天團蘇格蘭高地之旅2018-11-01&02第十九及二十天(晴天)

星期二....今日d客乖番哂~我真係好開心~但又有一件事令我心翳左好耐.....晏覺都訓唔到.......心狂跳...........我用左成個下午去平息番我既內心~好彩放工哥刻我又歡欣番~...星期三....放左工又去傾大單野!(講真呢樣野真係煩屎人喇~~~我心好累呀~~~~~)..傾完去左食生記既咸魚煎肉餅~~~~~好好味~~~~~~星期四....我噚晚傾完大單野成晚都訓得唔好....情緒有點低落.....橫掂今晚無飯食...去買滷肉飯加鹽酥雞食囉!.....慶幸明天又周五了...但我好提唔好勁..................



2018/11/01~2018/11/02
Day 19&20(蘇格蘭,格拉斯哥 Scotland,Glasgow->杜拜 Dubai->香港 Hong Kong->澳門 Macau)
早晨呀~今日睇黎好好天喎~~~~~我地今日就要走喇~番屋企喇~




今朝都係食我整既醒神早餐~但我搞左超耐XXXXD





今日第一個活動係：洗車~我地本身想係油站洗~但發現呢度油站自助洗都係要俾錢(冰島任用唔使錢架嘛)....所以....攞出去俾人洗啦~~~~~睇下我地架車污糟到~~~





攞出去洗乾手淨腳~我記得都唔係好貴je~好似大約是£6=62.4hkd






由於我地真係已經無哂景點想行~又夜機~又洗完車喇~於是搵左個近機場既大商場逛下就算~呢間商場有M&S喎~逛下先~





個蠟燭又幾繽紛喎~係我鐘意既波點~




開頭我諗緊係我平時食開既蛋白曲奇~~~~但佢係Vanilla Cream and Raspberry Jelly~不過聖誕老人版~~又好可愛~




M&S牌既Greek Style Yogurt...個包裝我勁欣賞!!!好靚!!





勁大粒藍莓~~~係來自秘魯架~~好想試呀~~~




行完M&S再行下商場其他鋪啦....但我發現無咩岩我地行~





都係睇下玩具店咋~衫哥d又唔岩睇~覺得呢本兒童書好得意~成舊城堡咁既~





咁都要有玩具XXXXD直接俾真既佢吸塵啦好無???XXD




er........真係會有小朋友鐘意呢隻公仔?XXXD打開口有牙架喎....我同毛寶笑左好耐XXD





記得以前細個去美國旅行時去左Build a bear workshop買左個自己入棉花既公仔~~(仲有得放個心入去).....依家可以買部機番屋企自己整公仔<3




呢條香腸既玩樂價值係邊?!?!XXXXXD...依家d小孩心入面真係複雜...我老了..我不懂XXXD




我真係有諗過買XXXXXD....哈波浴袍(但我唔想再打開個gip放佢入去)




auntie anne's個迷你腸仔包...其實真係普通腸仔包...但唔知點解...我覺得好好食XXXD




商場另一邊係美食廣場~




見到Nando's!!!!!!!!!!!!!!!!!!!!!!!!!極力推介佢地坐低食!!!





熟悉的餐牌~




呢間採取半自助形式...自己行去落單....食物有侍應送上....由於唔係太肚餓(你唔記得今朝食左我整既早餐咩?!).....我地叫左兩樣野食4個野飲....共£32.9=342.2hkd...每人85.5hkd




我地叫左whole checken(£13.25=137.8hkd)同埋5 wings(£9.45=98.3hkd)......唔想提....雞完全唔係哥回事...勁柴皮......好失望....完全比唔上澳洲同毛里求斯食哥次.........澳洲哥次係最正既!!!!打哂包番去食都好正!!!!肉嫩多汁~~





真係行到無野好行又未夠鐘就去左starbucks坐坐~




我叫左杯筋勞£2.5=26hkd...感覺好似平澳門少少~毛寶叫左杯芬蘭飲過好好飲既toffee nut coffee~~~(睇得出你係鐘意佢pat cream)




諗走時見到呢個聖誕吊飾.....好想買...但放下...就是擁有~




好啦~揸車去機場還車(今次入油總共用左£239=2,485.6hkd...每人621.4hkd...都算平~)同check in喇~check in counter唔算多人~幾好~好快check好in~(當然我也預先上網揀好位了~阿聯酋如果到counter先等佢排位實排d好衰既位俾你然後話無得改;[....試過四人同行佢排其中兩人分開坐.....單人坐開都夠慘仲要係坐三人排中既靠窗位....自此我去邊都提自己預先check好in揀好位!)....回程行李16.8KG~成功瘦身4KG回程~因為真係完全無野買~





自助入禁區~




入左閘後見到....點都影一影啦XXD....點解毛寶扮得個樣特別乞人憎XXXXXXD同塊紙板好似與生俱來咁夾XXXD






Battle一番~邊隊出色d?





