天團蘇格蘭高地之旅2018-10-14第一天(晴天)

上上星期五.....諗住同衰婆食隻雞脾賀賀佢…點知隻雞脾放係公司雪櫃而個雪櫃壞左…我地只可望住隻雞脾入垃圾桶…個心好痛…放工去左食關東煮<3.....上上星期六…一起身變哂聲…我明明好番架?!然後狂打乞痴狂流鼻鼻…妖…之後中午去左食本身係氹仔但依家搬左去新口岸既韓國野…但啲野出得好慢野食都一般…杯筋勞真係得啖笑:D…下午毛寶幫我剪頭毛迎豬年…夜晚同左我媽去新故里二人團年…飯後諗住去買薯片迎接初二…點知去到超市成個薯片架都吉吉如也............上星期日....諗住過氹仔食過年前的魚湯粉..點知人地已經進入新年Mode收左爐....去左試一間新開既葡餐..又幾不錯~標榜無味精的~跟住就去左買薯片...終於買到~下午去左毛寶屋企~大比仲請食貓山王~~原來貓山王配咖啡都幾配個喎~夜晚痴痴貢......飯後果仲要有大目釋迦...多謝大比阿sam呢日請我食左好多貴價水果~~~~年三十晚....華…朝早都好艱辛架做得…之後中午就收爐了…中午同毛寶食璇宮做收爐飯…佢個中午set又ok喎…幾抵食又好食…下午…我又訓左個晏覺XD…夜晚同姑媽食左團年飯…大年初一…早上拜左老豆同佢講左新年好之後…就同姑媽佢地去左mgm飲茶…再黎同表妹們去觀光塔下午茶…再黎同娘親去食鼎太豐晚餐…飯後再去埋摩珀斯食甜品…我麻麻地朱古力甜品…個有個黑朱古力甜品又幾好味喎!…大年初二…中午去左毛寶家食開年飯…飯後一齊去我婆屋企賭王群英會XD…今年經過老夫人補貼…輸左108蚊XD…晚飯去左食咖哩屋…然後再回表妹家打機...大年初三…中午食左沙北reserve…之後去左路環遊車河行個大運…再上埋媽祖娘娘度拜拜…自我感覺良好…夜晚同左表妹去食泰國野…年初四…要番工喇~梗係初四咁既樣啦XD...好彩呢日係星期五咋…今日超多野做…由佢…我番早XD…放左工去左日麗晚飯…有人今日生日呀XD祝你生日快樂身體健康…星期六…中午同左我娘親去前一篇既巴黎軒飲茶…毛寶請…多謝毛寶XD.....不過我覺得今次無上次咁出色...下午在家上網睇蒙上你的眼(Bird Box)....點解呢套戲無上既?淨係Netflix播??...好緊張好驚呀大佬!....對比另一套無聲絕境..我寧願無得出聲喇.....夜晚痴痴貢~~星期日....中午食左Toff~~然後去左文化中心睇展覽~毛寶看得津津有味..我這個無墨水的人猛打呵欠~最精神既時候係表演場地哥邊有棵超大的桃花!!猛跑了3圈~~~祈求人緣運會好~(其實我都幾八婆~)....成個下午睇如懿傳~~同埋研究叫咩外賣食XXD夜晚就食左刁廚同埋方丈小食外賣~~星期一.....仲係好多人呀...好攰呀....不過算啦~叫做今日爆左數~



2018/10/14
Day 1(澳門 Macau->香港 Hong Kong->杜拜 Dubai->英國,格拉斯哥 UK,Glasgow)
小t長旅行~出發~~~~yeah~~yeah~~我終於寫到蘇格蘭喇~~~淨係排相都排到我眼矇~~~~~我老了XXD.....好喇~由於我地搭超早機...所以我地之前哥日(即10月13日)既下午已經過左香港~住一晚無咁趕~我都忘了好似係搭下午兩點船過香港(其實我買錯..本身想買3點XXD)...由於唔係搭機場船無人托運行李~~於是...我決定俾錢船公司幫我搬好了XXD好懶呀我~~(舊行李出發那天已有20.8kg...但我地飛機托運行李限額係20kg XXD)...唔記得好似$25一件~俾大家望望我地d行李先....喂!去成廿日!!有人用細gip喎!!係邊個!




