用相片懷念過去

呵呵呵……..今日到左星期四喇….咁即係話好快就會到星期五喇….聽日考試….考完我就暫時開心哂喇…雖然唔係最後一科….但係都可以開心下….加上今個星期六日都唔使番學就更加開心啦…..今日臨收工時…係自己番工個盒度….發現左一隻碟…寫住小t+mo仔…..覺得好神奇….好似從來都唔知有呢隻碟存在過咁…睇d字同叫我既方式就知道係欣欣杯俾我既….我即刻問佢…俾佢話左我兩下之後…發現原來大家對呢隻碟都無乜記憶….番到屋企打開佢睇之後原來係欣欣杯俾番之前d相俾我…..有張我都未見過…好新鮮!!!!



哥次我地一行十人一齊去番禺哥個機動遊戲既..唔記得左個名…但我記得好好玩…好似大大小小玩左成十個機動遊戲…超勁….不過我係唔會再玩十環過山車架喇..原來都成兩年之前喇



呢張相係剛0岩玩完哥d激流..笑到我流口水..以為自己包到好實..我仲懶醒坐第一行..點知一衝落去成頂帽飛開…d水飄哂落我塊面度….件雨褸都係得個笑字…

有張就係我同柏仔上左松山玩既相….個髮型好正呀..都諗到係幾耐下之前啦…我仲好有勇氣放上黎

柏仔你真係好靚仔呀..除左有少少奸之外

仲有呢張去泰國既相..又係兩年之前..唔知我過多兩年之後個樣係咪都係咁白痴呢…….