毛里求斯渡假+馬達加斯加麵包樹之旅2017-05-23第四天Part 1(天晴)

星期二...無咩野丫~工作順利~星期三....下午竟然有點靜靜的...好不舒服~呢日早餐係一個葡京大包..好好味~星期四放工勁爆大雨~走左去同公子食我地最愛既權昌~戈巴都黎左澳門~仲要請我地食飯~多謝麥公子和戈巴~所以太夜番屋企無寫blog~星期五...早上發生左甲由事件(個名係毛寶幫我諗既).....放左工去左食酸辣粉~我係第一次一個人食一碗酸辣粉架咋~要好好記低~阿媽去左旅行~呢幾日要好好照顧自己~(洗衫先)....星期六我一早去左做運動啦~幾叻~由於太耐無做....費事身體頂唔順...快行+慢跑5.14km就快行既多~單車5.98km~....之後就食左間新既冰室....我個片頭撈米好難食~~~下午就同毛寶訂下四國既車....搞左成個下午....好攰~~但終於搞掂~毛寶叻叻~~~(齊鼓掌)....夜晚食左家常便飯~都算幾抵食~依家仲要送例湯!抵!....星期日早上又去左做運動~快行+慢跑4.88km~單車7.07km~之後跑左去食永安既豬扒公加咖哩仲有煎蛋多~~~~好耐無食過好好味~~~(咩je~做完運動唔好食咁多野丫嘛~但我唔做運動時都係咁食啦~無事既~)....下午....訓下午覺~夜晚自己煲青紅蘿蔔海底椰粟米瘦肉湯~再加外賣海榮~又過左一個禮拜~星期一....小孩本身上學去的...點知又黎個暴雨不用上學天~呢度真係好好玩呀~~~~放左工去左做運動...但今日狀態很差呢...跑一陣就見好攰~快行+慢跑5.38km......回家依定又要趕緊洗衫了~~~~我無事呀~~~大家唔使擔心~~~



2017-05-23
Day 4---Part 1(毛里求斯 Mauritius)
好喇~住埋噚晚咋~今日要換酒店喇~~我好唔捨得個早餐呀呀呀呀~~~~今日食一隻太陽蛋好喇~~另一隻蛋既quota改食奄列~都好味~(其實奄列應該用兩隻蛋整...其實我呢日食左3個蛋...好不應該)......又飲哥個健康水~




最後一日係Hilton...俾面佢食多個round先~黃椒隔離白色哥塊係煙燻馬林魚~好味~




番房攞埋行李走喇~拜拜~住左3晚既房~




今晚只有一個活動~因為要預留d時間去今晚間酒店嘆嘆~




我地今日既唯一活動係坐直昇機遊覽呀~~~~~其實訂直昇機呢....都係Air Mauritius度訂既(不過佢地成日唔覆e mail架....問親d咩唔好諗住佢會好快覆你...一係覆你就可能無答到你問既問題....怪).....係邊度上機就你自己揀...你可以揀番係國際機場度上機....或者如果你自己酒店上都得(如果你間酒店有停機坪既話....同埋停機坪既費用係另計的(有d貴d有d平d架...自己可以格下價).....我地揀左係呢個Golf Club既停機坪.....噚日我地已經熟習左一次黎呢度~停好車就首先去報到同埋交左停機坪費先...我地呢個停機坪既費用係Rs2,000=454.3hkd




約左10點....襯未夠時間參觀下佢個health club~仲借埋人地個廁所~





夠鐘...揸車入到個Golf Club入面泊好車~就去搵停機坪..點知無指示.....搵唔到咪問人囉...點知問極d人都唔知係邊咁~問左好多個人~




左問右問終於知個停機坪係邊~工作人員叫我地坐係度等一陣~~~傾左陣計就聽到有直昇機聲喇~~~




今日天氣真係好得很~(也曬得狠~)





架機比我想像的細~多謝衰公幫我地影相~本來想幫佢地兩個影番張...但好像要趕著上機了..




咦...個排位無啦啦咁坐既~~~我仲諗住衰公坐機頭添~~~佢有好相機嘛~~~唔知點解趕趕忙忙上機變左佢坐後面




變左呢個小孩坐前座!!好彩你都有個go pro影下!我地揀左45分鐘既觀光遊~每人Rs12,250=2782.6hkd~(每人)




起飛了~






同埋隻機都幾舊~上次格陵蘭坐哥隻大d新d~




好彩唔係我坐前面咋~因為頭頂係通頂玻璃~陣間我又話好曬曬親我架喇~(呢個人真係好煩~)




繼續空中遊先~一開始時是一面綠悠悠~







火燭????