我根據網上指示去搵呢個lounge...搵左勁耐都搵唔到以為佢執左....正當我放棄左既時候佢個指示牌又出玩係我眼前XXXD






上網睇已經知呢個Lounge舊舊地娘娘地.....似有好多野食但又唔吸引你食~(咁點解仲要入?因為我信用卡個無限入優惠舊年仲未完丫嘛XXXXXD)






好驚喜呀~~~有包裝薯片~~~~




一於攞上機食~~入Lounge主要係入熱水去暖杯~去廁所無咁迫~(有任入就是任性~)




出發去閘口~格拉斯哥個機場都幾舊~




個閘口會唔會小家左d呀XXXD...細到....得幾張櫈坐咋~~~~成隻A380咁多人得幾張櫈~~~仲要Delay左少少先有得上機...企到勁攰~~~




我地坐阿聯酋航空既EK026係20:50由格拉斯哥飛往杜拜轉機~呢班機全機爆滿~上機第一餐...我揀左咖哩雞~個咖哩雞唔係搞下笑架喎..係堅係有辣味.....而且幾好食下~又飲白酒~~~甜品係Apple & Blackberry Crumble...我梗係無食哂甜品~芝士同酒就食哂飲哂~




呢程機揀左睇挑戰者1號(Ready Player One)....講d科幻野...都幾得意既~但好好睇又唔係~訓下又醒左再睇跟著宜家衣櫃去旅行(An Extraordinary Journey of Fakir)....好似澳門都上過....又好彩係飛機上睇je~呢套都ok既~......臨落機前食左個包....係我最憎既甜果醬包





我臨落機前已經睇定轉機...因為轉機時間不到兩小時!!!!!去程時係杜拜去格拉斯哥哥轉多一小時但過安檢都夠嚇親你!!!今次轉機安檢唔算多人....但係我地落機係C閘口落.....上機係A閘口........原來係遠到要轉黎轉去咁再排隊坐巴士架!!!!!!!!......仲要架巴士坐左成10分鐘呀!!!!!!!!!!!!!!!!!!!!!!都未夠呀.....去到A區閘口....要過多次安檢囉...............................................個安檢多人到呀...............................................點解轉一次機...要兩次安檢?.....排完個安檢再衝去個閘口....已經是Final CallXXXXD......趕到..成程轉機我地動作已經係超快!!!無懶懶閒咁行...但都係Final Call先上機....坐左一陣已經起飛XXXXD痴線架




第二程機都係阿聯酋EK380係09:55由杜拜飛回香港~好開心呀~~~~~呢班機非~常~之~吉~~~~~~~~~~~~~~禮貌問左空姐之後~~我同毛寶每~人~坐~3~個~位~呀~~~~~好開心~~~~





即使靠窗坐都好難影風景~~~~我坐正機翼位..A380隻翼勁大~~拜~~~~~~~我對呢個旅行又無乜留戀喎~









起飛後係海鮮醬炒鱈魚....喂....辣辣地幾好味喎!!又係白酒白酒~~




期間睇新年想睇但又無睇既棟篤神探.....黃子華同佘詩曼做架~好彩係機上睇咋~但我其實有唔爭氣咁笑到kit kit聲~就係c君教子華如何做一個毒L哥幕XXXXD笑到我呀....之後子華仲識自行Cos PlayXXXXXD...勁似~~~~~







降落前再黎個三文治簡餐~芝士火雞肉三文治~咁咪正常好多~




日落~再睇多套極桿巨鯊(The Meg)....又係得啖笑~~~機上睇戲真好~





由於成夜晚21:05先到香港.....由於無哂機場船(趕不上最後一班...要21:00前買飛先得)....方案一係自己攞行李出上環搭船(好攰喎大佬)...方案二係港珠澳大橋(但我地回程時只剛開了一星期...但凡新開既野都係制唔過)...方案三係我最想既尊豪....但都要睇下仲有無...唔係你肯俾錢就有~.....最後一班可以搭既尊豪係11點....但係要睇下我地件行李出唔出得切...賣船飛既哥哥話因為阿聯酋d行李係特~別~慢~出~~佢話香港海關係行李到步後會再check多次特別係阿聯酋航班既行李~所以咁慢~好彩!!!!收齊行李而賣船飛哥哥又肯幫我地盡做~~~我地搭到尊豪喇~~~~~~(因為我第二日又早船過香港睇supper紅館尾場演唱會~~好博命XXXD)....有人幫手搬行李~




