六公子峴港嘆世界之旅2019-04-07第四天Part1(晴天)

星期日......朝早痾早尿醒一醒驚見落超大雨!好驚呀因間要搬幾袋野番舊居喎...驚到訓著番~好彩搬野時無落雨~叫左發達外賣~下午執下野係舊居做家務~毛寶幫我吸塵拖地...真係好孩子~~夜晚叫左魚婆婆~(本身我地呢日要出發去日本佐賀玩的;[ )....星期一...今日補假~又可以訓晏D~...呢日落左差不多成日雨...我都醒目今日唔揀送外賣...揀左到店自取....但都比佢俾我既時間等多左超耐....食飽嘆左杯越南咖啡粉整既long black...好正~然後又去左800伴瘋買...聽到日文又當自己係日本行緊百貨公司....夜晚回暫居地食.....星期二....訓得唔好呀!我懷疑我就快可以搬番去心情太興奮訓唔著XXD.....星期三....放左工番舊居鋪好地板...等過兩日搬屋唔怕整花地板~~好興奮呀~~~可以搬番去喇~~~......星期四...最後一日住係暫居地喇~~~~好開心~~~今日我有好好的再望下番放工行既哥段路~好野~~天氣開始熱我唔使戴住口罩熱辣辣咁樣行番工喇~~~~放工番左暫居地食係呢間屋既最後一餐晚餐住家飯~~~再執下野~~~~.....星期五.......今天是風和日麗的一天~~~今日我搬屋呀~~老夫人真識揀日子~~呢日天氣超好...我驚左好耐落雨~~同事推薦哥間搬屋公司真係唔錯~我來回都係揾佢~呢日我準備好未到預約時間..諗住send個短訊話聲佢知~佢靜靜的無回我...過兩分鐘我打開門去垃圾房...佢已經企係出面等我XXXD....佢地好有禮貌~又温柔對待我搬家物....重點係收費勁合理....係我裝修以黎完全好評既其中一樣服務~45分鐘由暫居地搬回自己屋企~跟住係屋企附近食早餐嘆啡~~再回暫居地執細碎野..總共來回3次~~好攞命~~老夫人真係好堅挺!多謝毛寶呢日又早又狂車我地走黎走去~之後去左800伴...我要買聽日整日野食索性唔出街~之後番屋企執野~~毛寶仲要幫我執衣櫃XXXD唔該哂~夜晚叫外賣~~........星期六....wow~第一晚番自己屋企訓~雖然未至於 話訓得好好~(我估我攰得滯~)..但係係自己屋企就是舒爽~訓到9點幾 醒左...滾到10點幾起身準備整早餐~煮俾我親愛的娘親和毛寶吃~好似旅行咁...炒下菇煎下蛋~我媽係第一次食我整既野咋~之後梗係嘆埋咖啡呀甜品呀咁先啦~然後又進行無盡既執野~我真係好多謝毛寶呀~佢幫我執左勁多野~仲多過我自己執XXD......夜晚在家吃媽媽飯~今晚Hocc有Live呀~我要準時收看~




2019/04/07
Day 4---Part 1(越南,峴港 Vietnam,Da Nang->澳門 Macau)
早晨~最後一日 起身望住呢個景喇~





當狂歡三寶仲係度搞黎搞去摸黎摸去之際...隔離房兩個女仔連同凱公子已經出左去逛下~佢地話想去睇下酒店其他設施 呀~於是我就拜託佢地影D相我睇下同埋俾我寫下BlogXXXXD...以下既相都係貞公 子麥公子凱公子影既~...除左我地哥日去玩哥個連接埋幾個池一齊既泳池之外...佢仲有其他既~呢個係其中一個~咦~佢地去哥時都仲未有人用~睇黎大家同我一樣都仲未準備好出門口XXXXD





