七公子聖誕百元限定哭福袋派對2019(第八屆)@16號碼頭德興(澳門)海鮮火鍋

星期日......唔知點解晨咁早9點幾起左身~中午鼓起勇氣出街食..又去左Toff食樽仔烏冬XXD毛寶問我...到底我地有無去左Toff 30次XXXD...打算去買餐具點知無開...諗住買酒又無開....好彩最想買既凍肉有開!買左啲靚靚牛番屋企食...好好味呀~~仲叫左啲麻辣海鮮外賣食..好食!.......星期一....放左工就跑番屋企做家務~不過做完有啲頭痛XXD.....星期二....起身哥刻諗...點解今日才星期二?....今日啲客都好串串貢...不同國籍都有...是約好的嗎?......星期三...番工無咩~係放工前叫左個超煩的客....唯有晚飯同我媽㗳番杯輕鬆下~夜晚最近都追緊木村兩個幾月前既Grand Maison Tokyo....夜晚睇真係令人好糾結...好想食食木村個套餐呀!個衰豬咁多年都係咁靚仔~(但還是仕燊最帥~~)....星期四...近排都係生意慘淡~算啦~輕鬆D唔好咩~我終於接近少少周末喇~.....星期五....放工就去左超市小掃零食~因為我今晚食飽飯又要開梅酒P~.....星期六....起身做少少家務~係屋企食完野開展左一個下午既購物樂~又Gorilla啦~又at home living啦~又九號酒鬼啦~又凍肉啦~好滿足~又散盡家財~夜晚痴痴貢~



好喇~又來一年一度既七公百元限定哭福袋派對喇~要唔要重溫舊夢?好~我幫你整傳送門~~第一屆..第二屆..第三屆..第四屆..第五屆..第六屆..第七屆...家陣黎到第八屆...你準備好了沒?XXXD...餐廳方面我地都係揀番舊年既火鍋~不過舊年哥個點已執左...今年去左佢前少少哥間~野食就差唔多架喇~如果想睇野食介紹就睇番第七屆哥篇就OK喇~揀佢因為哥日個個都要番工~貪佢唔使去咁遠~(你知啦~哭袋好重架~)...二來有其他粉絲好欣賞我地D哭物~又叫到成枱野~~(仲未黎齊~)




我真係好鐘意食象拔仔刺身架~~




而假鮑片亦係公子最愛~(甚至鐘意過真鮑XXXD)




飲杯~(其實係想話你知野食呢Part到此為止XXXXD)




好喇我地直接跳入哭福袋環節XXXD先來福袋~我同你講~家陣真係越黎越難買呀~大佬~100蚊喎~家陣呢個世代真係做唔到D咩~





經過一輪好快既抽獎~已經有左幸福兒既產生~(懶到用舊年張相~今年張貼紙唔係咁的~)...我地以前淨係抽邊個已經玩好耐XXXD以前既我地到底搞邊科XXXD




杯抽中貞的：係喉糖XXXD有人扁咀...請左D俾我食...我覺得都幾好呀XXXD





貞抽中凱的：係蜜糖套裝~但我對凱公子既報紙包裝非常不安...環保係好事...但係佢上年個分體冷氣嚇親禾XXXD





凱公子抽中我的：係來自北歐的玻璃儲物瓶(當時特價中)...同埋兩款新款零食XXXD加埋個袋既1蚊...呢度剛好100蚊XXD...我自覺份禮物好好XXXD(簡稱自我感覺良好)





我抽中毛寶的：一支超過一百元的Aesop的潤唇產品...我梗係鐘意啦!因為無負擔同埋我最鐘意潤唇XXXXD話實在我一早知佢送咩~所以抽中佢時我都好安心XXXXD因為佢叫我陪佢去買既~仲係睇騰訊頒獎禮哥日去買的XXXXD野~即係人地見到仕燊哥日囉~(咁都可以安排到心愛的偶像出一出場XXXD)





