與毛寶慶生泰國食揼嘆之旅2018-09-29第一天Part 2(又天晴又雷暴)

Hello~大家好~我回來了~~~上星期二.....幾叻呀我…放工去跑左3.49km…完成了本年度既第50跑!成就非凡!但亦係本年度既收爐跑XXD…上星期三…一起身爆勁頭痛…呢日狂吃止痛藥下完成工作天…誰說我是個事業心不強的女孩?XXD…放工去慶祝明天回歸…食左pizza乞…查實我覺得他們家的辣味雞翼挺不錯…食飽就閒著無事幹呀…明天又不用去上班…去左睇比悲傷更悲傷的故事…我從來無諗過要去睇…因知佢改篇自韓國那套…一睇就知係啲哭哭啼啼既戲…但呢晚反正閒著沒事幹…抱著挑戰的心態去看…原來看前我跟毛寶各自心裏應承自己…不會敗給這戲…我最後打敗仗了(非常無聊的承諾XXD)…但必須承認…故事真的一般…劇情也老土到震…上星期四…回歸嘛…放假囉XXD…可惜頭痛8點醒左訓唔番…嘥料…9點打去卜埋後日出機場的士…中午去左文華東方嘆…下午訓晏覺…夜晚回家開2人p…上星期五…終於都番完工可以放假喇！！！超開心…放左工同屋企人去啲中式酒樓食造冬飯…我食到超飽好開心…食飽就跑回家執行李！上星期六至今個星期二都在台中過聖誕…想知我玩得開唔開心…遲下話你知XXD…星期三…仲係放緊聖誕假…中午臭毛寶放工…本身想食comma cafe....點知佢無位....之後食左麻辣無情...呢間係食麵既...er唔呀......我食唔哂成個麵...........下午無野做~睇下溏心風暴.....夜晚出左去同我阿媽食榮江~星期四.....要!番!工!喇!!!!!但都無咩話太唔開心~因為點呀~番埋聽日又可以過周末喇~~~~~yoho~~今日買左飛明晚去看戲~



2018/09/29
Day 1---Part 2(澳門 Macau->泰國,曼谷 Thailand Bangkok)
上回講到我地行到Terminal 21~依家行到黎我地想去既第五層~三藩市~碼頭部份~




無錯~我地係要黎食中午飯既~~黎到food court哥層~排隊買張卡先~又幾靚喎~我地好似入左฿200入去~(用唔哂可退卡取回錢~)...到呢個時候我地係仲未換錢的~~哈哈~仲係用緊借番黎哥d~





搵下食咩先~




睇哂全部檔仔~都係得呢檔有海南雞飯食~(但都係無壽星想食的海南雞脾飯~)...都試下啦~





叫左個Hainanese Chicken with Rice...฿32=7.8hkd....好震撼呀!!!!!!!!!10hkd都唔使?!?!?!?!?!不過個飯就偏細既....但都好平丫!!!!!





另外就叫左個Hainanese Chicken Set....฿100=24.5hkd....買既時候諗左好耐同頭先哥個有咩唔同...原來係雞同飯都大d!廿幾蚊咁多雞真係幾抵!





兩個汁都勁好食!!!!黑豉油唔使講啦....我長期最愛!...估唔到哥個辣汁都咁正!!




d雞一半半啦~有d係勁爆滑!有d就鞋既...講真滑哥d真係好正~




野飲叫左椰青...฿28=6.9hkd....佢地d椰青真係好清甜同多水~透心涼~~




生日快樂呀小壽星~




食飽飽行下呢個商場啦~仲有條金門大橋幾有氣勢~





行行下無啦啦有架電單車就行上去影張帥照..但佢個造型勁似泰仔揸電單車去買餸XXD....跟住我就幫佢改左個名叫"察猜.Boom.罷娃"XXXD...好無聽呀~~~(我仲幫佢作左首歌添呀：boom罷boom~boom罷boom~boom罷察猜boom罷boom~~~~~....然後不停重覆...可以由天光唱到天黑...但個音我係唔會話俾你知~~~XXD....所以我可以話同仕燊一樣都係音樂人XXXD)




呢個商場查實無咩岩我地行~都係呢度最底層藥房最岩我買~呢支按摩膏聽講好好用~有人叫我地買..我又唔執輸買番支~฿85=20.8hkd....





