與三大長老聖誕台中遊之旅2018-12-24第三天Part 2(天晴)

喂~點je~有無掛住我je~上上星期日....中午食左Toff樽仔烏冬....之後去左睇木門鎖~買埋3部電視~~再去攞埋阿媽送俾毛寶家既盤菜~好忙呀呢日~....上上星期一....呢個禮拜又去左另一個工作崗位~放左工好開心因為無飯食有得去買牛雜汁烏冬~~~~~(仲有我姑媽既西洋菜湯~)....上上星期二....放左工走番屋企睇裝修....wow....好想快啲搬番入去呀!.....上上星期三....中午食左個3餸飯...好開心~....上上星期四....yeah~番埋今日連放6日聖誕假呀大佬!!(雖然今日勁多野做~)放工奔番屋企執行李啦~~~~....上星期五至今個星期三去左宜蘭玩~~~.....星期四...番工咯番工咯~~多野做預左~~話哂放左咁多日假....然後..我係呢晚...唔小心打爛左暫居地個洗手盤XXXD....我係咪嫌我自己唔夠窮XXXD....星期五....再黎一次....裝修真係好激心....夜晚去左聚龍軒打邊爐....星期六...中午食左TOFF樽烏冬(又食...唔係平同純個人鐘意食烏冬仲有蕃茄清湯...戴定頭盔先)....然後.......野~~~人地又去左睇SUPPER MOMENT~~~佢地又黎左澳門喇~~野~~人地本身好唔開心架嘛~點知跳完之後又開心番好多~



2018/12/24
Day 3---Part 2(台灣,台中 Taiwan,Taichung)
咁攞左D日出手信番酒店...坐左陣...其實呢日既行程都Pao Pao地~(即係無咩做XXD....假安排行程...其實當初搵台中有咩玩時...有兩個點我都想同三大長老去既...但台中又無捷運...巴士我又唔想研究...又覺得包一日7人車唔抵...但截的士去又驚有去無回頭車搵到既情況下....所以放棄左~求其搵左個市內既誠品諗住搭的士去行下就算~).....好啦~叫酒店幫我地搵架的士出去啦~上左車...我地同司機大哥講左去邊間誠品...之後係路上....佢問我地黎台中...有無去XXX又者XXX...我話無呀~因為我話我地無包車...而截的士去我又驚回程哥兩個地方截唔到的士回~佢話：係呀...哥兩度好難截架~....然後我就打蛇隨棍上：查實我地依家去遠唔遠呀?...佢就話：唔遠呀~如果你想去...驚無回程車我係景點照跳等候錶等你~....咁我大約問左佢等候錶半小時大約幾錢...我聽完覺得合理~於是講埋我另一個想去既景點...問佢岩唔岩時間去...佢話就到時間...同埋會等埋我車埋我去晚飯地點~去埋都就到埋我晚飯時間~咁呀~橫掂都無野做 ~去咯~好喇~第一個我想去晚景點就係：彩虹眷村.......地址：台中市南屯區春安路56巷25號....呢度無論建築物或者係地下都油到色彩斑爛~不過...人勁多....好難拍到好照片~





唯有淨影牆唔影人啦~






轉過一個角落再影~幫下D先生小姐影下先~





無得講~我真係好有型~




好正架~佢仲有D牌俾你咁樣揸住黎影~明明係一個財神公仔黎架...點解你扮到成隻屎忽甩皮咁既XXXXXD....好似隻狗耳仔~



知你靚喇XXXXXD




本身係一條平平無奇既村...係彩虹爺爺為呢條村畫滿生氣~原來佢依家都會日日好早起身咁為牆身補色~而且呢度仲有相關產品賣~









雖然周圍人很多~但毛寶總能拍出無人的好照片~





呢度大人小朋友都影得好開心~~成個主題樂園咁~







你真係好逗趣XXXXXD





行過另一邊係邊緣位...少人D行過黎呢邊...機會來了~~












我同毛實既合照係毛寶媽影架~好靚~我的帥氣是沒有極限的~





轉番出正門....仍然係咁多人...




呢個巴士站牌勁可愛....但勁人來人往...好難影的




突然有一班講廣東話既遊客叫我地幫手影佢地同站牌既合照....然後幫佢地影時突然無哂人~快快手幫佢地影完超美合照...然後佢地提議：不如都幫你地影丫~........喂...影得我地張合照好高汁喎~多謝你~萍水相逢的人~(因為真係好少請人影會影得咁有型好睇~)....我一個人孤獨的等巴士又係有型!






