與毛寶慶生泰國食揼嘆之旅2018-10-01第三天Part 2(晴天又一陣雷雨)

星期二....人家見到麥叔叔員工annual dinner係請仕燊寶寶去撼動…仲要一連四晚…麥叔叔你就攞我買早餐啲血汗錢去請濕爬俾你啲員工睇…我心生羨慕…放左工去跑跑3.49km…我好番好多喇不用擔心呀…我有個古怪辟好…我呢晚…玩左個外賣app玩左半個鐘(但我唔係要叫外賣喎…我淨係想睇下有咩餐廳會送我屋企咋喎)………係咪好古怪XD…星期三…放工跑跑…3.55km…下午突然被告知我今晚無飯食…傷心左5秒…跑完就去私會近排好鍾愛食既吉吉阿姨…貪佢有禮貌又好笑容…個咖哩又好味…同埋可以揀多菜…星期四…..今日早上我一起床攞住個電話係google搜尋既第一樣野係：健力氏世界紀錄大全-最長的屎.....................結果係.......無的XXD...因為我每次痾屎都覺得自己條屎好長長~好棒棒~我好想知自己是不是世界第一~.....我好不容易捱到今天放工...為我自己鼓掌~~~我依家每日已經要不停咁追數~遲d仲話追數哥度仲要加多倍.........................我唔x玩喇妖XXD~我見聽日係周五..我算!....hehehe~聽晚放工要去食重肉肉肉肉肉肉肉~



2018/10/01
Day 3---Part 2(泰國,曼谷 Thailand,Bangkok)
食完甜品又再行下呢個Siam Paragon啦~好耐無行過~以前最鐘意係度買胸圍(唔知點解)......不過呢...呢個商場實在係太大.......行黎行去唔知自己行左去邊.......可能佢有幾棟野組成卦......覺得好靚...望真d原來係假花




次次睇親植物就會入神到成個阿叔咁




呢兩棵野勁得意成個人咁有腳行緊路咁~~~




行行下行左有一層係賣gip既...毛寶好似睇中左此生最岩佢心水既gip!...個間隔岩佢心水.....(不過唔係呢隻色)....於是上網找找呢間Lojel.....原來係日本牌子來個磨~咁呀~去日本睇咯~




行行發現其實呢個商場唔係好岩我地行~於是落番GF層~其實呢間商場都幾多餐廳下....頭先行上面有一層全層都係d又大又靚既餐廳!GF層有food court又有cafe...精彩!




好啦~都係行下超市算喇~




又係幾大幾好行既~




無啦啦有個檔專賣榴槤~好招積~勁多榴槤~




平時去新加坡買哥d榴槤乾係一粒粒咁架嘛...呢度招積到係成舊榴槤既榴槤乾!(個價都貴好多~)




行行下又會有得坐低食生蠔!!!正呀!!!!有法國有意大利有美國有澳洲蠔....但下下都30幾40hkd一隻....不過我都就黎出發蘇格蘭~唔食呢度貴蠔住喇~






好正~無啦啦係超市入面有無招牌海鮮可以坐低...食食即炒既新加坡胡椒蟹~呢度真係好有趣~




好~行下先~




呢個我勁想食...但我最後放下...就是擁有...(依家睇番都好想食)




果汁陣好有氣勢~~




都係零食陣最吸引我~但好似big c哥度d零食吸引d咁既?




我覺得幾特別~~買左呢兩個請大比食...但大比話呢兩隻澳門都有...............我太少行澳門的超市嗎??嗚嗚......






呢兩個都好特別丫!!!煮船麵喎!入手做手信~




傳說中的蠶蟲零食...仲要有不同口味....好似do姐節目有介紹過....我....真係鼓唔起勇氣買黎試......................





我唔算多野買呀...bic c買夠....而且Paragon好多人....行一陣就走~~~搭BTS番Phrom Phong站~番酒店輕鬆一下先~一落2號出口既樓梯望落去時...................咦!!!!!!!




門口哥煲野真係呢........真係要幫一幫襯.....