仲買左呢隻喉糖~不過我之後去旅行病左有食過覺得效力一般~




仲有網上話好好用又好香既蚊怕水...買左支細既試試佢先~特價中฿69=16.9hkd...如果好用下次大舉買入~





呢個要瘋狂推介...蜈蚣丸呀!!!!係咪用真既蜈蚣製成...er..我又唔係好知...佢要黎做咩?止咳丸黎架!我係之後哥個旅行無啦啦喉痛...跟住咳....你明架啦..d咳仲要係訓哥刻先係最利害既!咳到我訓唔到...於是毛寶訓著都弱弱的說：你食d蜈蚣丸啦...........跟住我口含佢係喉嚨"ding"入睡....然後成晚成個世界靜哂~~~~~~...之後我每晚都有食...訓得勁好!不過佢都有弱點既...就係個味好L酸叔......而且口含係歷久不溶....利害!...฿180=44.1hkd....有一大紮.....大約12小包...每小包我估有成廿幾粒..但每次只係食2-4粒...每包才3.7hkd...真心work!....但唔知特別人士食唔食得(如大肚或小孩)




仲有呢支之前毛寶有同事買黎送俾佢既暗瘡水..佢話好好用!...每支才฿60=14.7hkd!!!!!!好離譜!!!喪買黎送俾人~~




咦...買到有d心虛喎...我：喂..我地係時候要去換錢喇......




Terminal 21連住BTS站已有兌換店....但抵唔抵..我唔知...因為我深信唔係換一百幾廿萬應該相去不遠~





呢日既匯率係4.08....即฿4.08=1hkd....我同毛寶仲話：都幾好喎匯率!....(點解咁講因為之前試過去泰國係3點幾匯率...咸豐年之前)......但換完我就偷聽到後面的情侶說：華!得4.08...上次有4.13架!差咁遠!唔換喇!........等我仲覺得好抵...我換左4,000hkd呀!...不過我係有野做先換咁多...毛寶換左2,000hkd都夠洗...建議唔好換咁多先




諗住番酒店小休一陣...因為真係太熱..熱到我條褲濕q哂....行過便利店~買左呢個大比話好好用既除黑頭貼~฿299=73.3hkd..有6小罐仔~1罐12.2hkd...1罐仔可用多次...大比話澳門代購賣2x澳門幣~




仲買左呢隻2 in 1既利事時片~~~~一包入面有兩隻味?!好有趣呀~~一隻係烤蝦味!一隻係點烤蝦哥隻醬既味~




頭先買左呢d~我知哥支通鼻澳門藥房都有~不過我就係鐘意買~




休息到大約5點左右我地又出門口啦~我地要去食毛寶的生日大餐喇!!!揀左建興酒家(Somboon Seafood)!...佢好像有幾家分店....我地揀左Central Embassy商場內那家(Central Embassy位於BTS既ChitLom站同PloenChit站中間...但好像是PloenChit站近少少咁多...係1號出口出跟住指示行就會到~)...因為同事推介話呢間少人d~(好像在5樓)..其實我地今朝酒店check in時諗住叫reception幫我地打去訂位的...但佢話俾我地知呢間只可walk in~(酷酷的).......好啦...咁我唯有早d食飯啦~(看到老爺瀟灑的背影嗎XXD)




5點半呢個時候黎好彩唔使等位...但一坐低就發現.....好多枱人食緊!!!好勁!





重點是要來食蟹呀!!!佢有好多種唔同整法~~餐牌有中文的~很好~




由於第一次黎鄉下仔唔係好知點叫好....所以問佢其實d蟹大約幾大隻?(因為怕叫多左或叫少左野食~)....於是侍應豪氣的攞兩隻出黎俾我地睇睇~佢話呢隻大約係฿1,380=338.2hkd/隻...成個托盤都滿哂!!都幾大隻喎~試下咯~~~




炒嫩苦瓜葉...฿140=34.3hkd....勁好食!!我第一次苦瓜葉!