比較特別係個包裝~因為呢個小朋友真係有用心整架~




毛寶抽中麥公子的：一開既時候大家都華!華!華!...因為係當時特令既台灣麵食XXXD仲有同樣來自台灣既咖啡~





麥公子抽中主席的：有毛巾有聖誕版Eclipse...仲有麥公子好想買既環保飲筒...但由於主席唔記得帶黎唯有同張相影住先XXXD





主席抽中杯的：一盒4支的迷你版礦泉水噴霧~真係剛好100蚊~我都想要~我去旅行用岩哂~好喇~公子送禮送左一個循環~





喂!你兩個做咩騎劫我地7公個頒獎禮呀!XXXXD...其實戈巴同春艷先係一對~(春艷最近又名效V...好重鄉音既名XXXD唔知佢自己知唔知XXXXXD)




好喇~休息一陣食下聖誕蛋糕先啦~帥帥的七公XXXD







妖XXXXD好似切結婚蛋糕咁XXXD...今年蛋糕係聖安娜~










好喇~食飽蛋糕係時候上哭袋喇~根據國際慣例....我地睇一睇提名片段先XXXXD

片中最多人提及唔想收到既係凱口中三"袋"同堂同毛寶聲稱唔想收到自己哥袋既毛寶!共有5人唔想抽到XXXXD...而貞姨姨有2人唔想...包括佢自己XXXXD....而我今年反而得一細袋咋(綠色哥袋)...裝修本來有好多野唔要...搬屋反而得一細袋既原因係：因為我執左十幾廿個黑色大垃圾袋既哭物送左俾樓下管理員姨姨XXXXD佢不知幾開心~(因為我搬唔郁D哭袋去場地喇)





主席抽中杯公子：上年主席又係抽中杯公子的...杯最鐘意送D唔岩用既護膚品...今年都有但唔多...最出位既係佢送出兩個小公子既玩具夾萬XXXXXXXD但最絕既係忘記密碼XXXXD唔該哂XXXXXXD(佢仲要話係偷偷將兩個夾萬運出黎)...可惜個口罩無防飛沬既!我收購左旅行洗衫紙~





杯又抽中番主席：主席D哭物不嬲都無乜...





但佢有盒話佢前幾年去完馬來西亞買俾七公子既手信XXD係買老奇同馬拉景點既指甲鉗XXXXXD我地話咁你俾我地咪得囉做咩入哭袋呀XXXXD有收購左既公子表示：唔好剪XXXXXD




我抽中麥公子：我之前有抽中過...哥次記集中係沖涼用品...今次集中係韓國食品...頂XXXD盒豬肉腸仲要過左期XXXD





麥公子抽中貞公子：有兩票唔想抽中既貞公子...好彩個量都好少~但點解有咁多個一樣既月曆XXXXD





貞公子又抽中凱公子：貞公子哭福都抽中凱的...喂!我記得你有年個哭袋得一支hand cream架咋喎!我同你講...自此之後我發現凱公子個哭袋其實不容忽視!!成日有D樣樣衰衰既手信...貞手上係一套極具中國風特色既書籤XXXXD仲有一個發毛既吉蒂錢罌...同埋Big Band燈XXXXD凱成日都將D哭盒放到好滿好恐佈...下年我考慮投你票XXXXD





凱公子抽中毛寶：貴為有5票今年最唔想抽中哭袋第一位...你估講笑呀!毛寶想坐我個位呀!諗住憑量取勝!我發現凱都成日抽中D量好多既野XXXD






毛寶又抽中番我：哈哈~放心~我今年唔係好多咋~有十幾廿袋去左我樓下管理員姐姐度~呢度小小心意咋XXXD





我覺得我D哭物其實最適合杯既兩個小公子XXXD拿~佢放係兩個小公子枱面佢地真係以為有聖誕禮物收架XXXD





小小公子仲用我本簿畫左D好靚既公仔~好可愛~<3





今次又食左成條單XXXXD每人$565.4




今年福袋得主...通常贏既人都企中間...恭喜你麥公子...今餐可減免餐費$100...喂!我都有一票呀!係由效V投俾我!!你人善心美~毛寶你咁得戚做咩呀XXD你哥票我投俾你架XXXXXD知你洗脫污名喇XXXXD










2020/04/25的開心事：
洗左好多錢~但好開心~買到成手家品~
我以前唔係咁架!大洗怪!
要戒下~



報時：距離泰國曼谷揼揼揼之旅仲有---62日~
報時：距離七公子台北帥氣行之旅仲有---165日~