毛寶生日會2018@巴黎軒(La Chine)

星期二.....今日遇到啲客都好難搞…難搞在佢都唔知自己黎做乜XXD問到牙血都出埋先做到(不過呢啲都算好喇…最驚係堅蠢哥啲客又以為自己好醒唔會覺得自己表達能力有問題係你理解能力有問題XD)…妖…又頭痛…放工跑左3.52km…一路跑一路胃痛…搞乜也呀今日…星期三…噚晚8點食完止痛藥...一路都止唔到痛.....其實想訓又夾硬等夠4個鐘12點食多次止痛藥先訓....點知又訓唔好.....到3點幾醒左仲係頭痛我超抓狂!!!!!!!!!又假訓個幾鐘等過左4個鐘凌晨5點又食多次止痛藥....7點鬆d又話要起身番工.....個人成pat屎咁......仲要一早遇著d超唔識做既人.......好彩下午有人救醒我呢個咁靚既睡公主~~就係~~神秘團友請我食左片香港美心既牛奶蛋卷<3......入口就像有個少女跑入我口中....好好味呀救命~~~好想跑過香港買成條番黎啪入個口度呀~~~~~好不容易捱到收工.......決定今日放自己一日假不跑步了..........我好攰呀妖!!!!!!!!!!!!!!!!!星期四....噚晚算係好早訓~今日起身個頭好番好多~.......今日又突然乖~~放左工去補番跑步~跑左3.54km~...作為我狗年既收爐跑呀!!!拋我乎咪!!!!!...好開心呀~~番埋聽日~~就放周末了~~然後星期一番半日~~就初一初二初三放假~~~~初四番一日~~又放周末了~~~~~~(如果放埋初四就好了~~~~今年新年放太短了)



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



放公眾假期最好做咩呀~梗係入酒店食野啦~澳門好興法定假期度度都加二加三~酒店就無既~呢個時候食就最好架喇~由於當時做節無咩買俾毛寶爸媽~所以諗..不如請佢地飲個靚茶咯?...好啦好啦~揀左之前想試好耐既巴黎軒(La Chine)..地址：澳門巴黎人巴黎鐵塔六樓....電話：8111 9210...記得要訂位..真係幾多人黎.....但係點去到呢個入口呢?...有d難講...你可以去到巴黎人問下佢d職員..因為我都係去到大堂再問的....黎到呢個入口...優雅地說出：訂左4位~




Confirm左我個booking之後佢會請我入去坐坐~因為等餐廳ready~再搭電梯上去~佢地ready就會有人同我地一齊搭專用電梯上六樓~




上到去要經過一條長廊~呢條長廊好好拍架~不過呢個時候有兩組客人一齊入~有點難拍~同埋跟侍應去左自己張枱先~




我諗住停係度影個門口....毛寶見我影相佢企定左係度..我等左佢一陣....見佢唔行開...於是我就影左...然後問：你想我影埋你架?.....毛寶：唔係呀..............我：XXD





好多存酒~




環境唔錯架!而且d枱大多係窗邊!(我訂枱時有講希望坐窗邊~)....裝修有點點法式~因為呢間餐廳係一間糅合中法兩地文化既創意料理~





查實呢間餐廳就係身處係巴黎人個巴黎鐵塔既6樓....但...我同毛寶研究過...呢d貌似鐵塔既支架.....似係作狀多d~唔知呢~我覺得好假~




鐵塔6樓望出去既景色~




但一望餐牌.....喂!好吉眼呀!點解你要用簡體字餐牌?點解係澳門用簡體字餐牌?點解如果你想有簡體字餐牌俾遊客睇你唔做多個繁體字餐牌俾澳門居民睇?





如果唔係叫佢餐牌入面d功夫茶呀花茶呀既話每位茶錢係$20....我揀左鐵觀音~(其實我好鐘意飲鐵觀音)...另外3位飲普洱~......又係簡體..........................





醬料有辣醬同埋XO醬~




餐前小食有我好鐘意食既甜甜合桃~不過我好意外佢地竟然無靚靚既每人份餐前小食~




前菜我揀左蟹肉他他,牛油果沙律配蒜蓉油醋汁...$108.......又估佢唔到.....整得好紮實!超多蟹肉!!!!以酒店$108黎講個份量真的不欺場!......而且黑色一粒粒係黑醋黎架!





凍鵝肝醬脆皮乳豬伴法式手指餅松露丸子(4件)...$168.........一出黎一整個有氣勢!





個手指餅我覺得用炸饅頭黎形容會貼切d~~~~~不過乳豬皮加鵝肝加青蘋果再加炸手指餅口味加口感俱佳!





