2017年8月28日 星期一

毛里求斯渡假+馬達加斯加麵包樹之旅2017-05-22第三天Part 2(天晴)

星期五...起身....打開水喉...下!!!!仲係無水!!!!又話深夜有既!!!絕望之下打水刷牙...刷完成手泡慣性開水喉....洗洗下發現....有水喇!!!!!哥刻真係感動得想哭!!!!起碼我可以洗個頭先番工.....感恩...舒服d~少左好多人黎.......但我寧願熱鬧...那證明市面回復正常....夜晚番左屋企食...希望唔好再無水......嗚嗚...星期六...中午同毛寶家人一齊飲茶~公子各有各去街上做義工搬垃圾~飲完茶我去左幫個朋友既屋企人鋪頭做清潔...因為鋪頭位於水浸重災區...雖然我都無做過d咩....不過多個人叫做幫輕下~呢日係Sunny寶寶生日呀~佢地依家去左高雄參加音樂節~我曾經諗住發花癩去兩日一夜睇既...但最後因為澳門去高雄d航班時間唔係幾靚而放棄....依家諗起好彩無去.....毛寶係Sunny寶寶生日哥日送左對Sunny寶寶都有著既nike襪俾我~好~開心~~~~夜晚食左老上海就番屋企....再痴下落地玻璃d膠紙....因為颱風又要來了!!!!!星期日.....早上再掛起8號風球......8點幾醒左一醒...聽到強勁風聲.....再訓........起身時12點幾...d風已經定哂.....呢個風睇黎快來快去....感恩!中午阿媽煮左叻沙麵食(即食哥d呀唔係佢煲叻沙湯底架~~)....然後成個下午都係屋企過....有個開心大發現!下午食下午茶...我同我媽講:你試唔試下我細個最鐘意食既媽咪麵?點知媽媽原來從來都未食過!呢日係第一次試.....佢仲話好好味~~~~~星期一...噚晚臨訓個頭都赤赤地....訓訓下直頭個頭爆痛.....起身食止痛藥再上班.......頭痛仲要遇著不了解狀況而衝出黎x既申請人...正確黎講係申請人既屋企人...你不了解唔緊要因為你無做過...咁我咪解釋俾你聽....解釋左3..4次都仲係要話我唔俾你自己黎攞...仲話要投訴....你有無搞清楚?係你要交既哥個機構要求一定要我送過去佢先收呀...下下講投訴我就好驚你呀??x唔切......



2017-05-22
Day 3---Part 2(毛里求斯 Mauritius)

印度洋d海水真係靚喇~~~毛寶曬曬下太陽哥時....衰公衰婆跑過黎話行前少少有檔仔賣即開海膽~~即跑去~~~~





就係呢位人兄!!!個檔攤就係由呢塊滑浪板組成~~




型丫!!帥氣丫!!!!!





起初我都對食生野有d保留...但佢個盤入面d海膽係生勾勾咁郁架!!!咁唔理喇!!!去馬~~~




一個海膽Rs100=22.7hkd....咩物價??超新鮮既海膽同酸酸的椰子水是同價的.....華~正呀~~用大家既洗腳水黎洗海膽呀~~~~~~~






佢幫我地清潔左之後....佢竟然搞勻哂d海膽!!!!!!點解會咁架!!!!你地興咁食架???水溜溜喎家陣!!!仲想幫我地加d似泰國酸辣汁既物體溝落去~~~~我地大叫nonono~~~毛里求斯人咁食海膽個磨~~~~~~~兩隻都幫我地搞到變蓉~~~~~~味係唔錯既~~~但咁樣食得唔夠過癮呀~~~~





底唔住頸..係要食到新鮮開既一片片海膽~再叫~今次叫佢唔使拌勻~~~~~~原片來~~~~~~~雖然佢無d加拿大海膽咁大塊咁飽滿~~~但都好好味丫~~~~好開心呀~~我食過印度洋既海膽啦~~~~~~~仲要新鮮即開的~(但就咁望落好似個女仔香甜過海膽~)





佢仲有另一樣海鮮...就係生蠔!!!!!!!!又係Rs100=22.7hkd.....印度洋既生蠔我都係第一次試~~~~~阿叔叔話佢呢榴野無外國遊客食的...只有亞洲人會黎幫襯...哈哈~~~~可能佢地食唔慣生野卦~





話佢係生蠔...我覺得話佢係蜆會比較適合...無論外形同埋味道都係~我地4個親身食過~無肚痛~(喂..點解我隻手咁黑既?)




