2017年9月21日 星期四

毛里求斯渡假+馬達加斯加麵包樹之旅2017-05-27第八天Part 1(陰天)

星期二....唔知點解好攰~明明噚日係法定休息日架啦~呢日快行+慢跑5.29km...單車3.36km...攰到丫~星期三....今日多野做左....但我打左好多個喊露~~食飽飽去做運動...快行+慢跑5.3km...單車3.35km....其實如果我識游水既話就係三項鐵人架喇喎~做完運動想去7仔買番本今期既藝文青...因為有Supper Moment做封面...但我發現澳門7仔係無藝文青買....激屎我......星期四.....超開心~中午同左衰婆同i子食飯~食咩~~~~~我地去左食新故里呀~~~wow~~~~~好好味~~~放左工依家去同公子食飯呀~我地為毛寶慶生呀~幾乖呀~我寫完blog先跑出街呀~~~~呢日無去運動仲食左兩餐咁勁既....真係作哂反~



2017-05-27
Day 8---Part 1(毛里求斯 Mauritius)

早唷~今日要搬酒店喇~食埋早餐就出發~早餐都ok既~




走喇~沿路又見到很多的~類似芒草的植物~靚~




路上都有好多人用單車運野~但呢個叔叔也太勁了吧~唔知仲點樣踩呢~




揸左大半個鐘車黎到我地係毛里求斯最後一晚既酒店~我地今晚要住香格里拉呀~~(Shangri-La's Le Touessrok Resort & Spa).....期待期待~~




一到左落左車就有位超靚~超親切~笑容好好睇既靚女接待我地~~~~~已經對呢度好有好感~





我地超早到左...我諗係11點幾12點就黎到...無房check in好正常~但靚女話幫我地睇下有無得早d喎~仲叫我地坐低等等~佢幫我地去check in~裝修唔錯~






華~呢個時候welcome drink又黎喇~痴牙時~好靚呀杯野飲~





reception對開就有個大水池~望住飲野都幾靚~





之後靚女走過黎同我地講~話可以早d俾房我地呀~依家幫我地準備緊~仲要upgrade左我地間房!!!!超開心!!好似第一次俾人upgrade咋~~~~~~之後仲有個識講廣東話既職員serve我地同我地介紹...幾勁喎!!香格里拉有職只識講廣東話喎!!唔係普通話喎!(雖然我知佢都識~)....咁我地就自己行一陣等佢有房啦~





仲有個小小圖書館~我都幾鐘意呢間酒店既裝修~靚得黎都算簡約~比起St. Regis更喜歡~(睇埋間房先下判斷啦~)




再行遠少少望下~有個泳池~但個形狀有d怪~唔知會唔會好難游~(車~你都唔識游既~)...下~~~點解咁陰天既~~好似想落雨咁既~~~





再行遠d仲有個沙灘~有間餐廳有間bar可以飲野~呢個圍圓圈既座位都幾得意丫~




呢種植物既形態...有d恐怖~~~~




好野~~~有房喇~~~~~每晚2931.5hkd...每人每晚1465.8hkd~但我地本身唔係呢種房架~~~係靚女幫我地upgrade左呀~本身應該係樓上房~唔錯喎唔錯喎~好靚呀~~~最衰岩岩有落雨~搞到隻窗矇哂~影唔到出面添~





床既後面係枱~




影番個正面~靚~好滿意間房~都鐘意d裝修~




唯一既不滿係廁所對門既紫色花紋太醜~




廁所既用品都幾齊~




佢隻潤膚露都幾香架~佢仲要細心到有防蚊液搽!!仲幾香添~




有咖啡機添呀~~~~~~要玩下先喇~~~




d野放得好整齊好好睇呀~





睇下~雖然我好鐘意St. Regis對拖鞋好好著~但著完又拎唔走~呢對就正喇~~人字拖~~可以去沙灘玩~玩完洗乾淨又可以帶走~(哥個識講廣東話既職員帶我地入房參觀時話隨便你地帶走~~~~~)




果盆~雖然呢晚酒店我地無half board...但呢個價我覺得性價比高過St. Regis好多~~




間房又係可以直通去沙灘架~但你地睇下...個天幾黑...嗚嗚嗚~~~~






好啦~食中午飯先啦~對住呢個景食係靚既~沖左個無印湯飯~仲有毛寶切左d生果~我地仲整左杯啡嘆嘆~




食飽飽就去玩啦~我地去玩之前諗住去訂今晚既餐廳~衰婆話呢度間日本餐網上說很棒~想試試~點知佢話原來間日本餐呢個月都裝修無開!可惜呀!.....再諗住訂圖中既印度餐廳~~點知.......無哂位~~要到成8點幾9點先有位...咁...算囉~今晚番黎先算~




我地諗住去酒店既碼頭去佢個無人島~但唔知點去酒店~行到去門口問d叔叔~叔叔二話不說就話車我地去~





黎到碼頭~我地等船出海喇~





超快有船~而且免費~




出海去~幾正~隻船無咩人坐~(衰婆真係好白~)




我又驚緊~我真係好騰雞~因為有d大浪~(喂...做咩專影我d影衰相呀~~.......又係你自己要放出黎之嘛~)




