與毛寶慶生泰國食揼嘆之旅2018-09-29第一天Part 1(又天晴又雷暴)

hi~我番左黎喇~我上星期六番到澳門~有無掛字我先~有要出聲呀~愛要說出口嘛~~~今次去日本又食左好多野~試左d未試過既野~好開心~~~~~星期一....我地呢日補假呀~~真係好喇~~晨早起身口腫鼻腫咁去影證件相...噚日毛寶幫我剪左頭毛...等我可以露出眼眉影護照相~對對...我的護照就黎夠10年喇~~影完就襯呢個唔係人人放假既日子去食一碗肥仔記啦!點知我11點幾去到...已經無哂雞翼...............咁早都無真虐心....之後去左銀行申請張新既信用卡啦~呢日用黎搞銀行野真係好~~我好滿意呢日咩都搞齊~唯一不滿係咁早都食唔到雞翼......星期二....又放完假番工…放左工去跑跑…幾勁呀跑左4.09km…最勁既係…咁凍我都有去跑!為自己鼓掌~~~~星期三…今日過得好好~無咩客蝦我~少少西面哥d唔算~~係咪好驚喜呢突然星期三出blog~~~我自己都好驚喜~~但近排電腦成日都開唔到機...真係出得既時候要快快出~~~心情上黎講我以為自己將要過周末~(因為通常出完blog第二日就會係星期五...但依家唔係~哈哈~)



2018/09/29
Day 1---Part 1(澳門 Macau->泰國,曼谷 Thailand,Bangkok)
好咯好咯~終於都出發去泰國喇~~~今日咁凍出泰國篇就最岩架喇~~~我計計下....華..有成8年無去過泰國喇原來!!!點解有一個亞洲既地方澳門有得飛唔算太遠既....我可以咁耐都無去過既?!(成日都驚呢樣又驚哥樣).......然後....因為今年既年頭....見毛寶生日唔使請假都有成4日假喎!咁就講下不如去旅行過生日啦~諗左好耐去邊..因為國慶假期去邊度d機票都勁貴之下(如果唔貴4日假我其實可以去大阪走番轉的..但佢就係貴)......睇下d機票台灣同泰國差唔多咋喎!...泰國仲要飛遠d之下.....咁梗係揀泰國啦!....所以就.....飛咯~hi~呢日又係超早出發~~~~~又係出發前兩日預約電召的士..不過今次個司機d態度衰到無人有!你衰我咪唔俾小費你囉~你咪衰態度飽佢囉~(其實我次次搭親哥d都超好人~)....6點幾到機場~check左in~寄埋行李~(行李出發8.6kg)...喂~hi~生日快樂喎~去泰國著到成個泰仔咁呀~




晨早流流6點幾7點....梗係入lounge食個早餐先啦~我!勁!開!心!!!!好耐早餐無試過出咖哩角呀!!!仲有鐵膽蝦片~哥塊漢堡扒真係要提醒我自己...千x祈唔好再食XXD




呢日我地坐澳門航空NX886號班機係08:40由澳門直飛到泰國曼谷~(好早呀可?無計啦...窮丫嘛...國慶d機票好貴架!)...由於3-3坐法我同毛寶坐通道和中間位~所以窗口只能偷偷影~好彩窗口位乘客訓成程~如果唔係會以為我偷影佢~XXD




填填入境表~我好耐未填過泰國入境表~好彩唔太難填~




我勁驚喜!!!個飛機餐...係西式早餐?!?!.......我未試過係澳航食西式早餐架!!!而且幾出色下喎!!!!塊火腿好好食!上面白色我以為係牛奶布丁...點知原來係原味乳酪(呢d唔係獨立包裝既乳酪我不敢多吃...生怕瀨屎)




大約3小時就到左曼谷喇~曼谷有兩個國際機場既~澳門航空係停係新d既BKK...即係蘇凡納布機場(Suvarnabhumi Airport)....回程時唔好去錯機場呀~另一個好像是DMK




個海關完全係你想像唔到既多人....明明見到前排有人話澳門特區護照可以自助過關架...點解唔見既?係咪得DMK哥邊先有???等過關都等左大半個鐘~勁爆慢~




出左海關攞左行李...未出禁區時....首先要做既野係：買電話卡~好似已經有3-4間在禁區內~




最後揀左呢間...因為....目測佢少d人等~~~~~~~~




我地揀左7天套餐任上網~฿200=49hkd.....其實...我同毛寶仲係身無分文...........我地問左同事借泰銖共渡難關先~匯率陣間講~張電話卡又幾抵喎~而且收得也不錯~賣電話卡既姐姐超快手~又登記又幫我地換卡~




買完電話卡出禁區~華~新機場果然係新機場~有一剎那我以為自己在關西機場~由於我太耐無去曼谷~所有野對我黎講都係新鮮既~





之前出發時我竟然痴左線咁研究點樣係機場出市區....話哂8年無黎過丫嘛....睇左搭咩city line呀...express line呀....仲懶q叻咁同毛寶匯報點樣搭點樣轉線...毛寶一味哦哦哦咁聽......到左泰國之後...毛寶說：點解唔搭的士je.....我：下...你有問人幾錢度架?....毛寶：下...大約฿400咋喎.....我：會唔會好塞車架?....毛寶：人地鬼得閒同你塞呀....上高速公路架嘛........我：..............那我之前做的功課是為了什麼?.........的士站在出了禁區的下一層.....有哂清楚指示~仲有large taxi~多人黎都唔怕~




仲有系統到有飛仔禁呀!攞左飛就會顯示你去邊個號碼~我地被分配到44號叔叔~





叔叔好好人~英文唔太叻搵google老師同我地盡力溝通~一出機場就上高速公路~





頭先一出機場已經feel到熱力~




逢係經過高速公路收費處司機叔叔會直接問你攞錢俾~幾好丫~...俾左兩次高速公路收費...一次฿60=14.7hkd....一次฿10=2.5hkd....都幾平~




一出左高速公路出口已見到塞車...你估曼谷塞車講笑呀?