招積得你丫~做生意做到你咁有型~早知幫襯你哥檔啦~我見你d椰子水好似會溝酒咁~應該會好飲好多~





食完海膽番轉頭工作人員就準備好午餐囉~~係食bbq呢~飲品都有提供~有酒有汽水有果汁~都算係咁囉~




介紹下先...有椰菜絲沙律啦~有燒腸仔啦~雞鎚啦~馬林魚啦~蒜蓉包啦~~~~雞鎚係燒得有d燶既...但飛開d燶食係幾好食既~蒜蓉包都好味~~係個魚奇奇怪咁......佢同我地講係魚即係夾黎食....一食.....華....講大話...都唔係魚黎既..明明就係好鞋既雞胸肉....雞肉咁一絲絲咁架.....點知...原來係馬林魚......華...燒完變成鞋雞胸肉咁真係搞唔掂~




甜品係燒香蕉加椰絲....講真...幾好食~~~~




之後就有工作人員表演唱歌~然後就叫d團友一齊黎跳下舞啦啦啦啦啦~~~跳舞呢d唔岩我架~~~~




自己去玩算喇~海水好清~衰公去左游水.....佢話游到去到頭先Crystal Rock哥度仲係水到腰....而海底下d石超吉腳~所以好難游~每行一步都要勁小心.....最好都係買哥d潛水鞋先好落地踩...




我都有落水玩丫~係咪好似好叻咁呢識浮~(其實係攞手撐住地~)




呢個人話要教小狗游水~~~~~可惜最後樂極生悲...........因為向後行無為意......行行下佢俾珊瑚界損左隻腳底流血呀!!!!!嗚嗚!!!!!!




玩完到點幾左右就坐番同一條船番去喇~我地沖乾淨對腳就即刻揸車去玩啦~黎到呢個毛里求斯版既天涯海角(Bale Du Cap).....可以行樓梯上去架~




涯邊超多d仙人掌~好可愛~




行樓梯上去睇下先~華~~~景觀好開揚呀~~~(好似講到去左睇樓咁~)





硬係覺得d海水兩截色係咸淡水交界~





衰公衰婆部相機d色好靚0我~




懶到泳衣都未除(得我一個咁懶).......係喎..其實天涯海角係毛里求斯最南邊~同埋講緊既天涯海角係擰轉後面既呢座山先係~





毛寶呢張係用問凱公子借既go pro影架都好靚~夠哂廣角~但色水係真係差d~




回程途中經過見到....華...車速太快影唔到清楚....若隱若現俾你睇仲神秘~~~呢個係一個魚檔.....係路邊....無任何雪櫃....條魚又唔係生勾勾咁養住.....呢個時候咁高溫......請你地你地食唔食?




條路有好多條樹隧道~我好鐘意樹隧道~




見到路邊幾間商店係度...其中一間有十字架標誌估佢係藥房...落車睇睇有無膠布俾毛寶......點知落車睇係一個荒廢左既醫務所...........無收獲~上番車~不過呢條馬路覺得幾靚~




之後經過一個新式d大型綜合商場區....終於有膠布~~再去另一個綜合商場區食今晚既晚飯~揀左呢間Panarottis..因為望落佢應該有Pizza食~





我叫的Virgin Mojito....Rs160=36.3hkd.....個色好怪~個味得個甜字~




Greek Salad...Rs235=53.4hkd....正常野




Cheesy Garlic Twists...Rs175=39.8hkd.....唔...無外型又無味道之作.....佢入面既芝士味很不討好~唔知係咪我最憎既Mozzarella呢?無咩味又極度有拉絲感.........我都有芝士唔鐘意食架...又無蒜味喎....呢條野要靠點個紅色酸辣醬先食到.....




Santefe Pizza(Standard Size)....Rs289=65.6hkd.....華....60幾蚊幾唔錯喎!!!!塊辣肉腸幾惹味~又有菠蘿開胃~餅底也不錯吃~幾好~




Chicken Milano....Rs419=95.2hkd.....完全驚喜....因為個意粉同圖片係完全唔同......可以話醜100倍!!所以好驚喜~~~好難食添~~~淨係食到哥pat醬...又唔係好食~~~仲咁貴~~叫多個唔同style既pizza好過.........




