毛里求斯渡假+馬達加斯加麵包樹之旅2017-05-25第六天(天晴)

星期二...工作又回復正常~放左工無去做運動~因為約左公子去麥公子屋企開p~~叫左韓式炸雞飯卷外賣~~~好正~~~星期三...工作無咩特別~放左工要去做番運動啦~噚日無做~~快行+慢跑5.26km~狀態不錯~我覺得我可以跑多d添~不過留番周末先跑多d~費事上班日太攰~另外單車3.88km~星期四...中午同左衰婆和i子一齊去食八分目~我好鐘意食~第一次番工日去食~期間聽到一個驚天大消息~其實我矛盾左一整個下午~放左工食完飯去做運動...今日快行+慢跑5.27km...要紀錄下係我跑到20分鐘~~~單車6.27km~~但原來要做無氧運動之後先做有氧運動...(但無氧運動好辛苦唷~)...好野~聽日星期五~~~~~~~~~~



2017-05-25
Day 6(毛里求斯 Mauritius)
早唷~其實點解呢間野唔平我地都租?因為其中一個話想試下裸泳喎~咁呢度有個私人泳池.....但...咁細...浸水就有份~而且個廳有兩個閘架~可以開哂佢咁個廳就可以直通去花園泳池喇~




包早餐...我地噚晚約左個食早餐既時間...第二朝就有人送黎.....但早餐會唔會有少少求其?而且d包都無熱番.....生果仲要係我地自備的~(St.Regis度攞架~)......仲要我地未執好野佢就開始有人執房.......搞到我執行李時佢又執房....怪..可否等我走左先執?我都無超過check out時間




離開呢間我麻麻地既villa...第一站~係一間大型超市~~哈哈~叫Super U...地址：La Salette Road, B11, Grand Baie, Mauritius.......咩都有得賣~野食~生活用品~手信~(但唔好旨意係佢度一次過大量買到手信...佢d手信質量都幾醜)





酒呀~~~好多酒呀~~~




但其實呢排零食先係我既焦點~~因為帶黎哥d已經食咁d喇~~~要補給喇~~~~(其實重點補給係我要買多支防曬~本身有支防曬膏~但實在太曬狂補之下..我驚未到馬達加斯加已經用哂~但物價不便宜...跟澳門差不多~)




喂~你好靚呀~~~尤其係你對腳~~~~~~~Rs249=56.7hkd...幾平喎~~~~




好勁呀~~~呢度有潘高壽(Rs172.95=39.3hkd)同埋念慈菴(Rs300=68.1hkd)賣呀!!




其實我真係好鐘意行超市~雖然唔算多野岩我買..但我行得津津有味~我好鐘意睇乳製品區~





細個哥時我好鐘意食一隻千層雪糕叫Viennetta架~~~呢度都有喎!!!係Super U既出品!!!!口味仲要係我最鐘意既薄荷朱古力味!!!!將兩樣我最鐘意既元素放埋一齊!!!瘋的!!!!點解澳門無!!!!!




見到Bois Cheri既茶葉!!!(係茶園食飯哥日又唔買~)...睇包裝我同毛寶以為係St. Regis食早餐哥日飲既哥隻茶~即買~Rs38.9=8.8hkd.....獨立包裝..又幾平喎~我仲買左幾盒做手信~番到澳門飲點知唔係St. Regis飲哥隻....失望




自己飲就買左大包裝~Rs39.5=9hkd...買茶葉做手信都幾好...不太佔位




零食除左買左薯片之外仲買左呢兩隻Super U牌...極度推介右邊哥隻三文魚味既小泡芙!!!好好味!!




買完一輪....我地就揸車去到附近既大灣(Grand Baie)....去到Grand Baie Beach....勁多車...好難先搵到個位泊~其實呢個沙灘勁細......都係覺得藍灣(Blue Bay)靚好多~






無啦啦海中間有個冬菇亭既?俾邊個用?唔通潮漲得咁犀利?




咁淺水都有魚釣到個磨~~~~




Grand Baie呢個地區好歐洲渡假區feel~




我地周圍假行下.....雖然附近有好多商鋪...但無咩岩我地睇~經過個郵筒....勁英式喎~~~~




行左一陣.....感到又曬又熱又攰又肚餓~小姐病發(我講我咋~)....搵個地方坐低食下野~搵左呢間餐牌望落唔錯.....又各住海灘靚景既餐廳食飯~間餐廳叫Cafe de la Plage...地址：Sunset Blvd, Grand Baie, Grand Baie, Mauritius.....




