與三大長老聖誕台中遊之旅2018-12-24第三天Part 1(天晴)

星期六....噚晚有個人係IG搵我...令我覺得發生左傳奇事~成個胳肋底濕哂XXXXXD...中午食左TOFF既樽仔烏冬~之後去左睇屋企門鎖...裝修真係好煩...呢段時間快D過啦...我好想快D搬番去屋企呀；[...夜晚痴痴貢....星期日...我心又戚戚然...又心不在焉咁同毛寶食中午飯....因為我陣間可以見到仕燊寶寶呀＜3....哈哈我去左睇騰訊個頒獎禮~~外圍紅地毯公眾區勁多人...~好彩有手帶入到少人D既區~好開心企到第一行側面~到濕爬時我大叫佢地4個都有同我打招呼＜3心甜屎~之後佢地仲有做頒獎禮嘉賓~好開心呀我~我有半年未見過濕爬喇~睇完佢地哥PART我即走...同左毛寶去食千笹~....星期一....呢日仲係假期~~中午去左食Sip Sop Soup...好開心去到...依家仲有中式菌湯飲好正~~~之後去左銀行搞啲野...然後毛寶幫我剪髮因爲成隻垃圾狗咁...明天要上班喇~~~~我不捨我的大假~~~~星期二...救命呀噚晚訓得勁差~~我竟然仲走去開OT~~玩命~~今日輕軌開通呀~~(但好似話壞車喎XXXXXD).....收左工去左買福袋~星期五就係哭福袋宴喇~好緊張呀~...星期三...今日都係OT日~無咩特別~....星期四....我平時買開哥間早餐咖啡店個多士縮左超多水....去到11點半時企我隔離個同事說:你係咪好肚餓?我聽到你個肚啲鼓聲...搞到我勁唔好意思覺得自己好乞兒仔XXXXD....星期五...一年一度哭福宴!!!!我又笑到喉痛~~~~~~~~星期六.....去左羅浮食中午因為依家澳門人有8折優惠~之後上左屋企睇裝修.....裝修真係好激心呀喂...個露台欄河佢地竟然睇錯左初期設計圖黎做..........一個非常低級既錯誤....裝修真係好好玩~~夜晚痴痴貢~~~



2018/12/24
Day 3---Part 1(台灣,台中 Taiwan,Taichung)
早耶~11點左右出發~今日又好似變番好好天~




不過今日一出門口我就好忙~~~因為我用我手提一路行一路睇住KLOOK個APP~呢日係濕爬預售澳門尾場演唱會既重大日子~~我點可以唔睇住個市呀!我仲叫所有團友：唔好同我講野!直至我買到飛為止~~如果買唔到~導遊唔會俾飽飯你地食~



好喇~行到黎我地今日第一個節目既外圍喇~靚無?勁有聖誕氣氛~同我地酒店好近~行過黎就OK~





黎到門口...人山人海的~




無錯~我地來到了台中很有名的宮原眼科....地址：台中市中區中山路20號.....呢度係日治時期真係一間日本人所建既眼科醫院...之後俾呢個集團買左佢黎保留外牆改建成依家集餐飲...伴手禮於一身既宮原眼科~





一入黎~勁聖誕~勁迪士尼~勁歡樂~(因間落D俾片大家睇~)





望上天...華!!勁靚呀!!有通花!!




唔講住做左正經野先!呢度有樓有間叫醉月樓既餐廳~我上網訂左位食台菜~差唔多夠鐘開~企係樓下等先~





要去餐廳食飯先可以上去的~好靚~佢開11點我就係訂左11點～一夠鐘就帶我地上去啦~D鹿跨過條樓梯好鬼靚呀~





餐廳環境~






一坐低...好緊張呀!夠鐘入座等如夠鐘衝去買飛喇~~衝呀~~我仲要驚碌卡買飛信用卡要send msg去電話要我入密碼~於是我一早起身已經急急腳換番澳門電話卡....再連番落毛寶個WIFI~好轉折~好驚呀~要買到呀~(驚咩呀~家陣連演唱會都睇完啦XXD)




經過我一番內心折騰...好彩我買到咋...如果唔係我係台中應該有排扭屎忽花~




野~好衰架~讚人地個留言既~當你送左聖誕節禮物俾我架喇XXXXD(心狂生花中)




