恤髮

今日又係咁….又係超大雨….一早起身仲以為有機無雨落….點知刷完牙出黎時超大雨….當堂乜mood都無哂….中午哥時飯都未食就走左去搵左co哥先….因為我真係頂唔順自己個頭喇….好鬼長….以家咁既長度對我黎講已經好長喇..



剪髮前的我….個髮型長左之後我就唔鐘意喇..好多鉤

剪完之後….特登整d唔清楚既….希望大家又唔好話我好似無剪過啦….剪完之後有兩折色..

剪完之後就去左食牛肉粉絲….以前兩個人食係45蚊….以家食番一模一樣係56蚊….有無離譜左d呀???之後就去左毛毛球屋企睇番之前哥套jumper(唔係我想扮鬼妹仔唔識個中文名呀…係我唔識打第一個字呀)…都幾好睇呀…題材都幾新穎….不過內地將d字幕譯到鬼五馬六….有d怪….夜晚就同左我d屋企去左氹仔度食飯….係端午節做節呀….係一間叫大東飯店既地方食飯…呢間野應該都開左幾耐下架喇…好似電視之前都有介紹過佢地d燒肉咁……所以今日都好期待…..不過食完之後覺得普通啦…..

去同走哥時都超大雨..隻腳同褲都濕哂….但番黎屋企沖完涼望出去已經停雨

見到阿姐手起刀落斬燒肉….好臂力

淨係睇個茶壺就知呢間野有幾耐

呢幾樣應該係佢地既招牌菜喇

好搞笑….爸爸媽媽噚日係黑雨情形之下上左去新屋….擇左係新屋度d芒果落黎…..之前五一上去哥時佢地仲係好細隻….依家已經長大到咁喇…真係生長得好快呀!!!!!!!!!!!