I Love U ESPANA

德國輸左之後….我就轉投西班牙既懷抱~~~~我唔識佢d球員….唔識佢地d咩打法……純粹係對佢個國家有d情意結je~哈哈…其實我鐘意食西班牙野同飲sangria咋…….哈哈~~~~唔掂呀…….噚晚十一點訓到兩點半….跟住起身睇波…估唔到佢踢到加時……..眼訓到我呀…….五點幾先有得訓…….仲要係訓唔到哥隻……訓到都係個夢度話：好辛苦呀訓唔到呀………………仲明明無睇佢地捧盃哥剎那……..我發夢又幫佢地發埋……………………….所以我今日狀態都唔係咁好…..狂係counter度放蚊……….西班牙第一次捧盃咋…唔知點解好開心~噚晚場波超精彩……得我一個人係廳度睇………少可老豆又唔睇喎………當西班牙入波哥時得我一個人叫到癲哂….好似我係西班牙人….哈哈~~~唔通西班牙真係咁想我地去????heheheheh~~



星期五放左工我地約埋小i睇史力加…..我覺得好好笑…..笑到癲左……..星期六晚就去左wilson個婚禮…係漁人碼頭….



個眼鏡咪幾襯我~又話本來想買俾我…車~

呵呵…..結婚公仔仲有臭熊喎~~~少可~~~~~

影左一堆相…..無乜主題….只係想同d同事影下相~

帶左假大眼….我覺得我唔係咁似我…..影相我又唔知望去邊…無哂焦點



哈~我幾鐘意我地四個影既呢一張喎~唔知點解呢~~~~~~~~~~

雖然臭男人隻眼因為個眼鏡有d離罩~~~~~~~~~~~~







我覺得自己好好笑…….

直至上個星期尾…..我先知道

八爪魚保羅…………佢真係一條叫保羅既八爪魚….

我一直以為………….

佢係一個綽號叫八爪魚…估波好叻叫保羅既男人

直至上個禮拜尾有一次我開yahoo時見佢有張新聞相…

講有關八爪魚保羅…..張相有一隻八爪魚..

我先至如夢初醒………..

佢真係一隻八爪魚…………..

我深深不忿….今日周圍問d人….

一開始知唔知佢真係一條八爪魚時….

無一個人會好似我咁……………………….

個個都話：知呀

下….我係咪唔正常架………………….

當上次德國輸左俾西班牙時…..

d德國人話要煮左佢黎食…..我仲諗：華…唔係想食人呀..人地叫八爪魚je

最搞笑係……佢接完死亡恐嚇後

西班牙話：歡迎佢入籍西班牙

哈哈…好搞笑~~~~



今日放工去左旅行社……….

淨係問下價都覺得開心~~~

而且除左去一個旅行之外仲有第二個點子~~~

又係講下都覺開心~~



好野~

Mr.有新歌喇~

約翰人生…….但係同alan tam合唱

好似alan tam唱得多d….咁我個alan po呢?