係喇~就係呢個小子攞細gip喇~一個大書包+一個細gip~係你先得~今次係天團出發!興不興奮?!興奮!!因為天團隔左兩年先再大旅行合體!!!對上一次係南美呀!!!!




落左船~拖住行李~出左禁區落一層一直向左行向左行向左行.....




然後行行人隧道~直接行到去中環站搭機鐵~~~~~~~~




搭到去機場~就去連住機場既富豪機場酒店check in~~~唔記得好似係大約1,897.5hkd~4人睡~每人474.4hkd~間房好大~





哈哈~~俾你地見識下出發時有20.8kg既行李有d咩~~XXD......出發前我執到發哂脾氣~~因為我執唔掂~~有好多野~~好彩有毛寶救駕~~~XXD...我醒呀~我帶左好多舊到穿窿既襪去著~著完就唔要~唔使洗唔使煩XXD




安頓好之後~我地就去左機場食飯啦~我地食左翡翠拉麵小籠包~~(澳門哥間d人話好難食...我覺得機場呢間還好喎~)....食飽飽係機場行左陣~就番酒店訓lu~呢晚...我係8點幾9點就入睡XXD......不過......實際上我係點幾先訓得著~然後凌晨4點又起身喇~~~~~~~~~



哈哈~~大約5點半度我地就Check out去機場check in啦~~好耐無試過去香港機場既禁區外~因為次次都係坐機場船黎~凌晨5點半既機場靜蠅蠅的~~~~~~~~完全無人排隊check in~~超快完成~~好有禮貌的機場check in體驗~(點解我咁講?後兩次既旅行我話你知..諗番起我都嬲~).....




睇下我...check左in過埋海關個天仲未光~~咁早依家行去食個早餐先~我地行去40號閘口附近~(原來咁早未有無人列車坐..硬行~)...我好似講過好多次~我好鐘意香港機場~




d gate同gate中間咪成日有小展覽既~呢次有茶檔喎~~有人話自己行入去沖奶茶XXD有無人見到佢呀~~~~~~~




係喇~之前我地係去開1號gate隔離既lounge~但我今次想試試40號gate附近哥個~....(其實我今次係想試新開既Plaza Premium First HKG架!!因為當時攞住PP卡加200hkd就可入!!!有好多靚野食同埋香檳任飲!!!!!當時仲要有保溫壺送...聽港女話當時佢攞左個保溫杯佢仲幫佢入左d湯上飛機!!貼心!!!.......雖然..佢係開24小時........但.....哥時才早上6點幾...我真係食唔落咁多野...同埋又唔係多時間係lounge...算了~都係去番d免費既算喇...我真係持家有道XXD)




好彩早入~隔左一陣爆勁多人!!!淨係等入黎都排哂長龍!!雖然佢話就話開24小時~但係原來魚蛋粉哥d熱食早上6點半才供應~




條腸超難食~~~但主要係黎食個魚蛋粉先上機~~~華~仲有燒賣呀~~加豉油好好吃~~




好啦~~差唔多上機啦~咪行去登機閘口囉~係香港最鐘意影登機閘口相架啦~~~~天團又點會唔影??但我無諗到班人咁唔正常XXXXXXD....唔知有無人望到我地影呢張相呢XXXXXD....要唔要再介紹一次天團團友你地識?左一：毛寶...左二：阿Sam...右二：大比...右一：小t....我地係：天團!......我真心想問左二哥個人個口做乜也呀XXXXXXXD..(歡迎檢查天團有無鼻屎XXXD)




好喇...正正經經影一張好無?




今次揀左搭阿聯酋航空~~我地呢日既航班係EK387係07:50由香港飛至杜拜(Dubai)轉機...再去格拉斯哥(Glasgow)~....我要講講先...本身其實想揀英航架....但係點知原來英航都無直航由香港去格拉斯哥的....要係倫敦轉機....咁我梗係揀一樣要轉機既阿聯酋啦...話哂都好坐d~(最後好彩都真係揀左阿聯酋...因為英航無啦啦之後話轍出香港.......如果唔係...轉機票都煩死我.....突然想大叫：我愛阿聯酋~~~~~~~~~~~)...其實今次我係第二次搭阿聯酋咋!對上一次係瑞士巴黎之旅!!2012年~6年前~




上機~好開心~因為隻機算幾新~(之前哥次係香港去杜拜時隻機勁爆舊呀!)




