與三大長老聖誕台中遊之旅2018-12-23第二天Part 1(天晴及後轉雨)

星期日.....中午食左TOFF....其實我都幾鐘意去....個樽仔烏冬唔錯~(個人喜好~有D人都話唔好食~)......再去買件Anco千層....芒果千層真的好好吃~~~~~~~再買杯咖啡~去左西環望住觀光塔坐著吃~下午睇下片~我娘又去左旅行~夜晚得我自己一個吃阿蘇~....星期一....噚晚明明好眼訓...但訓好耐都訓唔著...今日番工成個人都係陳下陳下....最清醒哥時就係...放工哥時XXXXD....娘親去左旅行...獨自一人吃晚飯...俾我發現暫居地附近有檔篤篤啲牛雜香到屎!...仲配上我姑媽既蕃茄薯仔湯!好正!....星期二....喂!...抽下年假喇今日!我最想放都放到呀!好開心!!放左工去左試一間未食過既茶餐廳...個蝦醬炸雞翼煎雙蛋飯真係盞鬼......星期三....番工個頭少少實~中午又約到毛寶食飯~小確幸也~.....經過呢幾日既新聞...發現幸福不是必然；[....星期四同五....起身頭痛...休息休息....星期六...中午食左好耐無食既Enjoy Deli~然後去超市買去旅行既野....下午就寫下blog...夜晚痴痴貢~



2018/12/23
Day 2---Part 1(台灣,台中 Taiwan,Taichung)
一早醒來~(其實也不早了~).....第一個節目就係去食中午飯XXXXD....我地係酒店搭的士去餐廳~由於早左少少到間餐廳仲未開~我地就係附近行下~不過餐廳附近係民生社區~無咩好行的~XXD




不過見到佢地可以係自己屋企外面種咁多植物....覺得好靚....欣賞左好一陣子~






呢個仲成個小河塘咁~




我地今日中午約左TU PANG 地坊餐廳....地址：台中市西區五權西六街96巷13號....我係佢FB度訂位的~記得要訂位~因為佢係食法式既無菜單料理~~好鐘意佢咁綠意盎然既外圍~




TU PANG係台語發音"廚房"既意思~老實講....我出發前期待左呢餐好耐~因為網上評價係一面倒說好!好少餐廳可以做到咁~







餐廳內部~喜歡採用自然光~佢安排左我地坐長枱既一邊~






坐低之後禮貌問過可以周圍影相我就周圍望下啦~襯未有人黎嘛~





佢係開放式廚房~主廚兼老闆已經係度準備緊野食~





好啦~乖乖坐係度等食~呢度既無菜單料理係NT$1,000=258.4hkd(每人)...雖然無菜單~但佢又會俾你揀主菜想食咩架喎~




叫d酒濕濕個口先~我個人同我阿媽比較鐘意白酒~咁佢就介紹呢兩種~




我揀左呢個~呢隻係法國白酒~NT$250=64.6hkd....咦~又幾好飲喎~因為佢偏甜~





毛寶佢地就鐘意飲紅酒多d~




毛寶揀左來自勃根地既紅酒~NT$350=90.4hkd




首先來前菜~以鴨胸做生火腿....下面係同苔蘚同煮既馬鈴薯~上面仲有羊奶芝士~再加少少蜂蜜~....介紹呢個前菜形容為海陸空既結合~





再來麵包~




麵包超香的~熱辣辣~




有無留意到前兩張跟包既唔係油醋或牛油呀!!而係花生醬同芝麻醬~~~~~兩隻都超香~~~~~用熱熱的麵包去沾醬效果更佳~






接下來是沙拉部份~鷹咀豆加乳酪~仲有d烤菜~上面是鹽烤羽衣甘藍~~~~~塊羽衣甘藍好香脆~





湯品的部份是蘑菇湯~佢既濃稠來自於麵包~我一向麻麻西湯~同埋覺得飲左呢個湯好飽腹感~




之前咪話揀左主菜既~飲完湯諗住到主菜架啦嘛~點知...仲有個意粉囉!個意粉又幾唔錯喎!同埋隻蝦勁有彈性勁鮮味~




有3種主菜~我地有5個人~3樣都揀哂~第一個主菜係鴨胸配洛神花汁佐煙燻鹽~好好味呀~~~(無其他形容詞出到架喇我)




第二個主菜係烤羊架~佢個面上面D粒粒唔知係咩呢~個羊架肉質剛好~




仲有一款係烤雞~我好少出街食飯會叫烤雞....因為成日都驚會烤到過熟~但呢個雞肉還是嫩嫩的超多肉汁!我記得我好似搶左隻脾食~




食飽飽主菜就到甜品了~仲有野飲跟~都幾大器~有點樣野飲揀~有咖啡啦~有熱既花草茶啦~(當日花草茶好似係用屏東農場生產得到神農獎既有機玫瑰花茶~)





我就揀左呢個高山冷泡茶去配搭呢個甜品~




今日既甜品係一粒士多啤梨下面有少少核桃奶酥~核桃奶酥類似apple crumble既口感~士多啤梨用君度甜酒燒....再加上洛神花汁~粒士多啤梨超勁好食~





食到甜品仲有主廚兼老闆出黎同大家傾下計~講下佢地用D咩材料整野俾我地食~仲有猜猜猜遊戲....不過IQ題我不嬲都唔係幾在行~所以無估~獎品係一支啤酒~XD....我地5個人5個SET....叫左4杯酒....總共TWD$5,850=1,511.6hkd....每人302.3 hkd~抵丫!好食喎!有質素喎!我好鐘意呢間!有機會再台中既話我會再去!




食飽飽就走啦~由於去下一個目的地坐車太近驚俾人mio我地~都係行去啦~行去另一個目的地時經過呢間鋪大家都停低望~大家都話想開間咁既鋪賣懶XXXXXXD

仲行經一棵勁高既樹~隱身係民居~




仲有外型奇特既新起建築物~









2019/11/16的開心事：
買哂旅行要用既野~



報時：距離全新飛行體驗法國布列塔尼自駕遊之旅仲有---7日~~~~~~~
報時：距離宜蘭聖誕親子遊之旅仲有---33日~
我估...
呢篇應該係我去法國前既一篇喇~就快出發喇~
期待期待~~
我地要短暫分開喇~
不要太想我也不要不想我呀~
回來見*3*