大慨10分鐘度就黎到香格里拉既私人島Ilot Mangenie~~~




好正丫~




其實我唔知影呢張相既主旨係咩~~~








我對反工鞋上個禮拜開始又作反....
又爛緊一個新既位...
每一次都爛唔同既位~好有新鮮感呀~



2017/09/21的開心事:
哈哈~中午同夜晚哥餐係我呢日最開心既事~



報時:距離與毛寶慶生快閃台北之旅2017仲有---6日~
報時:距離日本四國自駕遊之旅2017仲有---22日~
報時:距離日本大阪自由行之旅2017仲有---77日~
報時:距離新加坡熱辣辣聖誕節之旅2017仲有---91日~
好想快d去台北食野呀~~~~好想呀~~~~~~~~

35 則留言:

  1. 勁喎,咁你快啲學埋游水可以做女鐵人.....^^
    間酒店靚喎,重點係可以upgrade,同埋有個免費私人島遊!!!!
    p.s.Happy Birthday, Mobo!!!!Have a nive trip!!!

    回覆刪除
    回覆
    1. 我真係學極都唔識..好驚@@
      無錯無錯~個人認為真心唔錯~
      代佢多謝你~~好緊張~就快有得去玩~

      刪除
  2. 毛寶生日快樂!
    酒店和環境勁正,最好呢還有壽星妹+靚模,靚人靚景~~~~~~

    回覆刪除
    回覆
    1. 代佢多謝你~~
      真係好靚...我講我...住哥間酒店~~~~~哈哈~~

      刪除
  3. 好囉,搬酒店,離開果間奇怪酒店,果間酒店啲人真騎呢!
    嘩,正呀,見你post 咗香格里拉咁多相,你應該都好滿意呢間酒店,仲有私人島有人完免費接送,二千蚊抵返晒,仲要有人識講廣東話呀!!!!!!!!!!!!
    我呢都唔識游水架,但如果泳池靚我都浸吓架,最怕果d長方型泳池,我就無晒興趣

    回覆刪除
    回覆
    1. 好彩有人同我一樣覺得間酒店有問題~
      哈哈~~~俾你識穿左~~真係勁滿意~~~~
      我肥...所以我好少游水~~

      刪除
  4. 仲有六日你又出發,正
    祝毛寶小朋友生快樂,同靚模玩得盡慶。yeah !!!!

    回覆刪除
    回覆
    1. 好開心呀~~~~安排左試好多新野~~~~~好緊張~~~
      代佢多謝你~~野~~好衰架~~~叫佢幫我影多d靚相啦~

      刪除
  5. 小T,今次你在毛里求斯住的酒店全部都好正同好貴呀^_^好快你又出發去旅行啦﹗

    回覆刪除
    回覆
    1. 係囉可?都間間有番咁上下....咩都試下囉叫做~~

      刪除
  6. Welcome drink個杯真係好得意好有特色,upgrade完間房變得好豪華
    出海時個天咁陰,有冇落雨?
    祝毛寶生日快樂!另外祝你地黎緊旅途愉快!

    回覆刪除
    回覆
    1. 係呀係呀~~我都覺得好靚呀杯野飲~我好鐘意間房~
      幾粒雨仔咁囉~
      代佢多謝你~~多謝多謝~

      刪除
  7. 呢間酒店真係好正呀 私人島真係冇得輸囉
    好喜歡無人島果條橋呀 好好feel

    回覆刪除
    回覆
    1. 我都好鐘意呢間酒店~~~~~
      係呀影相一流~

      刪除
  8. 回覆
    1. 好友☁¨♦晚安🌜甜夢安睡🌛💤
      ╔══╗────╔╗ ╔═╦╦╗─╔╗╔╗・゚⊹
      ║╔═╬═╦═╦╝║ ║║║╠╬═╣╚╣╚╗☆
      ║╚╗║╬║╬║╬║ ║║║║║╬║║║╔╣✬
      ╚══╩═╩═╩═╝ ╚╩═╩╬╗╠╩╩═╝
      ────────── ────╚═╝。。゚★
      🌟話咁快又╠╣aΡpy週五✨

      刪除
    2. 但話咁快~又周一.....嗚華~~~

      刪除
  9. 就快出發喎,會唔會過埋中秋節先返來?

    回覆刪除
  10. 香格里拉....嗰位識廣州話職員,唔知喺咪J2台“三日兩夜”出過鏡嗰位呢?

    回覆刪除
    回覆
    1. 咦~真係唔知喎~因為我無睇三日兩夜~

      刪除
  11. 香格里拉.....真喺好掂,個海好靚,又好好天氣,旅程尾站...一個美好完結!

    回覆刪除
  12. 間房對面海景超正喎.........
    快要去旅行、小心飲食同身體、唔好出發先黎病呀。take care

    回覆刪除
    回覆
    1. 我好鐘意間房~好舒服~~~
      知道~~~我會注意架喇~~

      刪除
  13. 間酒店好正,入口已經好靚喇,個圍圈座位又好得意;仲要有私人島,好正呀!

    回覆刪除
  14. 哥個短髮女仔實在太靚了!拋眉口哨拋眉

    回覆刪除
  15. 呢間shangri-la有少少似maldives那間, 服務一流, 我都好鍾意.

    回覆刪除