Day 1—->20090525(Part 3)
上回講到行完一間無乜貨既disneystore…..周圍行周圍睇….毛寶仲去左買相機….第一日就買左一大袋相機同一堆有關相機既野……佢係第一日既大贏家…….哈哈….今次我地仲破天荒咁……..high左一次…….tea呀~呢個願望我地望左好耐啦…一直都做唔到..一直掛住行行行..終於停低左一次喇~
呢間cafe係我地行過見到既…都無乜話特別心水….之不過又幾好味喎…..我杯野飲係期間限定架~(上圖中間哥杯)…..有人話要學陳豪品味人生飲熱啡…最後..反眼收場~真係不得不讚…..佢d沙樂美腸真係估佢唔到咁好味…好似都係320yen度一碟小食………見咁平我地仲黎多一次沙樂美腸呢~
行過商場…….見到一張招紙…….第一次見到…….有一隻狗仔……………..可以咁似柏佬架~
之後就閃左去青山了……..都未有咩買到…所以都未係太攰住…..一路行下行下…去到….CDG….上一次黎到已經天黑所以….無影…今次就影下咁囉……我都有係CDG度買左對鞋…..但係….由於天雨關係…我仲未著過…所以..我不是潮童了(其實從來都唔係…………………)哈哈
全個旅程唯一經過的小小神社…影張相留個念囉~
行到咁上下……咁我地就去左池袋食飯lu~今晚係食……蟹放題呢…….位於JR池袋站東口Big Camara隔離…..事前我地對佢期望甚高……….因為任食蟹實無死~….中間張相真係好正~…..好明顯影到毛寶飛過黎影合照~
但係我想講…..唔係咁好食囉….我好失望呀….除左毛蟹d膏覺得好食之外…..皇帝蟹同長腳蟹都麻麻地囉….愈食愈唔知點咁….原本我地仲話佢要蝕大本喇遇到我地……仲話要食好幾碟……最..後…三個人只係食左一碟囉…………….成餐飯我覺得最好食既係……………….毛豆呢~….真係幾好味架…….我認為….中國的蟹…..是最好味的~唔好味都唔緊要….講起都激氣…..食完呢餐蟹之後…..我係個人中度……生左一大群…….泡疹的物體呢….又痕…又出水………妖………………….
食飽飽之後我地就梗係行我地每次都必行既藥妝店啦…..買到行黎行去不停係間鋪度.悶到毛寶企係度都訓得著囉~….以下呢d就係我第一日既收獲喇…見嘛…我仲未著過對鞋~
唔知我老豆今晚搞邊科……….晚餐好似圍埋食兒童套餐咁
沒有留言:
張貼留言