我地叫野食時叫左幾款海鮮既..有d蒸..有d烤..點知佢話我地叫哥幾樣不如叫呢個烤雜會海鮮...฿400=98hkd(小)....我地都覺得個主意唔錯~於是叫左...攞到出黎...又係幾有氣勢喎~又青口又魷魚又蝦又螄蚶~




而且螄蚶也挺大的一隻~不!過!...............我本身係想叫水燙既螄蚶(即半生熟哥d呢).........而呢碟烤海鮮.....烤到過哂火囉....全部野都過熟既狀態...蝦又老......如果你地去千萬唔好叫呢個烤既雜錦海鮮~




呢碟野唯一好食係個魷魚....而呢個烤海鮮跟既3個汁就非常出色!!!!尤其最右手邊哥個!點魷魚食好好味~~~~救番個海鮮盤不少~




千呼!萬喚!始出來!!!!點你都估唔到....隻蟹我地揀左蒸蟹呢個整法~個個都推介黎呢度要食咖哩蟹.....但...我地去完呢個旅行番到澳門唔夠兩個禮拜就會出發蘇格蘭呀...唔想喉嚨有閃失~決定揀唔熱氣既蒸黎食~反正我地都鐘意食原汁原味~呢隻挺有氣勢的฿1,380=338.2hkd....排得幾有氣勢呀~




老實講...佢隻肉蟹真係又大又新鮮!!!!!超勁多膏!!!!!!d膏勁好食~~~~~~~~~~~~~~~~~~~~~~好耐無食過咁大咁正既肉蟹!!!!





蟹鉗都好大~~~~好味~~而且好足肉~




佢話佢好鐘意佢個3歲生日餐架~




呢餐食左฿2,244=550hkd......我覺得淨係為左隻大蟹已經要可以再黎一次~最多下次我唔叫烤海鮮啦~我逐樣叫揀我心水煮法~(我下次去要食咖哩蟹~)




番出黎有人話想痾屎...(我無講係邊個呀).....我坐低等佢...驚覺餐廳外已有一大堆人黎食...好彩早食唔使等je~




痾完屎諗住行下呢個商場....呢個應該係d貴婦百貨黎既...地下層好多名店...我地行左上最高哥層...諗住假行下涼下冷氣..一上到黎發現.....好!靚!呀!!!!!!!好似去左日本旅行呀!!!!!(到底係有幾愛去日本?)






仲有隻交叉眼公仔~XD..(我忘了佢叫咩名...恕我now仔..我常忘)




勁似枚方哥間驀屋書店~~~~~~真係好似去左日本~






呢度除左好有日本味之外....仲發現到有個好靚既女仔一枚!!!!XXD




而且呢度有少少得意野買~泰國真係好愛出通鼻產品~~~呢個外型又靚!!!d味仲好特別!!!!左邊既係班蘭味!!!!右邊係聽落好普通既青檸味!但聞落勁似檸檬茶味~~~~好有趣~~~我地勁買黎做手信~~~~~(班蘭味俾我地買斷市)




呢層仲有間北歐風bb衫~




行落幾層有間賣山系野既..有Mont Bell~不過唔係泰國買了~商場中間有檔係賣d植物...仲有workshop架~





仲有勁大個生態瓶..毛寶看了好久的~(我地兩個都幾無聊..因為呢間野其實已經收左工無人係度~)





呢個商場最底層仲有間超市....一入場有張折卡派....見佢哥d標價不停咁話有折..又買幾送幾咁...由於我未睇過出面市價幾多....所以我評價唔到佢係咪真係咁抵~哈哈




呢個小小小小胡椒粉勁得意呀!!!!!毛寶說：你未見過咩?....我：未呀~~




見到呢個冬蔭功香蕉片你見到一定要買呀!!!大推!!!唔係間間超市有!!!!฿75=18.4hkd...唔貴!!!勁好味!!!!(係超級勁爆好味先岩...一食就停唔到口哥種...)....重點係：係咸既唔係甜既!!!!!!好出色呀呢個!!!!佢入面仲有九層塔同埋蝦仔....勁惹味~~~毛寶同事買過番黎大家都超愛吃!!!!!我假買左兩包..心諗之後去哥d平價超可能仲平...點知....無再見過...................嗚嗚嗚...............




