陽光與海灘

救命…..噚晚訓覺….兩個鼻哥窿都塞Q哂………….我諗住mark大口訓一陣用個口抖氣既話…….同個口呼出黎既熱氣會令個鼻通番…….點知訓呀訓呀訓…………….訓左成晚…………………個鼻都無通過囉……超辛苦…….成晚都係mark大個口抖氣搞到個喉嚨好似乾到撕裂咁………………….仲有……由於成晚mark大口……我不停係個咀角係咁流口水……流哂落個…….哈哈~都唔知隻藥有無效……..食埋今晚都唔得我就決定去睇下醫生~我都唔想週末先黎病咁慘架……最緊要今晚訓覺時俾我通到一邊鼻窿呀~~~~求求你~~~~~



星期六訓到成點先爬到起身…原因係之前哥晚玩呢玩low到四點先訓~醒左之後就去左食中午飯…….WoW……好開心去左食咖啡屋…..不過又唔係太肚餓所以我哥日係食左個咖哩雜菜(其實我唔太想食佢d料…淨係想要d汁)+油烤餅(就係用佢點咖哩好好食架~~~~~~~)我真係好鐘意食印度薄餅~

不過唔知點解哥日我覺得貴左d…都無食d咩成兩百蚊~叫左兩個湯…一個咖哩腩米….一個鮮果沙律同圖中兩樣野咋……



哈~哥日陽光異常猛烈….我終於肯著對係上海買既新鞋~因為之前我成日俾人問我點解唔著出黎…..我既藉口就係：落雨丫嘛(其實我係懶)

陽光好到咁我真係無哂藉口………….



你睇下個天幾藍~~~~~~真係好鐘意週末咁好天氣架~~

睇呢條路知唔知我地去緊邊…..咁好天喎….去邊呢??

呵呵呵~~~咁好天梗係去沙灘啦~~~特登六點幾先去到無咁熱~

比上次遲左少少先到….影d相既顏色好似唔同哂….無咁有陽光色…..oh~

哥日仲有落去踩下d沙同水~



一場黎到….我覺得無理由唔食燒烤囉…….我最鐘意食呢間~

佢地間鋪頭後面有得坐下….一路對住個海灘….一路食我最愛燒冬goo

我覺得真係好正~~~~~~~~~~~~~~~~~~~~~~~



海綿寶寶都有黎~我覺得佢好恐怖….好似笠頭套打劫哥d人……………..

仲有懶熊都有去~你睇佢幾嘆~  *3*

呢個係打橫影既一連四張…我d位對得唔錯架…成水平線…..

四張相分開影都影得靚到變番一幅180度既相出黎~我真係太叻~



雖然今次遲左去影沙灘無咁靚….但都有意外收穫~

呢d係咪叫晚霞????好靚呀…令我諗起埃及哥次既日出~

呢張180度都對得好岩岩好~點解我咁叻???

四張分開影都對得咁好….係咪我先做得到????呵呵呵~

番黎澳門就去左食星光斜路行上去食日式燒餅既kasumi

好鬼大個….不過我唔係太buy呢隻燒餅….原因係因為我覺得好似淨係食緊一大舊粉漿咁………..



其實我地叫既係一個兩人套餐….有個燒餅再加個相樸火煱同兩碗飯

唔明點解叫相樸火煱??只係將d肥牛呀豬肉呀菜呀冬goo呀…好似打邊爐咁lok熟佢……連d湯味都係lok熟左哥d料既味…無咩特別……我覺得幾貴…成個餐…百一蚊…..舊燒餅切開有四舊….我食完一舊就頂唔順…..太漏…….只係好有興趣研究佢點解會咁多人幫襯….次次去親都要排到癲….d野又慢….又唔算太好食…間鋪又細又熱又唔好坐……又貴…..唔通真係因為澳門只有佢一間日式燒餅店?????咁係咪我諗一樣澳門淨係得我有得賣既野我就發達架喇???係咪咁???就呢個話題我噚晚同寶寶研究左一陣……..

我：佢又唔係好好食…..點解咁多人幫襯喎

寶：你覺得唔好食之嘛…..其他人覺得好食…澳門又得佢一檔

我：下…咁即係…我賣一樣我先有得買既野係咪會發大達??

寶：….唔….依家咁熱…我賣冰會唔會發達?

我：er…………如果係咁….高士德賣棉花冰哥間野發左達好耐啦…..

寶：我唔係賣呢d喎…我係賣冰雕呀….得我一個有喇卦~

我：er……….我買個冰雕黎做咩呀?

寶：又靚又涼囉~

我：下………..你係邊度搵咁大舊冰呀?邊個幫你雕呀?邊個幫你運呀?

寶：………………………………

我：俾我就唔會買囉…….擺一日就無左….0徒錢囉

寶：(俾人問到口啞啞)…我..我唔….唔….唔知呀!

就係咁….我就令到一個少年人放棄左佢既發達大計…..哈哈~







我既口味要求係咪低左呀??

以前我成日都話我屋企樓下哥間美心係垃圾

d包超難食….難食到唔識形容

但經過幾次我中午無飯食又唔想行遠買而去左美心買包既情況下….

我依家成日都好想食美心d包呀……..

尤其是佢個蝴蝶酥….芝屎牛角….同小pizza….

好好味呀….

我係咪痴左線呀…

定係美心落左我迷藥呀??我咁迷佢d包………….



我好想好好陽光…

但唔想咁熱同咁焗…

哈哈~我好貪心