好野~~我好鐘意佢呢個娛樂系統架~




好鐘意佢呢個好似遊戲機咁既搖控~




同大家好物分享先~如果大家有用開吹氣頸枕....我覺得呢個幾好用~我係淘X度買....好像30人仔....重點唔使自己吹!




打開個小活塞....然後按呢舊野就可以泵氣入呀!...唔怕吹到頭暈~唔用哥時摺好有個袋仔俾你放又夠慳位~





知唔知我最開心係咩?因為我地係特價機票..佢開放好少位俾我地揀...同埋係坐好後....我之前上網既心水位係...機尾既二人靠窗位!!!!...但我地既票價要俾錢先可以揀(咁梗係唔俾啦~).......登機登左好耐....我仲未見有人坐喎!!!!你地望下!!你地望下!!咁多個都無人坐喎!!!!




有禮貌地問左空姐之後.............................我地每人坐兩個位~~仲要係.....我自己一個霸兩個靠窗位呀~~~爽到~~~(有無人見到大比係邊?)




大比係紅色箭咀呀~~~佢坐另一邊二人靠窗位~~~~~今次隻機既機尾無咩客~~~~好正呀~~~~~~




起飛喇喇喇喇~~~~~~香港機場真大~係咪第三跑起緊喇?




飛左好一陣子也在兩層雲中間~






臨起飛前接過餐牌....見到早餐寫有香蕉鬆餅食....害我個心又喜我個心又慌!...我以為係有一片片香蕉加麥當勞熱香餅哥種呀...心諗咁有新意?!?!?唔知有無楓糖漿俾埋我呢!!!正在心甜之際......................................................係喎...鬆餅....係我最憎食既Muffin喎.....嗚嗚.......個早餐咁姑寒既.....炒蛋都無得食下...得簡便餐咋.......哭哭....我勁失望勁失望




食飽飽又到煲戲時間~~~驚見佢電影有個分類係Marvel~~吸引吸引~~~~~有一套我好想睇但仲未睇既~~~(坐飛機我真係好鐘意睇戲~)




第一套我睇左I Feel Pretty~呢套好似港澳都無上咁既?....幾正喎~我有幾幕笑到要攞手遮口滅聲~~(對~做人最緊要有自信~)....第二套揀左盜海豪情：8美千嬌(Ocean's Eight)....哥時諗住去戲院睇但最後又無睇~好彩飛機上有得睇~因為呢套適合係機上免費收看~.....第三套揀左我想睇但又未睇過既奇異博士(Doctor Strange)....上次睇完第三集復仇者我就好想睇番黑豹同埋奇異博士~~~好開心又係有得睇番~飛早機真係好難訓著....中間張相唔知飛過邊度呢?d山咁高既?






睇完戲又訓下~訓醒又到食午餐時間喇~沙律係香檸蝦~主菜係煎雞同埋甜酸魚柳之間我選了魚~~~事實上很不錯吃~個汁好送飯~甜品是覆盆子蛋糕~晨早流流揀左配白酒~個白酒幾好飲~




食飽飯訓一陣醒左....咦!!見到陸地喇喎~差唔多到~~~~






隻顏色好非洲咁XXD





我記得次次飛中東轉機都係夜晚呀!!所以我係第一次睇日景既杜拜~~~~最高哥個建築物係咪世界第一高既哈里發塔呀??????好興奮係高空見到~~雖然今日無咩雲但能見度好像有點低~





然後又飛離岸邊~




仲見到好像說起起下爛尾既"世界群島"!!!..如果個天阿清可以睇到佢隔離既棕櫚島




咦~過左人工島又去到另一邊岸~好多條行車線呀~~我終於影到日景的杜拜~~






到了~隔窗望都覺得出面好熱~






飛左8個鐘早上11:50就到左杜拜~轉機時間係3小時5分鐘~頭先過海關超勁爆多人....我地下次回程轉機時間係1小時50分鐘...我有d驚.....不過玩完番黎先算啦~佢班機有得咁樣俾我揀~佢地應該安排好卦~又進入到轉機大堂~但呢邊好似暗暗的咁既?




