2017年9月18日 星期一

毛里求斯渡假+馬達加斯加麵包樹之旅2017-05-26第七天(天晴)

星期五.....工作上無咩特別...那也是好消息~放左工約埋麥公子毛寶一齊去做運動...做左幾下啞鈴(好攰~)..唔係好岩我~我都係鐘意跑步多d~呢日快行+慢跑左6.04km~無做單車~好攰~做完運動一齊去左食千笹~(我唔理喇~我咁勤力我要食野~)...夜晚番到屋企諗住開開心心打下blog..點知網絡虧虧地...頂住呀!!!星期六....頂...我掛住Sunny bb掛到噚晚發夢見到佢.....早早起床去運動去~Americano+跑步~我的最佳朋友~快行+慢跑6.14km...加大力度跑步~~今日跑到25分鐘以上!!!!好利害~~~為自己鼓一個掌~~~再黎單車6.25km~中午去左御瀛食日式套餐...不過很一般~下午梗係訓個下午覺先啦~~醒左起身搵下日本四國d景點既mapcode~夜晚就食左紫來坊~好耐無食!!搬左去媽閣之後第一次黎食~~~~必食薑蓉炒飯~仲有椒鹽茶樹菇~之後去左探菓子軒呀~大個左好多!!!抱上手個身長左好多~~~~~~星期日.....又係Americano+跑步時間~快行+慢跑左6.16km...單車6.38km~好攰~然後去左投票!..中午食左Passion~下午做四國功課....忙忙的....晚上食左宏安外賣~....星期一...全部客都好似round round地.......早上有一個勁喪..下午又有一個勁喪~呢日係法定休息日~運動休息一天~(我就係決定呢個法定休息日既人~)



2017-05-26
Day 7(毛里求斯 Mauritius)

之前哥晚臨訓時開過iPhone個指南針睇過我地隻窗係向東既~所以....我同毛寶就話要睇日出喇~~哈哈~一mark大眼就已經出左少少喇~(重點係我地無較鬧鐘起身的..純醒到就醒~)




一路同毛寶傾計一路等日出~(咁早個口又咁臭都唔知有咩好傾~但我記得又係笑到標哂眼水XXD)...但...底哥層雲好似幾厚下咁喎!





好彩~~~最後都叫睇到下印度洋既咸蛋黃~~~雖然係唔清既...但自我感覺良好就得喇~好~任務完成~翻訓~





再翻訓...訓訓下訓到8點幾到有人打黎嘈醒我....我又以為係衰婆(哈哈)...點知係boat house個老闆!!!話約左我地要見面....見咩呀大佬.....都話唔約private boat咯....噚晚個男仔reception都話唔使去見你咯.....勁煩...我同佢講我地唔約private boat喇...然後佢死都要我地去搵左佢先喎....煩夠未呀呢間酒店?...咁衰婆唔係房...我地估佢落左去食早餐...咁咪諗住去搵埋佢囉.....我地一行經過海灘位...boat house個老闆已經叫住我同毛寶(你又知係我地?)....係..佢地呢間酒店都有個小海灘..真係勁小...而且有垃圾味~




原來個boat house根本係呢間酒店入面....而且只係海灘行過少少...點解噚日check in時你咩都唔知?地點又唔講俾我地聽根本係你個海灘度??????




個老闆話島上面有好多活動..我地假聽完佢講一輪...佢又講下包船+遊覽幾錢(其實一早講左我地唔包船).....我地就話我地要問埋我地個fd...轉頭先覆佢.....佢開d價錢勁貴....睇唔知咩瀑布同埋去鹿島....要成Rs11,700=2,657.7hkd一隻船..無言





我地走甩左之後去左餐廳搵衰公衰婆將呢件事話俾佢地知....佢地話佢地再去reception再問清楚.....叫我地食早餐先~~(因為餐廳就黎收~~)...普通早餐~




我地食飽早餐去到reception睇下佢地問成點....但好似唔係好對路........呢間酒店一時話無免費船...一時另一人又話有仲幫我地留埋名.....然後到第二日又話無.....勁亂...又話我地係hotels.com度訂房係無免費船既........其實無真係唔緊要...我地可以俾錢....有乜理由個boat house係你酒店入面..你會咩都唔知?唔知都唔緊要...仲要規定我某時間一定要去見個boat house老闆?都明明前一晚都講好左話有免費船唔使再去見個老闆...第二朝你又打黎我房嘈醒我?(可能我最嬲係佢嘈醒我).....其實我地一早出發前已經send哂問題去酒店問d船既情況..係佢地答到唔there唔吊.....我覺得呢間酒店好唔老實........又煩...少少野都搞咁耐...最後到我地四個一齊發哂老脾....佢又話今次free俾我地...但重申...其實係無免費.....大佬呀..我唔係黎r著數呀...我地一早問你又答到唔清唔楚.....講真...呢間酒店既reception真係一般般



