天團蘇格蘭高地之旅2018-10-30第十七天(晴天)

星期二....本身諗住唔落雨就去跑步....但轉左中午食飯時間令到下午工時長左.....個人攰好多....加上個頭條筋又戚戚下....還是回家吧~星期三......番工還好呀~但仍是有一點點頭暈~繼續休息好了~復跑等身體壯健先啦~~~~~星期四....今晚約左屋企人去食風味居~但我乖乖的番黎出左blog先去食飯~我真係好孩子~~~~~~~~雖然日日番工都好攰~但聽日星期五喇~~~Yeah~~~~~~



2018/10/30
Day 17(蘇格蘭,天空島 Scotland,Isle of Skye,Uig->格拉斯哥 Glasgow)
早~最後一日睇天空島日出的景色~




今日早餐好豐富呀~多左隻蛋加餸~





由於我帶黎既杯麵都食哂~係油站便行店買左個~果然好難食~哥種難食難以形容~




噚日下午行街街時有行到市中心個超市~買左少少野呢朝可以做埋早餐...個啤梨都幾好味~




食飽飽早餐就出發~離開天空島了~








哈哈~走既時候係另一個地方見到一隻白色毛cow~不過佢d前蔭好似俾人剪走左~




呢日天氣都唔錯~風又唔怕大~湖面倒影d山好靚~






過左呢條橋.....就代表離開天空島了!!!!!!!!!!!!拜拜!





呢日係天空島番去格拉斯哥車程超長..有成5個鐘.......咁係路上就揀左呢間Lochleven Seafood Cafe...地址：B863, Onich, Fort William PH33 6SA, UK....做一個中場休息~




餐廳出面對住呢個景~夠唔夠招積~坐係哥張枱野餐唔知係咩滋味呢~




睇黎無搵錯餐廳~




我地坐係餐廳哥邊...呢邊係類似Cafe咁~我覺得好靚~




揀呢間因為有海鮮食~~~~~~同埋終於!!!我地食到一樣好想食既野~~~~~又飲Chamomile~~~£2=20.8hkd




先上麵包...呢間係麵包配橄欖油....麵包相當好食!不過偏硬!配既哥隻橄欖油好香~好好味~




Loch Creran Oysters.....£1.5/pc=15.6hkd/pc......叫半打睇下咩料先!你知之前都有賴過野架嘛~




結果...................非常的鮮甜!!!!!!!!!!!!!!!!!!!!!!!!!





Mixed Leaf & Herb Salad with Toasted Seeds....£3.75=39hkd.....非常的新鮮!!!!!!!而且個汁撈得超好食!!好清爽~




呢個就係我地講既黎到蘇格蘭好想食既!!!因為成日係澳門都話食蘇格蘭蟶子王~~~~食完就好想係原產地食一次~~~點知成個旅程我地都無見過~~~~~~~~~~~就係呢度!!!見到喇!!!Razor Clams...£8.75=91hkd.....係澳門食一隻打邊爐係$80蚊....呢度91hkd有一大兜!!!!!!!!!!!!!!!!(利申：澳門食到既大隻過呢d少少咁多).......而且呢度整得好好食呀!!!!!!!!有d似青口哥種白酒煮...但汁無咁稠~~~好好味呀喂~~~~(應該有8隻)





Scottish Lobster Served Cold with Mayonnaise or Grilled with Garlic Butter(Whole).....£39.5=410.8hkd.....我地揀左蒜蓉牛油燒~味道同新鮮度都唔錯既~咁一定好食過噚晚哥間~不過我都係鐘意食澳龍+中式/刺身食法多d~(唔好打我頭呀~XXD)




Whole Brown Crab Served Cold with Lemon & Mayonnaise..........£12.95=134.68hkd.....我同你講...我平時最憎食麵包蟹!!!!!因為肉又無味膏又硬又唔好味!.......唔知係咩驅使我地係呢度叫~我知麵包蟹價格唔係好貴....但呢隻百三蚊咁........係勁大隻~睇下毛寶手指同佢既對比~




俾個正面你再望望~真係貌似好飽滿好大隻~(外國真係好鐘意凍海鮮配沙律醬既物體)




會一會佢d膏先~.............入口....喂!!唔硬架!!!好好味呀!!!!(硬唔硬係咪因為雄與雌之分??).....同埋d膏味好正!!




蟹肉味又鮮甜!!唔錯喎!!我之前到底食左d咩呀?勁大隻鉗勁多肉~





Grilled Clams with Garlic Butter......£7.95=82.7hkd....未試過咁樣食蜆喎~~~~~但又幾好味喎~但呢個有d貴~而且好似好少....我地叫完隔離枱見到想叫但已sold out~





Diver harvested Scallops(Small).....£10.75=111.8hkd....調味出色~生熟度剛好~




我地再番叫呢兩樣~~~~因為真係好好味~~~XXXD





大比餐後叫左個Affogato....£4.95=51.5hkd





呢餐係大比同阿sam請我食既生日飯黎架!!!好好味呀!!!!呢餐我覺得係呢個旅程最好食既一餐!!!!!好多謝你地兩個呀!!!!!呢餐食左£130.1=1353hkd...每人338.3hkd......呢個價...每一口都係海鮮...每一口都好食!!!!個價錢好超值~多謝哂~





然後再兩個多小時的車程番到格拉斯哥的市區~~~阿sam好利害~成程都係佢揸架!!!!我地番到市區首先去一去超市先~~~因為想買d鮮貨呢兩日早餐用~





咦~你又等人呀~




好大呀~好多野揀呀~~~





原來倍樂醇有咁多隻味架~~~試!




買到成車野~~hehe~




呢兩晚既住宿揀番我地剛到格拉斯哥頭兩晚住宿~Festival Park Apartment~兩晚£240=2496hkd.....每人每晚316hkd~我地晚餐已經出現係餐枱~~~~住慣住熟~我同毛寶已經自己行番自己房~我同毛寶訓得好舒爽~但大比佢地間房張床無啦啦有昆蟲咬佢地囉!!





呢晚買左dominos既pizza~~~~好耐無食過dominos喇~~~








2019/06/20的開心事：
今日中午毛寶臭埋我番工~



報時：距離九州自駕遊之旅仲有---107日~
報時：距離宜蘭聖誕親子遊之旅仲有---182日~