好喇~團友有飯食喇~(團友們可以鬆一口氣~)...台菜部份就咁一版...不過選擇都幾多~甜品係另外一版~




充滿懷舊聖誕氣氛的餐墊




頭先上茶時就覺得連茶壺都好懷舊~仲有保溫既茶壺衫XXD




附贈既小前菜~之前上網見過有脆瓜...同埋醃蓮藕...今日我地係椒鹽芋頭片~勁香口~




先來個點心三拼~TWD$385=99.5hkd.....揀左高梁酒香腸...核桃風柿....蘿蔔絲酥餅~




隨點心盤附上既醬料~




核桃風柿係個柿乾入面釀左D核桃...我麻麻~而香腸太多肥膏~而蘿蔔絲酥餅就同澳門食開既唔同~外皮好厚~




烏魚子...TWD$480=124hkd.....我覺得烏魚子好痴牙~我唔太岩食~早知呢個有拼盤上哥D香腸...我拼盤就唔叫啦...烏魚子底下哥片係雪梨...





炒米粉....TWD$120=31hkd....最鐘意台灣炒米粉~呢個好食~但又唔夠上次毛寶生日台北行食哥個富錦樹台菜香檳個炒米粉咁好食~加埋個辣椒油真係一絕~




芹菜百頁...TWD$200=51.7hkd...無乜特別...正常野~




炒水蓮....TWD$180=46.5hkd.....好鐘意台灣既炒水蓮~~




豆豉鮮蚵....TWD$300=77.5hkd.....好味~但蚵仔太少..同埋都係富錦樹哥個好味D~




菜甫烘蛋...TWD$200=51.7hkd....不錯~但如果無咁油既會好D~






紅蟳米糕...TWD$680=175.7hkd......呢個算係呢餐最驚喜既!隻膏蟹真係爆勁多膏既~而且算係幾大隻!我地仲將個蓋D蟹膏挑哂出黎撈入米糕入面一齊食~(米糕係糯米飯)






係餐廳食飯你仲可以買埋樓下日出商店既伴手禮~佢會連埋你食飯張單一齊計唔使係樓下同人迫~不過大家話想望下D手信咩樣先~所以先無印印腳係餐廳揀~




你係度食得飯~真係要係度試埋個甜品!重點係雪糕!樓下日出都有得齋買雪糕但無得坐仲要勁多人排隊!(就好似排隊買廢水咁多人)




我地叫左杏仁茶搭太陽餅....TWD$240=62hkd....好貴喎依家番黎先知~自己生磨既黑白芝麻又幾香喎~仲會配一個太陽餅~個太陽餅好味既話可以去樓下日出買架~





酒釀湯圓...TWD$150=38.8hkd....呢個唔錯~




食甜品我同我媽就梗係要啡一啡佢啦~我地叫左單品咖啡...佢有好多地方可以揀...但係好多都無既~最後揀左南美洲...TWD$250=64.5hkd.....仲隨啡附上一塊之前係親芬蘭轉機都好鐘意買既丹麥製焦糖夾餅~仲教我地可以食前利用咖啡熱力令焦糖變軟D黎食~正呀~(雖然咖啡不便宜)









甜品類的重點要來了~黎得呢間餐廳一定要叫呢度好出名既雪糕!雖然樓下都可以單買....但係超多人排隊...我地叫左節慶聖代....TWD$450=116.3hkd.....自選4球冰淇淋搭配5款灑料...我開頭都無信心叫...因為4球雪糕我真係消化唔到...點知一個意想不到既人俾左好大既信心我!!哥個係毛寶媽XXXD佢話佢好鐘意食雪糕~好啦~咁叫啦~我地揀左愛文芒果...巨峰葡萄...黑葉荔枝...錫蘭紅茶.......佢D口味都幾特別~先上左我地既自選雪糕~




5款自選灑料很有氣勢的推車仔過黎俾你揀!我鐘意!





一路揀一路幫你切靚靚~





登登~配料其實還好~重點真的在雪糕~口味獨特~但係極好食~一D都唔漏~我平時係唔會叫巨峰提子味的...因為巨峰本人企係我面前我都唔會食...不喜歡佢既過甜...但佢呢個真係有本事係清甜!我個人最欣賞錫蘭紅茶同黑葉荔枝~真心好味~(第二張相毛寶爸用少女手向大家介紹呢杯充滿少女味雪糕~XXXD)






完全忘記呢塊係咩黎...好似無叫過...唔知係咪餐廳送既呢?