買完攞番d野番酒店....呢段路落雷雨~~~~之後立即貢出黎~~~因為係mapsme度睇到酒店附近有間按摩唔錯...又開到凌晨兩點...去看看~~~叫Asia Herb Association.......我地附近哥間分店係Sukhumvit 24.....地址：50/6 Sukhumvit Soi 24, Klongton, Klongtoey, Bangkok......




reception問我地有無reserve...我地話無..佢查下電腦話仲有位~~yeah~(如果真係想按....建議一定要網上先預約..因為..真係好多人!)....行左成日隻腳好攰~要按按~我地揀左個半鐘100% pure blend oil foot massage+head and shoulder massage~個半鐘才฿800=196.1hkd...對我來說價錢不錯~




然後佢問我地係咪會員我地話唔係...佢話幫我地即時入會~做左會員仲有得平d~變左฿760=186.3hkd...同埋係部機度揀埋按摩力度~




然後佢叫我地去大堂坐坐~換換拖鞋~用類似酒店即棄拖~安心~我襯機上上廁所先~





然後幫我地按摩的兩位靚靚就帶我地去洗洗臭腳先~(跨過呢個水池時係一舊舊分開既木...佢叫我：be careful~.....我大聲回答：係!.............傻西瓜的我以為自己去左日本)




那位小姐的手很溫柔的幫我洗臭腳~真的很溫柔~





洗完然後隨即帶我地去按摩~~位與位之間有輕紗隔開~都有私隱....我同毛寶同一個area~張櫈好舒服~成張按摩椅咁~~燈光好舒服~~音樂好舒服~~~~~~~~~然後幫我吸好被....佢就擦精油開始觸碰我的左腳.....一接觸...天呀!!!!!天底下點解有人隻手咁滑咁溫柔!!!!!!!!!!!!!好舒服好舒服呀!!!!!!!!按完左腳.....完全疲倦盡消!!!!!!!我感到我的右腳在投訴了!!!!按埋右腳......之後用熱毛巾一野撻落我個頭....d香茅味超香...好舒服~再按頭~~~膊頭~~~天呀~~~~~~我依家諗起都好想再去呀~~~~~~~~~~~~~(唯一美中不足係隔離area個男人玩四手按摩....佢舒服到訓左...而且...鼻塞超嘈..........)...張相有少少咸濕.....




完成後帶我地出去飲杯熱既香茅茶...好舒服呀成件事....180蚊抵俾啦~由於太舒服我地仲另外俾左貼士俾姐姐~飲完茶著鞋時我同毛寶講：聽晚再黎咯~.....毛寶：好呀~聽晚兩個鐘咯~....我：好呀~~~~~~~








咦~2018年最後一篇blog喇喎~
點都發表下d野啦~
唔....又無咩大件事發生既....
係又換左老闆囉~
唔知我地哥個部門咩事~
短短3年間換左3次老闆...
唔通真係咁三剎位?XXD
同埋今年又無咩唔開心~
都過得幾好丫~係近距離接觸仕燊寶寶既機會很少~
仲有今年瘋瘋的去左7次旅行~
好勁喎!!!今年哥7次旅行無一次係生理期喎~
開心得我丫~~~~~~~~(好無聊既統計)
老土d都要講句既...
祝大家：happy new year~~~
乜都好~身體健康~~
祝我2019年瘋狂有得見仕燊~(毛寶一定好驚)
好希望12月31日可以近距離接下觸下佢地~
保佑我~



出完上次哥個哭福袋篇之後我個電腦就宣佈死亡~

我本身無諗住今日出blog既...(咩即!無電腦丫嘛!)
依家係偷左毛寶部電腦番屋企寫....
越窮既時候就越多野壞~
就好似牛歡he一定要同咸先菜一齊炒一樣...
定劣黎既.....



2018/12/28的開心事：
我幾勁呀~~
我之前平安夜係台灣上網買到濕爬出年澳門站既尾場演唱會!!
即係我可以睇哂兩場喇~~~我好開心呀~~~~~
yeah~~~~
*****************************************************
今日無驚無險地下班了~
仲有兩大美人放工探我班~~~開心~~



報時：距離六公子峴港嘆世界之旅仲有---97日~
我地仲未訂酒店呀公子~~~~~~~~