2019年12月6日 星期五

與三大長老聖誕台中遊之旅2018-12-23第二天Part 2(天晴及後轉雨)

喂喂~~~~~我番左黎喇~~~~~有無好掛住我呀~~~~~一番到澳門已經忍唔住衝左出去食野~~~~~~上上星期日....最後一日賽車~無去睇~過左氹仔食加東~午餐Set幾抵~之後下午毛寶幫我剪定頭髮去旅行~夜晚痴痴貢~....上星期一....平平淡淡的一個番工日...平淡是福~...今日澳門有條新例實施...就係膠袋費呀!澳門真係好落後...上星期二...我臨天光發夢同老豆玩啤牌呀!!好開心!!!好耐無同佢玩啤牌喇....我又一路玩一路俾佢笑我蠢(小笨笨)..午餐又可以同毛寶一齊食...小確幸<3...放工諗住食暫居地附近牛雜汁烏冬做晚餐...無開咪去第度買飯囉..買完番轉頭烏冬又開左...人生呀!....上星期三..起身又頭痛...搞乜也?!......星期四...本身放工好開心去開凱公子慶生趴....點知食中左間新開係酒店入面既韓餐極爆極爆難食!....係我地食過暫時最難食既韓餐...真係好難食........上星期五...頭痛住番工~~~但無所謂啦~就快出發~~夜晚係屋企執野~~~~~...............然後就出發左去旅行玩左13日喇~~~~~~~~今次真係玩得好開心~有好多新既體驗~



2018/12/23
Day 2---Part 2(台灣,台中 Taiwan,Taichung)

我地徒步行到我地既目的地..就係審計新村入面既暮暮市集~地址:台中市西區民生路368巷1弄6號....成日都想係台灣行市集~





呢個市集都幾多人~




入面好似仲有幾間cafe~




仲有一間係專抽扭蛋~本身想抽下貓貓頭套俾孖八~不過見幾貴~唔抽喇~






而且我覺得佢地個個檔仔既佈置好有特色~好靚~同埋都有幾多唔同類型既野買~






行行下見到佢XXXD勁可愛!




有人入手呀!!老夫人同毛寶都勁有興趣~可以買橙呀~水樽呀~廢水呀~包裝仲好靚~






呢度除左小檔之外....仲有舖既~有一間賣杯杯碟碟既幾靚~





一睇就知你兩個似農民多D啦XXD無文青feel呀XXD






行到另一邊....都係people mountain people sea~




行過見到有個靚仔沖咖啡!咁要飲飲啦~我覺得帥哥好似潘瑋柏~






我叫左杯手沖~TWD$100=25.8hkd....都幾抵飲~而且D咖啡豆佢地自己烘既~飲落覺得唔錯~






另一檔吸引我地既就係呢檔賣自家製爆谷既POPCORN GIRL~因為佢大方咁俾大家試食~一試之下....華!好好味呀!佢除左D經典口味之外都有D幾得意既咸味~我買左薑餅味同椒鹽口味~~極度脆極度好味!我從來都唔鐘意食薑餅...因為有玉桂味...呢個都有...但佢就係整得好食囉!




佢地買左一堆~然後檔主送小禮物俾大家~好甜心呀!




審計新村原先係一個荒廢左既地方...之後先將佢活化成依家咁樣~本身諗住再繼續行既~但見天陰陰咁....走咯~






超難截的士呀~截緊的士時又開始落大雨~番到酒店咁咪坐陣睇下戰利品~睇下呢班人D爆谷XXD




老夫人買左利是封呀!!一定係要封利是俾我喇~




我地休息左陣就出去食飯啦~仲係落緊大雨!諗住都係叫酒店幫我地叫車既.....但係落緊雨本身已經非常難叫車...再加上呢晚仲有五月天演唱會呀!!個個都趕緊去睇演唱會...唉~眼見我訂左既哥間餐廳既時間越黎越接近喇~我真係心急如焚~最後前枱接待既小姐提議我話不如down個Uber app黎叫車試下~於是就試下啦~點知又俾我叫到喎!...隨即叫前枱幫我打去餐廳講一講可否遲少少咁多到~好彩又OK~好啦~有驚無險咁黎到我地今日要黎既晚飯地點~今晚晚餐係食肉魂 鑄鐵料理 de Meaty Spirit......地址:台中市北屯區崇德品二段130號....今晚同三大長老打邊爐呀~呢間無得線上訂位~係衰婆揾佢個台灣朋友幫我打去訂的~電話:886 4 2236 8862




到左要等一陣~左望右望見到呢個叮噹時光機XXD...