機場真係好大....國際線都係T3架啦...就算齋T3都分ABCD既gate...就係A哥個gate都有好多個閘口~我地係gate C附近降落轉機好像在gate B.......本第想行去gate B附近預先搵到既lounge....點知行經時見到一個~PP卡又可以入...咁呀~入囉~




環境還好啦...因為地下有點污糟糟~野食其實幾多...但都係d唔岩我食既野~(好多好多既咖哩同埋中東feel既卷)






攞左少少食下~最好食係個薯片~棗也好吃~....哥杯....我見佢寫話阿拉伯咖啡....即刻整杯試試佢!....點知...........................................我輸了....聞哥時已經令我心一沉......................飲一啖更加係無與倫比.......................................................................依家都好似諗得起哥陣味




然後我地又搭阿聯酋既EK025號班機係14:55由杜拜轉飛去英國的格拉斯哥(Glasgow)~~上機即填填入境表~好耐無填過英國張入境表~不難填~呢程機全爆滿~我地坐番本身揀既中間四人座~




上機不久有午餐食~沙律充滿中東味~主菜人家選了咖哩雞~佢個咖哩又幾香喎!不錯!配上飯和炸薯角真的很不錯~又叫左白酒飲~本日第二杯~




途中我睇左無聲絕境(A Quiet Place)...呢套我之前戲院睇左...覺得幾好睇所以睇多次~第二套我揀左絕命酒店(Hotel Artemis)...呢套睇到我訓下醒下訓下醒下................



跟住開第二餐~...依家通常開兩餐一餐正餐一餐係簡餐?!唔通姑寒左?...三文治都ok既~




又有星空為你調時差~(想起了Finn Air的極光頂)




飛左7小時55分係當地晚上19:50就到左英國既格拉斯哥喇~~可喜可賀~~等左3個幾鐘轉機然後飛左16個鐘......還是同一天的晚上~時差這東西真的好好玩~到達入境大堂張地毯已經令我感到去左戶外大自然~




過關不算慢也不算快~今次同上次一樣...過英國海關我地4人一起過~~(好驚呀唔知驚咩XXD)......好彩海關叔叔成個聖誕老人咁慈祥咁好人~我估行李已經等左我地好耐~




出左禁區去搵酒店啦~大比好醒呀~搭左成日機~晚上先到佢揀左住機場酒店~姐姐好野~




一行出個Terminal就見到酒店係對面啦~~~我地今晚住Holiday Inn-Glasgow Airport~~~氣溫我覺得還好...涼涼地~




係喎~講咁耐都未講匯率~我地出發前一個月左右先換錢~匯率係10.3525....即£1=10.4hkd....每房每晚£77=800.8hkd...每人400.4hkd~雖然都舊舊地~但都骨子舒服既~好啦~呢日好攰呀~要休息喇~









豬年第一blog~
恭喜大家都發財~
今個禮拜我忙忙的~
別太想我~
遲d可能仲忙~我要去學野~~



年三十晚哥晚...食飽團年飯...
同媽行番屋企時...
我：喂...我放左個好辣既屁~
媽：華~好彩唔關我事~我聞唔到~
(我看了看後面)
我：仆街喇後面有個女仔.......佢實聞到啦!
媽：hehe~臭屁精~
我：佢聞到又未必覺得係我放既je~我咁靚~佢應該覺得係你呢個阿姨放既~
媽：你個發瘟女!
呢個故事教訓你...唔好以貌取人呀!
你係街聞到既辣屁...都有可能係好靚既女仔放架XXXXD



2019/02/11的開心事：
毛寶來探班~
******************************************
今日濕爬紀念品又開賣~~~~~
好開心有港女幫我又買多一round~
上次紅館場我先買左一round~

點解要買兩set?因為一套係用既..一套係儲既~



報時：距離六公子峴港嘆世界之旅2019仲有---51日~
報時：距離北非摩洛哥之旅2019仲有---72日~

仲係未搞簽證XXD