食完早餐搞掂埋去鹿島既船...咁就去嘆下先囉~




衰公要游水~毛寶要曬太陽~(好羨慕喜歡太陽同識游水既人~)




我係一個唔鐘意曬太陽同埋唔識游水既人....可以做既野就係訓係無太陽曬到既地方發呆~(其實好正架~).....睇到幅相既焦點無?放心..唔係我對腳~係包脹卜卜既Lay's咋~




攞毛巾個亭度有舊生果狀既物體....我開頭以為係未大個仔既蕉...點知唔係....唔知係咩呢?




嘆完番上房執下野~準備出海~俾大家睇下日間既房景喇~




指定時間到海灘等上船~~衰婆話俾我地知..佢地落黎哥時又係俾boat house個老闆叫左去...問佢地join唔join島上活動..佢地話淨係想游水同曬太陽...老闆話唔join ok無問題...但佢話唔好俾佢知佢地係島上join另一公司既活動...如果唔係佢唔載我地番黎...(這是恐嚇嗎?)




出發啦~d女仔男仔好靚呀~呢程船10個人左右~




大慨搭10幾分鐘船就到鹿島(L'lle Aux Cerfs)啦~




島上面有好多活動架真係~有哂價目表~




有d對海既有沙灘椅...但原來係某酒店住客先用得~(好像是Sofitel)...咁算囉~去第二邊~




咁~我地咪去平民區囉~(即係無沙灘椅~)....都好靚呀~呢邊咪仲靚~






我第一次望呢張相時既感覺係...咦...呢張相影到毛寶幾有型喎~但再望真下....呢個幾有型既人...原來係我!自!己!....無辨法...真係太有型~(做得七公既首要條件~就係要自負~)




毛寶去游水~衰婆同衰公都去左玩水~我自己就退場喇~後尾衰公去游水...攞左go pro影佢水底(講到佢好似影人裙底咁XXD)....不過佢話無咩好影~見佢個海d色咁靚~就會諗佢海底世界係點樣...但....好似有少少失色呢~







衰公話影影下相遇到條勁惡既紫色魚~~無啦啦衝去佢鏡頭~~





但佢話有d紫色呀綠色呀既海膽~




哈哈~我又唔游水~係海灘最好係做咩?梗係食薯片啦~(呢個人到底有幾鐘意食薯片?)




食食下無啦啦衰婆叫我唔好郁....原來佢想幫我影張相....話我實在太~有~型~(記住入7公既首要條件係...)...難怪我成日俾人叫哥哥~實情我係一個好靚既女仔~




其實係鹿島(L'lle Aux Cerfs)都留得唔耐~得兩個鐘度~就走囉~回程堅癲....隻小小船載左成20幾個人...恐怖..我勁驚反船~~~~好彩最後都安全番到去酒店沙灘~終於有條靚d既毛里求斯國旗影下~~




呢晚都係half board~又係自助餐~但今晚好食d~有個唔錯既肉醬意粉~我食左兩次~同埋食佢d焗蔬菜~




夜晚食飯時講起話去到馬達加斯我地都要影一張麵包樹4人照~衰公即刻做野~~但key到好正~~wakaakak~XXD








我好耐無係度講過Sunny bb喇~
我好掛住Sunny bb呀~~~
成個幾月無見過佢喇~~~~~
我想講我好鐘意睇Supper Moment"一樣不一樣"哥個MV
當中你由第4'15"開始睇...
Sunny bb有個撥頭髮個樣勁有型~~~~
我試過有一次狂睇第4'15"....15次...
要佢連續狂撥15次頭髮俾我睇~~~~
好爽~~~~(個人變態小習慣)
我好鐘意佢哥時個髮型....撥起上黎特別好睇~
上次去香港睇Yes Rock哥時佢都有現場撥過...
型到呀~~~~~~~~~~~
我開始懷疑....我對呢類髮型有偏好......................
好~依家又去叫Sunny bb撥一撥頭髮先~



2017年9月17日又要紀一紀念先...
係我人生中第一次去投票選議員...
之前都無理過.....
但.....無理咁多年.....
今年點都要理下啦.....
唔可以再俾班人亂黎.....其實我無咩特別心水要投邊個..
只可以係呢班人入而揀個無咁無用..無咁騎呢..
無咁大隻講既人.........
希望你不負眾望啦...
要讚既係...我哥個票站勁快
由入去到攞選票到吸印到入箱到投完...
5分鐘都唔使~謝謝票站人員~