有個扭蛋機~如果係生日光顧既話就可以抽架喇~有機會抽中龍蝦架XXXD~可惜我地無人生日~




有魚缸~




有酒櫃~




還有好像很利害的牛肉櫃~個牌寫話係小田牛~




等左一陣我地就可以入座啦~




佢地打邊爐個鍋同醬料碟都係呢種鑄鐵質地~但極重~不過我估呢種質地用黎打邊爐應該好好~




佢地好似都係套餐多~有單人餐...雙人...三人...同埋有好多唔同主題既餐既~有牛啦~豬啦~海鮮啦~我地叫左一個3人餐一個二人餐~(好似要叫人頭套餐既~)





咁揀左個餐既主體之後~~湯頭每人揀一個啦~(有D湯要加錢既~如果你叫D貴D既餐會唔使加錢)..仲有揀米食~(有D都要加錢~)..野飲同甜品~




揀好哂主食同附餐之後就上醬料啦~佢地D醬料都幾特別既~佢地個醬料蓋上有寫住係咩醬同埋有建議搭配D咩食~左起:豉油...蔥油醬(建議搭配豬肉或雞肉)...炭燒醬(建議搭配牛肉)...泰式酸辣醬(建議搭配海鮮)...剁椒醬(特製辣椒)...胡麻醬(建議搭配牛肉或豬肉)




有3格可以放醬料我梗係揀哂3樣啦~揀左普通豉油...炭燒醬同埋蔥油醬~




我地叫左一個肉魂豪華海陸三人套餐 TWD$3,988=1,030hkd.....同埋一個安格斯雙牛大滿足套餐 TWD$1,988=513.7hkd....咁每個餐仲有小前菜既~有泡菜同鴨血~都幾好食~




先上飲料~(餐包...每人一杯)..我地叫左可爾必思同埋油切冷泡茶..印象中老媽另外叫左支德國啤酒~





再黎米食~有玉子烏龍冷麵(加價TWD$20=5.2hkd)......德豐古法拉麵...同埋台東關山米






我同我媽都加價TWD$40=10.3hkd叫左花雕雞飯~呢個不錯~幾香~




跟住上湯頭...我就叫左魔鬼麻辣湯..我覺得個麻辣就一般般~另外既人就叫左澄清牛肉湯和柴魚昆布湯






每個餐都有個菜盤既~呢個係雙人既~豆腐上仲印住店名~都幾大個菜盤~





先來安格斯雙牛大滿足套餐...入面有:1.安格斯PRIME霜降...2.安格斯PRIME雪花.....其中一種肉味幾濃..但我忘了是那種XXXD另外一款麻麻(唔該哂~)





3.海鮮二選一...活凍波士頓龍蝦1隻(附蛤蠣)或無毒小草蝦(附蛤蠣)...我地揀左龍蝦~龍蝦食得出的新鮮~蛤蠣也好好吃唷~




另一個餐就係肉魂豪華海陸三人套餐~先來個巨巨的海鮮拼盤...有1.活波士頓龍蝦 1隻...2.阿根廷天使紅蝦 6隻...3.斯里蘭卡花蟹 2隻...4.北海道干貝 3顆...5.船凍小卷 3隻...6.根島生態蝦 6隻...7.野生大草蝦 6隻...8.無毒小草蝦 6隻...9.大甜白蝦 6隻.....呢個都可以話係一個痛風餐~有兩種蝦真係特別好食~有D就一般~蟹就真係勁麻麻~D肉梅既~







然後係好多種肉類中揀三種~我地揀左特選松板豚肉...西班牙伊比利豚肉...宜蘭櫻桃鴨....我覺得了種都唔錯噃~




係幾有氣勢既~影相呀~後面哥個仲掛住食~




仲有甜品..叫左桂圓木耳釀同埋手工日式蕨餅...麻麻~





呢餐食左TWD$7,003=1,809.6hkd.....每人361.9hkd...唔..我一般~因爲去台灣咁多次唔係次次都會揾到好食既...我同毛寶之次都滿意既還是台北的合鍋物~次次都覺得好食~唯一想翻吃的都係合鍋物~哥個蟹膏粥呢~(純個人意見~)