然黎佢 地仲有行去Fitness Center~




健身室都 算係幾大~同埋D人又係未起身XXXD





佢地仲有入去望下D桑拿房呀~冷水池哥D~我覺得佢地既裝修都幾雅緻~






呢張真係要讚一讚...影得好似平時D酒店會影黎放上自己網站哥D相咁~呢張係凱公子影既~




好喇~人地做左咁多野我地狂歡三寶準備好出門口喇XXXXD出門口去食係呢 間酒店最後一餐早餐~我真係好鐘意食佢地個蒸粉皮既物體...配合得好好~




仲有個咸蛋粥...真係不得了的好吃~(其實我每日早餐都食到好飽~)




食飽飽就call Grab出去行行啦~




又經過特長海岸線的美溪海灘~真係幾靚~




黎到Danang Souvenirs & Cafe...地址：34 Bạch Đằng, Thạch Thang, Hải Châu, Đà Nẵng 550000 Vietnam....






一間結合Cafe同紀念品既舖頭~




好有細細個係阿婆屋企D磁磚feelXXD




我特愛棵勁多花既樹... 好靚~坐係呢度飲杯啡應該幾享受...可惜頭先碗咸蛋粥我仲未落格...飽到頂頸~




咁睇下佢D紀念品...有少少設計既..但有少少設計就會有少少貴既~另外佢就有D未見過朱古力款~包裝好靚...但細細一塊都幾貴下~





無野買就算囉~走咯~步行中行過一間又無幾靚既cafe~佢地真係有好多cafe~




然 後又步行到去中午飯地點(岩岩又話好飽既XXXD)...叫Madame Lân...地址：4 Bạch Đằng, Thạch Thang, Hải Châu, Đà Nẵng 550000 Vietnam





D裝修都幾越南風~幾靚...我地被安 排坐室外...不過室內外都無乜所謂~因為都一樣係咁熱無冷氣既~XXXXXD唔曬就得喇~




有一 隻叫Chè既越式甜品~ 呢幾日搵左咁耐~終於有得試下喇~




餐牌有英文越南文~講左野飲先~~我最鐘意飲椰 青呀椰汁呀呢D~52,000VND=21.1mop... 好味~




有人古靈精怪叫Avocado smoothie~69,000VND=28.1mop...我都唔記得邊個叫XXXD(唔記得都好正 常XXXD成年 前)




Passion and Mint Juice...52,000VND=21.1mop..都 OK~




呢杯正野!Citronelle Peach and Orange Tea...52,000VND=21.1mop...呢杯極度出色...我地叫完又叫~因為 天氣好熱~




炒菜..忘了幾錢~唔錯~




Shrimp Salted Egg Summer Rolls(Small Size)...82,000VND=33.3mop...睇餐牌時對佢期望好大...但係食落勁一般~




Fresh Spring Roll with Shrimp and Pork(Small Size)...60,000VND=24.4mop...呢個係普通配料但好食勁多!!




Prawn Curry...205,000VND=83.4mop... 有兩條小法棍跟...點汁好好 味~蝦我無記憶..但無記憶有可能係我無食~XXXD...因為我好多時食咖喱乜乜乜時只會食個汁XXXD內 容有時唔太在意XXXD




Steamed Clams with Lemongrass...165,000VND=67.1mop...好味~




Grilled Abalone with Butter...340,000VND=138mop...貴夾唔抵夾唔好味~




Grilled Squid in Madame Lan Style...98,000VND=39.9mop...呢個烤得唔錯~又大隻~而且價格合理~




Grilled Beef with Betel Leaf...110,000VND=44.7mop...攞到埋黎就包埋俾我地食~都幾得意既~





Chè都有好多種既...呢個係Chè Hoa Cau ...即Sweet Taploca Sweet Soup with Mung Bean...20,000VND=8.1mop...唔錯 喎個味~不過我記得係唔凍既XXXXD





呢餐食左1,963,000VND=798.3mop..每人133.1mop...又唔係貴既不 過就睇我地叫既種類...就知我地 係唔肚餓啦~如果唔係點會全部都叫D唔飽肚既野食呀~








2020/04/11的開心事：
搬~左~番~屋~企~~~~



報時：距離泰國曼谷揼揼揼之旅仲有---76日~
報時：距離七公子台北帥氣行之旅仲有---179日~