2017/09/18的開心事:
可以休息下~唔使做運動~
可以係屋企hea下~都係一種幸福和開心~



報時:距離與毛寶慶生快閃台北之旅2017仲有---9日~
報時:距離日本四國自駕遊之旅2017仲有---25日~
報時:距離日本大阪自由行之旅2017仲有---80日~
報時:距離新加坡熱辣辣聖誕節之旅2017仲有---94日~
哈哈~~好緊張呀~~好快可以食到好多正野~~~

26 則留言:

  1. 妳好快就可以跑都30分鐘啦。

    回覆刪除
    回覆
    1. 希望啦~~~~有時跑跑下會唔夠氣~~~~換唔到氣咁~

      刪除
    2. 妳識行已經識跑啦、只不過妳可能唔識控制速度、有時跑得快咪換唔到氣囉

      刪除
    3. 我依家無跑咁快就可以跑耐d~慢慢練啦唯有~

      刪除
  2. 你地想睇日出都唔較鬧鐘,唔驚訓過龍?
    間船公司好似真係有古怪,但可能只係想sell多幾樣野,不過鹿島風景都幾靚
    海灘張相又真係好型喎,畀風吹到好飄逸但又好自然

    回覆刪除
    回覆
    1. 我地好隨緣既~因為被鬧鐘嘈醒既感覺好差~寧願唔睇~~~~~
      係想sell..但手法好差囉.......你sell得好..我俾錢你賺又點話~係呀個海都好靚~
      簡直係帥

      刪除
  3. 咁正的陽光與沙灘...都唔落水

    回覆刪除
    回覆
    1. 仲有9日...超快去玩了

      刪除
    2. 好友☁。゚🌙瞓覺囉🌜甜夢安睡🌛💤
      ╔══╗────╔╗ ╔═╦╦╗─╔╗╔╗・゚⊹
      ║╔═╬═╦═╦╝║ ║║║╠╬═╣╚╣╚╗
      ║╚╗║╬║╬║╬║ ║║║║║╬║║║╔╣✬
      ╚══╩═╩═╩═╝ ╚╩═╩╬╗╠╩╩═╝
      ────────── ────╚═╝☆。。゚★
      🌟瞓醒話咁快又╠╣aΡpy星期二✨

      刪除
    3. 哈哈~~我有用腳踩過下d水~~~~

      刪除
    4. 今日無訓晏覺~好眼訓~

      刪除
  4. 有時旅行都會做一些任務,如睇日出,哈哈~
    海灘雖然又少又有垃圾味,但你影都個天好藍喎!
    我覺得成件事擺明想劏你地幾條水魚囉,係我佢嘅船都唔你坐。係馬達加斯加嘅麵包樹好正架!期待~

    回覆刪除
    回覆
    1. 但呢個任務我地無較鬧鐘~~~~~~哈哈~~~
      哈哈~~因為個天真係好藍
      係當我地係水魚...但我地都唔係傻的~
      哈哈~~假既相都好正磨?

      刪除
  5. 毛里求斯的確好靚,
    陽光又勁好,加又多靚仔靚女,
    旅遊天堂,所以消費一定有番咁上下高,
    妳今年做首投族,
    揀個可代表自己出聲嘅人唔易。

    回覆刪除
    回覆
    1. 海灘d色係好靚既~
      但景點就唔算好多~
      高唔緊要...但佢d野真係又貴又唔好食~~
      我揀哥個人當選左...希望佢做到野啦!

      刪除
  6. 還以為島上有鹿...^^
    畀人嘈醒又真係幾𢛴憎!!!但床上看日出好正啊!
    沙灘照果然非常帥氣,對新買的藍色繩繩鞋好唔好著?我見HK賣成九百幾,好鬼貴:P

    回覆刪除
    回覆
    1. 好似以前真係有架~
      係呀~~訓係張床度等好正~
      哈哈~~我又真係幾帥既~~~~
      好著呀!咁澳門好似賣得平d喎!

      刪除
  7. 做運動真係要好多好多恆心,你們好叻呀。

    回覆刪除
    回覆
    1. 唔叻呀~多得毛寶每日車我去咋~

      刪除
  8. 個日出時藍藍橙橙好靚﹗

    回覆刪除
  9. 個船主好奸~~~~
    其實阿強帥D,還是宇文公子帥D呢?哈哈哈

    回覆刪除
    回覆
    1. 勁奸!好彩我地都唔傻~~
      你話呢咁~~~

      刪除
  10. 係喇....你真係好型(被影果一刻)
    好叻啊,要跑呀唔好比佢停,要堅持~~~加油

    回覆刪除
    回覆
    1. 本身我都好型既.......可~
      我會努力架喇~~~~~

      刪除