食飽走人仲有少少雨~都好過頭先出門口咁大雨啦~不過都仲係好難截車~截車途中發現毛寶爸點解可以整到頭風褸帽咁醜架XXXXXD









係出發去法國之前已經買左出年既兩個旅行喇~
好開心~~~~~~報下時先~~~~~



2019/12/06的開心事:
我尋晚已經番到澳門啦~(嚴格黎講係今日凌晨12點~)
但係我仲有4日假放休息下~~~
平時既我地...係會去旅行去到盡~
但係今次竟然無去盡!
我地係4號機係巴黎番黎.....
然後就睇到新聞話5號發動全國大罷工...
仲要無限期罷工....
好彩我地係下午機....因為佢係4號晚已經鐵路停駛
所以我地真係上天保佑.....
今日先可以坐係度出Blog見大家~
好掛住大家呀~鍚啖先~~~~~~~~

坐左商務艙來回...真心....好舒服XXXXXXXD



報時:距離宜蘭聖誕親子遊之旅仲有---14日~
報時:距離與三老九州佐賀自駕遊之旅仲有---120日~
報時:距離泰國曼谷揼揼揼之旅仲有---196日~
好開心~出年其中兩個旅行已經落實左~
有鑑於今年同三老去摩洛哥實在太辛苦佢地~
所以下年決定同佢地去嘆下悠閒下~
唔知.....會唔會咁啱.....睇到櫻花呢~
買完日本機票....見到泰國機票好平~
所以..............去揼下骨咯~~~~~~~~~~~~~~~~

12 則留言:

  1. 這个審計村唔錯都几多野行!
    澳門有冇D類似的文創區?
    我以為你会同咖啡鲜肉合照下XXD
    架時光機幾搞笑!
    正呀九州曼谷!等睇你寫法國遊^^

    回覆刪除
    回覆
    1. 都唔錯呀~
      澳門好似無~~~~~~~~香港係PMQ?
      華~我係十大怕醜榜之首喎~你唔記得呀?XXXXD
      法國遊我都好期待寫~~~~~~

      刪除
  2. 你都終於返嚟啦!😆
    我夠成日手沖咖啡啦,都無人讚我⋯⋯😒
    真係好鬼多人!
    不過原來你又就出發🤣

    回覆刪除
    回覆
    1. 我都要同你講番句:你終於都番黎喇?!XXXD
      哈哈~~你唔係小鮮肉丫嘛~睇開D啦~
      係既~小旅行JE~

      刪除
  3. 嘩~~~市集都幾多人行喎......
    百香果100台幣有成大袋抵買.....因我最近喜歡食百香果...20蚊只得9至10個呀...
    妳又去旅行啦.....提早祝妳旅遊愉快...食得暢快...玩得痛快.....平安回末來

    回覆刪除
    回覆
    1. 都多呀~幾熱鬧~
      我就麻麻百香果~我怕酸呀~~~~
      多謝多謝~

      刪除
  4. 返左黎嗱...不過好快又出發,你係20定21號飛,我就21號~~
    唔落後,好多地方都未有膠袋費~~
    個市集幾得意,剩係影屋就好新,影埋地就好舊~~
    戴風褸帽露耳仔又真係好少見...
    今次時間好啱,遲少少都會出事...
    九州較熱,櫻花會早開,不過而家天氣好反常,到時可能有驚喜~~

    回覆刪除
    回覆
    1. 我係20號飛呀~~~
      哈哈~~~澳門慢香港10年~~~~~~
      我都覺得個市集幾有趣~
      毛寶爸真係好有趣~
      係呀...真係好好彩!如果遲一日我都唔知隔幾耐先番到澳門
      希望啦~~~我都係博下架咋~

      刪除
  5. 嘩﹗你去完法國回來,等你遊記啦﹗

    回覆刪除
    回覆
    1. 有排都出唔到XXXXXD依家先出緊舊年12月旅行

      刪除