七公子聖誕百元限定哭福袋派對2018(第七屆)@16號碼頭德興(澳門)海鮮火鍋

星期四....放左工無飯食呀~去跑跑~跑左5.25km......咁凍都跑真係叻到呢!...好耐無跑過5k…感覺叻叻…因為我無飯食....所以我一路跑一路心諗…堅持多1k俾你食鍾意既野好無?最後我堅持到…亦選定我想雪雪入口泰式熱湯麵加個小食…點知路過既兩間泰麵都無開…我既努力白費左…最後我行去間齋舖食左個飯…重點係…我堂食呀!!身為一個孤獨外向症患者既傳統天秤座…呢件事係無可能發生…(但哥間野一定要少人我先會入去)…我係絕對唔會一個人堂食…十次有十次我都會外賣番屋企嘆…今日既我又打倒昨日既我!打咁大段野認屎認屁你見過未?星期五...千年等一朝~~~放工去左食關東煮…跟住行行行下光影節…假行…又坐低食下蒜蓉包同糖水…星期六…中午試左Comma Cafe....飲完啡然後又去Pace Coffee度試埋佢杯手沖(今日飲左好多啡)....然後又買左鐵餅號個雞蛋仔食~(我知!鐵餅號要吃手抓餅嘛~但哥刻無好肚餓~~下次試)....爛鬼樓哥頭真係多左好多新鋪!幾好呀~活化下~夜晚就舉行哭福派對!照舊笑到痴哂線~~~~星期日.....中午去左路環食...叫路環碼頭麵館....不過食完好口渴..........之後去左威尼斯人買優力高!....然後就回家乖乖打blog~諗住送呢篇blog俾大家做聖誕禮物丫嘛~~~~夜晚又痴餐~星期一.......番工都覺得無咩野丫~點解呀?呢個禮拜番4日之嘛~~星期四又放回歸假咯~~~跟住又去台中咯~~~~唔緊要啦~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係咪好感動呀???我送聖誕禮物俾大家呀~~~仲要係新鮮滾熱辣既七公哭福袋~~~~



今年我地揀呀揀呀揀左好耐....最後選定左16號碼頭德興(澳門)海鮮火鍋作為我地七公好重要既第七屆哭福袋派對既場地~我地揀左上海街分店~地址：澳門上海街72A至北京街170號廣發商業中心1樓 (維景酒店斜對面)...電話：2870 1186.....點解佢可以成為咁重要既第七屆哭福派對既場地?因為佢乎合左3點....1.就係岩食...打邊爐誰不愛?仲要有d小炒~....2.有房....因為我地真係好嘈.....3.開得夠夜~~收凌晨3點...因為呢個頒獎禮真係媲美叱吒頒獎禮咁長~~(今年仲要新增左人數~~有無好緊張想知加左邊個~~)...好喇~先說野食啦~~椒鹽去骨九吐...$78..好味~~




椒鹽粟米....$78...我竟然忘了吃~~哈哈~




椒鹽鴨舌...$78......呢班人到底係有幾鐘意食椒鹽野??呢個我覺得一般~~~因為佢炸左先...鴨舌都係醉鴨舌或麻辣整法正d~




跟住就係一系列既火鍋配料喇~~~象拔蚌...$1,440.....$32/兩....即係45兩?即係兩斤幾3斤?.....查實我唔係好識~~不過其實去打邊爐我勁鐘意食象拔仔~~~我覺得象拔仔刺身很鮮味~~~呢條都幾大條~~好有氣勢耶~~~~好開心~~~~好好味好新鮮~~~~~~~