好啦~走啦~其實30分鐘左右已經影完架喇~我地上番等緊我地既的士司機車~(好彩有佢...如果唔係有人落車黎呢度...根本唔會有車入黎~當然你都可以搭巴士~但帶住3隻小妖我想佢地舒服D丫嘛~)....本身因為我地一上車諗住去誠品坐到迫迫地...依家再上車司機已經勁爆貼心咁樣為我地開埋最後排既位等我地坐得舒服D~(因為佢係大的士)




都好似坐左40分鐘車~黎到第二個我想去既照點!就係高美濕地......地址：台中市清水區大甲區出海口.....之前就係問司機我地去完彩虹眷村再去高美濕地趕唔趕得到睇日落~司機大哥：可以呀~...再問佢睇完日落再去我地食飯地點7點前趕唔趕得到?....司機大哥：可以呀~....所以我地就出現係高美濕地了~





司機大哥叫我地某個時間再上車~我地就自己周圍走走~上左高牆望向右邊...有條伸出海既步道~好多人行緊~




仲有自行車道!好多人踩單車!





雖然今日唔怕落雨...但係日落位剛好有雲遮住呢!






呢度勁大風...雖然去既時候係12月...但台中市區呢個聖誕熱熱的....唯一黎到呢度我覺得勁凍~影影下....太陽好人岩岩行到去雲既縫位~







影張日落合照先~吹到我口腫眼腫...我都遮遮先~




濕地仲有好多動植物參觀架~~行過步道哥邊睇下先~





見到小白鷺~






踏上步道~睇日落哥邊又有另一番風味~




走在步道上~仲見到招潮蟹~





雖然步道上好多人....但大家都係一字排開咁影相~唔會阻到大家~係濕地反射到日落好靚呀~








好啦~走喇~華~火燒雲呀~靚~







咁我地就上番司機大哥既車啦~好彩有佢咋~如果唔係真係好難搵車~咁我地唔係包車既~係真係計路程跳錶同埋俾跳錶等候費....由我地酒店去彩虹眷村~然後再去高美濕地~再去我地晚餐地....只係NT$1,800=465.1hkd.....每人都係93hkd車費!!都OK丫!!兩個遠遠地既景點~坐得舒服D~唔使同人迫~又唔使包足成日車~我見包6小時車都要NT$3,300~所以司機一上機既提議實在太岩我心水~所以我地俾左齊頭NT$2,000~(由於司機大哥好好人~我地約埋佢聽日車我地出機場~明天拜托你喇~)








講番今日濕爬個Show先~
個Show名叫：閃耀金光巨星音樂節(COTAI GALA MUSIC FESTIVAL)
好複雜的名字....
講番歌單先：
靈感床/飛/過後/尋回一碗湯/是你令我再次找到心跳/點滴
堅諗唔到會唱是你令我再次找到心跳~~壞壞的~
重點重點~
我揸到仕燊隻手手呀<3
唉呀~好怕醜呀~
唉呀~星期六見完...
星期二佢地倒數又黎喇~
點算呀?我好想接到佢地呀...
連禮物都買左~
我唔想過一個攬住哂D送唔出禮物既除夕呀!
你地會支持我幫我集氣架可?!
呢篇應該2019年既最後一篇Blog!
我祝大家：Happy New Year~~
(離哂譜...我個Blog仲係出緊舊年12月既旅行)

2019年都就過喎~

點都回顧一下先...

就係....

其實我今年成年既記憶都充滿左裝修兩個字...

好攰...同埋個心好煩...搞左咁耐都仲未搞掂...

同埋好窮...

新一年我希望快D搞掂!搞好哂D野...儘快入伙!

都有D開心野既~

就係同左媽媽去摩洛哥~

佢想去好耐~終於去到~

同埋同左濕爬暫時影左3張相囉今年...

希望有多過3次~

好多謝以上既野毛寶都有陪我做哂~多謝你~

都多謝今年幫過我既人呀~謝謝~

來年請多多指教~*3*



係喎係喎!
唔記得講呀!有個我好期待既旅行出現左呀!



2019/12/29的開心事：
梗係超近地睇左濕爬啦~又掂埋仕燊隻手手<3



報時：距離與三老九州佐賀自駕遊之旅仲有---97日~
報時：距離泰國曼谷揼揼揼之旅仲有---173日~
報時：距離七公子台北帥氣行之旅仲有---276日~

華華華!終於集齊到七公一齊去旅行喇~

我地第一次一齊去台北!

我有同唔同既公子各自去過台北~

但七個一齊真係第一次~

仲買左係澳門新開航既航空公司!價錢仲好理想~

好開心呀~期待~