毛寶諗住試下d醬....我地都諗住綠色既係牛油果醬...點知一食入口.....係辣到要跳舞~~~跳舞過跳舞蘭既極辣辣醬~~~~~~~~~又估你唔到~~~




呢間野係個沙律同pizza最正常.....食左Rs1,536=348.9hkd.....每人87.2hkd




帶大家睇下個可憐既小朋友喇....個傷口真係又長又深架~(佢仲要特登番黎之後send呢張相俾我話要俾blog友睇架....大家快d黎安慰佢啦~~~~~~~)








呢幾日都睇盡人性的光輝...
當然有友愛互助的義工...勇敢的前線人員...(尊敬!)
又有關心我地既香港blog友朋友....
甚至打第二風時大家都有再透過fb messenger再問我地有無事...(暖呀!)
亦有襯機賣$100一個飯盒既人.......
仲有網絡上黎自各地踩多腳既人....
咩最好死多幾個澳門人.......攞得$9000就要還之類...
仲有個話哥$9000俾我地係原來係做帛金.....
其實你識唔識帛金兩個字點解?
貪口爽既人唔係多.......但都係有
有無諗過人地感受?
無幫助無慰問唔緊要....都無諗過要你地幫...
但都唔好咒人最好死多幾個下嘛?
"世界變了樣"?...積下口德好無?



2017/08/28的開心事:
今日阿姐頭痛...
最令阿姐覺得開心係呢個世上有好多人關心我~<3
多謝~



報時:距離與毛寶慶生快閃台北之旅2017仲有---30日~
報時:距離日本四國自駕遊之旅2017仲有---46日~
報時:距離日本大阪自由行之旅2017仲有---101日~
報時:距離新加坡熱辣辣聖誕節之旅2017仲有---115日~

42 則留言:

  1. 世界一早變了樣 個個覺得之後套理論就係岩 成日講到好威威咁
    印度洋的天涯海角好美喔
    毛寶陰公豬呀><

    回覆刪除
    回覆
    1. 算了吧~做好我地自己就算喇~
      係呀~海水色美美的~
      係呀好慘~~~~~

      刪除
  2. 而家天災好似越來越多,破壞力越來越驚人,不過大家齊心好快可以復原
    島上檔攤好有特色,燒香蕉仲有特色
    毛寶個傷口好似好深,祝早日康復,冇留疤
    有時係要患難先見真情,不過唔好記住d不快事,祝七夕快樂

    回覆刪除
    回覆
    1. 呢個風都唔知係幾多年先出一次咁勁...希望唔好再有...真係好恐怖...諗起哥日層樓搖黎搖去...好驚
      燒香蕉係個local tour包埋餐~幾正~
      無事喇~好彩咋~
      對對~大家做好自己~

      刪除
  3. 海膽超正啊! 去玩既外國人通常都唔識食架啦! 不過比海水洗一洗又真係怪左少少. 天涯海角好靚, 個藍天碧海WOW影相一流. 我好明白毛寶, 仲要比海水醃住, 超痛.

    回覆刪除
    回覆
    1. 哈哈~~所以我地喪食~~~~真係好鐘意食海膽~~係呀~洗腳水~~正~~~
      靚呀~~~令我諗起南非個好望角~
      慘呀佢!

      刪除
  4. 妳又頭痛係唔係成日唔訓聽妳偶像D歌呀.......
    好慘呀隻腳咁傷、早日復完。

    回覆刪除
    回覆
    1. 妳點呀、頭仲痛?定係偷懶呢?一定係偷懶多啦.......Take Care
      又再打風、好彩呢個風唔勁....妳那邊如何呀?....小心D呀!

      刪除
    2. 妳如何呀?沒事嗎?唔好再偷懶啦......Take Care

      刪除
    3. 放心放心~~我唔會聽bb d歌聽到唔訓~~~
      但我試過睇佢d 片睇到唔訓~~
      你事喇佢~~

      刪除
    4. 無頭痛~~~唔使驚~~~~你都估到我偷懶啦~~~
      無事呀我地呢邊~都係一號風球~

      刪除
    5. 哈哈~~偷左一次懶之嘛~

      刪除
  5. 陽光...靚靚,玩水...正呀

    回覆刪除
    回覆
    1. 好友🌩️晚安囉🌀甜夢安睡嚟🌜🌛💤
       O⚡
         o
       .∧_∧・。◇
       ( ・ω・ )
       |⊃/(___・゚°¨*★
      /└-(____/✬ഐ☆
      ❉•ೋஜ¨*♪♫♩♬๑۩۞۩✾
      🌂話咁快又╠╣aΡpy週二☔

      刪除
    2. 對對!最緊要大家都無事~

      刪除
    3. 呢幾晚都訓得唔好~希望今晚好好訓~

      刪除
  6. Hi 小T,我平時係隱形人(因為懶)。見妳有準時寫blog就安心所以之前都無浦頭。不過見到你講個D惡性言論,真係無辦法再隱形。我唔係澳門人唔係香港人,但有親戚係澳門,打風期間都希望所有人無事,畢竟天災真係無辦法。只能說好多人關心妳,其他言論可以當時運高。