呢餐食左TWD$4,439=1,147hkd.....每人229.4hkd




貴就唔係好貴~不過我覺得就係食環境囉~台菜一般~雪糕最出色~建議訂下午茶時段上黎嘆雪糕~(睇下買到飛既我笑得幾開心)




埋單時侍應同我地講買現金劵有優惠...可以用係餐廳同樓下買手信都得~咁我地就買左五千元送580元啦~俾左餐飯錢有淨哥D就去買太陽餅啦~同埋佢D禮劵好靚呀~好似郵票咁精美~






俾左錢順便去埋餐廳廁所啦~幾靚架~要上到最高哥層~




同埋發現廁所出面影相位都唔錯~









而餐廳入口都係一個幾靚既影相位~記得影埋~







呢張係食飽行落樓梯影既...你做禁住我個肚呀好似要宣布我大左肚咁XXXXXXD




影飽影罷就落去逛逛啦~頭先一入黎咪話好有聖誕氣氛既~






因為呢3隻鹿係識唱聖誕歌架~仲幾好聽下~

呢度既裝修裝飾都真係真係好靚~









尤其個頂既通花窗





佢真有好多包裝精美既手信買...包括頭先食雪糕時落既蝴蝶餅~但我無買~因為我深信...包裝越精美...內容物就越.....









睇下幾多人排隊買雪糕!XXXXXD




長老們買完手信就走啦~宮原眼科的確值得黎望下佢既裝修同上餐廳食佢個雪糕~(要留意餐廳有人頭最低消費~)





番酒店擺低手信先~你話喇~包裝係咪靚先~仲要係聖誕版~(好無食自己諗~)








今個大假好開心呀~
除左去左個好開心既旅行之外....
我意想不到地見到濕爬~
係臨番工前既大收獲~~
好開心~~

雖然同唔到4子合照~

但4子行紅地毯時有都見到我有同我揮手~~~

我真係好開心~~~~

(條片我又J左超耐XXXXXD)




某日我同老夫人既無聊對話....
話說我放早..番到暫居地好肚餓...
於是食我之前買...已經食左一排既芝士波...
由於開左一排...已經疏疏地氣有D林...
但都無計...肚餓照食...其間阿媽播緊佢D老歌...
佢仲跟住哼左一兩句....老夫人係哥種唱歌又甩Beat又走音哥種人...
我深怕佢唔知自己唱得咁差自我感覺良好走去約FD唱K..
我：呀~你對唱歌都幾無天份架喎~(又諗住講得婉轉D等大家好落台D)
老夫人：咩呀!我以前好勁架!入過學校話劇班架!
我：我家陣講你唱歌呀~你講咩你參加過話劇班Je~
老夫人：以前我唱黃梅調架!著男裝靚過哂D男仔!
我：係呀~最靚最正係你喇~咁又點Je~唱歌難聽丫嘛~(你估你好似我家仕燊又偶像派又實力派咩~)
老夫人：(老羞成怒ing)抵你食林左既芝士波呀!!!!
(XXXXD佢已經嬲到失控)
晚飯後........電視做緊愛回家...
講緊朱凌凌同佢老豆食緊飯...
朱凌凌同佢老豆講：梗係我細個成日聽你唱歌啦...搞到我唱歌都咁難聽~
然後我同老夫人講：好彩我唔怕咋~
老夫人：(老羞成怒again)你以為逃得出我魔掌咩!
我覺得我真係好賤XXXXXXXXXXXXD



2019/12/14的開心事：
雖然裝修係真係好煩.....
但係好多謝我身邊總係有好多人好人鼓勵我~~~~~~



報時：距離宜蘭聖誕親子遊之旅仲有---6日~
報時：距離與三老九州佐賀自駕遊之旅仲有---112日~
報時：距離泰國曼谷揼揼揼之旅仲有---188日~
係喎~~就黎去旅行喇喎~~~~~~
即係代表就黎到聖誕節喇~~~~~~~~~~~~
我預祝大家聖誕快樂~
玩得開開心心~
我祝我自己裝修單野快Xd搞掂~~~~~~~~