去飲茶我最鐘意就係試燒味~多數第一次去都會先試叉燒~蜜糖西班牙黑豚叉燒....$168.......做得幾好味呀~~~唔錯~絕對對得住個價錢~(但個人都係偏心玥龍軒~)....舊品字型既叉燒好搞笑~





酥皮雪山叉燒包...$48........我平時麻麻叉燒包既餡既包~但呢個結合菠蘿包個皮既....又唔錯喎~




碧綠菠菜羊肚菌帶子餃...$68..........由於佢d點心多數係3粒一份既(除非有額外註明)....咁我地4個人....咁可以就咁加一粒既~咁樣幾好~大家都有得食又唔使叫兩份~加點心$23.........呢個唔錯幾好食~




日式蘿蔔酥...$48....加點心$16........外型都做埋蘿蔔型係幾得意既~~但估唔到佢入面個餡係橙紅色既汁~(似似地叉燒包隻汁)......同平時既唔同~但食落個味都ok既~外皮還好....呢個都係玥龍軒最出色~






紅米竹笙荷仙菇牛肝菌素腸粉....$58........全素既腸粉~~都唔錯呀!清清地都ok~




胭脂藍天使脆蝦角松露魚.....$68......加點心$23.........個名改得勁靚~個型就是炸蝦餃XXD......不過都唔錯地好食~






巴黎鐵塔至尊迷你佛跳牆灌湯餃(一件)...$98.......估唔到係有藥材味!我想問下佛跳牆有藥材味的嗎?...都幾多料幾好飲既個湯~




鴛鴦藜麥南瓜養生粥..$88.......我麻麻南瓜粥....仲要加藜麥....不評論味道..對佢唔公平......我覺得幾綿...毛寶說不夠綿~唯一批評係送粥既炸脆脆林既!好心唔好俾人吃啦~




主菜上完到甜品~由於呢日係公眾假期有分時段...我地揀左個超早既時段~我勁眼訓~叫叫杯啡先~(係中菜部叫啡我係覺得有d怪既)...叫左杯即磨齋啡...$43...估佢唔到杯啡幾岩我~~但哥舊送啡既macaron係難食到入唔到口.........




法國黑松露流心芝麻球...$58...加點心..$19





打開佢將佢偷偷望咁.....望落成粒海膽咁~好可愛~但我哥粒唔夠流心呢!佢地哥d話好流心~偏心呀~同埋其實係食唔到黑松露味的...食到好香既芝麻味~




然後食食下無啦啦有一大堆!!係一大堆!!!係一大堆員工攞住呢個佢地既招牌甜品焦糖菠蘿批配椰子雪糕($78)超大聲係超大聲係超大聲唱住"法文"生日歌衝埋黎我地張枱度........嚇到我呀......(其實係我打俾酒店訂位時話有人生日請佢地幫我係我叫呢個甜品時放個生日牌.....因為毛寶呢日之前剛過了舊曆生日嘛..諗住俾個實派時俾佢!但我估唔到會有咁多人唱住生日歌仲要超大聲........真心講：辛苦你們了!).........明明我係知有呢個環節....但嚇親既係我...毛寶就話佢俾我嚇一跳....但佢見到我當時尷尬到dup低左頭XXXXD...我真係好賤..要佢獨自面對呢一切XXXXXXD...喂~生日快樂呀~





開唔開心~愉唔愉快~:D......諗住請你爹娘飲個茶順便幫你慶祝下~





講番呢個招牌甜品先~焦糖菠蘿批配椰子雪糕....$78..........一吃.....幾驚會糖尿繼而眼盲.......哥種甜真係我不能接受既重甜....我唔係鄉下仔呀....我知燒過既菠蘿係會甜d...但呢舊個味好假甜呀救命~~~~說是招牌個心又好痕想試既~但在我黎講..試一次就好了~




另外餐廳送左壽桃俾壽星~多謝哂~壽桃不錯唷~





希望你每年既生日都有我~我每年既生日也有你~有你有我~




好蠢...我竟然無金沙卡...下年搞番張先...呢度淨係得金沙卡或者工銀金沙卡先有折~今次食咩折都無~食左$1,494...人均消費$373.5....價錢還好~飲個靚茶既舒服之選~(但講明我最鐘意還是玥龍軒呀~)




仲送左兩張$100餐飲劵俾我下次黎用呀~~~下次請我娘親黎食下先~




仲送左兩張巴黎鐵塔既7樓觀景台既入場劵俾我添~仲無有效期~下次上去玩下先~係呢度飲茶又幾大器喎~




臨走影下佢個Bar....好靚~




yeah~走既時候得我地一枱走~可以慢慢影下條長廊~




男男女女都好靚好靚~唔錯~









華~話哂下個禮拜就係新年喇~
梗係要祝大家：新年快樂~身體健康~
閤家平安~順順利利~
萬事如意~心想事成~
豬年行大運~
大家繼續陪我走過平凡的每一日~
再祝我自己同我全家仲有毛寶全家身體超健康!!
希望止痛藥遠離我!!!!!!
仲有仲有追仕燊運同旅行運滿滿~
恭喜恭喜~~~~~~
狗年最後一篇Blog我地就用舊年毛寶既生日會作結啦~
夠哂喜慶~
豬仔年見~~~~~~~~~~~~~~~~~~~~~~~~~~~~

本Blog主收爐去~



2019/01/31的開心事：
跑左狗年收爐跑~出左身汗~~~~~~



報時：距離六公子峴港嘆世界之旅2019仲有---62日~
報時：距離北非摩洛哥之旅2019仲有---83日~