一點?(應該不會)




戲院....要提前預約...望落都幾舒服~但check out時望過d戲.....好舊..........................




仲有遊戲室~都算幾多野玩~同埋我參觀時...發現以上既野都無人用~~~




遊戲室入面既麵包樹擺設~好可愛~好緊張呀~去馬達加斯加唔知點呢~




好囉~咁離開St. Regis喇~~~拜拜~~~其實St.Regis唔係唔靚既......但係成5000幾蚊晚但個晚餐又令人咁失望.....性價比低左少少囉~加埋佢敲門發現無人跟手自己入黎哥下野真係俾佢嚇一嚇.......我其實唔推介~好喇~我地驅車前往毛里求斯首都路易港(Port Louis)....話哂商業區....去行下佢地個購物中心蔻丹廣場(Le Caudan Waterfront)...地址：Caudan Waterfront, Marina Quay, Caudan, Port Louis, Mauritius........一入到大城d路超易miss左個街口轉彎....個gps又不靠譜...兜左好一陣子~~華~乜咁似去左威尼斯人既~望個地圖好似好大咁~





佢有一個幾大下既露天停車場....泊好車就去行下囉~都真係有少少似去左歐洲咁既~少少咋~





跟住行左入其中一個商場...佢好似有其中一個area係賣d本土手作野咁~睇睇先~我買左幾個磁石~又係另一個地鋪終於買到postcard同埋郵票~感覺完成左一個使命咁~




走進路易港後同我前幾日既毛里求斯好似完全不同國度咁~大城即係大城~




中午飯都未食咪求其係商場個美食廣場搞掂囉~個food court都幾靚~




呢個真係無記低幾錢...好似20幾hkd個.....我叫左個帶點馬拉feel既炒米粉...毛寶叫左個叻沙.....毛寶哥個湯有點怪怪的~我哥個簡直係出色!!!辣辣地咁幾開胃~~~~我覺得好味過噚晚St. Regis哥餐多多聲~仲要超大個~




本身仲有一個幾出名既市集既(應該係類似街市咁)...但好似收左~唔緊要啦~~~~於是又車遊市中心~~(勁似跟旅行團~~~車遊既city tour~~~)...好歐洲式既建築~





仲有回教特色既建築物...我覺得幾靚~真係幾多元化喎~影相時仲岩岩有鐘聲響起....應該係夠鐘祈禱






跟住行過少少仲有中式建築呀!!原來係唐人街~中國人真係遍佈天下~




覺得唐人街好吸晴呀~落車影下相先~成條街好似停留係80年代咁!





然後係一個停車場入面....發現呢幅大壁畫!!(其實你可以現代d叫塗鴉都得架喎)....勁有型~好似d通勝咁~~~好靚~





呢個女仔對腳咁長既~~~~毛寶個名為配合幅畫都轉埋一齊做中國風~




但發現呢條街....d鋪頭好似荒廢左咁既....好似無開鋪既痕跡喎.......(路程中有兩個中國人行過...連佢地衣著都好似80年代咁架)






仲有間勁舊既機鋪呀!!!都幾多係入面打機~




呢度真係幾適合影帥氣照....但無咩鋪頭有開....無咩睇~




係某幾間餐廳有開咋~




呢幅相當時係毛寶個instagram度既標題係：強。三十有二。無不良嗜好。正等待緣份中的你。.........頂~~~XXXXXD....連徵友廣告都幫我搞埋~~真係唔該哂你~~~~~~~~點呀~~~有無人要做我有緣人呀~~~~~~~




回程時終於影到佢地d巴士俾你地睇喇!!!!真係幾頂癮!!!我以為佢地全部巴士都咁舊既時候....又突然會有d勁新既巴士跑出黎~~~呢d巴士係我以前小學去秋季旅行必坐!






呢個牌坊係1995年立架喎....2017年唐人街好似已經無哂人咁既?中間發生左咩事?




參觀完首都之後又離開喇~我地唔係首都住~差唔多入黑我地先開始揸車去我地個住宿......呢晚唔係住酒店既...係villa黎既.....係經Agoda訂架~但係個地址硬係搵唔到....經過幾番詢問....先去到呢晚既住宿.....仲要無reception check in架...係門口同實q講左然後有個人黎同我地check in咋.....呢晚我地係住Oasis Villas by Evaca......有兩間房....住四人...一晚3,268hkd.....每人817hkd....間屋係幾大既...不過都幾貴.....但係有Half Board....check in哥個人好似唔知我地有......佢話唔包架喎.......衰婆再攞番agoda哥張確認信出黎佢先話有.......跟住佢就話安排我地去一間餐廳食...都係佢地既....同埋包埋我地坐的士......神化~




有廚房~但對我地黎講無用~




住villa咁都有welcome drink.....但幾好飲講真~




我同毛寶間房同公共廁所~呢間villa都幾多螞蟻..蚊呀之類既昆蟲~搞到我同毛寶出出入入房同埋廁所之間不停開門關門~....仲有間房我覺得d床單好污糟....有昆蟲屍體之餘仲要有血跡.....搞到我成晚個身勁驚掂到d血跡(我相信有洗過既...應該)





衰公衰婆間套房加廁所~好彩有兩個廁所咋...如果唔係4個人有排搞~





不一會...車到了.....就車我地去餐廳食飯...我開頭諗係好家庭式哥種舊餐廳...點知....原來幾靚喎~




我地係Half Board既...前菜主菜甜品各可揀一樣....都幾大方......但全部寫法文..唯有問侍應~




雖然都唔係好食....但都一定好食過噚晚St. Regis哥個




我另外叫左杯Apple Mojito....Rs180=40.9hkd.....麻麻~因為勁甜~




前菜主菜同埋甜品每項都有兩樣揀...咁我同毛寶兩個人可以款款都試哂啦~.....前菜有南瓜湯(一般)...同埋凱撒沙律(正常)





主菜有燉牛肉(好難食...勁硬d牛肉..個汁又難食)....仲有肉醬意粉(正常..但食到好悶)





食既期間呢隻貓貓不停係我地身邊穿插~原來想討摸摸~佢討摸討到試過雙腳企令毛寶隻手可以摸到佢~~傻貓~






甜品係朱古力慕絲(勁甜...質感怪怪)....仲有一個叫Napolitaine既甜品...我開頭以為係拿破崙....點知一上....隻粉紅色真係嚇親~食落唔使講啦~可以用勁難食形容.......呢餐真係食完都唔覺得飽......實在幾難食呢餐~~好喇...St.Regis又好番少少喇~





番到villa影下呢日既收獲~華..好多postcard要寫呀~~~終於都有d野買下~




買左Blue Bay同埋海底瀑布~




郵票淨係得呢條魚~我地問賣手信哥度佢地有無其他郵票..佢地話佢地無~




佢地d磁石大部份都勁肉酸~係呢3個還好~




衰公影的~條檐蛇寶寶d腳仔吸住玻璃窗好可愛~








2017/09/11的開心事：
好開心我以為自己狀態不佳但又跑得唔錯喎~



報時：距離與毛寶慶生快閃台北之旅2017仲有---16日~
報時：距離日本四國自駕遊之旅2017仲有---32日~
報時：距離日本大阪自由行之旅2017仲有---87日~
報時：距離新加坡熱辣辣聖誕節之旅2017仲有---101日~