仲有第二食~~~d內臟佢幫我地攞去同西芹炒~~好好味~~~




蟶子皇...$700...$25/兩....我地叫左人頭9隻~...即係$77.8/隻....佢話係來自紐西蘭的~好味~我想起我在蘇格蘭吃的~




珍珠躉....$480.......有公子很喜愛~我就麻麻~可能我係街麻麻食魚~




一食係打邊爐...二食係幫我地用蘿蔔炆~~~舊火腩抵死到~~




特級雪花肥牛....$218..好~好~味~~~美人的雪花分佈很平均~




黃牛肉...$88.......呢個牛味係出d....但我都係鐘意食有少少肥既牛肉~




日本宮崎黑毛豚肉....$98..好味~~




響鈴...$40........有公子之前食過大推~係呢度自己整既....放湯食真的很一流~(尤其放蕃茄湯).....但我更愛澧收那個就咁食同放湯一樣出色的海苔響鈴~真的很好吃~




炸香芋....冬瓜片...各$32




法國鵝肝蝦丸....$98....入面真係有舊鵝肝...幾好味




蝦膠釀豆腐卜...$48......這個一般般~




最後用一個羊腩煲收尾....真的很變態.....$298...不錯吃....我好鐘意枝竹與腐乳的結合~<3




好喇~新人係時候出場喇~~~~~~戈巴大家識啦~~~新加入既人就係貞公子既男友~為佢正名為"春艷"~~~~點解佢叫做春艷?.....請溫習呢篇2016七公子帥帥出使東京之旅入面所提及......當時單身既貞公子....在淺草寺抽到一支籤...佢抽到第三十三籤吉籤.....第一句開首就係"枯木逢春艷"....第二年佢就巧遇到佢喇~~~~~~~~~~~~~~~~~~~~~~~~~XXD.......所以佢就係貞既春艷喇~hi~春艷你知唔知好難先攞到七公哭福入場劵架~~~~要好好珍惜呀XXD......我地係咪好變態呀食咁多野





其實到最後....佢地兩個先係一對........睇完都心甜




食飽喇喎~準備好未?要進入七公哭福頒獎禮~係正式進入頒獎禮前...俾個機會大家~~重溫前六屆輝煌成績表~2012年哭福袋...2013年哭福袋...2014年哭福袋...2015年哭福袋...2016年哭福袋...2017年哭福袋.....黎到第七屆..你......準備好進入瘋狂狀態無?



今年又再增設投票環節~雖然男生無份參加交換哭福袋(因為我說我才不要抽男生的哭物XXD)....但就有投票權囉~~我地人真好~多謝我地既燒烤之星娜米為我地設計投票貼紙~




一如以往....先福後哭~今年超幸運喎~抽一次就解決了瘋狂重覆的狀態~




好~俾大家望一望d福袋先~有無心水?唔好睇漏中間打橫用報紙包住哥份喎....好恐怖呀我覺得.....個送出者形容呢個係一部分體冷氣





咦!乜咁岩呀.....經歷之前抽中潤腸既傷痛......杯公子又抽中三公子的了~查實今年哥d都好常~放心~全部都係日本買~條毛巾仔仲要係made in Japan~





三公子抽中朗公子的~環保飲管~





朗公子抽中麥公子的~係環保袋?係咪呢個名呀?可以攞去買麵包既呢...可以洗番再用~





麥公子抽中杯公子的~又係可以裝湯呀液體狀既環保袋.....今年怎麼了大家都講究環保了XXD





我抽中了貞公子的~~~華!!!!!!!!!!!!!!!!!!我覺得我抽中了咁多份日最適合我的!!!!係沙北卡一張~~~~~~我又可以飲筋勞喇~~~~~多謝貞~~~~(毛寶一路影一路說我這天大細眼的超嚴重XXD)





凱公子抽中我的~我成份都係日本買的~哈哈~我都有可循環再用既食物袋~~XXD





最後.....貞公子抽中了凱公子的分體冷氣XXXXD....睇下佢拆既時候幾誠惶誠恐XXXXD....係幾實用既~~~






之後就有投票環節啦~完全公平公正公開~每人一票~~~最後勝出者係：杯公子!!!!!!.....勝出者可以減免本餐餐膳費100元!以資獎勵~我哥票我投左俾貞公子~~實在太岩我用~~今次毛寶都有一票架~~走出潤腸陰霾XXD




好喇.....笑完一輪...大家要休息一陣喇~~~食食生果~~(送的)...邊個偷左舊橙食呀!!




