與三大長老聖誕台中遊之旅2018-12-22第一天Part 1(天晴)

星期日....中午食左潮興隆~食飽去左睇廁所潔具~都幾好~有D野都已經睇中左~查實有得揀有時都好煩~下午寫下BLOG又講下法國D野啦~夜晚痴痴貢~星期一...又換左新位做野...今次堅新位...我做左10幾年都未試過....暫時自我感覺良好....唯一唔良好係...哥邊有好多後生妹...我覺得自己好似老到生鬚XXXXD.....真係好喇~我媽終於都去完旅行番黎~好野~......星期二....好開心呀呢日夾到時間同毛寶食八分目中午....小清新呀~食完仲要行左陣北歐雜貨~頂~好似放緊假咁~.....星期三....轉左工作崗位呢日中午忙到想撼頭埋牆XXXXD.....不過暫時都還既....除左俾個阿姨西我面~.....星期四...我今日放工本身飽飽地...行到暫居地附近叫澳覓....點知行緊去攞時開始勁肚餓...餓到狂標冷汗...攞住外賣行番暫居地哥段路成個人好似無左靈魂咁...番到去呑左成個麵我要食多6款零食先覺得自己回魂...好恐怖......星期五.....好開心呀星期一放假...連放3日.....放左工去左UA睇黑魔后.....Maleficent仲係咁有型~唔知....仲會唔會有第三集呢~仲寫到既話我真係覺得好犀利XXXD....UA啲爆谷真係好好味!....睇完戲去左食加東~....星期六...一早去搞掂老豆件大事~舒服哂~之後試左間CAFE...之後去買埋張床.....再去睇廁所面盆之類~然後痴痴貢XXXXD....



2018/12/22
Day 1---Part 1(澳門 Macau->台灣,台中 Taiwan,Taichung)
WowWowWow~雖然大家睇起上黎係無咩分別既~但其實我隔左成個幾月才寫新blog~(因為之前出哥d都係寫定既~)....呢日終於出到舊年最後一個旅行~~今年的我又比舊年的我懶了很多~加上裝修之前無電腦用~(依家有喇)...懶上加懶~......好喇好喇~~出發喇~~~~~舊年又放5日聖誕假~~~~~所以我同毛寶就帶大家既爸媽一齊歡渡聖誕喇~....呢日唔算太早出發.....訂左電召一齊去機場......我地通常都預早d到機場check in....加上呢次搭廉航丫嘛~無買座位咪早d囉~我地去換左台幣就去Check in但又俾我遇到勁無禮貌既地勤!!!!!!!!!!!!(舊年聖誕又係咁)



一埋到counter我已經同地勤講：hello~早晨~去台中~
第一時間說完你好就已向職員表示這是入台證.....
未及我再把護照交俾佢時佢已經用冷冷的聲線及不耐煩的表情說:護照!
於是我把護照第一時間送上不想耽誤工作....
隔一會"又"用非常不耐煩且無禮的聲線說:入台證!
我:我一早已放在枱面給你...
資料入完該職員說:你地有沒有行李?
我:有既~有4件隨身行李~
職員:放上黎磅重!
行李放上輸送帶磅重時職員冷冷的說:你都無買托運行李
我:係呀,咁隨身行李唔係都要磅咩?
當磅完第一件且貼完貼紙時震撼了我雙耳......
該職員說:拎走!
最後完成時說了句:搞掂喇!
但他是把護照..登機證及入台證"散落"全枱各處...
我:你咁樣即係要我執垃圾咁執番入台證同護照?
此時毛寶也按耐不住:你好無禮貌...你叫咩名?(佢好少咁問人通常忍得就忍...佢問得出聲哥個野一定係超無禮貌)
此時係咁短既check in時間第二次震撼了我雙耳....該職員只冷笑一聲:哼!(並沒任何回答)
毛寶:我問你叫咩名呀!哼咩呀?
職員:xxx
毛寶:我聽唔到!
此時職員不再回答...不耐煩且只拿著衣服上的名牌要我們自己睇.....................
我覺得完全離哂大譜囉!!!!!!!!!!!!!!!!!!!!!!!!
我自己都坐counter....
我體會你聖誕假期多野做好攰冷漠一d...
但你係態度差囉!!!!!!!
我又無對你唔禮貌...欠左你既咩
所以去完旅行我最後都好唔客氣送左封投訴信俾佢~
(好驚呀~今年聖誕又係澳門機場飛~)



