天團蘇格蘭高地之旅2018-10-28第十五天Part 1(晴天)

星期五....最後都係頭痛...請左病假..........星期六.....野~~人地又過左香港呀~~點解呀~~~因為sunny bb有活動呀~~~寶礦力請左濕爬搞快閃活動呀~~~~好鬼熱呀呢日~~~~~仲有呀~~同四子又有近距離接觸~~~~好多謝只係演出時落左幾粒雨~~~遲下出Blog講~星期日.....中午食左個好難食同好悶既飯~~~之後去左澤賢記買雞蛋仔食~~好味~~~下午毛寶幫我剪髮~~夜晚痴痴貢~~~星期一.....心情劇靚~~~d數只係僅僅好過到~~~但無所謂~~~見完仕燊心情同身體都好好~~~~~~~~~~~



2018/10/28
Day 15-Part 1(蘇格蘭,天空島,波特里 Scotland,Isle of Skye,Portree->Quiraing->An Corran Beach->Kilt Rock & Mealt Falls Viewpoint->Uig)
早呀喂~~呢日一早起身個喉嚨裂痛.......刷好牙去食早餐...發現!!!!喂!!!!!!!!!!!勁好天呀!!!!!!!!係餐廳望落廳.....個景會唔會太靚呀??????成幅畫咁!!!!!!就算澳門我有咁大間屋咁大隻窗...都唔會有呢個景!!!!




靚到!!!!今日天氣好到!!!




能夠望到呢個景食左次早餐..我也算是個幸福的人了~~~我地食緊早餐時民宿主人走過黎問我地今日去邊..我地話去行山....佢表示今日好適合~~~因為呢日係天空島呢兩個禮拜以黎最好天既一日~~~~搞到人好開心添~~





咦~原來天空島都幾鐘意我地喎~我地走左之後又會變落雨天~





真係好天到呢!!!!如果我屋企係半山對住呢個景我都唔知點算!!!我驚我好靚!






好天還好天.....其實呢日一早既氣溫都好低下架...車窗仲結哂霜~我地呢日check out離開呢間民宿喇~拜~




一落番山出公路...就見到有羊係對面監視住我地XXD




無啦啦有羊過馬路~~~感覺以為自己去左紐西蘭~





避開羊群再~出~發~~~~~






又再上山ing~~~~~~~~~~~~





到左我地呢日既第一個景點~Quiraing......呢個係一個天空島非常出名既健行路線....睇地圖好似係噚日既The Old Man of Storr可以行到黎呢度(我才不要XXD)





呢度係仲未開始行既位黎架!!已經咁靚~~~~~~







好~起行~好似有兩邊既...我地揀左左邊行~(因為好似大家都係向左邊行~)




望番轉頭下面有條公路既...呢條公路由上面影番落去好靚~好有層次~




行左一陣原來有個好出名既景....仲要係當時我地係現場完全唔知~~~~~~但唔知點解我隻手咁叻咁岩有影低~~~~原來山邊呢一棵樹好出名架~





繼續前行~我成日都諗點解d羊可以咁勁行上又斜又高既山...好勁~一路行一路望既山景都好靚~






好~問題要來了~(思考狀)




小孩行行下停低.....




原來行落去見到.....中間有超大條空隙!!!!!!!




我行落去目測...er......以我地亞洲人既身高......如果要過呢條空隙....應該係要起跑然後跳過對面先得......兩起跑同落地既地點根本唔係平地....周圍有高高低低既石.......而下面望落去就直插落山....不如...................算罷啦~





當我地猶豫緊既時候聽到有人跑跑跑咁從後趕上~見到呢位外國女仕身穿既服裝一睇就知佢平時係呢個山跑開步~係!!!係跑步!!!佢見我地猶豫左好耐過唔過條空隙好佢一路跑過我地身邊一路講：easy~.....然後身輕如燕咁就跑左過去~喂~可唔可以唔好咁有型呀~(佢最後仲抵死到跳左過去之後仲要拎番轉頭露出勝利的微笑~)






查實係呢個空隙之前條路算係好行既~我地覺得再向前行個景分別唔會太大~行左大約20分鐘~回程了~





回到路牌原點~頭先係行左邊~依家行埋右邊~



發現呢邊有個大平地可以坐係度影更好影~~~~~老實說....呢個景我覺得勁遼闊勁靚!!!!!!!!!









老實講呢個景幾推介...因為根本唔使點行呢個景就在起點~輕鬆影到打卡相~




然而我地都係想挑戰一下自己既~~~~咪行下呢邊囉~~不過呢邊都幾難行~~~應該要羊仔先會行到~~~~~好彩我有前面隻羊仔帶路行咋~





行左一陣發覺越黎越難行~er~好喇~影張相回頭喇~呢個健行路線~推~唔難玩又快影到靚相~







好~下一個景點~





黎到An Corran Beach






呢度係睇恐龍腳印架!!!!




因為係無標識既....我地就係睇住呢個咁清楚既地圖去搵既XXD





好~行落去搵喇~根據地圖所示...行到落去就向右轉




行到落海邊......係勁跣!!!!石上好多海藻!!!!又係跣出公海系列~





係好靚既呢度個景......但...係.....舊舊石都差唔多咁....到底點搵............................





終於俾大比搵到喇!!!!!!!!!!搵左成10幾分鐘!!!!!!可能有積水!!!勁難睇到!!!!大比好利害~~~~~




點都要同腳印仔合照一個啦~~~






呢度又有好多狗仔黎散步喇~~~~唔知狗仔覺唔覺得跣~~~但佢個主人有輕跣左一下~




行番上斜路時發現有隻狗仔高速從高處號落黎!!!!!




以為佢咁趕去邊.....原來佢係老遠見到人地有個波同自己隻狗玩緊~~~~~~~~~佢又想玩埋一份~~~~




佢主人氣來氣喘跑到落黎勁老尷接番走佢XXXD








2019/06/03的開心事：
仕燊又在我心中生花~
有成3個月多少少無見過呢4個男人~

好開心星期六可以咁近睇佢地既演出~
好多謝毛寶又陪我癲左次~
我~真~係~好~開~心~~~~~~~~~~~~
點解呢4個男人咁甜~~~~~~~~~~~~~~~~~~~~~~~~~~~
甜到人蛀牙喇喂~



報時：距離狂歡三寶台北快閃瘋食之旅仲有---3日~
報時：距離九州自駕遊之旅仲有---124日~
報時：距離宜蘭聖誕親子遊之旅仲有---199日~
好快就會得番兩個報時~