與毛寶慶生泰國食揼嘆之旅2018-10-02第四天(晴天)

星期五.....我覺得簡直就係非人生活....d kai kai客硬係鐘意迫埋係周五一次過黎...係我放周五的考驗嗎?放工哥刻我應該有一萬句粗口....成個憤青咁.....仲要對住毛波發脾氣.....然後毛波對我好言相勸....然後我就知錯了XXD....也許我不是eq低...我只是累了;[.....對kai客對到好攰..................食完韓燒個人有好番d既...因為番左5日工我淨係想食重肉...大舊肉俾我塞入口我就開心!......星期六....中午食左terra~葡萄牙混搭真係好好味~下午不小心訓左個下午覺~起左身就寫blog~夜晚痴痴貢完之後去左行Venetian....再番澳門食糖水~食左街邊檔勤記…我好鐘意食佢個腐竹白果糖水加湯圓!....食完過埋隔離炸野檔買野食…你難以想像一份魷魚一份雲呑索價30大元…好貴!!但雲呑的油益味是世界級的!魷魚差少少…都係以前大聲公對面檔炸魷魚最好食…星期日.....中午去左食食味方丈~好鐘意食佢個炸雞翼同埋魚湯翠玉瓜~....然後去TFT買左蛋糕同埋BLACK既咖啡回家嘆嘆~齋啡同蛋糕真係好夾~一路食一路睇無線重播既行運一條龍~~我老了..我覺得以前d賀歲片好睇好多~東東真係好靚仔~上網搵一搵....華!成廿一年前架套戲?!?!?!?!?!?!...................夜晚又痴痴貢~.......星期一.....由晏轉早既周一起身哥刻實覺得自己係全世界最慘最可憐架~放工就是王就是新世界~多野做但心入面想著下周新年~~今年雖然放得少但安排左節目~開心心~



2018/10/02
Day 4(泰國,曼谷 Thailand,Bangkok->澳門 Macau)
早呀~~~~~今日要走喇~~~~仲要坐中午前既機~~(平d丫嘛...黃金周好貴架)




日出時d天色好靚...好想唱番首日出時讓戀愛終結...(誤)....我好後生唔識呢d歌架...我係大台播流行經典時偷聽到架咋~





呢張相分享既目的係俾大家睇下我依家執gip進步左好多~毛寶都讚我整齊~




我地係噚日已經叫酒店幫我地叫定的士~定額收費฿500=122.5hkd...因為見上次按錶都係差唔多~定額呢隻可按時黎到...如果按錶就到時佢先至幫我call~我突然覺得支付寶真的很強~




好彩淨係塞左出酒店哥條路咋~出左酒店個街口就暢通無阻~其後就上高速公路了~(定額已包高速公路費)





大約45分鐘度~就到左蘇凡納布機場(Suvarnabhumi Airport)~又快又舒適~




到達到達~~呢個位咁影都有少少似香港機場呀可?




極速搞好check in~就超音鼠咁入禁區啦~~~




機場都幾大~都好多野買...但本人志不在此~





點呀~~又去用盡信用卡優惠時間啦!!!!!!因為任入機場候機室個優惠係2018年年尾屆滿....今年去得多旅行真係贏哂~~~~~~~出發前上網check曼谷BKK呢個機場係超級多機場候機室PP卡係可以入.......所以我揀黎揀去......決定揀比較近我登機閘口既機場候機室.....發現登機閘口附近都有幾個...我最後揀左近E字頭閘口既Oman Air First & Business Class Lounge....係國際離境航班3樓(西側)......




門面不怎麼樣...內裏又幾唔錯喎!!!!!而且無咩人!!!!!!!靜+乾淨!





雖然攞野食既枱唔算好長...但種類算係幾多!





睇下d芝士幾大器!!!!




仲有串燒呀大佬~~~




生果砌得靚靚仲要有士多啤梨!!!!!!




觀察完野食再睇埋野飲哥邊~wow~




飲品雪櫃有超過10款野飲!!有啤酒!!




有中東奶茶~個壺好靚呀~




茶既選擇都幾多~好整齊呀~(係澳門個lounge應該會俾人攞到亂哂~)




好多酒呀~~~勁多選擇~~好大器~~~




仲要另外有個小雪櫃放白酒同汽酒!!!!!!!!!!我要攞野飲野食喇~~~




我玩完番黎之後張枱就變成咁喇~~~~~毛寶根本無位放佢d野食~~因為我好鄉下妹~~好興奮~~~種類好多我咩都想試~




二人份~(毛寶其實得一碟~其他全部都係我既~)




三文治也不兒戲的!內餡係沙律菜..芝士及煙三文魚~~~食左人地咁多野...我連Oman係邊都唔知....於是上網搵一搵....原來係中東國家阿曼~~唔怪得咁大器啦~~~~~~first class都係入呢個lounge!即係有機會同油王一齊食野呀我~~~呢個係我本年度參觀過既最靚最大器既機場候機室!!!入完呢個機場候機室....簡直係幫我呢個曼谷之旅收個靚尾!




仲有沖涼設施!挺不錯!





食飽飽我地就乖乖的去登機啦~





我地搭澳門航空NX885號班機係11:50由曼谷直飛回澳門~到澳門才下午15:45~(我特登揀呢班因為平d同埋第二日要番工~)....飛機餐有蝦食!!好驚喜~~~唔算好好食~但唔難食~合格~




我要好好紀念一下!好耐未試過係澳門飛有登機橋落機...我覺得好感動~~~因為我最憎搭shuttle bus上落機~




拜拜~又完成一個旅行~~~~我覺我呢張相好有泰味好有特色呀~






總結：
1.使費：2,648mop(機票)+1,287hkd(酒店)+3,509.8hkd(食買玩交通)=7,524.2hkd.....去個泰國都咁貴全因國慶時間去...機票很貴...但哥段時間去台北都係差唔多~但我覺得泰國d酒店又大又新又抵住!
2.今次係一個壯舉呀!!我對上一次去曼谷已是8年前~好多野都唔同哂~~大開眼界~
3.曼谷既按摩真係令人好難忘呀...好舒服呀....好想再按呀!!!
4.好似亂咁入一間野都會好食..而且好平!好難得~
5.曼谷真係又平又抵去!!!使費又低~~~好值得再去嘆世界丫~
6.下次想再試下挑戰雞腳麵~
7.毛寶我地幾時再去呀?有d掛住喇....

~The End~

~多謝收看~

繼呢個如何成為淑女課程之後...
我又跟毛寶報左個新課程!
等佢收左我先同大家講下係一個咩課程~
大拿拿今次要上成個月架!
不得了~



2019/01/28的開心事：
下午同衰婆食左個厚油包~



報時：距離六公子峴港嘆世界之旅2019仲有---65日~
報時：距離北非摩洛哥之旅2019仲有---86日~