好喇~又講完激氣野入正題喇~我地5個人~都無買行李~我出發行李6.6KG~浩浩蕩蕩咁出發喇~~~~~~~~~~~~~~~~~~有我啦~毛寶啦~老夫人啦~毛寶爸啦~毛寶媽啦~企第一哥個女仔咁可愛既~




我地入左禁區後就去食早餐啦~舊年年尾係我張信用卡最後任入機場lounge既機會~用啦用啦~呢朝超勁多人囉~~~~佢仲開埋隔離個室俾人坐~我地要跨室攞野食~~哈哈~求其食少少野上機~(我哥杯係最後一杯啡XXXD)




呢日我地搭台灣虎航IT372號班機係11:25由澳門直飛往台中~(係咪經過緊香港機場呀~HI~香港既朋友大家好~).......係喎提提大家~記得出發前要上台北入出國事務組網頁提前申請入台證呀~.....我地係澳門機場換台幣既匯率係3.87....即係NT$3.87=1hkd




係13:00我地就到左台中既臺中清泉崗機場~入境程序順利~攞埋行李就出禁區啦~~(記得唔好帶任何肉類製品入境呀~~~~~~~~~~~~~~~~~~)




出左禁區見到唯一一檔既電話卡~好多人買~我地買左5天那個plan~NT$300=77.5hkd......任上網加NT$50的通話費~





買完就按指示落B1搭的士出市區~(睇下幾孝順~幫3個人拎緊行李~計埋佢自己~)




由於的士正常黎講只車4位乘客....但分兩部車又會好重皮....如果司機願意既話(有d要你加錢有d唔使)....就坐到5人囉~因為如果捉到佢載5人的話司機要罰款~好啦~依家先去酒店~




今次我地揀左住朗舍行館~地址：台中市中區市府路66號




這是毛寶爸媽的二人房~3晚1,661hkd....每晚553.7hkd....洗手盤在入門口處~不在浴室內~而且衛浴分開~






我地既三人房~3晚3,664hkd....每房1,221.3hkd....每人每晚407.1hkd~果然雙人房抵住好多~無辨法~因為我地係4人房但3人住~但我地間房大好多既~又有個廳咁~








放低左行李就出去醫肚啦~天氣幾好咁喎~




我初頭仲諗緊最左邊哥個係毛寶黎架XXXD但諗緊佢做咩高左咁多XXXD




先步行到位於新盛橋行旅地下既川子麵線~地址：台中市中區中山路26號.....係一間立食既麵線~~~~~~


(毛寶爸成個小學生咁俾毛寶教訓咁XXXXXD)



餐牌~




想好食咩就係自助機俾錢就得啦~揀好食咩先入錢~票出來後交給店員就可以了~





跟店員聊天之下~原來佢地話之後有可能會去澳門哥d美食節擺檔~店員很好聊很熱情也很友善~仲推介我地去邊度玩~仲送明信片俾我地~




我地叫左3個麵線share黎食~~~~~




古早味油蔥肉燥麵線(上)....有d肉燥係入面~~幾好味~~~佢入面仲有d超級脆既油炸鬼!!!!超好吃~~~~.......鹹酥雞麵線(中).....第一次見呢個配搭~幾有趣~但我會喜歡吃乾身的鹹酥雞~~.......巴薩米克醋菇麵線(下)......超推~~~加左意大利醋個口味唔錯~~~~幾新鮮感~~~~~......以上每個麵線各NT$100=25.8hkd.......如果係淨麵線係NT$60=15.5hkd.....比傳統店舖既麵線貴....但呢個新式既配搭加上幾大碗下~我覺得都唔錯呀~






