六公子峴港嘆世界之旅2019-04-06第三天Part3(晴天)

星期日....中午買左誠興記外賣....成個下午都係自己屋做家務~~做左3個幾鐘....好攰~夜晚叫左日本餐外賣~好乖呀我地~無聚集架~.....星期一...今日午餐有蕃茄魚同口水雞食呀XXD番工午餐咁樣食好似有啲曳.....我有個疑問...明明我日日戴口罩出街又隔病毒又隔花粉又隔塵...點解個鼻窿仲多鼻屎過無戴口罩之前?XXD...你地怕唔怕呀?.....星期二...番工都係咁...無乜生意...放左工同毛寶去攞上周六訂既小紅楓~~好靚~~~.....星期三....6點半札醒感到頭好痛..唔知係咪突然又轉凍有關....陳下陳下番左成日工....我kai到以為今日係周四...明天要過周末了....星期四...又生左粒好大既石頭瘡係下爬...想點...谷到好痛又無白色膿位....想咇都無位咇.......星期五....早餐有人幫我買肥仔記~好開心~放左工又去Daiso當去左日本~再去埋gorilla喪買一輪~~開心愉快~~我呢日喪食熱氣野~務求令石頭瘡起白膿頭俾我咇~而我也成功了~....星期六....又搬幾袋番舊居~中午買左法國佬d包番去食....呢日清明估計好多茶餐廳一係唔開一係加三~執左少少上次去日本同法國買番舊居用既野~越睇越開心~夜晚同軒少開個小小生日會~



2019/04/06
Day 3---Part 3(越南,峴港 Vietnam,Da Nang)
行完Hàn Market出黎又叫左Grab~華~日落ing~終於無咁熱...對面種左好多植物哥個露台好靚~我都想種咁多植物~




叫左Grab查實係去Big C~XXXD....但我唔係好知呢間係邊~




夠大!不過人也不少~





行下先~




D女仔想想買D山竹番酒店食下~真係好賢淑~




呢隻好似之前有人推薦過~我都有買~




毛寶叫我影呢張快快手既相話俾人覺得好多人搶購呢隻麵喎XXXXD




我都幾鐘意行下超市~睇下當地有乜好買~呢隻包裝既花生幾得意~~




是拉差!!我都幾鐘意食~覺得同炒麵好夾~不過我又懶拎~又唔想拎XXXD




唔知點解...呢隻腸....齋睇表面...我係唔會試XXXXD




越南係咖啡愛好者既天堂~超多唔同類型唔同包裝既咖啡粉可以買~~依家買左咖啡機覺得好後悔無買多d番澳門....因為真係又平又高質!





越南係咪好出名朱古力呀?我見有勁多唔同種類!...毛寶揀左呢隻牌子~咩款都買D~D色好靚呀~(外貌協會會員)




我都唔算買得多~D女仔購買力好強~買完我地又叫左Grab番酒店放低D野抖一陣~




我執下野先~我今日都唔算買得多~最主要我幫老夫人買佢最愛既越南腰果~我都係頭先係Hàn Market度買既~買既時候事頭婆話有兩種...兩種都有俾我地試下...一隻係柬埔寨既...平D細粒D...另一隻係越南既...大粒好多同貴D...試食過之後揀左越南的無誤~因為真係好食好多~一包130,000VND=52.9mop...椰子餅係Hàn Market個事頭婆送的~




休息左一陣我地就叫左Grab出去食晚飯~有條街係好多海鮮餐廳既~我唔記得我地基於咩原因而揀左呢間XXD...叫做Mỹ Khê 168...地址：260 Võ Nguyên Giáp, Phước Mỹ, Sơn Trà, Đà Nẵng 550000 Vietnam




好~公子們去揀揀海鮮先~




以為越南海鮮會好平...話哂峴港向海架嘛...諗住叫下大大瀨尿蝦開心下~點知一隻個價同澳門差不多~不了~




咁就叫下其他覺得合理既海鮮啦...呢隻真心唔知咩魚...未見過...所以叫左黎試下..(係咪好殘忍?)...個樣好慘....





執下執下~執左咁多~佢除左海鮮之外餐牌仲有好多野食既~




睇下有咩飲先~




我就叫左冬瓜茶~20,000VND=7.8mop...唔錯~越版冬瓜茶第一次試~唔怕太甜~同台式哥隻差不多~我都幾鐘意飲冬瓜茶~




有其他公子叫啤酒飲~一罐15,000VND=6.1mop...另一罐22,000VND=8.9mop...唔知邊罐打邊罐~




叫左白灼蝦~我地叫左1KG...780,000VND=317.2mop...都不算太便宜喎~不過...D蝦幾多下好大隻好彈牙好好食!加上佢地都興點蒜蓉辣椒豉油!加分!(一定又有人一路睇一路心諗我d手指好乞人憎XXXD)





呢個係叫So mia既貝殻類...叫左1KG...250,000VND=101.7mop...揀左薑蔥炒~唔錯~新鮮~




又叫左蟹~好似要左兩隻...0.8KG...544,000VND=221.2mop...蟹就唔算貴既~不過蟹肉既質感與味道就一般啦~




頭先講既魚上網查...Cá mao ếch原來係筍殻魚!...我地叫左3條300,000VND=122mop..每條40.7mop...細細一條都幾貴喎~不過本身呢條魚係澳門都唔平~(原來大條哥D出哂口或者D大餐廳先有得食)....因為太細條如果蒸都唔知有乜好食~我地揀左整湯~OK喎~魚肉幾Q彈~~




海鮮柚子沙律...128,000VND=52.1mop...有蝦片一齊食~幾好味~勁大碟~





越式手撕雞...380,000VND=154.5mop...er...唔..好..食..




牛肉炒河粉...158,000VND=54.3mop...唔錯唔錯~不過後尾食唔哂我地打包左番酒店~




熗炒豆腐菜...68,000VND=27.7mop...首先熗炒呢個名詞非常利害....一吃之下...原來豆腐菜即係我地食既潺菜(講個秘密你知...我好憎食潺菜...我覺得個質感好肉酸)




小炒花菜...98,000VND=39.9mop...軚泰最鐘意食既西蘭花~都炒得唔錯~




辣白菜炒五花肉...128,000VND=52.1mop...由於噚晚酒店D豬五花太出色~懷著憧憬既心叫左...點知...完全唔係哥回事~




叫到成枱野XXXXD...6個人...8餸1麵1湯XXXD





呢餐食左2,771,000VND...好似D闊少咁食左餐二百幾萬既飯之嘛濕濕碎啦~其實計番只係1,126.9mop...每人187.8mop...都OK~我地無出過聲佢自動波幫我地計埋人民幣付費係幾錢XXD咩呀!我仲有越南盾架XXXD...呢餐蝦同蜆係幾唔錯既~佢D小炒類唔算貴而且大大碟!...還可以啦~








2020/04/04的開心事：
諗起就快搬番去我就開心了~



報時：距離泰國曼谷揼揼揼之旅仲有---83日~
報時：距離七公子台北帥氣行之旅仲有---186日~