又頭痛又暈又嘔個胃又反下反下既一日

今日一起身….個頭又有少少痛…..好辛苦……食左麥皮早餐….跟住番工……諗住開工食兩粒頭痛藥…..點知食完坐係counter度超頭暈……..跑左去廁所嘔…….諗住嘔完會好d…….叫左個客入黎…..一路填表一路標冷汗……..之後又去廁所嘔多次……救命…..又暈又想嘔…..之後硬住頭皮請假走……諗住番屋企抖一陣….點知媽媽捉左我上山頂………..我今次好醒…唔會再俾佢捉我做”快速xx測試”…..又幾快喎….個半鐘度就睇完…因為我地想上一樓大堂買野食….所以我就上去蓋藥單印……點知俾個好串既女仔串左我一輪話我睇急症就落去下面急症蓋藥單…..不嬲我睇開門診時哥個多功能櫃台d人都好串…..個女仔好生面口…..都唔知係咪新黎…..就算佢係咪新黎….都應該唔係咁既態度呀……我自己都係坐counter….我都知坐counter辛苦….我都唔係要你笑面迎人咁對我……只係要番少少禮貌je….唔只對我係咁…..對前面哥幾個人都係咁惡劣……頂佢唔順….送左封投訴信俾佢……..對山頂醫院既印象不嬲麻麻….仲記得之前電話熱線哥個人….d態度衰到我向佢乞錢咁….痴線……不過我都有表揚下今次分流站個護士同醫生…….因為真係勁有禮貌~



唔…星期日凌晨睇完季軍戰訓到成點半先起身…去左氹仔食牛尾湯通…..食飽飽之後就行左入官也街d橫街窄巷度影下相…….好曬呀~

影呢張相既原因只係強烈鐘意呢隻顏色…我永遠都唔知佢係藍色……定係綠色…..所以我不嬲都係叫佢—-藍綠色……哈哈~

勁鐘意呢個門口…..好靚呀~係咪真係有人住????

靚到~點解油得d顏色咁靚架???好似真係去左外國咁

仲有我都勁鐘意呢條街名—-連理巷…..有d浪漫情懷咁喎~

夜晚我終於可以食到KFC喇~~原來佢唔係金沙賭場裏面架….檸辣脆雞…我終於都食到….不過….唔係我想像中咁好食囉……失望..最好食都係巴辣香雞奕~

佢開係中區哥時我唔會食架….佢搬走左我就成日都想食…奇怪~







就係咁今日係屋企休息….

我仲以為自己食完中午飯就好番….

訓左兩個幾鐘晏覺…….

食左少少下午茶….

原來依家仲有d反下反下既感覺…

好想嘔…..

我想快d好番呀….

星期五仲要去食MGM個自助餐架…..