與三大長老聖誕台中遊之旅2018-12-24第三天Part 3(天晴)

上星期六....中午去左蜜蜜見...但麻麻同埋出野好慢~之黎番左屋企等傢私到~~好靚呀!點解我地揀既傢私會咁靚咁襯我間屋架~~(自High~)...夜晚食左Comma Cafe~.....夜晚番屋企好得閒book左3晚日本酒店房...我真係好叻叻~星期日....中午食左羅浮~下午訂埋餘下的4晚日本酒店房~我真係棒棒的~夜晚痴痴貢~(仲係頭痛未止到...好辛苦呀)......星期一....噚晚發左個荷里活級別既災難片夢...好驚驚....今日好多野做...好彩做夠數~....星期二.....我噚晚唔知搞乜...9點半訓著...訓左9個幾鐘..又幾爽喎...我生左粒爆勁大既瘡係鼻窿邊...痛X到我.....星期三...er...唔...呀....我今日中午....食左KFC~~做到下午覺得個人攰攰地....無乜動力....是因為懶嗎?XXXXD....星期五....放左工去左新故里~~為我地七公子既朗主席舉行壽宴~~真係好開心~~公子生日季又再度開催!!....星期六....一早起左身....因為約左一早番屋企裝光纖...我家又再重回文明的世界~...再去食Comma cafe....然後去毛寶家睇埋淨低兩集you(查實我仲係睇緊第一季~~~~~~)...夜晚又痴痴貢~我到底幾時先可以搬番去屋企呀....我初時估係農曆新年前架;[



2018/12/24
Day 3---Part 3(台灣,台中 Taiwan,Taichung)
好喇~司機大哥車左我地黎晚餐地點~去完彩虹眷村同埋高美濕地剛好食飯~好彩無去誠品行~邊行得咁多個鐘~呢晚~我揀左食Omakase!!!!我上網揀了又揀~最後揀左一致正評的豪軒...地址：台中市西屯區福科路500號....我是在他們的FB線上訂位的~




臨入門口望向右邊...華!仲有個小涼亭咁有氣派磨~




華~真係好似去左日本咁~








一入到去~就見到主廚+店主小豪哥~(查實我係上網睇先知佢叫小豪哥XXXD)...板前位就係咁多~不過仲有包廂~上網訂位時同佢講帶爸爸媽媽來~希望有比較舒服既座位~佢就話為我地安排正中既位~(連埋我地有兩組客人...另一組係2人....所以坐得都好舒服)






好緊張呀~我期待左好耐~仲有...我覺得店主超狂....




就係....佢用既木料理台...佢做完一次會席....佢就會刨一次...因為佢唔想滋生細菌...又唔想用消毒清潔劑而令料理台有味~當刨到咁上下.....就會成張料理台換張新既....非常認真~...呀...張枱都有咁多金~




之前上網訂位時就問左佢價位問題~佢話係NT4,000-NT6,000(1,033.6khd-1,550.4hkd).....多數港澳客人都選NT5,000或NT6,000.....好啦~我地就揀NT5,000=1,292hkd試下啦~就座後小豪哥就Show hand介紹下今日有咩食~華~幾豐富咁喎~~有松葉蟹!!!咁岩既~岩岩係鳥取食完~講下價錢先~







第一道料理：坐低無耐~小豪哥先來準備第一道~




仲以為係哥d一早整定既前菜~點知係即制既料理~用柴魚昆布湯灼熟白貝~~~~~~~~好好味好鮮甜~~~~~~!!!!!食完第一道我就對佢充滿信心!.....之後就問佢：今日有咩酒可以配黎飲~~~~~~~~~~~




第二道料理：之後就見佢處理d干貝~整開佢之後極速冰鎮!!!!!!!d干貝超勁大隻~~~~~~~~~~~~~~~~~






就係小豪哥處理緊d干貝既時候~其他服務人員就攞d酒俾我地揀下想飲邊種~~~~~~~~~~~華~~~~~~(我記得有其中一支好貴~無錢飲~).....有無見到一支有d特別~