好衝擊眼球呀!!曼谷仲有呢種巴士!!又諗起細個去秋季旅行~




經過一間充滿泰式風味既starbucks~




大約一小時就黎到我地呢幾晚既酒店喇~叫Hyatt Place Bangkok Sukhumvit....(最近的BTS站是Phrom Phong)....地址：22/5 Sukhumvit 24 Alley, Khwaeng Khlong Tan, Khet Khlong Toei, Krung Thep Maha Nakhon 10110....泰文地址：22/5 สุขุมวิท 24 แขวง คลองตัน เขต คลองเตย กรุงเทพมหานคร 10110...好像預備埋泰文地址會穩妥點~的士起錶฿35=8.6hkd....係機場出黎要俾多฿50=12.3hkd....車費加埋係฿450=110.3hkd....點知我俾฿500司機叔叔話無散紙....那~算了吧~....查實幾抵....搭左成個鐘才百多元.....





搭lip上到check in樓層....算好快做到check in.....我訂房時表示希望可以early check in~~因為自己早機云云....好感謝佢真係有房~多謝~(因為真係好早..才中午左右~)




reception有detox水任飲~




仲有電腦用~同埋有野飲買~





我地好似係住23樓呀~好開心~~~~~~高高的~






特登訂間大d既房~3晚房價2574hkd...每晚858hkd....都幾唔錯~呢個人話要訓雙人床喎...因為佢話去到泰國好驚喎XXD..........梳化勁大~唯一怪異係電視係床既側邊....要扭住頭睇電視....可能佢想坐係梳化同床都睇到卦!







廁所...不過實際用起上黎一般般...因為如果你痾緊屎時浴室門又開唔到...呢度既最大優點應該係新...開左年幾兩年度~




另一個優點係插頭...因為無論圓插方插扁插兩腳三腳既都用到~




放低行李洗埋面就出發啦~臨出發前參觀埋個泳池先~




同一層仲有健身室~






呢間酒店住得太高都唔係幾好...因為我地出街時發現...我地哥層部lip最低只可落到reception哥層...要再轉lip先落到地下~煩~......點都好~出發~~~~老爺走在曼谷街頭真帥氣~(住過3晚後感想：由酒店行去最近的BTS站Phrom Phong....大約5分鐘....但呢條路好多燈柱或其他障礙物..一d都唔好行...俾我再揀我唔會住呢間~)




首先行過酒店街頭的Emporium百貨....個側門好無氣勢~~哈哈~




點知人地係幾間大百貨公司連埋一齊..咁就........迷路了~其實呢個商場無咩岩我行~好不容易上到foodcourt哥層~本身諗住係度食~點知無老爺想食既海南雞脾飯..同埋呢度好熱....敗走!




又幾經辛苦先搵到路出番去~~由商場去BTS站條通道很美~(我最怕呢d搵黎搵去既商場....所以我好驚海港城XD)




本身想增值同事借俾我地既BTS儲值卡(有無專業名詞?)...點知條隊長到.........排隊買飛啦...企左一陣...我地無硬幣架喎~




排另外一邊可入紙幣既....買飛又考起我地一陣~加上後面有人排隊....感到有壓力~(事實上唔難用既~)






好耐無坐過BTS喇~~~呢個時候已經開始好熱.......中午d太陽辣到呀......講番先喇...點解我咁熱?因為我著長褲囉~~唔係我傻仔唔知泰國熱呀.....係哥期佢地有登革熱呀....我好易俾蚊咬架!!所以著長褲等自己無咁驚喇~




搭到去Asok站~來到了連接住既Terminal 21~




之前見到人地d blog見到呢個商場好過癮架喎~層層有唔同主題~~~第一層~東京~d牌真係好似機場~~哈哈~





第二層~倫敦~~d巴士造型幾得意~






第三層~~伊斯坦堡~~d燈好靚~






第四層~~三藩市~~呢層有好多西餐廳~









喂!!我宣佈!!
今個禮拜六係第7屆既7公哭福大賽!!!!!!!!
第7屆真的別具意義!
今年除左戈巴之外仲有個新人加入!!!
好咪好緊張呢!!!!!
今年有新人加入我唔可以失禮人既!!
我個哭袋要有幾大得幾大!!!!!!
很期待~



2018/12/12的開心事：
哈哈...成個12月先第一次寫blog~~
喂~~濕爬倒數會黎澳門呀~~~~
衝呀喂~~~~~~~
(保佑我接到佢地船呀~~我唔想再試台灣哥種失落呀!)
介紹埋新歌MV先~"Love is Nearby"~

報時：距離與三大長老聖誕台中遊2018仲有---9日~
報時：距離六公子峴港嘆世界之旅仲有---112日~
係喎!唔記得報告番!!!
我出年個大假搞掂左!!
等緊毛寶闖關!!
多謝大家祝福~~~
暫時諗左去一個地方咋~~
其他未有plan~