食個聖誕蛋糕先啦~~~今年我地揀左Dia Dia Cake & Cookie....個蛋糕好靚呀!!!!好出色呀!!!!!!!!帥帥的公子!!!!帥帥的觀眾!!!!!





我地對個七字好敏感!所以今年第七屆我地好隆重其事!!!!!!!!仲有切蛋糕儀式!!!!!唔知有無粉絲由第一屆哭福支持到我地依家???






個蛋糕$360...又靚又好味~~~~綠茶味...仲要拿破崙皮...仲要中間有麻糬!!!!!!好!!出!!色!!!....一致讚賞~~~




食完個好味蛋糕...又到反胃大餐既開始!!!!!!!!!頒發大獎最受歡迎男女歌星喇XXD




俾大家望望哭物先~~~一望都知邊袋係我架啦XXD....痴線架!!!又有gip既出現!!!!!XXXXD.....仲有用報紙包既金華火腿XXD....多到張枱都唔夠放XXD





睇睇各人既心水XXXD

我地由殺傷力比較低的開始XXD...貞公子抽中朗公子的~無咩野~主席既殺傷力通常很低XXD..有d都俾人收購左~





杯公子抽中貞公子的.....貞公子話佢無咩哭物喎XXD夾硬入落去架喎XXD...又係休足時間...貞公子先岩岩自己係朗公子既哭物入面抽番番黎...依家自己又送出XXD....兩包休足都俾麥公子收購左XXD...麥公子你的腳到底是有多累XXD





朗公子即係我地至高無上既望席抽中杯公子的~~~通常杯公子入面實係一堆買左番黎又唔用既護膚品XXD..頂佢唔順XXD....舊年已經送出一堆豆豉同埋一個發黃既飯勺....今年又有木製鑊鏟同埋米老奇飯勺XXD....你根本都唔煮飯就咪鬼買咁多飯勺啦XXXXXD...不過主席勁鐘意米老奇飯勺...得寵到攞上手影相~~~主席好有型呀~~~~~





凱公子抽日麥公子的...很好~量很少~XXD...但哥件衫勁爆醜囉XXXD(第二張相凱公子有穿上)....話係淘X度淘既哺乳衫XXXD遮到d咩呀XXXXXD.......同埋我發現麥公子哭物好鐘意入廚廁用品XXD...我抽過佢既廚廁哭物...勁多沖涼洗頭潤膚野....凱公子手上還有袖珍本的詩詞集....麥公子你幾時咁有文學修養!?!?!?XXXXD





三公子抽中凱公子的~毛寶勁開心~因為佢開頭以為凱公子只有報紙包住既金華火腿...點知仲有成袋XXXXD......原來金華火腿係聖誕棉花糖XXD...全部野都好醜呀XXD.....哥個財神發光頭cool係咩一回事?!?!!XXD.....仲有加濕口包...毛寶本身說幾好呀...點知凱公子說：口包用完...淨下加濕哥包野XXXXXD點樣呀XXXD....仲有一個Two thousand and ten既big band月曆...點呀XXD.....2010年喎....但有一樣野春艷同戈巴都有出手...就係澳門路牌既磁石...點知毛寶有絕對收購權..佢自己要左~其他回收率好低XXD





我.......抽中三公子的.......................妖!!!!我有個一模一樣既gip囉XXD...............而且攞上手極重XXD......老實講：入面無一樣野岩我重用....佢d野極醜......有一套花花杯碟....醜到呀...我見貞有興趣既...我落力sell.....點知貞望真d唔理我...然後我見有個經理行入黎望下我地.....話我地玩得咁開心...然後讚哥套杯碟好靚..我：喂!唔好客氣喎!我送俾你丫!.......經理姐姐：真架?多謝你呀!......我一野塞入佢手....心情開朗~(套杯碟係m&m碟隔離)........仲有我完全估唔到...有人瘋搶紫砂茶壺!!!我好開心呀XXD...你地快d搶啦XXD.....最開心既係對白色無印鞋經理姐姐都幫我收購左XXD(查實最後佢連個gip都幫我收購埋)