有大巴車你出上環港澳碼頭~有專屬候船室~件行李有人幫我地推左落船~




上到船仲俾左個房我地四個坐~~~~~仲有我掛住好耐中式野食~~~~~~~~~~~~~~~~~~~炒麵加粥呀救命~~~~~





毛寶食左辛辣麵添~~~~~~~~~~~~真係醒神哂~~~~




落機食到呢d野真係醒神哂~~~~~~~~~~~~




到左澳門.....有人幫我推住舊行李出黎.....上埋專車.....番到屋企....幫我抽埋落車~~~~咁樣才536hkd.......我覺得好抵俾<3...可惜並唔係你想搭就搭到~都要岩時間~




好啦~多謝大家陪左我地咁耐~蘇格蘭之旅blog正式完結~多謝大家收看~拜拜~~~~~~~(我仲有5個旅行blog未出XXXD...出到幾時???唔使驚無野出~)



總結：
1.使費：5,913hkd(機票)+153mop(去程船飛)+536hkd(回程船飛)+470mop(保險)+8,525.8hkd(18晚酒店)+4,568.9hkd(租車+保險)+1,210hkd(來回蘇格蘭至北愛爾蘭船飛)+728.7hkd(當地碌卡)+4,717.5hkd(現金使費...即食買玩油錢)=26,804.9hkd.....華~20日兩萬六無慳住用都算係咁~可能因為無咩買~XXXD..我最鐘意去d無野買既旅行~
2.又到多謝人時間~多謝大比~成個旅行既行程..訂住宿..車..餐廳都係佢研究~~~~大比真係自由行強人....成個旅行我咩都無諗過...都係跟人行~~~~我用自由行既費用跟左個私人團~姐姐叻叻~~~感謝姐姐~~~~多謝阿sam~~~成個旅程都佢搬搬抬抬同埋全個旅程都係佢揸車!!!多謝哂!!!多謝毛寶~多謝你照顧左我廿日~仲請我食蜈蚣丸~XXD...咁我又多謝自己買左張機票啦~成個旅程我淨係出過呢分力咋XXXXD
3.我真係估唔到我會再去英國架...因為2013年我去冰島時順便去下倫敦就覺得無咩野玩...所以我無諗住再去英國的~但係舊年我地天團諗住約去旅行揀地點時大比俾左好多蘇格蘭既靚景俾我地睇時覺得驚為天人!!所以決定前往...去完旅行之後覺得世界很大...唔好淨係俾一個城市判定你覺得呢個國家好無玩~The Devil's Pulpit條索溪路應該可以笑一世XXD
4.北愛爾蘭我覺得好舒服~尤其鐘意巨人堤道(Giant Causeway)同埋Ballintoy Harbour~係Belfast感覺似去左澳洲XXXD
5.好開心食左兩餐勁好味既海鮮餐...一餐係天空島既Sea Breezes....一餐係天空島回程格拉斯哥路上的Lochleven Seafood Cafe.......兩間可以用大推薦形容~~~~~~~
6.但係食左20日西餐...我之後番到澳門...有成個月唔敢食西餐....連西式早餐都唔敢掂(即三文治哥d)
7.唔知有無人發現...除左來回機程時...我其實呢18日...都係著緊同一件teeXXXXXXD......咁梗係有洗過啦~我有住民宿架嘛~~不過佢乾得快呀~洗完第二日又可以即刻著上身唔使係gip攞衫XXXXD
8.好多謝天團帶俾我咁多歡樂~~~~~~希望快d有下次天團旅行啦~蘇格蘭對上一次既天團大旅行係南美呀!!我好鐘意同哥哥姐姐毛寶去旅行架~~~~因為永遠充滿歡笑與鄉音XXXD

~The End~

~多謝收看~

2019/06/27的開心事：
絕對係食左滷肉飯!!
同埋出完蘇格蘭blog!!(有無少少期待下一篇出咩呀~)



報時：距離九州自駕遊之旅仲有---100日~
報時：距離宜蘭聖誕親子遊之旅仲有---175日~