與毛寶慶生泰國食揼嘆之旅2018-09-30第二天Part 2(晴天)

星期二...番工今日d客都係kai kai的狀態...放工最好就係去跑跑步聽聽仕燊唱咩歌我聽~2019年第一跑~跑左4.14km~臨跑之前仲嚇我呀..拉緊筋哥時滴左兩粒雨落黎..但真係得兩粒...令我認為...會唔會其實頭先係有個人係我隔離跑過而滴左兩滴汗俾我?(唔好呀!!!我覺得好核突呀)....星期三....好恐佈呀喂…我臨醒前發左個惡夢呀…夢到我大肚就黎要生XXD仲愁緊死啦新年前俾人知生左B我要派利是呀…真係一闊三大XXD好彩夢醒了!(我不想未婚生子…結左婚都唔想生子XD因為我還是個小孩)…到底呢兩日係咪因為潮濕呢?...除左我有啲頭仔痛之外…d客kai既程度好高喎~放左工去放鬆放鬆~去左跑步~跑左3.5km~其實我想跑夠完整的4km..但係跑到3km時我突然超級勁爆肚餓...呈現就快斷電的狀態所以只好放棄(但我明明下午茶係食左個小餐包夾厚油呀XXD)...呢晚Mr.係fb開live…唱左首”遇到了”…好聽到呀…佢一唱呢首…我又心軟喇XXD…星期四.....好似好耐無番過完整的5個工作日....之前12月玩得太開心....搞到呢個禮拜我覺得好難過....加上呢....呢個禮拜個天色都是陰陰的....令人好唔精神~大家都要注意身體~以免生病呀~依家開始流感高峰期~.....聽日終於係我期待已久的星期五~可喜可賀可喜可賀~



2018/09/30
Day 2---Part 2(泰國,曼谷 Thailand Bangkok)
食飽就向下一個目的地前進...由於下一站話遠又唔遠...話近又唔近.....搭的士係一條大直路怕再俾的士司機mio我地...所以...行過去算了.....好彩...陰陰地天...而且呢個時間唔算太熱~




毛寶帶我遊走橫街窄巷~東影影西影影~





又見到巴士~hi~莫名的親切感~




哈哈~其實我地既節目就係要黎Ekkamai站附近的Big C~地址：78 Soi Sukhumvit 63, North Prakanong, Wattana,Bangkok 10110....話係Ekkamai站附近但又唔算好附近~又係一整條大直路~




涼爽哂~




勁大隻螄蚶~~~~仲大隻過噚晚食飯哥隻~




我最鐘意行超市的~而且呢間都幾大唔算多遊客~




呢隻豉油個包裝好懷舊...擺到成個架都係我覺得好靚好有氣勢!(好無聊的人)




搵乜也呀?個樣咁苦樓咁既?




原來有人想帶泰國幼幼米粉番澳門XXXD




本身想成棟買...點知最後又驚~買一包仔試下先~




我另外仲買左呢隻番去澳門試下~




我地仲買左呢隻濃湯媽媽米去下一個旅行蘇格蘭時食~




係小!老!闆!呀~~~~我今次立志要去小老闊原產地買好多好多番澳門~~~~~~~花多眼亂呀喂~~~





等我好興奮咁買左呢兩隻味....妖...點知澳門都有...我仲發現.....澳門有好多味...反而泰國無......我走先喇




呢個味澳門就真係無既~買番公司俾大家試下先~




呢個澳門都無~~~呢個好味~~




其實有好多其他唔同牌子既~不過我今次無買黎試~




另一區令我眼望望既焦點~




好多澳門無既味!!!!呢包我好想試..但我怕行李唔夠位放咁多包裝野....早知唔買小老闆!!嬲呀~~~下次去買番黎試~




呢隻黑色...Spicy Seafood味既鱈魚條都幾好味~~我買左d去蘇格蘭食~




係喎!!!!仲有佢!!!!!!!!




我買左辣肉碎同埋粟米味~~辣肉碎好好味~~但粟米味係偏甜哥種~我麻麻~~




我買左呢隻巨盒裝番公司做手信...一盒入面有12包細細獨立包裝才฿54=13.2hkd...一包先1hkd左右...平到!!(但我發現無人食.............)




我開頭好似話唔買的....但買下買下就......(但呢度無我噚日買哥隻好味冬蔭功香蕉乾)





華.....好重呀大佬..........................................不過買咁多好像才200多hkd....好抵玩~由於出到黎點幾兩點極!度!熱......要番酒店抖下先......係門口截的士算喇!!!個地鐵站係攞住咁多野既時候係好熱的!!!!!(等的士時我都熱到面容扭曲)




搞唔掂呀...好熱呀.......番酒店擺低d重野.......衝番落樓過對面7仔買!雪!條!解暑~我勁想食榴槤mooncake或雪條...可惜賣哂...;[




好~買呢兩隻試試~




小老闆咸蛋黃炸紫菜!!!澳門無喎~買黎試下先~~~~(最後帶左去蘇格蘭食..但不算好吃)




係酒店大堂買左生果同椰青上房抖下嘆下下午茶~(那盒生果很難吃~無味的~唔通係朝早自助早餐食淨包起黎賣?)




兩隻雪條都不錯吃~粟米雪條超多粟米~粟米控表示很開心~椰青哥支不怕假甜很解暑~




同埋我忍唔住開左哥包一包有兩款口味既利是薯片吃吃~~~我開頭仲諗點分兩隻味呢係同一包~原來真係唔同色的~兩塊一齊食好似真係食緊烤蝦點醬食咁~分開食又得~好味~得左~




椰青成個切左出黎~~~~~~~好可愛~~成個椰肉圓滾滾好可愛~




越飲越lip~




最後仲可以食埋椰肉~呢個椰青好多水好清甜又夠凍~不過椰肉不算太嫩~




泰國7仔d印花超靚超高質!!




食飽望出窗外...一睇就知勁熱...我覺得下午留係酒店攤抖呢個選擇好正確~




好涼爽呀酒店~影下頭先買左d咩先~




重點推介...我頭先係Big C入面有間藥房見到呢個盒裝的蜈蚣丸!!!!有一隻係糖衣裝香茅味同埋薄荷味的~~~我上次去蘇格蘭病左咳到痴肺就係靠入睡時含住呢隻糖衣裝我能安然入睡~而且攜帶方便!推!(我阿媽最近病左訓前都有食)




華!!!!耶穌光呀!!!!!好靚!

最近新加坡麥叔叔出左班蘭味既雪糕!!!

仲有咸蛋醬薯條!!!

好想食呀!!!!!!!!!

2019/01/10的開心事：
以為自己跑唔夠數...點知下午一番工就遇到大客~
我真係覺得自己真係好似做緊保險.....
每日番工既目標就係追數



報時：距離六公子峴港嘆世界之旅2019仲有---83日~
報時：距離北非摩洛哥之旅2019仲有---104日~