第一個見到既景點就係七色土(Seven Coloured Earth in Chamarel)喇!!!!!高空睇好靚呀!!!仲見到哥幾隻巨綠龜~~~大家見唔見到???





hi~~~我地係度呀~~見唔見到我地呀~~~




七色土哥條Chamarel Waterfall要坐直昇機先影得哂架~~~wakakaka~





連黑河谷國家公園(Black River Gorges National Park)都有得睇!!!!!!!好靚~~






再經過格朗池(Grand Bassin，梵語名Ganga Talao)..又稱為聖水湖......哥日自己點影都影唔到..因為近好難影哂~但係飛高左一樣影唔哂~~~但影到神像加個池都不錯~




華~~仲有第一日既鹿洞火山口(Trou Aux Cerfs)!!




記唔記得我地第二日因為就黎天黑...所以無行入去睇其中一個瀑布既?係今日呢個直昇機遊睇番~~~~原來係咁既咁既樣~~好靚~一層一層咁落黎架!幾特別~




繼續向前飛~






呢個係咪我地成日經過都話靚哥個莫奈山(Le Morne)?高空睇又再壯觀d~




毛寶用go pro影靚好多!!!仲宏偉好多!!!




哥個丸子田好搞笑~




開始向海邊飛~(個重要景點就黎出現~)











底下的珊瑚令到個海既色好有層次~









好緊張呀~~~就黎飛到重要景點喇~而且呢個重要景點要坐直昇機先睇到架~




出現左喇!!!!大家見唔見到???係毛里求斯既海底瀑布(Underwater Waterfall)!!





來...姐飛正面一點給你看!好神奇呀!!!好似係島邊流下直插入海咁!!!!!






飛過左某一個位就睇唔到架喇~然後調轉到衰公哥邊睇~點解會有呢個神奇現象?其實係地勢同沉積物既錯視效果~係一個溝槽沈積而造成既光學幻覺~(網上係咁解釋)




係喇~~~到我哥邊睇一次喇~~~我哥時上網睇以為d人整色整水先睇到~點知其實真係一眼就睇到!!!!好靚好靚~~~








go pro下的海底瀑布~其實真係好佩服d人咁有想像力!咁又諗多個景點出黎喇~~~~~~仲要你一定係高空先睇到喎~




如果飛得太近或有雲或太大風可能都會影響效果!!真係多謝老天爺爺俾我地睇到!!





好喇~回程喇~





多謝衰公衰婆帶我屎眼晴看大世界~我覺得呢個直昇機遊係值得一遊既~(本身官網係得觀光或海底瀑布.....但我地就叫佢幫我地安排係觀光+海底瀑布一齊....所以價錢同官網可能有點不同~)




好彩最後落機都有4人留影~




拜拜~~之後我地坐係度休息一陣就走啦~




去今晚既酒店之前又經過噚日去過既天涯海角(Bale Du Cap)




見經過又搵個位停係度影下相~




石上原來畫有毛里求斯國旗~




仲有間小教堂係石牆上面架!!好可愛!




又上多次黎~咁岩同噚日著唔同既衫~又影下囉~





番黎之後發現對面有檔菠蘿~~要食食啦~~~對住印度洋食既菠蘿係特別正特別甜既~





無啦啦揸揸下車去酒店時經過見到呢棵樹...然後唔記得邊個話：呢棵樹好非洲呀~........跟住就話衝去影相喇~




幾好~鐘意就跳落車影相~




梗係要拍d帥照添啦~拍帥照梗要有一個人犧牲既~今次係衰公~因為佢禁完快門要即刻跑番過黎~~~~~~~~諗起都攰~~





呢架係我地之前兩晚換番既七人車~








2017/08/31的開心事：
有得做運動~~同埋媽媽明天回~來~了~~~~
我很想你~



報時：距離與毛寶慶生快閃台北之旅2017仲有---23日~
報時：距離日本四國自駕遊之旅2017仲有---39日~
報時：距離日本大阪自由行之旅2017仲有---94日~
報時：距離新加坡熱辣辣聖誕節之旅2017仲有---108日~
仲有唔夠一個月可以去台灣喇~~~~~~
想食既野都訂左喇~~~唔知好無味呢~