聽完價錢同介紹之後...我揀左呢支!!!!!俾日本既酒商冠名既清酒!!!!!!!!!!!!!勁威威!!!!全台得兩間餐廳有咋!!!!!支酒NT1,860=480.6hkd~適合冷飲~




由於我地揀呢支時問佢可唔可以熱飲~佢話呢支適合凍既~佢知道毛寶唔飲得凍飲之後....二話不說：好~我整另外適合熱飲既sake請你飲~!...就是狂~夠大器~





干貝刺身製作中~




好喇~小豪哥上干貝前先為我地準備好酒~華!!!酒灑上金箔!!!!就是狂~好貴氣~




呢個女人勁開心.....猛叫我影相!





你話係咪貴氣~支酒味道好好~




好喇~終於講到喇~~~~~~~干貝配白松露鹽和柚子皮.....天呀~~~~~~~~干貝我食得多!!!但我真係未食過咁爽脆!!(用爽脆係咪唔係咁合適?但佢真係好爽脆!!!應該係極速冰鎮既功勞~~~~~~調味又夾~不會搶去鮮味~100分~




食完干貝就問我地飲唔飲啤酒~我地就話我地少飲~我媽話佢鐘意~然後佢又二話不說~開一支法國啤酒請我媽同佢一齊對飲~就是狂~我唔飲太鐘意啤酒都覺得不錯~用呢d杯飲好似特別矜貴咁~




第三道料理：人家唔用火槍架~係用備長炭黎做火灸!







有比目魚同比目魚邊~配上宜蘭烏魚子同蔥.....就係呢度...我先知原來比目魚邊.....其實係爽既先岩架....小豪哥話平時食到佢火灸完俾你成口油軟奶奶哥d係因為佢唔新鮮.........我今日真係學到好多野~(係食完呢次...第二次食到爽既比目魚邊就係香港鄧師傅哥次~)





第四道料理：真鯛~準備蘿蔔時仲問我地佢帥不帥?...我問：為什麼帥?.....小豪哥：因為我沒有看著來削蘿蔔.....我：XXXD......最後老尷笑作結...因為就黎削斷XXXXXD







真鯛兄本人




切好後...小豪哥將皮放熱水中輕灼d皮!....佢話因為生既時候d皮會硬!所以輕灼後刺身可連皮吃~









真鯛配上法國鹽....噢~好好吃呀~




咦~蟹整熟左喇喎~~先處理je~~~~唔係依家食~~






然後佢突然係佢料理台下面抬出一條咁大既魚XXXXD....我問小豪哥：到底還有多少東西在底下......小豪哥：還有一個工讀生在底下.....我：XXXXXXXXXD.........呢個人除左狂...仲好幽默XXD





小豪哥介紹：這叫做鰆魚~







小豪哥問我地有無食過~我地話無~....佢先煙燻魚肉然後再炭烤魚皮~






第五道料理：就係鰆魚喇~做法都幾花心機~魚食到煙燻味....而且魚肉係綿密口感既~好好好好味呀!





然後....就到佢喇~~~




仲要配上佢地自家制既汁....個汁有用昆布既....佢剪D昆布出黎時兩個勁似做緊手術XXXXXXD





係灑緊鹽巴嗎?我諗起外國哥個灑鹽灑得好衰哥個XDXDXD




第六道料理：北海道厚岸生蠔配自制柚子昆布柴魚汁.......超搭配~~~~汁好好味~無搶蠔味~蠔好爽脆(係~又係用爽脆形容)...好想再食




第七道料理：烤銀杏...好香好好味~




第八道料理：鰹魚壽司......好味~令我諗起上次係高知間溫泉旅館食既鰹魚~真係堅好味~









第九道料理：WOW~拖羅耶~






以為呢個拖羅壽司就咁簡單?