油炸鬼真的炸得超脆同麵線湯好夾~




如果食得辣既人不妨係麵線加入佢地自家製用鵝油整既辣椒油丫~幾香架~老夫人超喜歡~不過真係幾辣~




佢d鹹酥雞都係勁多新配搭架~~包括辣鵝油蔥鹹酥雞啦~棉花糖鹹酥雞啦~都幾破格~我就揀左好事花生鹹酥雞!NT$160=41.3hkd.......貴!.....同埋係鹹酥雞加花生味雪糕既混合物~你會諗...都幾古靈精怪架喎~但食落...係真係幾夾架!又鹹又甜咁....出奇地好食!仲有實體花生加大量香菜(我最愛芫荽~~~~).........最好食係等到d雪糕溶溶地連埋鹽酥雞一齊食~加埋香菜真的無得頂~





仲有另一樣推介就係...你叫麵線或鹹酥雞可以加購飲料~記得試下呢個羅氏秋水茶~




因為聽說這個羅氏秋水茶係台中在地70年既古早味涼茶~鹽酥雞咁熱氣~飲涼茶就岩哂啦~~~~~~~最搞笑既係佢個包裝都好似細個時攞膠袋入住野飲咁~(弊喇...俾人知我咩年代添~)....隨麵線或鹹酥雞加購價NT$40=10.3hkd




我諗住按包裝指示撕開佢飲~點知店員教我：直接插進包裝喝就好了~~~~~~~





大家就乖乖的企定定吃麵線和鹹酥雞~~~~好好味呀~







雖然呢間要立食同埋價位比傳統麵線店要高~但可以試試新口味的麵線與鹹酥雞我覺得是不錯的~





川子麵線隔壁還有同一個老闆開的盛橋刈包....又係有d新式口味既刈包~不過我一般般刈包~所以不試了~




行過中山綠橋~經過呢條綠川~當時臨近聖誕節~晚上有很美的燈飾~





行過超繁忙的十字馬路~




來到了舊的台中火車站~(新的那個台中高鐵站其實就在旁邊~)




很美很美~~留念留念~






穿過台中車站來到新時代大魯閣商場(這段路很臭~~~)...地址：台中市中區復興路四段186號




查實呢個商場無咩岩我地行...只係想黎呢度B1層既家樂福~~





最鐘意行超市~~~~~




點呀~想玩旋轉木馬呀~想玩咪話俾大人知囉~




我又睇下有咩搞怪味薯片~~~~~我本身係想搵波的多既鹹蛋味薯片~~~點知呢度得蚵仔煎味~




本身想試kiki麵~但覺得有少貴~無買到~




估唔到d女人瘋搶台灣米粉XXXD...睇住行李超重呀~~~無買行李架~~~




此生見過最大的牛油果~~~可能我見識少~





見有爽柿喎~~~~試下先~~~~~NT$29=7.5hkd/個





我好鐘意食蕃茄仔的~~~~見到呢盒搞怪色既試試下佢~NT$99=25.6hkd/盒





買完出黎見到勁懷舊角落~








我其實幾鐘意睇Maleficent~
因為我覺得...將一套家傳戶曉既童話故事
入面既一個奸角.....
變成主角.....再將奸角形象癲覆!
果然睇人唔可以睇外表~



2019/11/02的開心事：
由本身覺得好煩~
今日又睇岩左好多裝修用既野~
好開心~



報時：距離全新飛行體驗法國布列塔尼自駕遊之旅仲有---21日~~~~~~~
報時：距離宜蘭聖誕親子遊之旅仲有---47日~