點左野食上包先....個餐包有誠意到係蒜蓉包!!!我最鐘意食架喇!!!佢d牛油超香!!!!最鐘意食完向毛寶呵氣~~~~~~食完包對呢餐好有信心~




我叫左杯Blue Lagoon(前)...Rs220=50hkd.......隻色幾夏日~但味道單一...得個甜字~~但解暑~毛寶的Mojito(中)...Rs250=56.8hkd....又係一般...過重手既酒........衰公既Iced Coffee(後)...Rs200=45.4hkd......淡過水




Crab Meat Soup in Creole Style....Rs420=95.4hkd.....係堅係有蟹肉喎....湯既味道都算鮮...但咸左少少....個價錢係酒店價




Octopus Salad in Creole Style.....Rs450=102.2hkd....個八爪魚質感怪怪的....茶園哥個好食d




係餐廳出面睇餐牌時有個Seafood Platter....Rs2,000=454.3hkd...好似好雷咁....梗係要叫黎試下啦!!!!點知一黎到....華...唔係呀下~~~咁普通既野就收我400幾蚊喇~~~~佢唔係難食...但係唔值囉~~~~~蝦又得一假....蟹又得四分一隻(仲要d肉係梅既)......




Gratin Mussels with White Wine.....Rs550=124.9hkd....食落唔似白酒汁.....同埋係我最憎既大隻青口...但好彩既係唔怕煮到柴哂




Lamb Cutlets with Black Pepper.....Rs950=215.8hkd.....我地叫Medium....佢黎到一切開....入面係全生架喎....無事既...入口試下...其實個汁既味係好味既...但食到既好似係個d俺肉既汁都仲未熟.....根本似係將舊肉兩邊每邊煎3秒就攞起俾人食既感覺......你話係Raw既我都信........不過個經理勁串....唔想人安全受威脅....放低唔食就算喇~




Creme Brulee....Rs250=56.8hkd....一般啦~




呢餐食左Rs5,710=1,297hkd...每人324.3hkd....我覺得呢餐d野食對唔住個價錢呀!收我錢唔緊要...俾野我食先得架!!又一遊客餐廳之作...得個景




又見懷舊巴士~




黎到下一個景點~落車時見到呢抽果實...隻紅色勁靚~~但諗緊係咪有劇毒~~就好似越靚既女仔就越有毒...好明顯我就係無毒狀態(呆).........




我地黎到紅頂教堂~哥日都見到有人係度影婚紗相~(應該係韓國人)






入面都幾簡單~但我覺得幾靚~同埋入到內心覺得好寧靜~





教堂內看窗外的世界~




個女仔好靚呀~~~~係邊度可以識到佢??(其實我讚自己要讚到幾時?)




臨走時架車開左無耐...咦!!!有間郵局~~~衰婆真係好眼~叫衰公停車俾我去買郵票~~~終於買到d唔係魚既郵票~yeah~




來到了今晚既酒店~~~叫Laguna Beach Hotel & SPA....welcome drink好像怪怪的...勁似涼茶味都酸酸地咁~由於網上寫呢度有免費船去鹿島(L'lle Aux Cerfs)....咁我地咪問幫我地check in個女仔....點知佢淨係講no no no....話要俾錢....我地問佢幾錢...佢又話唔知架...要問番個boat house先知.....但依家個boat house收左...要聽日先問到....我地問咁唔知確實幾錢....咁大約幾錢...又唔知....我地問有無包船佢又唔知...要我地聽日自己同boat house哥個人野傾....如果想包船仲要8點鐘去同佢傾....我地話咁唔包船喇唔想咁早起身同佢傾....我地同其他人一齊出去啦(因為公眾船已經有個固定時間)....佢又話唔得一定要8點鐘去見左個boat house老闆先......頂....搞咩呀....點解一定要我見佢呀....問佢boat house係邊...佢淨係話同酒店好近......但無詳講..........................(淨係覺得個reception煩死人喇)




咁上左房先啦~都ok既...起碼乾淨整齊....係度住兩晚...兩房兩晚4,967.1hkd...每人每晚620.9hkd....Half Board




有露台的~




出面個景係咁既....望遠係海...但樓下係一個地盆




廁所...同埋床既另一邊有電視~完全唔掂既熱水...應該話無熱水先岩~第一晚凍住沖涼~





頭先買既郵票~靚無~




包晚餐既...係食自助餐...麻麻~

飯後衰公衰婆再去問reception另一個男仔有關坐船去綠島既野...又話有免費船喇喎....咁幫我地留左名....話聽日1點鐘出發...就咁係boat house集合....個女仔好似想阻止個男仔話有免費船....但又俾個男仔阻止番佢.....勁神化呢間野......之後個男仔就話唔使聽朝再去boat house見哥個老闆喇喎...佢幫我地mark左






2017/09/14的開心事：
同左i子同埋衰婆去左食中午飯~
同埋今日跑到20分鐘步~



報時：距離與毛寶慶生快閃台北之旅2017仲有---12日~
報時：距離日本四國自駕遊之旅2017仲有---29日~
報時：距離日本大阪自由行之旅2017仲有---84日~
報時：距離新加坡熱辣辣聖誕節之旅2017仲有---98日~
台灣仲有唔夠兩個禮拜咋!!!!好緊張!!!!
新加坡都突破左跌入雙位數喇!!!!
原來日本都仲有一個月咋!!!!!!