你又不得不佩服毛寶...哭物個gip入面都執得咁整齊~




終極大獎!麥公子抽我袋哭物XXD......唔好見我頒獎頒得咁輕鬆......袋野堅重XXXXD....你睇下真係要拖行架XXD





我籌備左3個月XXD....暑假哥期我咪狂執野既XXD...依家咪派上用場囉~~~~~~~~我堅係量多~~~~~~而且係玩具多XXD





個個開頭都話唔想抽中我哥袋架~但其實個個都心知我哥袋好多都可以回收XXD.....d野好多都全新~錄片哥時都好似得一個話唔想抽中我哥袋之嘛~拿...你睇下個個都攞得幾開心~




攞下攞下都攞左好多XXD.....同埋最開心係咩呀???經理姐姐同d工作人員加入哭袋環節呀~我地話好多全新公仔同玩具佢地全部接收哂~~~~~~~~~~~~~~XXXD........(聽到最鐘意我d哭物既係兩位小公子~~~杯話佢地噚日星期日玩左成日我d哭物XXD....我懷疑可能八寶大d都會鐘意t姐姐既哭物XXD)....同埋我今日我俾衰婆睇我地哭福袋盛況...她幽幽的說：你d哭物好靚呀...我...都好想要呀.......我會想用$200買哂你全袋哭物XXXD...你地到底有幾愛我d哭物???所以你眼中的哭....很可能係別人的福~




經過投票....今年哭袋哭中哭...係又醜回收率又低係凱公子以9票奪得!!!(即係連佢自己都投番俾佢自己XXD)




呢餐食左$5,578....每人$619.8....食得開心又玩得開心~真心百貨對百客........最開心係....連公子都唔回收既哭物....餐廳既姐姐勁開心幫我地回收哂~~~~~~(下年哭袋一於預埋姐姐們玩).....我認為第七屆真心大成功!!!!!!!!!!!!!!!!!!!!!!!!!!!!!!!!!成個哭福頒獎禮連食連玩由7點到凌晨1點XXD....整整6小時...下年都不作他選XXD




好啦~最後~七公子加兩位男生祝大家：聖誕快樂~~....參加七公聚會就是要學會做帥帥的就是你!!!!我宣佈!!七公子第七屆聖誕百元限定哭福袋派對...大成功!!完美落幕!!!







我今日開左成10次電腦......
先可以上網見到大家架!!!
我算係幾有誠意同耐性...
我估....我要買新電腦喇...嗚嗚...
可能隨時被消失;[



好多謝七公子~

每年我都覺得呢個聖誕趴地好有意思~

一方面推動環保...

二黎.....你係唔會估到呢班人既屋企點解會有咁多野一樣XXD

今年送俾大家既聖誕禮物..
滿意嗎?XD
希望七公子能為大家送上點點節日氣氛及歡笑~:D



2018/12/17的開心事：
送左聖誕禮物俾大家~~~~
*****************************
我又喜又悲....
悲既係我剛剛愛上樓下便利店d蒸點心
佢今天跟我說要倒閉結業喇!!!
喜既係.....佢所有零食半價....................
好糾結....我買左兩包黑朱古力麥提莎..
一包大既卡樂b.....
一包杏仁脆片紫菜...
仲有一包薯條......才$30.3!!!!
好興奮!!!聽朝再買!!!



報時：距離與三大長老聖誕台中遊2018仲有---4日~
報時：距離六公子峴港嘆世界之旅仲有---107日~
哈哈~係度預祝大家聖誕快樂~
預祝埋冬至同家人團團圓圓~~~~~
食個暖笠笠既冬至飯~~~~
(因為我已預知我有咩海鮮食~~好期待XXD)
我仲有4日就飛喇~~~~本年度最後一個旅行~
依家去要執野喇~~~~~
聖誕節不要太想我呀~~也不要不想我呀~~*3*
同埋祝福我臭到supper船呀~~~~~~~~
我好耐無見過佢地喇~~~~