    回覆刪除
    回覆
    1. 真係好多謝大家都咁關心我地丫~雖然世上有好多無口德既人...但畢竟還是好人比較多呀~
      希望你d親戚都平平安安~大家身體健康~

      刪除
  7. 你上一篇同海豚同游好正呀~ 不過如果比D偏激嘅人又話騷擾佢地生活⋯⋯
    一個海膽Rs100=22.7hkd....咩物價??<-- 我都係咁諗,自己去捉啦!不過又真係好型嘅~ 個艇仔檔~
    整親腳板底好"那"腳架⋯⋯

    回覆刪除
    回覆
    1. 我無游呀佢地3個游咋~~佢地好乖寶寶~無醒過~~
      真係好好味呢~好想再食~
      好慘呀毛寶~

      刪除
  8. 行樓梯上去個觀景台景色超靚﹗

    回覆刪除
  9. 公子不愧為公子,人靚好心腸!!好人有好報!!
    踩多腳嘅根本唔x係人嚟,何足掛齒?大條道理自以為看通世事,講嘢啜核/涼薄不分嘅聰明人,x你老x啦!!
    100蚊飯盒嗰類商店,希望有心人可以做記錄,第時唔報答返班x街點得?
    毛寶好似冇乜死皮,幸福.
    檔海膽非常招積,但堅型!!

    回覆刪除
    回覆
    1. 公子真係好好!我好榮幸係公子中一員~
      算啦~起碼我仲有你地關心我~己夠~
      你最叻呀!!睇到成張相個重點唔係個傷口...而係無死皮既靚腳!毛寶讚你識貨!要加獎~
      好好味~雖然用洗腳海水沖洗~

      刪除
  10. 小t, 睇到個風嘅新聞呢, 即刻諗起妳呀, 順便幫我問候埋毛寶隻腳
    個天色同水色真係靚到冇得彈, 我好想去塞舌爾, 唔知幾時成行呢

    回覆刪除
    回覆
    1. 好的好的!!你真有心!!!多謝~
      你想去既地方...一定會去到的~~~~放心~~可能你下年就出發了~

      刪除
  11. 經過今次後,你朋友間舖頭要買定多幾個沙包好似安心啲,跟住仲好似有風球,你都快啲整返個玻璃門啦!!
    洗腳水洗海膽<=====你形容得好肉酸XXXXD
    mobo個傷口都幾驚嚇,要好小心處埋傷口......
    Gym果度有冇泳池?快啲叫mobo繼續敎下你游水啦,是求生技能學識好好多,一生受用^^

    回覆刪除
    回覆
    1. 哥區就算有幾多個沙包都無用~慳番d力算~上次個風係浸哂沒頂...恐怖....
      哈哈~~我無形容錯喎~~~
      係呀...所以即時買左酒精和大量膠布~

      刪除
  12. 小朋友真慘, 好彩影相時己止了血, 不過一定好痛.

    回覆刪除
  13. 毛寶好返啦,小心D啦下次。

    回覆刪除
  14. 佢地嘅馬林魚係咪好似澳門嘅馬介休咁呢
    陽光海灘水清好靓呀,仲要唔係成個沙灘都係人,感覺perfect!!
    又打風喇,希望大家平平安安,你整返好啲門窗未呀??

    回覆刪除
    回覆
    1. 我覺得唔似....同埋...我覺得馬介休好食d~不過去到人地地方梗係試下人地d野啦~
      係呀...如果成個海灘都係人就無悠閒feel了~
      我媽攞左勁夕膠紙痴住....應該無咩虛位了~~~~

      刪除
  15. 世界本來就是黑暗,能够活在陽光下是多麼好。希望您永遠活在天高海闊的世界;忘記那些黑暗。
    那些海鮮小吃真正。

    回覆刪除
    回覆
    1. 多謝你呀~希望大家都平平安安身體健康~

      刪除
  16. 平安大吉..咁就好喇
    我地港澳一家人,有難同當,相互扶持...無為人講嘅廢話唔使理,費事傷身,
    隻腳割到咁傷嘅..陰功豬,好番未呀
    毛里求斯真喺幾乾淨,食嘢唔使驚,但天氣太熱,無雪嘅嘢真喺唔敢食..

    回覆刪除
    回覆
    1. 唔係個個好似你咁諗~~不過唔理哥d人lu~有你地一班blog友關心已經好開心~
      好番喇~無事喇~
      其實我開頭都驚架~但佢用海水養住..同埋係生既!仲郁既~所以我地就敢食~

      刪除
  17. 毛寶豬陰公豬,滑腳被弄損,心都赤埋!有無La?

    回覆刪除
    回覆
    1. 依家仲有少少呀不過佢話淡色左好多

      刪除