咁岩又天黑黑好似想落雨~~買個番酒店嘆~~一吃....不得了的好吃!!!!才฿50=12.3hkd!!!!!!!個汁正!!豬手夠淋!!!我同毛寶搶著吃!!!d酸菜都好正~~我開頭以為蛋上面哥d係花生...點知原來係未剝皮既蒜粒~





食飽飽休息一陣~~影下頭先買既戰利品先~~都唔算多~




呢個花生唔使多介紹啦~~但呢個係麻辣火鍋味~~又要買~哥時去修格蘭我有帶去做坐車時既零食~好好味~




呢幾日買既野~~~大集合~~~你睇我為左影自己d野迫到哥個人幾緊~~~~位都無得訓~~XXD...不過都唔係好多~




再俾多張大家~因為呢張有人say緊hi~佢話想同我d戰利品影個合照~~




休息左陣再出發~~~因為預約左有d野要做~~做之前我覺得有排等於是我提議不如去食少少野~~就係預約左既地方附近求其搵d野食~(不過哥度附近無咩好食)....揀左呢間cafe~




叫左杯茶嘆一陣~฿50=12.3hkd...又幾抵喎...雖然只係茶包~但水夠熱(其實我要求都好低)




Grilled Cheese & Ham Sandwich....฿110=27hkd....俾勁多芝士...不過唔係我鐘意食既芝士~一般~但後面既薯片好好吃~~




Karaage Chicken....฿90=22.1hkd....呢個炸雞竟然平過個三文治~~~~~~~~幾平!.....而且炸得肉嫩嫩的~~~超好食!!!配埋個汁簡直一流~~~~




好喇~到左預約既時間喇~~~~我地依家行去哥間野度喇~~唔知點解望到你既背影你好似有d不安感~~




我地預約左呢間Lone Wolf Studio BKK......有人要將個紋身改圖呀~係出發之前上佢地FB預約定時間~(可揀邊個Artist幫你紋~~)





我地到左之後仲要等....等前面哥個紋完...佢再設計毛寶個改圖......回想起第一次...毛寶個紋身都係泰國紋的~今次改圖都揀番泰國唔知係咪情意結呢~




wow~wow~wow~等加紋呢個過程差唔多4小時~坐到我屁股都痛~毛寶隻腳好公主腳~





改圖佢收毛寶฿1,700=416.7hkd....都幾公道~不過可能面積唔算大~仲好貼心咁幫佢包好保鮮紙~(呢個就係我換多d錢既原因喇..因為我請左毛寶食蟹同埋送左個紋身改圖俾佢)




仲有支膏膏俾你做護理~




搞完都過哂食飯時間~所以就買便利店算啦~(其實我好開心)...來來來~~~整番個飛碟先啦~~今次試呢個~~~又有吞拿又有三文魚~~~~~重要個外皮係牛角包質地~~~~試!!




揀番個杯麵咬下先~~~~我揀呢隻塔拋菜肉碎乾撈~~฿20=4.9hkd




毛寶揀左呢兩個




番到酒店攞熱水浸左杯麵之後就俾呢個壞女人誘惑我!!勁爆好食呀大佬!!!!!!!!!!!






毛寶揀開左蟹味幼米粉食...但...唔好食..無蟹味之餘仲要食到很爆強勁的味精...我知杯麵梗有味精...但呢隻就係令人犧牲得唔值丫嘛!!!




這個乾撈就唔同喇...一副壞男人既模樣....食落仲要辣到我流鼻涕!!!!所以我呢個女孩很愛~(味精也是非一般的輕..但就是過癮!盡情愚弄我吧~~~~~~~~~~~)









2018/01/24的開心事：
正當我攞起個電話想打：你今日唔黎探狗仔喇?;[
.....既時候...........
毛寶就出現黎探狗仔喇!!!
(搖尾搖尾~~霞霞霞霞~~~)



報時：距離六公子峴港嘆世界之旅2019仲有---69日~
報時：距離北非摩洛哥之旅2019仲有---90日~