睇埋呢條片你就知佢有幾狂XXXXXXXXD

其實佢咁樣舊壽司唔會痴到好多金箔架咋....所以我問小豪哥：你是否很喜歡下雪的感覺?(呢個問題相當浪漫)......點知佢答我：沒有呀...我只是有錢呀!.......我：妖XXXXXXXD~.....好好味呀~~但係同佢既對答更好玩XXXXXXD....




食食下.......我發現....佢玩到連我塊面都係金箔XXXXD睇下老夫人個樣幾妒忌XXXXXXXD....突然諗到....佢地張枱咁多金...唔係本身張枱本身既花紋黎架!係佢真係太有錢呀XXXXXD




睇下呢個人幾狂....食食下會有小提琴表演~然後佢問我：可唔可以問你一個問題?唔想答可以唔答架....我：好呀~......小豪哥：我看不出來你們五個是什麼關係~可否告訴我~.....我：(心想有那麼難明嗎?)我跟她是朋友(指著毛寶)....然後這是我媽(指著老夫人)....這兩位是她的爸媽~......小豪哥：原來是這樣子~(笑得有啲衰XXXD)....所以我問佢：不然呢~.....小豪哥：我以為是一個爸爸兩個媽媽呀~我好混亂耶~.......然後全場爆笑XXXXXXXXD......咁我同毛寶咪同父異母兩姊妹XXXXXD....妖XXXXD....好亂倫呀XXXXD....連性格都咁狂XXXXD....如果係既話點會大婆細婆一齊出遊呀XXXXD好救命XXXXD



第十道料理：牡丹蝦海膽三文魚子散壽司~





佢問點樣搵到佢呢間野~我話我係網路上搵到呢度~有很多人都大推薦~然後佢話獎我多D海膽~好~好~味~~





第十一道料理：來了耶~北海道松葉蟹~睇下D膏~





老夫人分到蟹鉗~




我既~




好~好~味~不過真係鳥取哥次更好味~




影影下發現....咦~我連指甲都痴左金箔XXXXD




食完之後個狂人話獎多我一次話我帶爸爸媽媽一齊黎~D膏好好味~

食完呢一道~兩位媽媽舉白旗投降XXXXXD我查實想繼續食落去XXXD



第十二道料理：湯~




第十三道料理：紅豆甜湯~小豪哥話已經煮左10小時~





然後再加上一舊剛烤好既年糕~我開頭見到甜品係紅豆沙我有D唔開心~因為我從來都唔鐘意食紅豆沙...我超憎豆類糖水~點知一入口....起哂沙....堅好味!年糕也好好吃呀!超完美作結!(今日又鋪左好多新既金箔XXXD)




然後我地請小豪哥一起拍照~佢仲送左成盒士多啤梨俾我地帶番酒店食!勁大器~





呢餐食左NT$29,546=7,634.6hkd.....每人1,526.9hkd.....呢餐係我同毛寶請三位長老既聖誕大餐~希望佢地鐘意啦~我唔理你地鐘唔鐘意~我自己覺得好好食~覺得係台灣食過咁多次Omakase最好食係今次~同埋覺得小豪哥好大器~個人又狂~令人好開心~好想再去食~(暫時台灣未有一間Omakase我會想番轉頭~呢間係唯一~)




小豪哥幫我地叫左的士番酒店~我番到去發現...我帶走既除左士多啤梨之外....仲帶走好多金箔~XXXXXXD今次發達喇~由於今晚係平安夜~所以我為大家係酒店播出濕爬既"Love is nearby"XXXXD








2020/01/11的開心事：
毛寶話入到我屋企覺得好光猛好舒服~
(裝修真的很累..係心好累..聽到呢句說話..我已覺得安慰;])



報時：距離與三老九州佐賀自駕遊之旅仲有---84日~
報時：距離泰國曼谷揼揼揼之旅仲有---160日~
報時：距離七公子台北帥氣行之旅仲有---263日~